29/08/2026
ليش منسأل المريض أحيانا عن التشققات وعن لونها ؟؟.
التشققات مو دائما مجرد علامة لتبدل الوزن
منسأل عن التشققات لأن شكلها وتوزعها ممكن يعطينا علامة مهمة على فرط الكورتيزول.
لما بيكون في فرط كورتيزول مرضي (متلازمة كوشينغ ) التشققات بتكون غالبًا أرجوانية/حمراء، واضحة وعريضة.
و بتترافق مع علامات تانية مثل السمنة المركزية، ضعف العضلات القريبة، سهولة التكدم، ارتفاع ضغط الدم أو اضطراب سكر الدم.
والنقطة الأهم أنو التشققات وحدها مابتشخّص كوشينغ؛ لكن ممكن توجهنا لحتى نقرر إذا كان المريض بيحتاج تحاليل لتأكيد الحالة.
#تشققات
#بدانة
#سكري
