08/05/2026
غيرت اسمي لانو بخاف حدا يعرف اني اجيت على عيادة نسائية
كانت قاعدة قدامي ومتوترة بطريقة بتكسر القلب…
إيديها عم يفركوا ببعض وعيونا مليانة خوف.😰
قالتلي بصوت واطي:
“أنا صارلي شهرين عم آخد علاج للكيسات…
بس كل الليل عم ابكي.😭
قالولي هالأدوية بتخرب المبايض… وماني رح احمل بالمستقبل.”
وبعدين سكتت شوي وقالت جملة وجعتني أكتر من كل شي:
“أنا أصلاً إجيت لعندك بالسر…
(عفكرة الام عملت الاضبارة باسمها لانو عيب تجيب بنتا لعيادة نسائية مهية بنتا لساتا مانا متجوزة شو هالعيب ان شالله ماحدا يشوفا )
قديش في بنات لهلأ عم يخافوا من كلمة “نسائية”…
وكأنو وجع البنت لازم يضل مخبى لحتى تتزوج!
الخطر الحقيقي مو بالعلاج…👇👇
الخطر إنو البنت تضل ساكتة سنين خوفًا من كلام الناس.
