Andrea

Andrea Dive into a wealth of digital content, from insightful articles to engaging videos and reels, all designed to enlighten and empower your mental well-being.

▪️ MSc in Psychology (Liverpool John Moores University, UK), MCSc, BCSc (Hons)
▪️ Founder of "Healing with Andrea"
▪️ Psychological Services and Psychotherapeutic Counseling Welcome to ‘Andrea,’ the personal page of the founder behind "Healing with Andrea," your trusted space for mental health psychotherapy & counseling services, along with psychological and mental well-being digital content in Myanmar. Reunited with our original page, we’re here to continue offering compassionate support and counseling sessions to provide mental health services and accesses across our community. Your journey towards healing is our mission. Join us as we foster growth, healing, and empowerment. Together, let’s create a brighter tomorrow.

☘️ “ကိုယ်က ဘယ်လိုလူလဲ”တခါတလေမှာ ကျွန်မတို့ဟာ ကိုယ့်ဘဝကို ကိုယ်တိုင်ရွေးချယ်နေတယ်လို့ထင်နေကြပေမယ့်…တကယ်တမ်းမှာတော့“ငါ ဒီလ...
24/08/2026

☘️ “ကိုယ်က ဘယ်လိုလူလဲ”

တခါတလေမှာ ကျွန်မတို့ဟာ ကိုယ့်ဘဝကို ကိုယ်တိုင်ရွေးချယ်နေတယ်လို့ထင်နေကြပေမယ့်…

တကယ်တမ်းမှာတော့
“ငါ ဒီလိုလုပ်ရင် လူတွေဘယ်လိုမြင်မလဲ”
“ဒီအသက်အရွယ်မှာ ဒါတွေရှိသင့်ပြီမဟုတ်လား”
“မိသားစုကတော့ ဒီလိုဖြစ်စေချင်တာ”
“ပတ်ဝန်းကျင်ကလူတွေရဲ့စံတွေအတိုင်းဖြစ်မှရမယ်”
ဆိုတဲ့အရာလေးတွေနဲ့ တခါတလေ ကိုယ့်ဆုံးဖြတ်ချက်တွေကို ရွေးချယ်နေမိတတ်ပါတယ်။

ဘာကြောင့်လဲဆိုတော့ လူတစ်ယောက်ရဲ့ Self-concept ဆိုတာ ကိုယ့်အကြောင်းကိုယ်ယုံကြည်ထားတဲ့အရာတွေနဲ့ပဲ တည်ဆောက်ထားတာမဟုတ်ဘဲ…

မိသားစုက ကိုယ့်ကိုဘယ်လိုမြင်ခဲ့လဲ၊
ပတ်ဝန်းကျင်က ဘာတွေကိုတန်ဖိုးထားခဲ့လဲ၊
ကိုယ့်ကိုယ်ကိုယ် ဘယ်လိုဖြစ်ရမယ်လို့ သင်ယူလာခဲ့လဲဆိုတာတွေနဲ့လည်း တဖြည်းဖြည်းပုံဖော်လာခြင်းလည်းဖြစ်ပါတယ်။

ဒါကြောင့် တခါတလေ “ကိုယ်လိုချင်တာ” နဲ့ “ကိုယ်ဖြစ်လာဖို့သင်ယူထားတာ” ဟာ တူညီနေချင်မှတူပါလိမ့်မယ်။

ဥပမာ…

ကိုယ်က တကယ်တော့ အေးအေးဆေးဆေးနေချင်ပေမယ့် “အလုပ်များနေမှတန်ဖိုးရှိတယ်” လို့ယုံကြည်ထားမိတာမျိုး။

ကိုယ်က တကယ်တော့ မလုပ်ချင်တော့ပေမယ့် “ငါကတာဝန်ယူတတ်တဲ့သူ” ဆိုတဲ့ ကိုယ့်ကိုယ်ကိုယ်သတ်မှတ်ချက်ကြောင့် ဆက်လုပ်နေမိတာမျိုး။

ကိုယ်က တကယ်တော့ ဘဝလမ်းကြောင်းပြောင်းချင်ပေမယ့် “ဒီလောက်အချိန်၊ ဒီလောက်အားထုတ်ပြီးမှ ပြန်စရမှာလား” ဆိုတဲ့အတွေးကြောင့် မပြောင်းရဲတာမျိုး။

