https://www.facebook.com/111935706973584/

LUUQ Hospital

Home
Somalia
Luuq
LUUQ Hospital

page-ka la socoshada xaalada isbitaalka degmada Luuq

23/07/2026

🩺 Soo Dhawaynta Ardayda Practical-ka – Jaamacadda Somaville

Waxaa farxad weyn noo ah anagoo ah maamulka Isbitaalka Degmada Luuq inaan si rasmi ah u soo dhoweynno ardayda Jaamacadda Somaville – Faraca Luuq, oo maanta ka bilaabay tababarkooda (Clinical Practical Training) ee isbitaalka.

Ardayda waxaa si rasmi ah u qaabilay Agaasimaha Isbitaalka Degmada Luuq iyo Medical Officer-ka Degmada Luuq, kuwaas oo siiyay warbixin ku saabsan adeegyada isbitaalka, habraacyada shaqada, anshaxa xirfadeed, iyo waajibaadka laga filayo inta ay ku guda jiraan tababarkooda.

Waxaan si gaar ah ugu mahadcelineynaa Madaxda Jaamacadda Somaville – Faraca Luuq kalsoonida ay ku qabaan Isbitaalka Degmada Luuq iyo wada-shaqeynta wanaagsan ee ka dhaxeysa labada dhinac. Waxaan rajeyneynaa in iskaashigan uu sii xoojin doono tayada waxbarashada caafimaadka iyo soo saarista xirfadlayaal aqoon iyo karti leh oo u adeega bulshada.

Waxaan u rajeyneynaa dhammaan ardayda guul iyo horumar inta ay ku guda jiraan tababarkooda.

“Maanta waa arday, berri waa xirfadlayaasha daryeeli doona bulshada.”

02/06/2026

📢 TACSI TIIRAANYO LEH
INNAA LILLAAHI WA INNAA ILEYHI RAAJICUUN
Maamulka iyo dhammaan shaqaalaha Isbitaalka Guud ee Degmada Luuq waxay tacsi tiiraanyo leh u dirayaan ehelkii, qaraabadii, asxaabtii iyo dhammaan bahda caafimaadka geerida ku timid marxuum Ahmed Ali Sigad (Joon) oo ka tirsanaa shaqaalaha Isbitaalka Luuq.
Geerida marxuumku waxay murugo iyo tiiraanyo ku reebtay bahda Isbitaalka Luuq iyo guud ahaan bulshada uu u adeegayay. Waxaan Alle SWT uga baryeynaa inuu marxuumka ku mannaysto naxariistiisa ballaaran, dambigiisana dhaafo, qabrigana u nuuriyo, kana waraabiyo Jannatul Firdowsa.
Sidoo kale, waxaan Alle uga baryeynaa dhammaan ehelkii iyo qaraabadii uu ka baxay inuu ka siiyo samir iyo iimaan.
Ilaahay ha u naxariisto Marxuum Ahmed Ali Sigad (Joon), Jannatul Firdowsana haka waraabiyo. Aamiin.

25/04/2026

🌍 25 Apriil – Maalinta Caalamiga ah ee Malariada

Isbitaalka Luuq wuxuu si sharaf leh ugu biirayaa xuska maalintan muhiimka ah si loo xoojiyo wacyiga bulshada ee ka hortagga cudurka malaria.

🦟 Malariadu waa cudur dilaa ah, balse waa laga hortagi karaa, lana daaweyn karaa haddii si degdeg ah loo ogaado.

⚠️ Calaamadaha lagu garto:
Qandho, madax xanuun, matag, jir xanuun iyo daal.

✅ Sida ugu wanaagsan ee looga hortagi karo:

- Isticmaal maro kaneecada (mosquito net) habeen kasta
- Ka fogow biyo fadhiya oo kaneecadu ku taranto
- Nadiifi deegaanka gurigaaga iyo hareerihiisa
- U tag xarunta caafimaadka sida ugu dhaqsaha badan marka aad dareento calaamadaha

👩‍⚕️ Isbitaalka Luuq wuxuu diyaar u yahay inuu ku siiyo baaritaan iyo daaweyn sax ah 24 saac.

