Dr. Abdirahman Ahmed

02/06/2026

Xurmadle Mudane Madaxweyne Hassan Sheikh Mohamud, na hoggaami waligaa.

28/05/2026

Waxaan si weyn ugu mahadcelinayaa dhammaan shacabka, asxaabta iyo taageerayaasha bogga nagu garab istaagay inaan gaarno 10K oo raacsadayaal ah Facebook ga.

Taageeradiinna iyo kalsoonidiinna waxay dhiirrigelin weyn u yihiin dadaallada aan ugu adeegayno bulshada.

Guushan waa guul aynu wada leenahay, Mahadsanidiin dhammaantiin.

26/05/2026

Ciid Wanaagsan dhammaan shacabka Soomaaliyeed.

18/05/2026

Waxaan si weyn u boggaadinayaa daah furka maanta ee Ololaha Qalliimada Wadnaha Furan ee loo sameynayo 11 carruur ah oo Soomaaliyeed, kaas oo ka socda Isbitaalka Takhasusiga ah ee Somali Sudanese Specialized Hospital.

Waxaan si gaar ah ugu mahadcelinayaa Guddoomiyaha Gobolka Benaadir ahna Duqa Magaalada Muqdisho, Mudane Hassan Mohamed Hussein Muungaab, dadaalka iyo niyadda samafalka ah ee uu u huray badbaadinta nolosha carruurtan Soomaaliyeed.

Tani waa Sadaqo Jaariyah iyo tusaale wanaagsan oo muujinaya sida hoggaanka Gobolka Banaadir uga go’an yahay daryeelka bulshada iyo taageeridda adeegyada caafimaadka ee badbaadinaya nolosha shacabka.

18/05/2026

Waxaan ku faraxsanahay inaan maanta kamid noqdo madaxda hadal jeedinta ka jeedin doonta Madasha Maamulka iyo Ardayda Kulliyadda Caafimaadka ee Jaamacadda Ummadda Soomaaliyeed.

Waxaan madasha kula wadaagi doonaa aragtiyo muhiim ah oo ku saabsan horumarinta adeegyada caafimaadka, maamulka caafimaadka bulshada, iyo doorka muhiimka ah ee ay dhalinyarada caafimaadku ku leeyihiin horumarka dalka.

Waxaan sidoo kale aaminsanahay in iskaashiga u dhexeeya bahda waxbarashada iyo hay’adaha caafimaadku uu laf dhabar u yahay dhismaha adeegyo caafimaad oo tayo leh.

16/05/2026

Reer Muqdisho dagaal way iska diideen, nabad iyo wada noolaansho ayay doorbideen. Magaalada horumarkeeda iyo mustaqbalka dhalinyarada ayaa ka muhiimsan colaad iyo kala fogaansho

Said Abdullahi Deni waa dagaal-ooge, laakiin shacabka reer Muqdisho waxay ilaashan doonaan nabadda iyo wada noolaanshaha.

K**a yeeli doonaan in Garoowe nabad ahaato halka Muqdisho laga hurinayo colaad iyo qalalaase.

Dadka Soomaaliyeed waxay u baahan yihiin xasillooni, wadajir iyo siyaasiyiin ka shaqeeya maslaxadda shacabka, ee aan hurin khilaaf iyo dagaal siyaasadeed.

14/05/2026

Muqdisho, 14 Maajo 2026

Maanta waxaan booqasho shaqo ku tagay Isbitaalka Hooyada iyo Dhallaanka Banaadir, halkaas oo aan kulan kula yeeshay maamulka iyo howl wadeennada isbitaalka.

Waxaan kormeer ku sameeyay qeybaha kala duwan ee isbitaalka, anigoo bogaadiyay dadaalka shaqaalaha caafimaadka iyo doorka muhiimka ah ee isbitaalku kaga jiro daryeelka hooyada iyo dhallaanka. Sidoo kale waxaan adkeeyay muhiimadda tayeynta adeegyada caafimaadka bulshada.

12/05/2026

𝐌𝐮𝐪𝐝𝐢𝐬𝐡𝐨, 𝐌𝐚𝐚𝐣𝐨 𝟏𝟐, 𝟐𝟎𝟐𝟔:

Waxaan maanta qeyb ka ahaa munaasabadda xarig ka jarista Xarunta Keydka Daawada ee Gobolka Benaadir, oo uu si rasmi ah u foray Guddoomiyaha Gobolka Banaadir ahna Duqa Muqdisho, Dr. Hassan Mohamed Hussein Muungaab, oo uu weheliyo Danjiraha Dowladda Qatar, Mudane Cabdalla Binu Saalim Al-Nuceymi.

Xaruntan ayaa muhiim u ah xoojinta adeegyada caafimaadka iyo hagaajinta nidaamka kaydinta iyo qaybinta dawooyinka ee xarumaha caafimaadka Gobolka Banaadir.

10/05/2026

Qudbaddii maanta ee Madaxweyne Hassan Sheikh Mohamud runtii waxay ahayd qudbad taabaneysa dhinacyo badan. Waxa uu si cad uga hadlay guulaha laga gaaray doorashooyinka qof iyo cod, iyo sida dalku ugu sii socdo horumar iyo mustaqbal wanaagsan oo muwaadinku fikraddiisa si xor ah u cabbiri karo una banaanbixi karo.

Sidoo kale, waxa uu carrabka ku adkeeyay in ilaalinta amniga iyo xasilloonidu ay yihiin tiirarka ugu muhiimsan ee lagu xaqiijin karo dimuqraadiyad dhab ah.

Ha guuleysato dimuqraadiyadda, nabadda iyo ilbaxnimada

10/05/2026

Bulsho nabad haysata waxay dhistaa mustaqbal, halka colaaddu dumiso rajada jiilasha.