เว็บไซต์คืออะไร?

https://www.facebook.com/109260728116778/

ဓမ္မလောက အရှင်, Bangkok (2026)

25/03/2026

ကိုယ့်ကိုယ်ကိုတန်ဖိုးထားလေးစားတဲ့ပုဂ္ဂိုလ်တိုင်းဟာအကောင်းဆုံးဖြစ်အောင်ကိုယ်တိုင်ကြိုးစားကြရတာဖြစ်တယ်

09/02/2026

Walk for peace ဆရာတော်ရဲ့
ရက် (၁၀၀)မြောက် အမေး အဖြေများ 🙏🙏🙏

09/02/2026

စင်ကာပူနိုင်ငံမှာ ဆေ:ရုံ.တ.က်နေတဲ့ ပါမောက္ခချုပ်ဆရာတော်ကြီးနဲ့ ဗီ.ဒီ.ယို.ကော.လ်ပြောပြီး ဂါရဝပြုခဲ့တဲ့ Walk for Peace ဆရာတော် အရှင်ပညာကာရ
ရွှေဘုန်းပွင့် ဆရာတော်က "ဒီနေ့တော့စိတ်အားတက်စရာအခိုက်အတန့်လေးတစ်ခုအကြောင်းပြောပြမလို့ပါ မနေ့ညက ကျနုပ်နှင့် အရှင်ပညာကာရတို့အိပ်စက်အနားယူမည့်အခန်းဆီတို့ ရွှေသင်းဆရာတော်နှင့်ပါချုပ်ဆရာတော်ကြီး၏တပည့်ဖြစ်သူ အရှင်ဇဝနတို့ အလည်အပတ်ရောက်လာခဲ့ကြသည် အရှင်ဇဝနမှ အရှင်ပညာကာရအား ပါချုပ်ဆရာတော်ကြီးလဲ အရှင်ဘုရားတို့ခရီးစဉ်ဗီ.ဒီ.ယိုရု.ပ်သံ.တွေကြည့်ပြီးအားပေးနေတယ်လို့လျှောက်ထားပြီး ဆရာတော်ကြီးဆီဖုန်းခေါ်ကာ အရှင်ပညာကာရနှင့်ပါချုပ်ဆရာတော်ကြီးတို့ ဗီ.ဒီ.ယို.ကောလ်ဖြင့်စကားပြောဆိုကြပါတယ်။
မာကြောင်းသာကြောင်း အပြန်လှန်မေးကြပြီး ဆရာတော်ကြီးမှ အရှင်ပညာကာရကို ဒီခရီးစဉ်ကအလွန်မှန်ကန်တဲ့လုပ်ရပ်ဖြစ်ပြီး လူတွေလိုအပ်နေတဲ့ ငြိမ်းချမ်းရေးဆိုတာ စိတ်ကနေစပြီးပြောင်းလဲဖို့လိုအပ်ကြောင်း လက်တွေ့ကျကျလုပ်မှ ငြိမ်းချမ်းခြင်းကိုရနိုင်မှာဖြစ်ကြောင်း ဆရာတော်ကြီးကိုယ်တိုင်ကလဲ အခုလို walk for peace လမ်းလျှောက်ခရီးစဉ်အတွက် အလွန်အားရပါကြောင်း မိန့်ပါတယ်။
အရှင်ပညာကာရမှလဲ သူ့ရဲ့လုပ်ဆောင်မှုကြောင့် လူတွေ ဗုဒ္ဓဘာသာကို ပိုပြီး ဂရုစိုက်မိလာတာကိုပဲကြေနပ်ပါကြောင်းနှင့် ဆရာတော်ကြီးဆီကို မကြာသောအချိန်မှာ ထပ်မံလာရောက် တွေ့ဆုံပါမည့်အကြောင်းကိုလျှောက်ထားပါတယ်. ထို့နောက် ဆရာတော်ကြီးမှ အရှင်ပညာကာရ ဦးစီးလုပ်ဆောင်နေတဲ့ ဓမ္မစေတီ (ပိဋကတ်ကျောက်စာစေတီ) စီမံကိန်းအကြောင်းကိုလဲမေးပါသည်. ပါချုပ်ဆရာတော်ကြီးသည် ယခုအခါ စင်္ကာပူဆေ:ရုံ.တွင်ခါ:အရို:ခွဲ-စိ-တ်မှုပြုလုပ်ထားရပါသဖြင့် လူ-နာ-ကုတင်ပေါ်ကနေပဲ စကားပြောဆိုပါသည်. ထို့နောက် အရှင်ပညာကာရမှ ဆရာတော်ကြီး အရမ်းပင်ပန်းနေပါ့မယ် နားပါဦး တပည့်တော် ဆရာတော်ကြီးဆီ လာရောက်ပါဦးမည်ပြောဆိုလျှောက်ထားပါသည်.