🤝 Bulsho caafimaad qabta waxay ka bilaabataa qof walba oo mas’uul ah.

📢 Ka hortag malaria maanta – badbaadi naftaada iyo tan qoyskaaga.

21/03/2026

WACYIGELIN: KHATARTA ISTICMAALKA MANDORIGA (TRAMADOL) EE DHALINYARADA
Dhalinyarooy, maanta waxaa aad u sii kordhaya isticmaalka mandoriga (Tramadol) oo si khaldan loo qaato, taas oo khatar weyn ku ah caafimaadka jirka iyo maskaxda.
Mandoriga (Tramadol) waa daawo loo isticmaalo xanuun baabi’inta, laakiin marka si khaldan ama aan dhakhtar qorin loo isticmaalo, wuxuu keenaa dhibaatooyin halis ah.
Khatarta Isticmaalka Mandoriga:
Waxay sababi kartaa balwad (addiction) oo qofku ka bixi kari waayo
Waxay dhaawacdaa maskaxda iyo dareenka qofka
Waxay keentaa wadne garaac aan caadi ahayn
Waxay sababi kartaa suuxdin ama dhimasho marka la badsado
Waxay hoos u dhigtaa waxbarashada iyo shaqada
Saameynta Bulshada:
Dhalinyarada isticmaasha mandoriga waxay lumiyaan mustaqbalkooda
Waxay kordhisaa dembiyada iyo rabshadaha
Waxay burburisaa qoysaska iyo bulshada
Fariin Muhiim ah:
Ka fogow isticmaalka daawo kasta oo aan dhakhtar kuu qorin
Dooro nolol caafimaad leh iyo mustaqbal wanaagsan
Haddii aad aragto qof isticmaala, la tali oo u raadi caawimaad
Gunaanad:
Dhalinyarooy, caafimaadkiinu waa hantidiinna ugu weyn. Ka fogow wax kasta oo halis gelin kara noloshiinna. Mandoriga si khaldan loo isticmaalo waa khatar, ma aha xal.
By Dr Dahir Mohamed nuur
drka guud ee Dagmada luuq

19/03/2026

CIID WANAAGSAN

Dhamaan shaqaalaha Isbitaalka Luuq iyo bulshada aan u adeegno, waxaan idinku hambalyeynayaa munaasabadda barakaysan ee Ciidul Fidriga. Waxaan Alle ka baryayaa inuu naga aqbalo acmaashii wanaagsanaa ee aynu gudannay bishii Ramadaan.

Waxaan ku boorrinayaa dhammaanteen inaan ka shaqeyno midnimada, is garab istaagga, iyo caawinta dadka tabaaleysan, si aynu u xoojino bulshadeenna.

Ugu dambeyn, waxaan Alle ka baryayaa inuu dalkeenna ka dhigo nabad iyo barwaaqo.

CIID WANAAGSAN

Agaasimaha Isbitaalka Luuq
Abdirizak Abdi Adan

09/03/2026

TACSI

Maamulka iyo dhammaan shaqaalaha Isbitaalka dagmada Luuq waxay tacsi tiiraanyo leh u dirayaan qoyska, ehelka iyo asxaabta uu ka geeriyooday Marxuum Dhaqane Cumar Yare.

Waxaan ka tacsiyeynaynaa geerida naxdinta leh ee ku timid, waxaana Alle uga baryeynaa inuu u naxariisto, jannatul firdowsana ka waraabiyo. Sidoo kale waxaan Ilaahay ka baryeynaa inuu samir iyo iimaan ka siiyo dhammaan ehelka iyo qaraabada uu ka baxay.