ဒီလိုအချိန်မှာ တစ်ခါတလေ ပြဿနာက ကိုယ်ဘာလုပ်ရမလဲ မသိတာမဟုတ်ပါဘူး။

ကိုယ်တကယ်လိုချင်တာကို သိနေပေမယ့်…

အဲ့ဒီလိုရွေးချယ်လိုက်ရင် “ငါဟာ ငါရှိနေတဲ့ပုံစံနဲ့ မကိုက်တော့ဘူး” ဆိုတဲ့အတွင်းစိတ်မသက်မသာမှုကို ခံစားရတာမျိုး ဖြစ်နေနိုင်ပါတယ်။ ဒါကို ကျွန်မတို့နယ်ပယ်သဘောအရတော့ cognitive dissonance လို့ခေါ်ဆိုလေ့ရှိပါတယ်။

Identity Development အရ လူတစ်ယောက်ရဲ့ “ကိုယ်က ဘယ်လိုလူလဲ” ဆိုတဲ့ခံယူချက်ဟာ တစ်သက်လုံးတစ်ပုံတည်းနဲ့ မနေဘဲ အတွေ့အကြုံအသစ်တွေနဲ့အတူ ပြန်လည်ဖွဲ့စည်းသွားတယ်လို့ဆိုကြပါတယ်။ ဒါ့ကြောင့်ပဲ တစ်ခါတလေ ကိုယ့်ရဲ့ Identity က လက်ရှိဘဝနဲ့ ပြန်လည်ညှိယူဖို့လိုလာတာဖြစ်နိုင်ပါတယ်။

အရေးကြီးတာက “အရင်ကကိုယ်” ကို မမှားဘူးလို့လည်းမပြောသလို “အခုကိုယ်” ကိုလည်း အရင်ကကိုယ်နဲ့တူအောင် အတင်းပြန်ထားဖို့မလိုပါဘူး။

အရင်ကရွေးချယ်ခဲ့တဲ့အရာတွေဟာ အဲ့ဒီအချိန်မှာ ကိုယ့်အတွက်အရေးကြီးခဲ့လို့ ရွေးချယ်ခဲ့တာဖြစ်နိုင်ပါတယ်။

တချို့အရာတွေကို ပြန်လည်ရွေးချယ်ဖို့လိုသလို…

တချို့အရာတွေကိုတော့ “ဒါက အရင်ကငါ့ဘဝအတွက်သင့်တော်ခဲ့တယ်။ အခုတော့မလိုတော့ဘူး” လို့ နားလည်ပြီး ချထားခဲ့ဖို့လည်းလိုတတ်ပါတယ်။

ဒါကြောင့် တစ်ခါတလေ ကိုယ့်ဘဝမှာ ဆုံးဖြတ်ချက်ကြီးကြီးမားမားမချခင်…

“လူတွေက ငါ့ကိုဒီလိုဖြစ်စေချင်လို့လား?”
“ငါ့ကိုယ်ငါ ဒီလိုဖြစ်ရမယ်လို့ သင်ယူထားလို့လား?”
“ဒါမှမဟုတ် တကယ်ပဲ ငါ့ရဲ့တန်ဖိုးတွေနဲ့ ကိုက်ညီလို့လား?”

လို့ ကိုယ့်ကိုယ်ကိုယ် မေးကြည့်ဖို့လိုနိုင်ပါတယ်။

📌 ကိုယ့်ဘဝကို ကိုယ်တိုင်ရွေးချယ်တတ်လာခြင်းဆိုတာ လူတိုင်းမကြိုက်တဲ့ရွေးချယ်မှုကို လုပ်ရဲလာခြင်းတစ်ခုတည်းမဟုတ်ပါဘူး။

