23/02/2026
** Mahadnaq**
Shirkadda weyn ee Omar International Company (OMINGO) ayaa shalay oo ay taariikhdu ahayd 22/02/2026 deeq raashin ah ku wareejisay Cusbitaalka Qaaxada Hargeysa.
Deeqdan oo loogu talagalay bukaan-jiifka cusbitaalka qaaxada ee magaalada Hargeysa ayaa ka koobnayd 10 nooc oo raashin ah, kuwaas oo ay kamid ahaayeen: bariis, daqiiq, saliid, baasto (makarooni), caano-boodhe iyo agab kale oo muhiim u ah nafaqada bukaannada la ildaran xanuunka qaaxada.
Raashinkan deeqda ah waxaa si rasmi ah uga guddoomay maamulka cusbitaalka, gaar ahaan Admin and Finance-ka cusbitaalka qaaxada Hargeysa, Mudane **Mr. Farhan Abdilaahi Muumin**, oo uga mahadceliyey shirkadda OMINGO garab istaagga ay u muujisay bukaannada iyo guud ahaan bahda caafimaadka.
Maamulka cusbitaalka qaaxada Hargeysa waxay si qoto dheer ugu mahadnaqeen shirkadda Omar International Company (OMINGO) deeqdan qiimaha badan leh, iyagoo xusay in ay wax weyn ka tari doonto daryeelka iyo nafaqeynta bukaannada jiifa cusbitaalka.
Ugu dambayn, maamulka iyo shaqaalaha cusbitaalka qaaxada Hargeysa waxay ugu baaqeen shirkadaha kale iyo ganacsatada in ay ku daydaan tallaabadan samafalka ah, si loo xoojiyo taageerada caafimaad ee bulshada.