ထို့နောက် အရှင်ဇဝနမှ ကျနုပ်ဘက်ကို ဖုန်းလှည့်ပေးပြီး ဆရာတာ်ကြီးနှင့် မိတ်ဆက်ပေးပါသည်. ဆရာတော်ကြီးမှ ကျနုပ်အား ဘယ်ပြည်နယ်မှာနေလဲ ဘယ်လောက်ကြာပြီးလဲ ဘယ်မှာစာသင်ခဲ့လဲ စသည်မေးပြီး ဒီခရီးစဉ်မှ အတွေ့အကြုံအချို့ကိုမေးပါတယ်.
ဆရာတော်ကြီးမှ အရှင်ဘုရားတို့ ငယ်ရွယ်စဉ်မှာ လုပ်နိုင်သမျှလုပ်ထားကြဖို့ သူကိုယ်တိုင်လဲ ဒီအသက်အရွယ်ထိ လုပ်နိုင်သမျှကိုလုပ်နေသေးကြောင်းလဲမိန့်ပါတယ်. ထို့နောက်ဆရာတော်ကြီးက သူလွန်ခဲ့တဲ့ အနှစ် (၂၀) က ဂျာမန်လူတစ်ရောက်နှင့် သင်တန်းပို့ချရင်း စကားပြောမိကြတော့ တစ်ချိန်ကြရင် ဗုဒ္ဓဘာသာကို အနောက်တိုင်းသားတွေကပိုပြီးစိတ်ဝင်စားလာမှာကိုသူတွေးမိကြောင်းပြောဆိုမိခဲ့ကြပုံ အခုအဲအချိန်ကိုများရောက်လာနေပြီလားဟု သူတွေးနေမိခဲ့ပုံကိုမိန့်ပါတယ်.
ဗုဒ္ဓရဲ့ တရားတွေက လက်တွေ့ကျပြီး အကျိုးကိုလဲ လက်တွေ့ခံစားရလို့အနောက်တိုင်းကလူတွေနဲ့ပိုပြီး သဟဇာတကြကြောင်းမိန့်ပါတယ် အရှင်ပညာကာရက သူ့ကိုအမေရိကကိုကြွရောက်ဖို့အကြိမ်ကြိမ်ပင့်လို့ ကြွဖို့စိတ်ကူးနေတုန်း ဗီဇာအခ.က်.ခဲ.ကြုံလို့ မကြွဖြစ်သေးကြောင်းမိန့်ပါတယ်.
ဆရာတော်ကြီးက လူနာကုတင်ပေါ်က မကျန်းမ.မာ.ပေမဲ့ ဘာသာ သာသနာအတွက် စကားအတော်လေးပြောချင်တာကိုတွေ့ရပါတယ် ကျနုပ်ပဲစပြီး ဆရာတော်ကြီးဘုရား အရမ်းပင်ပန်းနေပါ့မယ် နားပါဦးဘုရား တပည့်တော်လဲ ဆရာတော်ကြီးကိုလာရောက်ကန်တော့နိုင်အောင် ကြိုးစားပါ့မယ်. ဆရာတော်ကြီးလဲ သာသနာတော်အတွက် အသ.က်ရှည်စွာနေပေးပါဘုရားလို့လျှောက်လိုက်တော့ ဆရာတော်ကြီးမှ ကံပေးသလောက်တော့နေရမှာပဲလေလို့ပြုံးပြုံးလေးမိန့်ပြီး ကျနုပ်တို့မှ ပါချုပ်ဆရာတော်ကြီးအား ဦးသုံးကြိမ်.ချ. နှုတ်ဆက်ကန်တော့လိုက်ပါသည်." လို့ မိန့်ကြားပြောပြလာခဲ့တာ ဖြစ်ပါတယ်.

