super mammy

super mammy Contact information, map and directions, contact form, opening hours, services, ratings, photos, videos and announcements from super mammy, Paediatrician, Damascus.

مساحتك الآمنة لفهم صحة اطفالك ●أخصائية أطفال ورضع وحديثي ولادة ●بورد سوري بطب الأطفال ●بورد عربي من المجلس العربي للاختصاصات الصحية

كنا حكينا شوي عن الاستجابة العاطفيه للطفلولاهميه الموضوع حبيت ارجع ضوي عليه ونأكد انو الدعم العاطفي من الاسره هو الحصن ...
23/04/2026

كنا حكينا شوي عن الاستجابة العاطفيه للطفل
ولاهميه الموضوع حبيت ارجع ضوي عليه ونأكد انو الدعم العاطفي من الاسره هو الحصن المنيع للطفل تجاه اي مدخل خارجي مهما كون نوعو

#الجرباستشر طبيبك لوضع التشخيص الصحيح واختيار العلاج الأنسب
22/04/2026

#الجرب
استشر طبيبك لوضع التشخيص الصحيح واختيار العلاج الأنسب

25/11/2025

#ماميات #أطفال #تغذية #صحة

25/11/2025

👶📚📚الجمعيه الامريكية لطب الاطفال بتوصي اانو نعمل تحليل روتيني الزامي لنكشف عن فقر الدم بعوز الحديد بعمر السنه
وبعمر أبكر يعني حوالي اربع شهور منعملو اذا عنا ولادة مبكرة او وزن منخفض او رضاعه غير مدعمة بالحديد او حمية نباتية أو سوء وضع معيشي.

طيب ليش 🤔 !؟

�💥لأنو نقص الحديد هو أكثر نقص غذائي شائع عند الأطفال، وممكن يأثر بشكل كبير على صحتهن وتطورهن العقلي والحركي.
💥💥فالفحص المبكر مهم حتى نكتشف المشكلة قبل ما تسبب تأخر نمو أو مشاكل صحية تانيه.

23/11/2025

إهمال بكاء الرضيع أو تجاهله مو شي عادي لأن الطفل بعبر من خلال البكاء عن حاجاتو الأساسية
لا تحرمو ولادكن عاطفتكن لأنو الحب والحنان هنن الدوا الطبيعي لكل طفل💛

☀👶️ كتير ناس بتقول: “كل عمرنا بقولولنا نحط البيبي بالشمس لياخد فيتامين د؟”فيتامين D ممكن يجي من التعرض للشمس بس بشروط كت...
23/11/2025

☀👶️ كتير ناس بتقول: “كل عمرنا بقولولنا نحط البيبي بالشمس لياخد فيتامين د؟”

فيتامين D ممكن يجي من التعرض للشمس بس بشروط كتيرة وصعب نحققها بمعظم الاوقات
هاد غير انو 🌤️ الشمس مو دايما مصدر ثابت لفيتامين D وفي عوامل مؤثرة كتيرة مثل:
• المناطق البعيدة عن خط الاستواء، خصوصا بالشتاء❄️.
• تلوث الجو العالي🌬.
• الغيوم الكثيفة🌫.
• الأواعي اللي بتغطي الجلد.
• الواقي الشمسي☂️.
• لون الجلد الغامق.

النتيجة المهمه : مكملات فيتامين D ضرورة مانا رفاهية.

🥗🥣🌮🥦🌶🫛🥬🥒🫑
#أطفال #ماميات #تغذية #نصائح #وجبة #حب #اهتمام #صحة

👶 فيتامين د● شو بيعمل هالفيتامين !؟الأطفال كلهن بيحتاجوا فيتامين D ليبنوا عظام قوية 🦴 ويحافظوا على نمو طبيعي. وهو ضروري ...
22/11/2025

👶 فيتامين د

● شو بيعمل هالفيتامين !؟
الأطفال كلهن بيحتاجوا فيتامين D ليبنوا عظام قوية 🦴 ويحافظوا على نمو طبيعي. وهو ضروري حتى ما يصير عند الطفل الرخد (الكساح)، يلي هو حالة بتصير فيها العظام طرية وضعيفة عند الأطفال اللي عم يكبروا.

