Dr. Nuuradiin Dr.Garaad

Dr. Nuuradiin Dr.Garaad MBCHB| Mmed | Peads specialist, (Stell, SA)
Dakhtarka carruurta iyo dhalaanka

Daa’if Pediatrics Clinic, koonaha Bari ee City Center|📞521559 |

10/08/2026

Ilmaha miisaankiisu bil kasta isku si uma kordho. Bilaha h**e miisaanku si dhakhso ah ayuu u kordhaa, laakiin marka uu sannad ku soo dhawaado wuu yara gaabiyaa, taasina waa caadi. Tusaale ahaan, hooyo ayaa odhan karta: “Ilmahaygu markuu 5 bilood jiray 8 kg ayuu ahaa, imikana sannad buu jiraa oo 10 kg oo keliya ayuu yahay.” Macnaheedu maaha in ilmahaas koritaankiisu xun yahay. Isagoo 5 bilood jira, haddii miisaankiisu 8 kg ahaa, wuu ka sarreeyay celceliska da’diisa; markuu sannad gaadho oo uu 10 kg yahayna, weli miisaan wanaagsan ayuu leeyahay. Muhiimaddu waa in da’da ilmaha iyo miisaankiisa la isla eego, ee maaha in miisaankiisu uu si xawli ah u kordho marba marka ka danbaysa. Taasi macquul maaha!

Miisaanka ilmaha hal mar oo keliya laguma qiimeeyo. Waxa loo baahan yahay in waalidku mar kasta la socdo: bishii h**e halkuu miisaankiisu marayay, dhawr bilood ka dibna halkuu marayo. Sidaas ayaa lagu ogaan karaa in ilmuhu si fiican u korayo, miisaankiisu meel kaliya uu taagan yahay, ama uu hoos u sii socdo. Laba carruur ah oo sannad jira, mid wuxuu noqon karaa 10 kg, midna 12 kg; labaduba way caafimaad qabi karaan.

09/08/2026

Marka laga hadlayo inuu ilmuhu hadlayo ama uu ka habsaamay iyo in kale, hadalka afkiisa ka soo baxaya oo keliya lama eego oo kaasoo kaliya lama qiimeeyo; waxa kale oo muhiim ah inta uu ilmuhu fahmayo.

Tusaale ahaan, ilmaha lagu idhaahdo “kubbadda ii keen,” “kabahaaga soo qaado,” “aabe u tag,” ama “koobka miiska saar.” Haddii uu fahmo oo sameeyo waxaad ka codsatay, waxay ina tusaysaa in fahamkiisa hadalku shaqaynayo. Tan waxa la idhaahdaa (receptive language)

Dhinaca kale eeg waxa uu ilmuhu isagu kuu sheegi karo: ma leeyahay erayo macno leh sida “hooyo,” “aabe,” “biyo” ama “caano”? Ma kuu tilmaami karaa waxa uu doonayo? Erayadiisuna bilba bisha ka dambaysa ma sii kordhayaan?. Tana waxa la idhaahdaa (expressive language)

Sidaas darteed, ilmo hadalkiisu yar yahay laakiin wax badan fahmaya lama mid aha ilmo hadalkiisu yar yahay isla markaana aan si fiican u fahmin waxa lagu leeyahay.

Waxa ugu muhiimsan waa in ilmuhu horumar ka sameeyo dhinaca fahanka iyo hadalka marba marka ka danbaysa ee uu korayo. Marka h**e dhawaaqyo ayuu sameeyaa, dabadeed erayo ayuu bartaa, ugu dambayna erayada ayuu isku daraa sida “hooyo biyo,” “aabe kaalay,” ama “caano i sii.” Waalidku waa inuu dhakhtar kala hadlaa haddii ilmuhu muddo ku dhego hal meel oo aanu erayo cusub baranayn, aanu fahmin waxyaabaha fudud ee lagu yidhaahdo, ama ay ku adag tahay inuu dadka u sheego waxa uu doonayo. Waxa si gaar ah muhiim u ah oo u baahan qiimayn taxadar leh ilmo h**e u odhan jiray erayo dabadeed joojiya ama lumiya erayadii uu yaqaanay—taasi waxay u baahan tahay qiimayn.

Maqalkana waa in la hubiyaa, sababtoo ah ilmuhu si uu hadalka u barto waa inuu marka h**e si wanaagsan u maqlaa.

Waalid ahaan; is waydii saddex su’aalood: Ilmahaygu ma fahmayaa? Ma isku dayayaa inuu ila xidhiidho oo uu wuxuu rabo sheegto? Hadalkiisuna ma sii kordhayaa bil bisha ka danbaysa?

09/08/2026

Ilmahaagu markuu seexdo meeshuu ku hurdaa ma qoydaa dhidid awgeed?

Waalidiin badan ayaa arka ilmahoodii oo maalintii ciyaaraya, wax cunaya, caafimaad kiisuna taam yahay, laakiin markuu habeenkii seexdo gabigiisuba dhidid da’aya, barkinta iyo meeshu ku hurdaana isla qoydo.