31/01/2026

ပေါ်ထွက်ရန် ခက်ခဲတဲ့သကျသီဟဝဋံသကာနဲ့သကျသီဟဝိသိဋ္ဌသာမဏေကျော်ဘွဲ ကို ရရှိတော် မူခဲ့သော
အရှင်ဃောသိတ နဲ့ ရှင်ဝိသုဒ္ဓဉာဏ

၁၃၈၇ ခုနှစ် တနှစ်တည်းမှာပဲ အရှင်သူမြတ် နှစ်ပါးဟာ ထူးထူးခြားခြား ဆွတ်ခူးနိုင်ခဲ့ကြပါတယ်။

28/01/2026

🙏ဆရာကောင်း တပည့်၊ ပန်းကောင်းပန်🙏
▪️ပါချုပ်ဆရာတော်ကြီးနဲ့ ဖါးအောက်တောရဆရာတော်ကြီးတို့ဟာ ပါဠိ၊ မြန်မာကျွမ်းကျင်သလို အင်္ဂလိပ်လိုလည်းကောင်းကောင်းပြောတတ်ပါတယ်။ တစ်ဦးနဲ့တစ်ဦးလည်း ရင်းနှီးကြပါတယ်။ သက်တော်တွေကလည်းမတိမ်းမယိမ်းတွေပါ။
▪️Walk for peace ခေါင်းဆောင်ဆရာတော် ဘိက္ခူပညာကာရ ဟာ ၂၀၁၈ -၂၀၂၀ ထိမြန်မာပြည် မှာ (ထားဝယ်ဖါးအောက်တောရနှင့်ပြင်ဦးလွင်ဖါးအောက်တောရတို့မှာ ) ဓမ္မစာပေသင်ယူရင်း တရားအားထုတ်ကျင့်ကြံခဲ့တဲ့အကြောင်း ဆရာတော်ရဲ့ ဟောပြောပွဲတွေမှာ ပြောကြားလို့သိရှိပီးဖြစ်ပါတယ်။
ဆရာတော် မြန်မာပြည်မှာရှိစဉ်ကာလ က ပါချုပ်ဆရာတော်ကြီးကိုလည်းသွားရောက်ဖူးမျှော်ပီး တရားဆွေးနွေးမေးမြန်းခဲ့ပါသေးတယ်။
▪️ဒီလို ပညာအရာမှာ ပြည့်စုံတဲ့ ဆရာတော်ကြီးတွေနဲ့တွေ့ဆုံ ဆွေးနွေးခဲ့လို့လည်း ခု အမေရိကားမှာ ပြုလုပ်နေတဲ့ walk for peace ခရီးစဉ်တစ်လျှောက် မှန်ကန်သော တရားကျင့်စဉ် အတွေ့အကြုံတွေကို ရဲရဲဝံ့ဝံ့ဟောပြောပြသနိုင်တာဖြစ်ပါတယ်။
▪️ဆရာကောင်း တပည့် ပန်းကောင်းပန်ဆိုသလိုပေါ့နော်။ 🙏🙏🙏
Photo: credit to original photographer

27/01/2026

ဦးဆောင်ဗီယက်နမ်ဆရာတော်အရှင်ပညာကာရ ပါချုပ်ဆရာတော်ကြီးကို မြန်မာနိုင်ငံသို့ သွားရောက်ဖူးမျှော်ခဲ့စဉ်က ပုံလေးပါခင်ဗျာ🙏🙏🙏

Credit

26/01/2026

ဗီယက်နမ် ဆရာတော် ဦးဆောင်တဲ့ ငြိမ်းချမ်းရေးလမ်းလျှောက်ပွဲက အခုကမ္ဘာမှာ ဟော့ဖြစ်နေတာ။
အရင် လျှောက်ကာစက တွေးမိတယ် မိုင်နှစ်ထောင်ဆိုတာ နည်းတာမဟုတ်ဘူး ဘာလုပ်ဖို့လဲ ဘာအကျိုးရှိမလဲပေါ့။
ချက်ချင်း သတိရတာက Forest gump ကားထဲက Tom Hank အဝေးကြီးပြေးတာကိုပါပဲ။
မြန်မာလိုကြီး အရင်တွေးတာက ဘုန်းကြီးက ဘာဖြစ်လို့ ဒီလို တွေးရတာလဲ နာမည်ကြီးချင်တာလားလို့ပါ တွေးမိသေးတယ်။
လမ်းလျှောက်တာနဲ့ ငြိမ်းချမ်းပါ့မလား စစ်ရိပ်တွေမိုးနေတဲ့ ကမ္ဘာ့ကောင်းကင် ပြာလဲ့လာပါ့မလားပေါ့ ။
လက်ရှိမြန်မာကလည်း မအေးချမ်းသလို ဘာသာရေးမှာလည်း အဆင်မပြေမှုတွေ မျိုးစုံကြားနေရပြီး ဗုဒ္ဓဘာသာဝင် နာမည်ကြီး ဘုန်းကြီး တစ်ချို့တွေတောင် နိုင်ငံကျော်အောင် ဝေဖန်မှုအမျိုးမျိုး ခံနေရတာ အားလုံးအသိ။
အမှန်ကိုဝန်ခံရရင် ဘာသာခြား တွေရှေ့မှာ ဘုန်းကြီးရဲ့ ငြိမ်းချမ်းရေးလမ်းလျောက်ပွဲက ထိရောက်မယ်လို့ မထင်ခဲ့ပါဘူး။