● كيف بيحصل الطفل على حاجته من هالفيتامين المهم !؟
حليب الأم — رغم فوائده العظيمة — ما بيعطي الكمية الكاملة من فيتامين D. لهيك:
• الطفل اللي بيرضع رضاعة طبيعية فقط، أو طبيعية مع صناعي، بيحتاج مكمل يومي 400 وحدة دولية.
• الطفل اللي بياخذ حليب صناعي فقط عادة ما بيحتاج مكمل، لأنو الحليب الصناعي مدعم بفيتامين D من الأساس.

● إيمت واديش بيحتاج الطفل من فيتامين د !؟
منبدأ بعد فترة قصيرة من الولادة، والجرعه حسب العمر:
• الأطفال تحت عمر 12 شهر: 400 وحدة دولية (IU) يوميا.
• الأطفال من عمر 12–24 شهر: 600 وحدة دولية (IU) يوميا.

● 🍽 شو هي الأغذية الغنية بفيتامين د ؟
لما الطفل يبلش بالأكل الصلب، مهم يدخل مصادر طبيعية للفيتامين، مثل:
• أنواع من السمك مثل السلمون والتونة.
• البيض.
• منتجات مدعمة بفيتامين D مثل:
– الحليب البقري الكامل للأطفال بعد عمر سنة.
– اللبن (الزبادي).
– بعض الحبوب المدعمة.

#فيتامين
🥗🥣🌮🥦🌶🫛🥬🥒🫑
#أطفال #ماميات #تغذية #نصائح #وجبة #حب #اهتمام #صحة

👶 البيبي عم يكبر قدام عيونا، وجسمه بهالمرحلة عم يأسس لكل شي مهم لقدامبهالرحلة في ٣ عناصر بحب ركز عليهن لأنهن حجر الأساس ...
22/11/2025

👶 البيبي عم يكبر قدام عيونا، وجسمه بهالمرحلة عم يأسس لكل شي مهم لقدام
بهالرحلة في ٣ عناصر بحب ركز عليهن لأنهن حجر الأساس للنمو: فيتامين D، الحديد، والزنك.
وبرحلتنا التغذوية الجاية رح ناخد كل واحد منهم بالتفصيل…
تابعونا 🥰🥰

🥗🥣🌮🥦🌶🫛🥬🥒🫑
#أطفال #ماميات #تغذية #نصائح #وجبة #حب #اهتمام #صحة

"Baby Blues"طفل أزرق ولا أم مرهقة؟ 👼🤱الاسم مابدل عالبيبي ابدا هو حالة مؤقتة ممكن تصير للمامي بعد الولادة.بتتميز بأعراض خ...
21/11/2025

"Baby Blues"

طفل أزرق ولا أم مرهقة؟ 👼🤱
الاسم مابدل عالبيبي ابدا هو حالة مؤقتة ممكن تصير للمامي بعد الولادة.
بتتميز بأعراض خفيفة مثل التعب، العصبية، قلة الشهية، بس ما بتمنع الأم الجديدة من متابعة يومها الطبيعي.
ممكن تستمر من 3 إلى 10 أيام وبتصير عند حوالي 80% من السيدات.

ايمت منقلق وبصير ضروري نطلب استشارة طبية؟👩‍🔬👩‍🔬
لو استمرت الأعراض أو صارت قوية بأي وقت خلال السنة الأولى بعد الولادة، وبلشت تأثر عحياتك أو قدرتك على العناية بنفسك أو بالبيبي، أو ارتبطت بفقدان المتعة والشعور بالذنب أو العجز، لا تترددي بطلب استشارة طبية.
تذكري:
الأم يلي تهتم بصحتها النفسية أم قوية 💛


20/11/2025

�🌍🌎🌏👶�💙 باليوم العالمي للطفل… في رسالة ما لازم تمر هيك ببساطة:

🍼 حليب الأم أول هدية بتحصل عليها طفلتك أو طفلك

خلينا نتذكر بهاليوم إنو حضنك يامامي🤱 هو المكان الأول يلي بيحس فيه بالأمان… وإن كل رضعة هي خطوة صغيرة لطفل سوي وأم أقوى





#أطفال #ماميات #تغذية #نصائح #وجبه #حب #اهتمام #صحه

Address

Damascus

Website

Alerts

Be the first to know and let us send you an email when super mammy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category