Naafic media

27/03/2026

26/03/2026

Abwaanka wuu hadlaay xaqiiqdii...

26/03/2026

Tacaddiga lagula kacay Taliyihii Ciidanka Asluubta Soomaaliyeed Sarreeye Gaas Mahad Cabdiraxmaan Aadan oo hoygiisa magaalada Muqdisho la dul-dhigay ciidan, lagana qaaday xorriyaddiisa, waa fal cad oo aargoosi siyaasadeed ah, wuxuuna u muuqdaa Madaxweyne Xasan Sheekh Maxamuud in uu qaaday waddadii kali-talisnimada (dictatorship).

Beegsiga sii kordhaya ee nidaamka Madaxweyne Xasan Sheekh uu ku hayo Wasiirrada, Xildhibaannada, Saraakiisha iyo masuuliyiinta ka soo jeeda Koonfur Galbeed ee taageersan qabsoomidda doorashada deegaankooda waxa ay caddaynaysaa in Madaxweynuhu uu yahay doorasho diid ka tashaday shacabka iyo haldoorka Soomaaliyeed.

Annaga oo ku baaqayna in degdeg loo siidaayo Taliyaha la afduubtay, waxaan uga digaynaa Madaxweynaha muddo xileedkiisu dhammaanayo ku takri-falka awoodda iyo sii wadidda damaciisa shakhsiga ah ee halista gelinaya dowladnimada dalka iyo midnimada shacabka Soomaaliyeed.

DHAMMAAD

26/03/2026

Waxaan ka xumahay, si adagna u cambaareynayaa falka dowladda Madaxweyne Xasan Sheekh Maxamuud ay xabsi guriga ku galisay taliyihii Ciidanka Asluubta Soomaaliyeed Janaraal Mahad Cabdiraxmaan Aadan. Tallaaban waa dhaqan gurracan oo ugub ku ah siyaasadda Soomaaliya, kana soo horjeedda dimoqraadiyadda, shuruucda dalka, xuquuqda muwaadinta, iyo curfiga dowladnimada.

Waxaa ayaandarro ah in iyadoo dalku wajahayo xaalado adag, abaaro dabadheeraaday, iyo hubanti la’aan siyaasadeed, ay dowladda Madaxweyne Xasan Sheekh maanta ku hawllan tahay xayiraadda madaxda, xannibaadda safarrada xildhibaannada, b**bka dhulka danta guud, siyaasadeynta hay’adaha dowladda iyo ciidamada qaranka, burburinta nidaamka federaalka, iyo hurinta colaado sokeeye.

Waxaan Madaxweyne Xasan Sheekh ugu baaqayaa in uu ka baxo dhalanteedka uu ku jiro inta aysan sharciyadda haysto, u turo qaranka, taladana dhexda dhigo, si dalka loogu jiheeyo doorasho loo dhan yahay oo heshiis lagu yahay; dalka, dadka, iyo dowladnimada Soomaaliyeedna looga samatabixiyo halis hor leh iyo hubanti la’aanta siyaasadeed.

26/03/2026

”Guddiga Doorashooyinka Koonfur Galbeed oo Soo Saaray Jadwalka Shaqo ee Soo Xulista Xildhibaanada iyo Doorashada Guddoonka Baarlamaanka.

26/03/2026

Muqdisho, subax walba waxa ka taagan qayladhaan dhul la b**bayo, guryo la duminayo iyo dad la barakicinayo. Markii dhulkii dawladda la soo dhammeeyey ayaa waxa loo soo jeestay dhaca dhulkii dadku lahaa.

Adduunka intiisii kale wuxuu ku hawlan yahay sidii ay cid waliba uga badbaadi lahayd saamaynta taban ee colaadaha ka aloosan Bariga Dhexe ku yeelanayaan dhaqaalaha caalamka iyo xasilloonidii dunida. Waxaa kaloo laga wada walwalayaa halista ka soo fool leh burburka ku dhacay nidaamkii caalamka iyo hubanti la’aanta dunidu lugaha la sii galayso.

Nasiibdarrada nagu dhacdayse waxay tahay in hoggaankii dalka ee laga sugayey in uu iftiimiyo jidka samatabixinta jiritaanka ummadnimada iyo madaxbannaanida qaran ku mashquulsan yahay dhul b**b, barakicin iyo duullaan dawlad-goboleed. Tallaabooyin dhammaantood sii hurinaya colaad, abuuraya qalalaase iyo xasiloonidari islamarkaana wiiqaya midnimada iyo madaxbannaanida dalka.

Ummadda Soomaaliyeed waxaan ugu baaqayaa in aan si wadajir ah iska qabano taliska bahaloobay ee Madaxweyne Xasan Sheekh ee doonaya burburinta aayaha ubadkeenna iyo mustaqbalka qarankeenna.

26/03/2026

"Waxaan ka dalbanayaa madaxda dalka inay si degdeg usoo daayaan Taliye Mahad Cabdiraxmaan Aadan"...Fahad Yaasiin

"Madaxweynaha Jamhuuriyada İyo Raysal Wasaaraha Xukuumada waxaan uga digayaa iney gacantooda ku furaan albaab waligiis ka xirnaan jiray siyaasada qaranka, kaas oo ah in masuulkii xilka laga qaado xabsi loogu baddalo.

Waa dhaqan ugub ku ah dowlad dhiska Soomaaliya tan iyo markii la unkay Jamhuuriyadda 3aad. Waxaan ka dalbanayaa madaxda dalka inay si degdeg usoo daayaan Taliye Mahad Cabdiraxmaan Aadan. Albaabkan haddii la furo lama yaqaano halka uu ku dhammaan doono"....