အခုလား-
အကြီးအကျယ် အံ့သြနေရတယ် တကယ့်ကို ဝက်ဝက်ကွဲပဲ။ ခရီးမဆုံးသေးပေမဲ့ အကြီးအကျယ် အောင်မြင်မှုရတာ မြင်နေရပြီ။
ခေါင်းဆောင် ဗီယက်နမ်ဦးဇင်းက လောကီပညာတတ် အင်ဂျင်နီယာ။ ဘာသာရေးဖက် ရောက်ပြီး ဘုရားအဆုံးအမတွေကိုလေ့လာတာမှာ မြန်မာပြည်လာပြီး နှစ်နှစ်လောက် တရားတွေ လေ့လာအားထုတ်သွားတယ် ကြားတာပဲ ဘယ်ကျောင်းမှာ အားထုတ်တယ်တော့မသိဘူး။
သူ့မျက်နှာက တရားရှိတာ ထင်ရှားတယ် တည်ငြိမ်တယ်။ အမူအရာလည်း မကလက်ဘူး။ စကားတွေကိုလည်း အပိုတွေ မပြောဘူး ဘုရားအဆုံးအမတွေကိုပဲ နားလည်လွယ်အောင်ပြောသွားတယ်။ သူ့ခရီးကိုဆက်မသွားဖို့ လာတားတဲ့သူလည်း ရှိခဲ့တယ် မေတ္တာနဲ့ပဲ ဖြေရှင်းပြီး ခရီးဆက်ခဲ့တယ်။
ခရီးတစ်ထောက်နားရာ ရောက်တိုင်း တရားဟောတယ်၊ ဒီနေ့ပဲ YouTube ကနေ နာလိုက်ရတယ်။ ဝမ်းလည်းသာသလို ကြည်လည်းကြည်ညိုလိုက်တာ။

🙏🙏🙏 ဦးတော်ပါဘုရား။

အပိုဆာလားတွေမပါဘူး။
ငြိမ်းချမ်းရေးလို့ ခေါင်းစဥ် တပ်ထားတဲ့အတိုင်း ငြိမ်းချမ်းရေးအတွက်ပဲ ဟောပြသွားတယ်။
တစ်ချို့မှတ်မိတာလေးတွေ ပြန်ဝေမျှရရင်-

*** ကမ္ဘာကြီး ငြိမ်းချမ်းဖို့ဆိုတာ တစ်ဦးခြင်းငြိမ်းချမ်းကြဖို့လိုတယ်။

*** ကျားနဲ့တူတဲ့ စိတ်ကြမ်းနဲ့ မြောက်နဲ့တူတဲ့ မတည်ငြိမ်တဲ့ စိတ်ကို ထိန်းရမယ်။

*** တစ်နာရီမှာ တစ်မိနစ် တရားမှတ်နိုင်ရင်ကို ငြိမ်းချမ်းတာမို့ အဲ့လိုမှတ်ဖို့ ကြိုးစားရမယ်။

*** သံယောဇဥ်ဖြစ်နေတဲ့ ဖုန်း အပေါ် စွဲလန်းမှုကို လျှော့ချပါ။

*** မနက်, နေ့လည်. ညနေ တစ်နေ့သုံးကြိမ် တစ်ကြိမ်ကို ဆယ့်ငါးမိနစ် ဖုန်းကို ချထားပါ။

*** မနက်အိပ်ယာထတာနဲ့ ငါ့အတွက် ဒီနေ့ဟာ ငြိမ်းချမ်းတဲ့ရက်ကောင်း ဖြစ်ရမယ်လို့ ခံယူချက်ထားပြီး ကြိုးစားပါ။

သူနဲ့ ကင်ဆာရောဂါသည် တစ်ယောက်နဲ့တွေ့တော့
-တပည့်တော်က ကင်ဆာဖြစ်နေပါတယ် သုံးနှစ်ဆို သေရမှာပါ၊ ပူဆွေးနေရပါတယ်ပြောတော့
- ဘာမှ မပူဆွေးနဲ့ ဖြစ်ပြီးတာတွေ မတွေးနဲ့ မဖြစ်သေးတာကိုလည်း မတွေးနဲ့ အခုလောလောဆယ် လေရှုသွင်း,ရှုထုတ်တာလေးကိုပဲ အာရုံစိုက်နေဆိုတော့ သဘောပေါက်သွားတဲ့ရောဂါသည်က ကျေးဇူးမျက်ရည်မိုးတွေရွာလို့ပေါ့။

သူပြောတာတွေ အများကြီးပဲ အဓိက က တရားသမားပီပီ ကိုယ့်မှာ ဖြစ်နေတဲ့ မကောင်းတဲ့စိတ်တွေ မဖြစ်ဖို့ အသက်ရှုလေ့ကျင့်ခန်းကို စိတ်စိုက်ထားဖို့, တရားထိုင်ဖို့, တိုက်တွန်းသွားတာပဲ။
စိတ်မှာ အကုသိုလ်စိတ် မဖြစ်အောင် အကုသိုလ် မရှိတဲ့နေရာမှာပဲ စိတ်ကိုကပ်ထားလိုက်ရင် အေးငြိမ်းလာပြီး အဲ့ဒီ အေးချမ်းမှုကသာ ကိလေသာကင်းပြီး တကယ်ငြိမ်းချမ်းခြင်း အစစ်ပဲဆိုတာ မြန်မာမှာတော့ လေ့လာဖူးသူတိုင်း သိကြပြီးသားပါ။
အားလုံးခြုံကြည့်လိုက်တော့ ကိလေသာကင်းပြီး ငြိမ်းချမ်းစေတဲ့ ဘုရားရဲ့ ဝိပဿနာအရသာလေးတွေ မြည်းစမ်းစေချင်လို့ လျှောက်လမ်းတဲ့ မိုင်နှစ်ထောင်ကျော်ဆိုတာ ငြိမ်းချမ်းရေး လမ်းလျှောက်ပွဲ အစစ် ဖြစ်တော့တာကိုးလို့ သိပြီး သာဓုအကြိမ်ကြိမ် ခေါ်လိုက်ရပါတယ်ဘုရား🙏🙏🙏
Credit to original post

