Hargeisa Group Hospital

Hargeisa Group Hospital wadajir baan ugu adeegaynaa caafimaadka bulshada

30/07/2026

Muuqaalka;- Munaasabad lagu daah-furayey dhammaadka dhismaha dabaqa hoose ee Taiwan Medical Center, oo laga hirgelinayo gudaha Cusbitaalka Guud ee Hargeysa.

30/07/2026

Waxaa maanta Cusbitaalka Guud ee Hargeysa lagu qabtay munaasabad lagu daah-furayey dhammaadka dhismaha dabaqa hoose ee Taiwan Medical Center, oo laga hirgelinayo gudaha Cusbitaalka Guud ee Hargeysa.

Waxaa maanta Cusbitaalka Guud ee Hargeysa lagu qabtay munaasabad lagu daah-furayey dhammaadka dhismaha dabaqa hoose ee T...
30/07/2026

Waxaa maanta Cusbitaalka Guud ee Hargeysa lagu qabtay munaasabad lagu daah-furayey dhammaadka dhismaha dabaqa hoose ee Taiwan Medical Center, oo laga hirgelinayo gudaha Cusbitaalka Guud ee Hargeysa.

Munaasabadda waxaa ka qaybgalay Wasiir Ku-xigeenka Wasaaradda Horumarinta Caafimaadka Somaliland Maxamed Daahir, Safiirka Dowladda Taiwan u fadhiya Somaliland, Agaasimaha Cusbitaalka Guud ee Hargeysa Dr. Axmed Weli Daahir Xaddi, Agaasime Ku-xigeenka Cusbitaalka Dr. Cabdiraxmaan Cayngal, madax ka socotay Wasaaradda Horumarinta Caafimaadka, Madaxa Adeegyada Xafiiska Madaxweynaha Ahmed Muuse, iyo masuuliyiin kale.

Maamulka Cusbitaalka Guud ee Hargeysa waxa uu si weyn ugu mahadcelinayaa Madaxweynaha Jamhuuriyadda Somaliland, Mudane C...
30/07/2026

Maamulka Cusbitaalka Guud ee Hargeysa waxa uu si weyn ugu mahadcelinayaa Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), booqashadii uu maanta ku tagay Qaybta Sifaynta Kelyaha ee Cusbitaalka.

Booqashadan ayaa muujinaysa muhiimadda ay Xukuumaddu siinayso daryeelka caafimaadka iyo u kuurgalka xaaladda bukaannada adeegga sifaynta kelyaha ku tiirsan. Waxaanu soo dhoweynaynaa ballanqaadka Madaxweynaha ee ku aaddan xoojinta adeeggan naf-badbaadinta u ah bulshada.

Cusbitaalka Guud ee Hargeysa waxa uu mar walba ka go’an yahay bixinta adeeg caafimaad oo tayo leh iyo daryeel hufan oo shacabka loo siman yahay.

30/07/2026

Madaxweynaha Jamhuuriyadda Somaliland oo Booqasho ku yimi qaybta Sifaynta Kelyaha ee Cusbitaalka Guud ee Hargeysa.

Cusbitaalka Guud ee Hargeysa,Cusbitaalka ayaa ka qaybgalay Carwada Caalamiga ah Buugaagta ee Hargeya (Somaliland Interna...
29/07/2026

Cusbitaalka Guud ee Hargeysa,

Cusbitaalka ayaa ka qaybgalay Carwada Caalamiga ah Buugaagta ee Hargeya (Somaliland International Book Fair 2026) oo lagu qabtay xarunta dhaqanka Hargeysa.

Agaasime ku xigeenka Cusbitaalka Guud ee Hargeysa Cabdiraxmaan Cayngal iyo hawl-wadeeno kale ayaa ka qaybgalay. Agaasimaha ayaa qayb ka ahaa dood ku saabsanayd Dib-u-eegista daryeelka caafimaadka ee Somaliland (Rethinking healthcare in Somaliland).

Xafiiska Warbaahinta
Cusbitaalka Guud Ee Hargeysa.

Adeegyada Casriga ah ee Cusbitaalka Guud ee HargeysaCusbitaalka Guud ee Hargeysa wuxuu bulshada u hayaa adeegyo caafimaa...
23/07/2026

Adeegyada Casriga ah ee Cusbitaalka Guud ee Hargeysa

Cusbitaalka Guud ee Hargeysa wuxuu bulshada u hayaa adeegyo caafimaad oo casri ah, tayo sare leh, isla markaana ay gacanta ku hayaan dhakhaatiir iyo khubaro aqoon u leh.

Adeegyada waxaa ka mid ah:
✅ Doppler Ultrasound
✅ Digital X-Ray
✅ CT Scan
✅ MRI (Magnetic Resonance Imaging)

Adeegyadan waxaad ku helaysaan qiime 50% ka jaban kan laga bixiyo goobaha kale ee magaalada hargeysa, iyadoo aan waxba laga dhimayn tayada adeegga, saxnaanta baadhitaannada iyo daryeelka bukaanka.

Cusbitaalka Guud ee Hargeysa wuxuu idin soo dhoweynayaa si aad u heshaan adeeg caafimaad oo casri ah, la isku halayn karo, isla markaana si degdeg ah looguugu adeegayo.

