Dr. Abdirahman Ahmed

30/07/2026

07/07/2026

Waxaan booqasho ku tagnay degmada taariikhiga ah ee Ceeldheer, annagoo u kuurgalnay xaaladda guud ee degmada iyo horumarka ka socda.

Ceeldheer waa degmo leh taariikh fac weyn, door muuqda ayaana kaga jirta horumarka iyo midnimada bulshada. Intii aan booqashada ku guda jirnay, waxaan la kulannay mas'uuliyiinta degmada iyo qaybaha kala duwan ee bulshada, annagoo ka wada hadalnay xoojinta adeegyada bulshada iyo dadaallada horumarineed.

Waxaan bogaadinayaa shacabka degmada Ceeldheer sida ay uga go'an tahay nabadda, wadajirka iyo horumarka. Waxaan sidoo kale xaqiijinayaa in aan sii wadi doono dadaallada lagu horumarinayo adeegyada bulshada iyo iskaashiga ka dhexeeya hay'adaha dowladda iyo bulshada deegaanka.

03/07/2026

Waxaan tacsi tiiraanyo leh u dirayaa qoyska, ehelka, asxaabta iyo dhammaan ummadda Soomaaliyeed geerida ku timid Alle ha u naxariistee Imaam Maxamed Yuusuf.

Imaamku wuxuu ahaa haldoor bulshada dhexdeeda ka qaatay kaalmo iyo hagid muhiim ah, waxaana geeridiisu ka tagtay murugo iyo tiiraanyo weyn.

Waxaan Alle SWT uga baryayaa inuu janatul Firdowsa ka waraabiyo, qabrigiisana u waasiciyo, kana dhigo kuwii dembigooda la dhaafay. Sidoo kale, waxaan qoyska, ehelka iyo dhammaan dadka uu ka baxay uga baryayaa samir iyo iimaan.

Ilaahay ha ka abaalmariyo wanaaggii uu bulshada u qabtay, hana ka yeelo kuwii Jannada ku kulma.

30/06/2026

Hambalyo 1 da Luulyo Maalinta Xorriyadda iyo Midnimada Soomaaliyeed 🇸🇴

waxaan hambalyo iyo bogaadin u dirayaa dhammaan shacabka Soomaaliyeed munaasabadda qaaliga ah ee Maalinta Xorriyadda iyo Midnimada Soomaaliya.

Munaasabaddan taariikhiga ah ayaa si heer sare ah looga xusay fagaaraha, iyadoo Madaxweynaha Jamhuuriyadda Federaalka Soomaaliya Mudane Dr Hassan Sheikh Mohamud uu shacabka kala qeyb galay dabaal degga 1 da Luulyo. Shacab kudhaw Malaayiin ayaa ka soo qaybgalay munaasabadda, waxaana fagaaraha isugu soo baxay dad aad u tiro badan oo muujiyay midnimo, waddaniyad iyo taageerada qarannimada Soomaaliya.

1 da Luulyo waa maalin ina xusuusinaysa halgankii gobannimo doonka iyo mideyntii ummadda Soomaaliyeed. Waa maalin lagu xoojinayo wadajirka, nabadda iyo horumarka dalka.

Hambalyo 1 da Luulyo. Soomaaliya ha noolaato, shacabka Soomaaliyeedna ha isku duubnaadaan.

27/06/2026

Shacabka Soomaaliyeed way iska diideen jaajuusyada iyo dabadhilifyada fulinaya danaha gumeystaha. Idamka Alle, kuwaas maalmo dhow ayaa la soo afjari doonaa.

25/06/2026

Hambalyo 26-ka Juun, maalinta qiimaha weyn ku leh taariikhda ummadda Soomaaliyeed.

Maanta waa maalintii gobollada waqooyi ee Soomaaliya ay xorriyadda ka qaateen gumaystihii Ingiriiska sanadkii 1960, taas oo noqotay tallaabadii ugu horreysay ee horseedday midowgii iyo dhalashadii Jamhuuriyadda Soomaaliyeed.

Waxaan shacabka Soomaaliyeed meel kasta oo ay joogaan ugu hambalyeynayaa munaasabaddan qaran ee sharafta leh. Eebbe ha u naxariisto halyeeyadii nafahooda iyo maalkooda u huray xorriyadda iyo midnimada dalkeenna.

26-ka Juun ha noqoto maalin dib inoogu xusuusisa qiimaha nabadda, wadajirka, iyo ilaalinta qarannimada Soomaaliya.

Hambalyo Maalinta Xorriyadda Soomaaliyeed.

02/06/2026

Xurmadle Mudane Madaxweyne Hassan Sheikh Mohamud, na hoggaami waligaa.

28/05/2026

Waxaan si weyn ugu mahadcelinayaa dhammaan shacabka, asxaabta iyo taageerayaasha bogga nagu garab istaagay inaan gaarno 10K oo raacsadayaal ah Facebook ga.

Taageeradiinna iyo kalsoonidiinna waxay dhiirrigelin weyn u yihiin dadaallada aan ugu adeegayno bulshada.

Guushan waa guul aynu wada leenahay, Mahadsanidiin dhammaantiin.

26/05/2026

Ciid Wanaagsan dhammaan shacabka Soomaaliyeed.

18/05/2026

Waxaan si weyn u boggaadinayaa daah furka maanta ee Ololaha Qalliimada Wadnaha Furan ee loo sameynayo 11 carruur ah oo Soomaaliyeed, kaas oo ka socda Isbitaalka Takhasusiga ah ee Somali Sudanese Specialized Hospital.

Waxaan si gaar ah ugu mahadcelinayaa Guddoomiyaha Gobolka Benaadir ahna Duqa Magaalada Muqdisho, Mudane Hassan Mohamed Hussein Muungaab, dadaalka iyo niyadda samafalka ah ee uu u huray badbaadinta nolosha carruurtan Soomaaliyeed.

Tani waa Sadaqo Jaariyah iyo tusaale wanaagsan oo muujinaya sida hoggaanka Gobolka Banaadir uga go’an yahay daryeelka bulshada iyo taageeridda adeegyada caafimaadka ee badbaadinaya nolosha shacabka.