26/01/2026

ဘုရားအဖြစ်သို့ ရောက်ရှိတော်မူတဲ့ မဟာသက္ကရာဇ်(၁၀၃)ခု
ဝါလကင်းလွတ် သတင်းကျွတ်ချိန်မှာ

မြတ်စွာဘုရားက…

“ရဟန်းတို့ လူသားတို့ တိုးတက်ကြီးပွါးဖို့၊လူသားတွေ ချမ်းသာဖို့၊လူသားတို့ကို စောင့်ရှောက်ဖို့ ခရီးလှည်လည်ကြ၊
စလယ်ဆုံး သုံရပါးနဲ့ပြည့်စုံကောင်းမွန်တဲ့တရားဟောကြ၊စင်ကျယ်မြင့်မြတ်တဲ့ အကျင့်ကို ကျယ်ပြန့်အောင် ထင်ရှားပြ” ဟု သာသနာပြုရန် စေလွှတ်တော်မူတဲ့ စကားသံကို ကြားယောင်ပြီး မျက်လုံးထဲမှာ အခုရက်အတွင်း အမေရိကားမှာ Walk For Peace.လျှောက်နေတဲ့ ဆရာတော်များကို မြင်ယောင်မိပါတယ်။

ပံ့သကူသင်္ကန်းစစ်စစ်ကြီးများ ဝတ်ရုံတော်မူပြီး ခြေဗလာနဲ့
ခရီးရှည်ကြွနေကြတာ၊ကိုယ့်ပရိက္ခရာ ကိုယ်လွယ်ပြီး ကြွနေ
ကြတာကို ဒကာဒကာမတွေကလည်း အလေးအမြတ် လှိုက်
လှိုက်လှဲလှဲ အားရပါးရကြည်ညိုနေကြတာ၊ကြည်နူးအား
ရစရာကြီး။

မယာသာဌေယျ ကင်းပြီး ရိုးဖြောက်ကြတာ၊
ကုဟက.အံ့ဩဖွယ်ပြုမူတာမျိုးမဟုတ်ကြတာကို
အရှင်ဘုရားများရဲ့မျက်နှာတွေမှာ အရှင်းသားအထင်းသားပေါ်နေပါတယ်။

26/01/2026

အလွန်အေးတဲ့ နှင်းမုန်တိုင်းကြားမှာ Walk for Peace ရဟန်းတော်တွေက လမ်းဆက်လျှောက်နေကြပါတယ်။

“ဝီရိယ” ဆိုတာ သူရဲကောင်း (ဝီရ) တွေရဲ့ လုပ်ဆောင်မှုပါ။ ဝီရိယနဲ့ ပတ်သက်ပြီး ဒေါ်အောင်ဆန်းစုကြည်က ဆရာတော်ကြီးတစ်ပါးရဲ့ စကားကို ကိုးကားပြီး အဆင့်လေးဆင့်နဲ့ ရှင်းပြခဲ့ ဖူးပါတယ်။

■ ပထမအဆင့်က
အလုပ်တစ်ခုကို လုပ်မယ်လို့ ဆုံးဖြတ်တာ၊
အဲဒါ အနိမ့်ဆုံးအဆင့် ဝီရိယ။

■ ဒုတိယအဆင့်က
ဆုံးဖြတ်ချက်အတိုင်း အလုပ်ကို စပြီးလုပ်တာ။

■ တတိယအဆင့်က
ခက်ခဲပေမယ့်လည်း ဆက်ပြီးလုပ်တာ။

■ စတုတ္ထအဆင့်က
ရှုံးနိမ့်မှုနဲ့ရင်ဆိုင်ရရင်တောင်မှ လက်မမြှောက်ဘဲ နောက်တစ်ခါထပ်ပြီး ကြိုးစားတာ။
အဲဒါ ဝီရိယပါပဲ။

Credit:

24/01/2026

ဖူးမြှော်နိုင်ကြပါစေ။ 🙏🙏🙏

14/01/2026

ဆောက်လုပ်ရေး ကရိန်း ရထားလမ်းပေါ်ပြိုကျ၊ မောင်းလာတဲ့ ရထားက ဝင်တိုက်၊ လမ်းချော်ပြီး လူ ၂၂ ဦး ‌ေ-သဆုံး