Waxaan idiin adeegaynaa 24 saacadood maalintii, 7 maalmood usbuucii (24/7), habeen iyo maalin.

Cisbitaalka Guud ee Hargeysa waxa uu aad ugu faraxsan yahay in uu soo dhaweeyo wefti caafimaad sare oo ka socda Israa’i...
17/07/2026

Cisbitaalka Guud ee Hargeysa waxa uu aad ugu faraxsan yahay in uu soo dhaweeyo wefti caafimaad sare oo ka socda Israa’iil.
———————————————————————

Weftiga waxa qaabilay Agaasime Ku-xigeenka Cisbitaalka Guud ee Hargeysa, Dr. Cabdiraxmaan Cabdisamad Ibraahim, iyo maamulka cisbitaalka, waxaana ku weheliyey Agaasimaha Waaxda Qorshaynta ee Wasaaradda Horumarinta Caafimaadka.

Intii ay booqashadu socotay, waxa la wadaagay xog ku saabsan adeegyada uu bixiyo cisbitaalku iyo caqabadaha jira, gaar ahaan dhinaca cudurrada faafa. Sidoo kale, weftigu waxa uu booqday Shaybaadhka Guud, Waaxda Pathology-ga iyo qaybo kale oo muhiim ah oo ka tirsan cisbitaalka.
Waxaan rajaynaynaa in booqashadani ay horseedi doonto iskaashi miro dhal ah oo ku saabsan cudurrada faafa, horumarinta shaybaadhka, cilmi-baadhista, tababarrada xirfadlayaasha caafimaadka iyo kor u qaadista tayada adeegyada caafimaadka.

Cisbitaalka Guud ee Hargeysa waxa uu sii wadi doonaa dadaallada lagu xoojinayo iskaashiga caalamiga ah si bulshada loo gaadhsiiyo adeeg caafimaad oo tayo leh, casri ah, oo waara.

Agaasimaha Cusbitaalka Guud ee Hargeysa, Dr. Axmed-wali Daahir Xaddi, iyo Agaasimaha Guud ee Wasaaradda Horumarinta Caaf...
16/07/2026

Agaasimaha Cusbitaalka Guud ee Hargeysa, Dr. Axmed-wali Daahir Xaddi, iyo Agaasimaha Guud ee Wasaaradda Horumarinta Caafimaadka, Dr. Axmed-zaki Maxamuud, ayaa ka qayb galay African Asia Pacific Health Innovation & Global Partnership Summit, oo lagu qabtay magaalada Taipei, dalka Taiwan.

Shirkan caalamiga ah ayaa isugu keenay madax, khubaro caafimaad iyo hay'ado ka kala yimid dalal badan, iyadoo diiradda lagu saaray hal-abuurka caafimaadka, iskaashiga caalamiga ah, horumarinta adeegyada caafimaadka, iyo sidii loo xoojin lahaa wada-shaqaynta dalalka Afrika iyo Aasiya.

Ka qaybgalka masuuliyiintan ayaa muujinaya dadaalka joogtada ah ee lagu horumarinayo adeegyada caafimaadka Somaliland, laguna xoojinayo iskaashiga caalamiga ah si loo helo aqoon, waayo-aragnimo iyo fursado cusub oo wax ku ool u noqon kara horumarinta nidaamka caafimaadka dalka.

Waxaan u rajaynaynaa in natiijooyinka iyo iskaashiyada ka soo baxa shirkan ay wax weyn ka tari doonaan tayeynta adeegyada caafimaadka iyo kor u qaadista daryeelka bulshada.

Xafiiska Warbaahinta
Cusbitaalka Guud Ee
Hargeysa.

Wefti ay Hoggaaminayaan Agaasimaha Guud Cusbitaalka Guud ee Hargeysa, Dr. Axmedweli Daahir Xaddi, iyo Agaasimaha Guud ee...
14/07/2026

Wefti ay Hoggaaminayaan Agaasimaha Guud Cusbitaalka Guud ee Hargeysa, Dr. Axmedweli Daahir Xaddi, iyo Agaasimaha Guud ee Wasaaradda Horumarinta Caafimaadka JSL oo Gaadhay Dalka Taiwan

Waxay booqashadoodii ugu horraysay ku tageen Kaohsiung Medical University Hospital (KMUH), halkaas oo ay kulamo muhiim ah kula yeesheen maamulka cusbitaalka, isla markaana ay kormeer ku soo mareen qaybaha kala duwan si ay uga faa’iidaystaan khibradaha iyo nidaamyada casriga ah ee adeegyada caafimaadka.

Safarkan shaqo waxa uu qayb ka yahay xoojinta iskaashiga caafimaadka ee u dhexeeya Somaliland iyo Taiwan.

Masuuliyiintu waxay sidoo kale ka qayb geli doonaan Africa–Asia Pacific Health Innovation and Global Partnership Summit, oo lagu lafaguro hal-abuurka caafimaadka, iskaashiga caalamiga ah iyo horumarinta adeegyada caafimaadka.

Xafiiska Warbaahinta
Cusbitaalka Guud Ee Hargeysa.

Address

Hargesa

Website

Alerts

Be the first to know and let us send you an email when Hargeisa Group Hospital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category