Geeridu waa xaq, qof walbana wuu mari doonaa. Waxaan rajeynaynaa in Alle samir iyo adkaysi idinka siiyo murugada iyo xanuunka geerida.

Innaa Lillaahi Wa Innaa Ileyhi Raajicuun

Maamulka iyo Shaqaalaha
Isbitaalka guud ee Dagmada Luuq

05/03/2026

Shaqaalaha ka howlgala Hospitalka luuq oo ay support gareysa hayada samafalka ee Trocaire ayaa u muujiyay garab-istaag iyo naxariis iyaga oo garsiyay deeq raashin ah dadka danyarta ah ee ku dhaqan degmada Luuq.

Deeqdan ayaa ka timid isku-tashi iyo tabarucaad ay sameeyeen shaqaalaha ka howlgala isbitaalka, si ay u taageeraan qoysaska u baahan gargaarka, gaar ahaan xilligan adag .

Ujeeddada gargaarkan ayaa ah in la muujiyo wadajirka bulshada iyo in la caawiyo dadka nugul ee ku nool degmada Luuq.

11/09/2025

Aaba Mohamed Nurow waa aabe muddo 25 sano ah dhibana u ahaa (lipoma) Buro ka ka taalay madaxa, gaar ahaan dhanka dambe ee qadaadka bidix.
Ma uu san awoodin in uu helo qarash uu ku aado isbitaal.
Ugu dambeyn, Luuq Hospital ayaa si bilaash ah uga saaray buradii, Alle ayaa ku mahadsan .
Hadda wuu caafimaad qabaa .
LUUQ Hospital

22/06/2025

Iskuduwaha Wasaaradda Caafimaadka iyo Daryeelka Bulshada Dowladda Jubaland ee degmada Luuq, Mudane Abdirisak Kadiye, ayaa maanta kormeer shaqo ku sameeyey Isbitaalka Guud ee degmada, isagoo halkaas kula kulmay dhaqaatiirta iyo shaqaalaha kale ee isbitaalka.

Intii uu socday kormeerka, Iskuduwaha ayaa warbixinno muhiim ah ka dhageystay hawlwadeenada caafimaadka, kuwaas oo sheegay in si hufan ay u maareeyaan daryeelka bukaanada soo booqda isbitaalka. Sidoo kale, waxay la wadaageen in ay jiraan 94 kiis oo ah shuban biyood laga diiwaangeliyey isbitaalka labada toddobaad ee ugu dambeysay, taas oo ah xaalad u baahan jawaab degdeg ah.

Mudane Abdirisak Kadiye ayaa uga mahadceliyay shaqaalaha isbitaalka dadaalka ay ugu jiraan bixinta adeegyada caafimaad ee bulshada deegaanka, isagoo si gaar ah ugu bogaadiyey sida ay uga jawaabeen xaaladaha degdegga ah ee caafimaad.

Intii uu socday kormeerka, Iskuduwaha wuxuu la wadaagay dhakhaatiirta iyo shaqaalaha caafimaadka qorshaha Wasaaradda ee ku aaddan sidii taageero dheeri ah loogu heli lahaa xaruntii karantiilka ee shuban biyoodka degmada si culeeska looga qaado isbitaalka loogana hortago inuu saameeyo bukaanada kale ee u so adeeg doonta isbitaalka, Wuxuu sidoo kale xusay in Wasaaraddu ay ka go’an tahay inay si dhow ula shaqeyso hay’adaha bahwadaagta caafimaadka si wax looga qabto
Ugu danbeyn Waxaan ugu mahadcelineynaa iskuduwaha boqashada uu soo booqday hospitalka

19/05/2025

Congratulations potoswana.

Address

Wabari
Luuq

Telephone

+252616567039

Website

facebook.com

Alerts

Be the first to know and let us send you an email when LUUQ Hospital posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to LUUQ Hospital:

Want your practice to be the top-listed Clinic in Luuq?