ဘန်ကောက် မှ Ubon Ratchathani သို့ ထွက်ခွာလာတဲ့ ရထားတစ်စင်းဟာ Sikhio ခရိုင်မှာ ပြိုကျနေတဲ့ ဆောက်လုပ်ရေးကရိန်းတစ်ခုနဲ့ တိုက်မိပြီး ခရီးသည် ၂၂ ဦး ‌ေ-သဆုံးကာ ၃၀ ခန့် ဒဏ်ရာရရှိခဲ့ပါတယ်။ ဘန်ကောက်မြို့ရဲ့ အရှေ့မြောက်ဘက် ၂၃၀ ကီလိုမီတာအကွာ Sikhio ရှိ Ban Thanon Kod ရထားလမ်းပိုင်းမှာ ဒီနေ့ ဇန်နဝါရီလ ၁၄ ရက် မနက် ၉:၀၅ နာရီက ဖြစ်ပွားခဲ့တာဖြစ်ပြီး ကယ်ဆယ်ရေးအဖွဲ့တွေလည်း ချက်ချင်း သွားရောက်ခဲ့ကြပါတယ်။

ကနဦးသတင်းတွေအရ မြန်နှုန်းမြင့် ရထားလမ်းတံတား တည်ဆောက်ရေးမှာ သုံးနေတဲ့ ကရိန်းတစ်ခုဟာ ရထားလမ်းပေါ် ပြိုကျပြီး လမ်းပိတ်နေခဲ့တာပါ။ အဲဒါကို ရထားက ဝင်တိုက်ပြီး လမ်းချော်သွားခဲ့သလို တခြားဆောက်လုပ်ရေးပစ္စည်းတွေပါ ရထားပေါ် ပြုတ်ကျခဲ့ပါတယ်။ တိုက်မိမှုကြောင့် ရထားမီးလောင်မှုဖြစ်ပွားခဲ့ပြီး ကယ်ဆယ်ရေးသမားတွေက ပိတ်မိနေတဲ့ ခရီးသည်တွေကို ဟိုက်ဒရောလစ် ဖြတ်စက်တွေသုံးပြီး ကယ်ထုတ်ခဲ့ရကာ ဒဏ်ရာရသူတွေကို Sikhio, Sung Noen နဲ့ Maharat Nakhon Ratchasima ဆေးရုံတွေဆီ ပို့ဆောင်ပေးခဲ့ပါတယ်။

ထိုင်း ဒုတိယ ဝန်ကြီးချုပ်နဲ့ သယ်ယူပို့ဆောင်ရေးဝန်ကြီး ဖြစ်သူ Phiphat Ratchakitprakarn က ဒီဖြစ်စဉ်နဲ့ပတ်သက်ပြီး မီးရထားဌာန (SRT) ကို ကရိန်းပြိုကျရတဲ့ အကြောင်းရင်း စုံစမ်းစစ်ဆေးဖို့ ညွှန်ကြားထားပါတယ်။ SRT က ခရီးသည်နဲ့ ဝန်ထမ်း စုစုပေါင်း ၁၉၅ ဦး လိုက်ပါလာတဲ့ special express No. 21 ရထားဖြစ်တယ်လို့ ပြောပါတယ်။

ဒီရထားလမ်းတံတား တည်ဆောက်ရေးဟာ ၂၀၁၇ ခုနှစ်ကတည်းက စတင်ခဲ့တဲ့ အမေရိကန်ဒေါ်လာ ၅.၄ ဘီလီယံတန်ဖိုးရှိ ထိုင်း-တရုတ် မြန်နှုန်းမြင့်ရထားလမ်း (HSR) စီမံကိန်းရဲ့ အပိုင်း ၁ (ဘန်ကောက်-Nakhon Ratchasima) ဖြစ်ပါတယ်။ ဒီစီမံကိန်းဟာ တရုတ်နိုင်ငံရဲ့ Belt and Road စီမံကိန်းအောက်မှာ ဘန်ကောက်နဲ့ တရုတ်နိုင်ငံ Kunming မြို့ကို လာအို ကနေတဆင့် ၂၀၂၈ ခုနှစ်မှာ ချိတ်ဆက်မယ့် စီမံကိန်းဖြစ်ပြီး လက်ရှိမှာ အာဏာပိုင်တွေက ကရိန်းပြိုကျရတဲ့ အကြောင်းရင်းကို စစ်ဆေးနေပါတယ်။

Ref : Bangkokpost

06/01/2026

သင်တို့မသိသေးတဲ့ အာလောကအကြောင်း

Walk for Peace (W4P) အဖွဲ့ရဲ့ လူသိအများဆုံး၊ အကြော်ကြားဆုံး၊ အချစ်ခင်ခံရဆုံး အဖွဲ့ဝင်ကတော့ အားလုံးသိကြတဲ့အတိုင်း အမေရိကန်နိုင်ငံသား ငြိမ်းချမ်းရေးခွေးလေး အာလောကပဲဖြစ်ပါတယ်။ သူက အိန္ဒိယမှာမွေးတဲ့ လမ်းဘေးခွေးလေးပါ။ ခုတော့ သူက အမေရိကန်နိုင်ငံသားဖြစ်နေပါပြီ။ အသက်ကတော့ ၄နှစ်ကျော်ကျော်ရှိပြီလို့ ဆိုပါတယ်။