ကိုယ်ဘာကြောင့် ဒီအရာကိုရွေးချယ်နေရတာလဲဆိုတာ ကိုယ်တိုင်သိလာခြင်းလည်းဖြစ်ပါတယ်။

မေတ္တာဖြင့်
Andrea

✅ လွတ်လပ်စွာ Share နိုင်ပါသည်။
⚠️ Copy ကူး၍ နာမည်ပြောင်းခြင်း ခွင့်မပြုပါ။

[ ကျွန်မ Andrea သည် 'Healing with Andrea' ၏ Founder ဖြစ်သကဲ့သို့ BPS ကျင့်ဝတ်စံနှုန်းများအတိုင်း Evidence-based စိတ်ကျန်းမာရေးနှင့် စိတ်ပညာဝန်ဆောင်မှု (Mental Health Counselling & Psychological Services) ပေးနေသူတစ်ဦး ဖြစ်ပါသည်။ ပြည်တွင်းပြည်ပမှ Client များစွာကို ကူညီပေးခဲ့သည့် မှတ်တမ်း (Testimonials) များကိုလည်း ကျွန်မ၏ Page တွင် ကြည့်ရှုနိုင်ပါသည်။ လူမှုဆက်ဆံရေးနှင့် ဘဝ၏ ခက်ခဲသော အခြေအနေများအတွက် Professional Psychothereapeutic Counselling အကူအညီ လိုအပ်ပါက Messenger မှတစ်ဆင့် ဆက်သွယ်ရယူ နိုင်ပါသည် ]

Pattern တွေအစား ဒီထပ်တလဲလဲဖြစ်နေတဲ့ သံသရာကို သတိနဲ့ break လုပ်ပါ။အလိုအလျောက် တုံ့ပြန်မယ့်အစားခဏရပ်ပြီး respond လုပ်ပါ။ကိ...
24/08/2026

Pattern တွေအစား
ဒီထပ်တလဲလဲဖြစ်နေတဲ့ သံသရာကို သတိနဲ့ break လုပ်ပါ။

အလိုအလျောက် တုံ့ပြန်မယ့်အစား
ခဏရပ်ပြီး respond လုပ်ပါ။

ကိုယ့်အထင်နဲ့ ယူဆမှုတွေအစား
ရှင်းလင်းသေချာအောင် မေးမြန်းကြည့်ပါ။

တစ်ခုခုဆို ထွက်ခွာခြင်းအစား
ဆက်သွယ်ပြောဆိုကြည့်ပါ။

Shut down လုပ်ခြင်းအစား
သတိရှိရှိ ကိုယ့်ခံစားချက်ကို ပွင့်ပွင့်လင်းလင်း ဖော်ပြပြောဆိုကြည့်ပါ။

ရှောင်ဖယ်မှုတွေအစား
ရင်ဆိုင်ကြည့်ပါ။

တံတိုင်းတွေ ကာရံတည်ဆောက်မယ့်အစား
လိုအပ်တဲ့ boundaries တွေ ထားကြည့်ပါ။

အရင်လိုပဲ တုံ့ပြန်နေမှုတွေအစား
ဒီတစ်ကြိမ်မှာ မတူတဲ့ရွေးချယ်မှုတစ်ခုကို လုပ်ကြည့်ပါ။

ဘာလို့လဲဆိုတော့
ဒီလိုမျိုး မတူတဲ့ရွေးချယ်မှုတွေကပဲ
မတူတဲ့ outcomes တွေကို ဖြစ်လာစေနိုင်လို့ပါ။

ဒါပေမယ့် အားလုံးကို တပြိုင်တည်း ပြောင်းလဲဖို့ မဖြစ်နိုင်သလို
အားလုံးကို တချိန်တခါတည်းပြောင်းဖို့ ကြိုးစားရင်လည်း
ကိုယ့်ကိုယ်ကိုတောင် ဖိအားပေးမိသွားနိုင်ပါတယ်။

တစ်ကြိမ်မှာ တစ်ခု
ကိုယ်တတ်နိုင်သလောက်
ဖြည်းဖြည်းချင်း ဖြည်းဖြည်းချင်းစီ စိတ်ရှည်ရင်းပဲ
အရင်က အလိုအလျောက်လုပ်ခဲ့မိတဲ့အရာတစ်ခုကို
ဒီတစ်ကြိမ်မှာ ခဏရပ်ပြီး မတူအောင် ရွေးချယ်နိုင်ခဲ့ရင်တောင်
ဒီသံသရာကို ဖြတ်ဖို့ရာ စတင်နေပြီဖြစ်နိုင်ပါတယ်။ 🌱

