16/06/2026
بوست #طويل سامحوني ، ولكن الفكرة لي فيه مهمة جدا ...
بيجيني مرضى كتير بدا تعمل ابتسامات (تركيبات) ع أسنان أمامية بحاجة سحب عصب ، بكون هم المريض الأساسي أنو التركيباات تكون حلوة و مابيعطي أي اهتمام للمعالجة اللبية ، وأنو دكتور ليش في تكلفة ع المعالجة اللبية ؟! ليكو الدكتور فلان عامل عرض انو التركيبات عليك و المعالجة اللبية علينا / ليكو الدكتور علتان بقلك اذا بدك تركب عندي بحسبلك المعالجة اللبية بربع القيمة ،وقيس ع هل حكي ...
وأنا دائما بحكي لمرضى التركيبات نفس الجملة : جمال التركيباات لايقل أهمية عن المعالجة اللبية لي هيي يا بتضل بسببا مرتاح من الآلام مدى الحياة اذا الله راد ويسر ، يا أما لح تفرح شهرين تلاتة بالتركيبات و تبدأ اوجاع الخراجات بسبب المعالجة السيئة😓
لمريضتنا لي كانت للاسف وحدة من هدول الناس
راجعتنا بمنظر تركيبات للأمانة جميل جدااا👌 بس بنفس الوقت ماعم تقدر تعض أي شي ع الاماميات السفليات بسبب الخراجات الكبيرة تحتها
توفيق رب العالمين عليها انو قدرنا نحافظلا ع التركيبات و نفكون و نرجع نركبون نفسون واقتصرت تكاليفا ع إعادة المعالجة فقط
لانو هيي بالاساس ماصرلها ستة اشهر (على حسب زعمها) عاملة هي الابتسامة ومتكلفة عليها رقم مادي كبير
تم بعون الله إعادة المعالجة للأسنان الأربعة مع عدة جلسات ارواء للتأكد التام من خروج كامل سوائل الخراجات و من ثم حشو الاقنية بحشو كتيم وتحقيق ختم ثلاثي الابعاد
تمت بعونه تعالى ، دمتم بخير ❤️
#طبيب #تركيبات #ابتسامة
