Cusbitaalka Guud Ee Degmada Sheikh

01/08/2026

1 -8-2026

Saaka waxaa Cusbitaalka Guud ee Degmada Sheekh booqasho shaqo ku yimid Hanti-dhowraha Guud ee Qaranka, Mudane Muuse Yuusuf Cismaan (Idiga), iyo Maayorka Degmada Sheekh.

Mas'uuliyiinta waxaa si diirran ugu soo dhaweeyey Agaasimaha Cusbitaalka Guud ee Degmada Sheekh, Hamse Mohamed dirie , oo warbixin faahfaahsan ka siiyey xaaladda guud ee cusbitaalka, adeegyada uu bulshada u hayo, horumarka la gaadhay, iyo caqabadaha jira.

Booqashadan ayaa qayb ka ah kormeerka iyo xog-ogaal u noqoshada adeegyada caafimaadka ee bulshada loo fidiyo, iyadoo mas'uuliyiintuna ay bogaadiyeen dadaalka maamulka iyo shaqaalaha cusbitaalka ee ku aaddan adeegga bulshada

23/07/2026

Galabta, Cusbitaalka Guud ee Degmada Sheikh waxaa booqasho kormeer ah ku yimid qaar ka mid ah dhakhaatiirta qurbo-joogta ah, oo ay ka mid ahaayeen Dr. Cabdiraxmaan iyo Dr. Farxaan, waxaana si diirran u soo dhaweeyey Agaasimaha Guud ee Cusbitaalka, Hamse Mohamed Dirie.

Agaasimaha ayaa warbixin ka siiyey xaaladda guud ee cusbitaalka iyo adeegyada uu bixiyo, halka dhakhaatiirtuna ay kormeer ku sameeyeen qaybaha kala duwan ee cusbitaalka. Ugu dambayn, Agaasime Hamse wuxuu uga mahadceliyey booqashadooda, talooyinkooda, iyo taageerada ay u hayaan Cusbitaalka Guud ee Degmada Sheikh

10/07/2026

06/07/2026

Maanta oo ay taariikhdu tahay 06 July 2026, waxaa Buurta Sheekh ka dhacay laba shil oo gaadiid.

Shilka koowaad ayaa dhaawacay 4 qof, mana jirin wax dhimasho ah.

Shilka labaad oo ahaa gaari xamuul ayaa sababay geerida 2 qof oo walaalo ahaa.

Dhamaantoodba waxa lagu dabiibaya dhaawaca Cusbitaalka Guud Ee Degmada Sheikh qaybta gar gaarka deg deg ah

Alle ha u naxariisto intii geeriyootay, inta dhaawacantayna Alle ha siiyo caafimaad degdeg ah. Aamiin.

25/06/2026

25/06/2026

Saaka waxaa gudaha cusbitaalka laga fuliyey olole ballaaran oo nadaafadeed. Ololahan waxaa qayb weyn ka qaatay Agaasimaha Waaxda Arrimaha Bulshada ee Dawladda Hoose ee Degmada Sheekh iyo shaqaalihiisa, kuwaas oo si firfircoon uga shaqeeyey nadaafadda iyo bilicda deegaanka cusbitaalka.

Sidoo kale, ololaha waxaa ka qaybgalay Agaasimaha Cusbitaalka, Hamse Mohamed Dirie, oo door muuqda ka qaatay hirgelinta hawsha.

Ballanteennu waa shaqo, wadajir iyo horumar

14/06/2026

Ka Qayb Qaado Dhiig Shubista

14/06/2026

14 june 2026 Maalinta Dhig Shubista Aduunka

Cusbitaalka Sheikh iyo Saaka Waxaana qayb ka ahaa barnaamijka Dhiig shubista Mayorka Degmada Sheikh Eng Ismail Husien Ali Taliyhaa Ciidanka Dadmiska Jsl Sakariye Madaxa cafimaadka Deg iyo Agaasimaha Cusbitaalka Hamse Mohamed Dirie

Maxay Dhiig-bixintu Muhiim u Tahay?