မေတ္တာဖြင့်
Andrea

✅ လွတ်လပ်စွာ Share နိုင်ပါသည်။
⚠️ Copy ကူး၍ နာမည်ပြောင်းခြင်း ခွင့်မပြုပါ။

တခါတလေမှာကျွန်မတို့တွေအားလုံးဟာ ပန်းလေးတွေနဲ့တောင် ဆင်တူနေသလိုပါပဲ…နွေးထွေးမှုရှိရာ ရပ်ဝန်း၊မေတ္တာနဲ့တွေ့ဆုံရတဲ့နေရာမှာအ...
23/08/2026

တခါတလေမှာ
ကျွန်မတို့တွေအားလုံးဟာ
ပန်းလေးတွေနဲ့တောင် ဆင်တူနေသလိုပါပဲ…

နွေးထွေးမှုရှိရာ ရပ်ဝန်း၊
မေတ္တာနဲ့တွေ့ဆုံရတဲ့နေရာမှာ
အလှဆုံး ပွင့်လန်းတတ်ကြတယ်… 🌷

-Andrea

✅ လွတ်လပ်စွာ Share နိုင်ပါသည်။
⚠️ Copy ကူး၍ နာမည်ပြောင်းခြင်း ခွင့်မပြုပါ။

23/08/2026

ဆက်ဆံရေးတစ်ခု ယိုယွင်းပျက်စီးသွားတဲ့နောက် ပြန်လည်တည်ဆောက်ကြတဲ့အခါ အရေးကြီးဆုံးအရာက Trust ပါပဲ...

-Andrea

တခါတလေ ကျွန်မတို့ရဲ့ “Control” လုပ်ချင်စိတ်ဟာ အရာအားလုံးကို ကိုယ်ကခြယ်လှယ်အုပ်စိုးချင်စိတ် သီးသန့်ကြောင့်ပဲ ဖြစ်နေတာမဟုတ...
23/08/2026

တခါတလေ ကျွန်မတို့ရဲ့ “Control” လုပ်ချင်စိတ်ဟာ အရာအားလုံးကို ကိုယ်ကခြယ်လှယ်အုပ်စိုးချင်စိတ် သီးသန့်ကြောင့်ပဲ ဖြစ်နေတာမဟုတ်ပါဘူး။

◻️ တစ်ခုခုမှားသွားမှာကို ကြောက်လို့၊
◻️ မမျှော်လင့်ထားတဲ့အရာတွေ ဖြစ်လာမှာကို စိုးရိမ်လို့၊
◻️ ကိုယ်မထိန်းနိုင်တဲ့အခြေအနေတစ်ခုထဲမှာ ကိုယ်တိုင် အကူအညီမဲ့သွားမှာကို မလိုလားလို့…

အစရှိတဲ့ အဲ့ဒီစိတ်တွေကြောင့် “အရာအားလုံးကို ကိုယ်တိုင်စီမံထားမှ စိတ်ချရမယ်” ဆိုတဲ့ ပုံစံနဲ့ ကိုယ့်ကိုယ်ကို ကာကွယ် နေထိုင်မိနေတတ်ပါတယ်။

▪️အလုပ်မှာဆိုရင်လည်း အရာရာကို ကိုယ်တိုင်စစ်ဆေးချင်တယ်။

▪️Relationship မှာဆိုရင် တစ်ဖက်လူရဲ့ စကား၊ အပြုအမူ၊ ဆုံးဖြတ်ချက်တွေကို ကြိုတင်သိချင်တယ်။

▪️နေ့စဉ်ဘဝမှာဆိုရင်လည်း ဖြစ်လာနိုင်သမျှအရာတိုင်းကို ကြိုတင်တွက်ချက်ထားချင်တယ်။

အပြင်ကနေကြည့်ရင် “စနစ်တကျရှိတယ်၊ တာဝန်ယူတတ်တယ်၊ အရာရာကိုကောင်းကောင်းစီမံတတ်တယ်” လို့မြင်ရနိုင်ပါတယ်။

ဒါပေမယ့် တခါတလေ အဲ့ဒီ Control တွေရဲ့အောက်မှာ ရှိနေတာက စွမ်းအားမဟုတ်ဘဲ မသေချာမှုကို မခံနိုင်တဲ့စိတ်လည်း ဖြစ်နေနိုင်ပါတယ်။