အာလောကလေးက ခုလောလောဆယ် အမေရိကန်မှာသာမက ကမ္ဘာပေါ်မှာ နာမည်အကြီးဆုံး၊ လူချစ်လူခင်အများဆုံး ခွေးလေးတစ်ကောင်ပါ။ သူ အိန္ဒိယကနေ အမေရိကန်ကို ရောက်လာခဲ့ရပုံက အတော်ကြီး စိတ်ဝင်စားစရာကောင်းပါတယ်။ ၂၀၂၂ ခုနှစ်မှာ W4Pအဖွဲ့ခေါင်းဆောင်တစ်ဦးဖြစ်တဲ့ ဦးပညာကာရက သူ့အဖွဲ့နဲ့ အိန္ဒိယနိုင်ငံမှာ ရက်ပေါင်း ၁၁၂ ရက် ငြိမ်းချမ်းရေးလမ်းလျှောက်ပါတယ်။

အာလောကရယ်လို့ဖြစ်လာမည့် သခင်မရှိ၊ ကိုယ်ပိုင်နေရာမရှိ၊ စားစရာမရှိ၊ နေစရာမရှိ၊ အိပ်စရာမရှိတဲ့ လမ်းဘေးခွေးလေးက W4Pအဖွဲ့ ကိုလ်ကတ္တားမြို့မှာ ရောက်နေတဲ့အချိန် W4Pအဖွဲ့နောက် တကောက်ကောက်လိုက်ဖို့ ပြင်ဆင်ပါတယ်။ W4Pအဖွဲ့ကလည်း သူ့ကို အစာကျွေး၊ ရေတိုက်ပြီး ပြန်လွှတ်ပေမဲ့ ပြန်ခိုင်းလို့မရဘဲ လမ်းလျှောက်တဲ့နောက် တကောက်ကောက်ပါအောင် လိုက်လာပါတယ်။ ဒီလိုနဲ့ သံယောဇဉ်ဖြစ်ပြီး လမ်းလျှောက်အဖွဲ့က ပြီးဆုံးတဲ့အထိ သူတို့နဲ့ ခေါ်သွားပါတယ်။ နာမည်ကိုလည်း အာလောက လို့ ပေးလိုက်ပါတယ်။

လမ်းလျှောက်တဲ့ရက် ၁၁၂ ရက်ပြည့်တဲ့အခါ W4P အဖွဲ့ ခေါင်းဆောင်တစ်ပါးဖြစ်တဲ့ ဗီယက်နမ် ထေရဝါဒဆရာတော် ဦးပညာကာရ က ချစ်ခြင်းမေတ္တာကြီးမားစွာနဲ့ အမေရိကန်ကို ခေါ်လာဖို့ လုပ်ပါတယ်။ အမေရိကန်ကိုခေါ်လာဖို့အတွက် သယ်ယူခ၊ ဆေးစစ်ခ၊ အခြားစာရွက်စာတမ်းခတွေနဲ့ဆို အမေရိကန်ဒေါ်လာ ၁၅,၀၀၀ ဝန်းကျင် ကုန်ကျပါတယ်။ ဒီလို အကုန်အကျခံပြီးတော့ ဦးပညာကာရ က အာလောကလေးကို သူသီတင်းသုံးတဲ့ တက္ကဆက်ပြည်နယ်၊ Fort Worthမြို့က Huong Doa (ဟွန်ဒေါင်) ထေရဝါဒဘုန်းတော်ကြီးကျောင်းကို ခေါ်လာပါတယ်။

(W4P အဖွဲ့ အိန္ဒိယမှာ ၁၁၂ ရက် ငြိမ်းချမ်းရေးလမ်းလျှောက်ရင်း အာလောက လိုပဲ နောက်တစ် ခွေးလေးတစ်ကောင်းလည်း လိုက်လာပါသေးတယ်တဲ့။ အဲ့ဒီတစ်ကောင်ကိုတော့ ထိုင်းဆရာတော်တစ်ပါးက ထိုင်းကိုခေါ်သွားပြီး အာလောကကိုတော့ ဦးပညာကာရ က အမေရိကန်ကို ခေါ်လာပါသတဲ့)

အာလောကလေးက လမ်းဘေးခွေးလေးဖြစ်ပေမဲ့ အတော်လိမ္မာတဲ့၊ ဣန္ဒြေရှိတဲ့၊ စာရိတ္တကောင်းတဲ့ ခွေးလေးပဲဖြစ်ပါတယ်။ မိမိတို့ ဟွန်ဒေါင်ကျောင်းကို ရောက်တဲ့အခါတိုင်းလည်း ခင်ခင်မင်မင် နှုတ်ဆက်လေ့ရှိပါတယ်။