Badanka arrintani waa wax iska caadi ah sidaan maalin kasta ku idhaa waalidka cabashadan qaba. Daraasad lagu sameeyay 6,381 carruur ah ayaa lagu ogaaday in qiyaastii 12% carruurta, ku dhowaad 1 ka mid ah 9-kii carruur ahba ay si joogto ah markay hurdaan ay u dhididaam. Dhididkoo kaliyama ma sheego in xanuun jiro.

Waxa la qiimeeyaa waa waxa dhididka la socda. Haddii ilmuhu firfircoon yahay, si wanaagsan u ciyaarayo u dhaqmayo, xummad aanu lahayn, neefsashadiisa xiliga hurdadu caadi tahay, inta badan wax weyn oo laga werwero ma jiro.

Laakiin haddii dhididka ay la socdaan khuuro badan, neefsashada oo ku adag ama ku hakata xiliga uu ilmuhu hurdo, xummad soo noqnoqota, qufac daba-dheer, miisaanka ilmaha oo sii dhacaya ama koritaan xumo, waa in ilmaha la qiimeeyo.

Waalidiin badan ayaa carruurtooda ku arka xaaladdan oo loo yaqaan Eczema. Waa xaalad maqaarka ilmaha ka dhigta mid qalal...
08/08/2026

Waalidiin badan ayaa carruurtooda ku arka xaaladdan oo loo yaqaan Eczema. Waa xaalad maqaarka ilmaha ka dhigta mid qalalan, cuncun badan buu ilmuhu dareemaa, markuu xoqo meeshu way madoobaataa oo way adkaataa, gaar ahaan meelaha laalaabyada sida xusullada iyo jilbaha hoostooda. Waalidka qaar baa xitaa marmar idhaahda wasakhdan waan ka jari kari waynay ilmaha! Laakiin waxani wasakh maaha ee waa xasaasiyad

Waa maqaar qallalan oo aan lahayn dux badan waxyaabaha deegaanka ku jiraana si sahlan ayay u kicin karaan.

Xaaladani waxay u baahan tahay qorshe joogto ah oo maqaarka lagu daryeelo. Dhakhtarku wuxuu waalidka baraa waxyaabaha ilmaha ku kiciya iyo sida looga dheeraado, wuxuu u qoraa lotion ama kiriimyo maqaarka qoyaan wanaagsan u sameeya, waxaana muhiim ah in laga ilaaliyo saabuunta adag ee urta cadarka leh, cadarka iyo waxyaabaha carfaya ee maqaarka dhibaya.

Qaybta daawaynta khusaysa ee ugu muhiimsan waa in waalidku fahmo xaaladda ilmahiisa: inuu yaqaano waxa kiciya iyo waxa dajiya, inuu garanayo sida maqaarka maalin kasta loo ilaaliyo iyo waxa la sameeyo marka ay kacdo, xaaladan si wanaagsan ayaa loo xakamayn karaa, ilmuhuna nolol caadi ah ayuu ku noolaan karaa.

Mahadnaq weyn ayaan u dirayaa dhammaan waalidiintii caawa ka soo qayb gashay wacyigelintii ka dhacday Haleelo Tower, taa...
05/08/2026

Mahadnaq weyn ayaan u dirayaa dhammaan waalidiintii caawa ka soo qayb gashay wacyigelintii ka dhacday Haleelo Tower, taas oo uu soo agaasimay Ururka Dhakhaatiirta Somaliland (SLMA).

In kasta oo tiradii ka soo qayb gashay aanay badnayn, haddana waxay ahayd mid ka mid ah tii iigu faa’iidada badnayd intan hawlahan wacyigalinta ku gudo jiray. Waalidiintu waxay si furan ula wadaageen khibradahooda ku saabsan naasnuujinta, waxayna si toos ah noogu waydiiyeen su’aalihii iyo walaacyadii ay qabeen. Inta badan wuxuu ahaa dood wadaag iyo aqoon is waydaarsi, oo xitaa dhakhaatiirtu wax ka barteen caqabadaha hooyada ka haysta naasnuujinta.

Waxaan rajaynaynaa in kulamada noocan oo kale ahi ay sii bataan, isla markaana ay ka soo qayb galaan waalidiin tiro badan.

Ma taqaan xaqiiqooyinka iyo mucjisooyinka badan ee ku abuuran naaska hooyada?1. Marka ilmaha yar xanuusado, caanaha naas...
04/08/2026

Ma taqaan xaqiiqooyinka iyo mucjisooyinka badan ee ku abuuran naaska hooyada?

1. Marka ilmaha yar xanuusado, caanaha naasku way is beddelaan, waxaana ku bata unugyada difaaca. Marka ilmuhu jaqo, candhuuftiisa ayaa gasha ibta naaska, taas oo jidhka hooyada u gudbisa farriin muujinaysa in ilmuhu xanuusanayo. Kadib caanaha waxa lagu kordhiyo waxyaabo badan oo ka hor tag ah oo ka caawiya ilmaha inuu iska difaaco jeermisyada kala duwan.