တစ်ဖက်မှာလည်း “Perceived Control” ဆိုတဲ့အယူအဆက အရေးကြီးပါတယ်။ Perceived Control ဆိုတာ ကိုယ့်ဘဝ၊ ကိုယ့်အပြုအမူတွေကို ကောင်းစွာထိန်းချုပ်ကိုင်တွယ်နိုင်တယ်လို့ ကိုယ်တိုင် ယုံကြည်လက်ခံခြင်းဖြစ်ပြီး ဒါဟာ စိတ်ကျန်းမာရေးနဲ့ Stress ကို ရင်ဆိုင်နိုင်မှုအတွက် အထောက်အကူဖြစ်နိုင်တယ်လို့ ဆိုကြပါတယ်။ ဒါပေမယ့် ကိုယ်တကယ်သက်ရောက်နိုင်တဲ့အရာနဲ့ ကိုယ်မသက်ရောက်နိုင်တဲ့အရာကို မခွဲခြားနိုင်တော့တဲ့ Control လုပ်ချင်စိတ်က ကိုယ့်ကိုအကျိုးဖြစ်စေတဲ့အရာထက် ကိုယ့်ကိုပင်ပန်းစေတဲ့အရာဖြစ်လာနိုင်ပါတယ်။

ဥပမာ…

“သူငါ့ကို ဘယ်လိုမြင်မလဲ”
“သူက ဘာကြောင့်ဒီလိုပြောတာလဲ”
“သူနောက်တစ်ခါ ဘာလုပ်မလဲ”
“အနာဂတ်မှာ ငါဘာဖြစ်လာမလဲ”
“ငါအရာအားလုံးကို သေချာမစီမံထားရင် ဘာဖြစ်မလဲ”

ဆိုတဲ့ မေးခွန်းတွေကို အဖြေရှာရင်း ကိုယ့်
စိတ်က အမြဲတမ်း အနာဂတ်အတွက်ပဲ စိုးရိမ်မှုလွန်ကဲနေမိတတ်တယ်။

အဲ့ဒီအချိန်မှာ ကိုယ်ထိန်းချုပ်ဖို့ကြိုးစားနေတာက “အခြေအနေ” တစ်ခုတည်းမဟုတ်တော့ဘဲ…

အဲ့ဒီ့အခြေအနေကတဆင့် ကိုယ့်အတွင်းမှာ ဖြစ်ပေါ်လာစေနိုင်တဲ့ မသေချာမှု၊ ကြောက်ရွံ့မှုနဲ့ မလုံခြုံမှုတွေကိုပါ ထိန်းချုပ်ဖို့ကြိုးစားနေခြင်း ဖြစ်လာတတ်ပါတယ်။ ဒီအခါ လူဟာ စိတ်ပင်ပန်းလာရပါတော့တယ်။

ဒါကြောင့် Control ကိုလွှတ်ချဖို့ဆိုတာ “ဘာမှမလုပ်တော့ဘူး၊ ဖြစ်ချင်သလို ဖြစ်ပစေတော့” ဆိုတဲ့သဘောမျိုး မဟုတ်ပါဘူး။

ဒီအချက်က အရေးကြီးပါတယ်။

Letting go of control ဆိုတာ Giving up မဟုတ်ပါဘူး။

ကိုယ်လုပ်နိုင်တာကို လုပ်နေဆဲဖြစ်ပေမယ့်
ကိုယ်မပိုင်ဆိုင်တဲ့အပိုင်းကိုတော့ မဆွဲကိုင်တော့တာပါ။

Relationship တစ်ခုမှာ ကိုယ်က စကားပြောနိုင်တယ်။
ကိုယ့်ခံစားချက်ကို ရိုးရိုးသားသားဖော်ပြနိုင်တယ်။
Boundary ထားနိုင်တယ်။ ဒါပေမယ့် တစ်ဖက်လူက ဘယ်လိုတုံ့ပြန်မလဲဆိုတာကိုတော့ ကိုယ်က အပြီးသတ် ဆုံးဖြတ်ပေးလို့မရပါဘူး။