Dhiigga la bixiyo wuxuu badbaadiyaa dadka:

Shilalka iyo dhaawacyada culus qaba.
Hooyooyinka la kulma dhiig-bax xilliga dhalmada.
Bukaannada kansarka.
Dadka qalliinnada lagu sameeyo.
Carruurta iyo dadka qaba cudurrada u baahan dhiig joogto ah.
Farriinta Maalinta

Dhiig-bixintu waa hadiyadda nolosha. Hal qof oo dhiig bixiya ayaa gacan ka geysan kara badbaadinta dhowr qof.

Mudada uu soconaayo 14 ilaa 18 bish lixaad 2026
Hambalyo dhammaan dhiig-bixiyeyaasha adduunka ee 14 Juun 2026

13/06/2026

Hal-ku-dhegga Ololaha Sanadkan 2026
Dhiig ku deeq si aad naf u badbaadiso

OGEYSIIS MUHIIM AH – OLOLAHA DHIIG SHUBISTA

Maamulka Cusbitaalka Guud ee Degmada Sheekh, gaar ahaan Agaasimaha Cusbitaalka Hamse Mohamed Dirie, waxay bulshada reer Sheekh ku wargelinayaan in la qabanayo Ololaha Dhiig Shubista oo socon doona:
14–18 Luulyo 2026

Waxaan ugu baaqaynaa dhammaan bulshada inay ka qayb qaataan ololahan muhiimka ah, maadaama dhiig-bixintu ay badbaadin karto nolosha dad badan oo u baahan gargaar caafimaad.

Ka qayb qaado, dhiiggaaga deeq, kana mid noqo dadka badbaadiya nolosha walaalahooda.

08/06/2026

Agaasimaha Cusbitaalka Guud ee Degmada Sheekh, Hamse Mohamed Dirie, ayaa maanta oo ay taariikhdu tahay 8-da Juun 2026, ka qayb galay shirka heer qaran ee caafimaadka isku-dhafka ah iyo nafaqada, kaas oo ay soo qabanqaabisay Wasaaradda Horumarinta Caafimaadka.

Intii uu shirku socday, Agaasimaha Cusbitaalka Guud ee Degmada Sheekh ayaa soo bandhigay wax-qabadkii iyo guulihii uu cusbitaalku gaadhay muddadii u dambeysay, caqabadaha horyaalla adeegyada caafimaadka, iyo qorshaha horumarineed ee shanta sano ee soo socota, kaas oo lagu tayeynayo adeegyada caafimaadka, kor loogu qaadayo daryeelka bukaannada, isla markaana lagu xoojinayo adeegyada nafaqada.

Agaasimaha ayaa sidoo kale carrabka ku adkeeyay muhiimadda iskaashiga ka dhexeeya Wasaaradda Caafimaadka, hay’adaha taageera caafimaadka iyo bulshada si loo gaadho adeegyo caafimaad oo tayo leh oo loo siman yahay.

Ugu dambayn, Agaasime Hamse Mohamed Dirie ayaa mahadnaq u jeediyay dhammaan hormuudka Wasaaradda Horumarinta Caafimaadka dadaallada ay ku horumarinayaan adeegyada caafimaadka dalka, isaga oo si gaar ah ugu mahadnaqay Isuduwaha WHC ee Gobolka Saaxil taageerada joogtada ah iyo wada-shaqaynta wanaagsan ee uu la leeyahay Cusbitaalka Guud ee Degmada Sheekh.

Dhamaad.

26/05/2026

Duqa Degmada Sheekh oo Raashin ku Wareejiyey Agaasimaha Cusbitaalka si loo gaadhsiiyo bukaannada ay saameysay xanuunka Jadeecadu

Taariikhdu markay ahayd 25 May 2026, Duqa Degmada Sheekh, Eng. Mayor Ismail Hussein Ali, ayaa raashin ku wareejiyey Agaasimaha Cusbitaalka Guud ee Degmada Sheekh si loo gaadhsiiyo bukaannada ay saameysay xanuunka jadeecadu ee lagu daweynayay cusbitaalka.

Bukaanada ayaa si wanaagsan loola tacaalay, waxaana hadda xaaladdoodu aad u soo hagaagtay. Mahad gaar ah waxa leh dhammaan shaqaalaha cusbitaalka dadaalka ay muujiyeen.

Ballanteennu waa adeeg hufan iyo shaqo daacad ah.

Qore: Hamse Mohamed Dirie
Agaasimaha Cusbitaalka Guud ee Degmada Sheekh