2. Caanaha naaska ee habeenkii iyo kuwa maalintii way kala duwan yihiin. Caanaha habeenkii waxa ku jira maaddooyin ka caawiya ilmaha hurdada, halka kuwa maalintiina ay ku badan yihiin walxo kordhiya firfircoonida.

3. Carruurta si wanaagsan loo naasnuujiyo waxa yaraata halista ay mustaqbalka ku qaadi karaan macaanka iyo dhiigkarka. Sidoo kale, naasnuujintu waxay kor u qaaddaa horumarka maskaxda iyo garaadka, taas oo si gaar ah u muuqata marka ilmuhu bilaabo waxbarashada.

4. Caanaha hooyadu waxay ka kooban yihiin in ka badan 1,400 borotiin oo kala duwan. Ma jiraan caano kale oo macmal ah oo leh intaas oo borotiin iyo nafaqooyin kala duwan.

Waa Illaahay mahadii!

Ma ka soo qayb galaysaa habeen dambe si aad u ogaato faa'iidada naasnuujinta, ama lagaaga jawaabo haddii aad is waydiinayso su'aalo ku saabsan naasnuujinta?

Waxa lagu guda jiraa Toddobaadka Caalamiga ah ee Naasnuujinta. Waxaanu qaban doonaa Arbacadan oo ku beegan 5/08/2025 Ins...
02/08/2026

Waxa lagu guda jiraa Toddobaadka Caalamiga ah ee Naasnuujinta. Waxaanu qaban doonaa Arbacadan oo ku beegan 5/08/2025 Insha Allah kulan wacyigelin ah oo ka kooban su'aalo iyo jawaabo (Live Q&A) oo loogu talagalay hooyooyinka. Halkaas waxa lagaaga jawaabi doonaa su'aalaha ku saabsan naasnuujinta, laguuguna kala caddayn doonaa xogta saxda ah iyo ta qaldan ee laga aaminsan yahay naasnuujinta annagoo kaashanayna Ururka Dhakhaatiirta Somaliland.

Haddii aad danaynayso inaad wax badan ka ogaato naasnuujinta oo aad su'aalahaaga si toos ah noogu waydiiso, waad nagala soo qayb geli kartaa.

Barnaamijkani wuxuu si gaar ah waxtar ugu leeyahay hooyo kasta, gaar ahaan haddii aad hadda ku cusub tahay hooyonimada.

Haleelo tower wuxuu ku yaala ka soo hor jeedka Masjid Rashiid, dhinaca bari ee Hema books.

Waxa tigidh ah lagaagama baahna.

01/08/2026

Waxa lagu guda jiraa Toddobaadka Caalamiga ah ee Naasnuujinta. Waxaanu qaban doonaa usbuucan Insha Allah, annagoo kaashanayna Ururka Dhakhaatiirta Somaliland, kulan wacyigelin ah oo ka kooban su'aalo iyo jawaabo (Live Q&A) oo loogu talagalay hooyooyinka. Halkaas waxa lagaaga jawaabi doonaa su'aalaha ku saabsan naasnuujinta, laguuna kala caddayn doonaa xogta saxda ah iyo ta qaldan ee laga aaminsan yahay naasnuujinta.

Haddii aad danaynayso inaad wax badan ka ogaato naasnuujinta oo aad su'aalahaaga si toos ah noogu waydiiso, waad ka soo qayb geli kartaa.

Barnaamijkani wuxuu si gaar ah waxtar ugu leeyahay hooyo kasta, gaar ahaan haddii aad hadda ku cusub tahay hooyonimada.

Ma jeclaan lahayd inaad ka soo qayb gasho si laguu diiwaan galiyo ?

30/07/2026

Saliidda saytuunka laguma taliyo in si joogto ah loogu isticmaalo maqaarka dhallaanka yaryar iyo carruurta, maadaama ay daciifin karto difaaca maqaarka kordhina karto qallaylka weliba kuwa leh xasaasiyada maqaarke ee la idhaahdo "Eczeme". Beddelkeeda, waxa lagu talinayaa in ilmaha loogu dhaashiyo qaar aan lahayn udgoon iyo ur fara badan, jidhka ilmahana siinaya dux wanaagsan.

29/07/2026

Ilmahaaga yar ha barbar dhigin carruurta kale ee aad dhashay, kuwa ay walaashaa ama walaalkaa dhaleen, ama carruurta jaarka. Carruurtu koritaankoodu wuu kala duwanaan karaa, iyadoo mid kasta uu caafimaad qabo.

Address

Hargeisa

Telephone

+252634426081

Website

Alerts

Be the first to know and let us send you an email when Dr. Nuuradiin Dr.Garaad posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Nuuradiin Dr.Garaad:

Shortcuts

Share

Category