အာလောကရဲ့ ငြိမ်းချမ်းရေးအတွေ့အကြုံတွေကြောင့် W4Pအဖွဲ့ဟာ အမေရိကန်နိုင်ငံမှာလည်း ငြိမ်းချမ်းရေးအတွက် လမ်းလျှောက်ဖို့ စီစဉ်တဲ့အခါ အာလောကလေးကိုလည်း အဖွဲ့ဝင်အဖြစ်နဲ့ ခေါ်သွားဖို့ လုပ်ပါတယ်။ ဒီတစ်ခါ ငြိမ်းချမ်းရေးခရီးစဉ်က မိုင်ပေါင်း ၂၃၀၀ ရှည်လျှားတဲ့ Fort Worthမြို့ကနေ ဝါရှင်တန်ဒီစီအထိ ပြည်နယ်ပေါင်းများစွာကို ဖြတ်ကျော်ရမှာဖြစ်ပါတယ်။ ဒါပေမဲ့လည်း အာလောကလေး မငြီးမငြူ တက်ကြွစွာ ပါဝင်ပါတယ်။

သူ့ရဲ့ပါဝင်မှုဟာ W4Pအဖွဲ့အတွက် ခွန်အားဖြစ်စေပါတယ်။ မျက်နှာပွင့်စေပါတယ်။ အာလောကလေးက ဖော်ဖော်ရွေရွေရှိတာကတစ်ကြောင်း၊ သူ့ရဲ့ နဖူးပေါ်မှာ အသဲပုံအဖြူရောင်အကွက်လေးပါနေတာတစ်ကြောင်း၊ ငြိမ်းချမ်းရေးအတွက် အားတက်သရော ပါဝင်ပေးနေတာတစ်ကြောင်းကြောင့် ခွေးချစ်တတ်တဲ့ အမေရိကန်တွေဟာ အာလောကလေးကို ပုံအောပြီး ချစ်ခင်ပေးကြပါတယ်။ အာလောကလေးနဲ့ တွေ့ချင်လို့ လာရောက်တွေ့ဆုံ၊ ကြည့်ရှုတဲ့ လူအုပ်ကြီးဆိုတာ တစ်မြို့ပြီးတစ်မြို့ နည်းတာမဟုတ်ဘူး။

အာလောကလေးအတွက် အစားအသောက်၊ အဝတ်အစားတွေပေးတဲ့သူ တအားများလွန်းလို့ လက်မခံရတော့တဲ့အထိကို ဖြစ်ရပါတယ်။ အာလောကလေးကို တေးရေးဆရာတွေ၊ အဆိုတော်တွေကလည်း သီချင်းတွေနဲ့ ဂုဏ်ပြုကြပါတယ်။ အာလောကလေးမှာ ကိုယ်ပိုင်သီချင်း ၁။ "Aloka — The Heart That Walks for Peace" ဆိုတဲ့သီချင်း ၂။ Where Aloka walks ဆိုတဲ့ သီချင်း ၃။ Aloka’s Road ၄။ Aloka carries love စတဲ့ သီချင်းတွေ ရှိပါတယ်။ သူ့ကို ဂုဏ်ပြုရေးသားထားတာပါ။ Aloka the Peace Dog နာမည်နဲ့ ဖွင့်ပေးထားတဲ့ Fb စာမျက်နှာလည်း ရှိပါသေးတယ်။ ခုဆိုရင် အာလောကလေးဟာ လူသားတွေအတွက်၊ ကမ္ဘာသူကမ္ဘာသားတွေအတွက် ငြိမ်းချမ်းရေးအထောက်အကူပြုဖို့ အမေရိကန်လမ်းမတွေမှာ လမ်းလျှောက်ပေးရင်း ကမ္ဘာကျော်တဲ့ ခွေးလေးဖြစ်နေပါပြီ။

အာလောကလေး နှင့် W4Pအဖွဲ့သားများ ကျန်းမာဘေးကင်းကြပါစေ။

Aloka the Peace Dog Fb:

https://www.facebook.com/share/1A9N55Y7yR/?mibextid=wwXIfr

Walk for Peace Fb:

https://www.facebook.com/share/182Wn4gpnf/?mibextid=wwXIfr

မြန်မာဘာသာဖြင့် Walk for Peace အဖွဲရဲ့ နေ့စဉ်လှုပ်ရှားမှုများကို ဖတ်ချင်သူများ ရွှေဘုန်းပွင့်ဆရာတော်ရဲ့ Fb Pageကို သွားကြည့်နိုင်ပါတယ်။

Credit:

ဓမ္မလောက အရှင်

25/03/2026

09/02/2026

09/02/2026

31/01/2026

28/01/2026

27/01/2026

26/01/2026

26/01/2026

26/01/2026

24/01/2026

14/01/2026

06/01/2026

ที่อยู่

เบอร์โทรศัพท์

เว็บไซต์

แจ้งเตือน

ติดต่อ การปฏิบัติ

ทางลัด

แชร์

ประเภท

คำขอนำรายการออก