အလုပ်မှာ ကိုယ်တတ်နိုင်သမျှ ကြိုးစားနိုင်တယ်။ စီမံနိုင်တယ်။ ပြင်ဆင်နိုင်တယ်။ ဒါပေမယ့် လူတိုင်းရဲ့ဆုံးဖြတ်ချက်၊ အခြေအနေတိုင်း၊ ရလဒ်တိုင်းကိုတော့ ကိုယ်တစ်ယောက်တည်းက အာမခံပေးလို့မရပါဘူး။

ဒီနေရာမှာ “ငါဘာကိုထိန်းချုပ်နိုင်သလဲ?” ဆိုတဲ့မေးခွန်းက “အရာအားလုံးကို ငါ ဘယ်လိုထိန်းချုပ်မလဲ?” ဆိုတဲ့မေးခွန်းထက် ပိုပြီးအရေးကြီးလာပါတယ်။

ဘာလို့လဲဆိုတော့ Control ကို လွှတ်ချခြင်းရဲ့အဓိကဟာ Control ကို လုံးဝဆုံးရှုံးသွားခြင်းမဟုတ်ဘဲ Control ရှိတဲ့နေရာကို focus ပြန်ထားခြင်း ဖြစ်လို့ပါ။

တခြားသူ့ရဲ့အပြုအမူကို မထိန်းချုပ်နိုင်ပေမယ့်
ကိုယ်ဘယ်လိုတုံ့ပြန်မလဲကို ရွေးချယ်နိုင်တယ်။

အနာဂတ်ကို မသိနိုင်ပေမယ့်
မသေချာမှုရှိနေတဲ့အချိန်မှာ ကိုယ့်ကိုယ်ကိုယ် ဘယ်လိုဂရုစိုက်မလဲကို ရွေးချယ်နိုင်တယ်။

တကယ်တော့ Healthy Control ဆိုတာ အရာအားလုံးကို ကိုယ့်လက်ထဲမှာထားထားနိုင်ခြင်းမဟုတ်ပါဘူး။

ဘယ်အရာက ကိုယ့်လက်ထဲမှာရှိတယ်၊ ဘယ်အရာက ကိုယ့်လက်ထဲမှာမရှိဘူးဆိုတာကို ခွဲခြားသိနိုင်ခြင်း လည်း ဖြစ်ပါတယ်။

အစပိုင်းမှာတော့ မလွယ်ပါဘူး။
Control ကိုလွှတ်လိုက်တဲ့အခါ “အခုဘာဖြစ်မလဲ” ဆိုတဲ့ မသေချာမှုက ပိုပြီးသိသာလာနိုင်ပါတယ်။

ဒါပေမယ့် အဲ့ဒီမသေချာမှုကို ချက်ချင်းဖယ်ရှားပစ်ဖို့မကြိုးစားဘဲ ဒီလို uncomfortable ဖြစ်ခြင်းကို comfortable ဖြစ်စွာ နည်းနည်းချင်းစီ နေနိုင်လာတဲ့အခါ…

“အရာအားလုံးကို ငါသေချာသိနေမှ အဆင်ပြေမယ်” ဆိုတဲ့ပုံစံကနေ
“မသိသေးတာတွေရှိနေလည်း ငါရင်ဆိုင်နိုင်
တယ်” ဆိုတဲ့ပုံစံဘက်ကို ရွေ့လာနိုင်မှာပဲ ဖြစ်ပါတယ်။

မေတ္တာဖြင့်
Andrea

✅လွတ်လပ်စွာ Share နိုင်ပါသည်။
⚠️Copy ကူး၍ နာမည်ပြောင်းခြင်းခွင့်မပြုပါ။

အိမ်မှာ လူတစ်ယောက်က အမြဲတမ်း စိတ်လောနေမယ်၊ ဒေါသထွက်လွယ်နေမယ်၊ တစ်ခုခုဆို စိတ်မရှည်လက်မရှည် ဖြစ်နေမယ်ဆိုရင်...◻️ အတွေးတွေ...
22/08/2026

အိမ်မှာ လူတစ်ယောက်က အမြဲတမ်း စိတ်လောနေမယ်၊ ဒေါသထွက်လွယ်နေမယ်၊ တစ်ခုခုဆို စိတ်မရှည်လက်မရှည် ဖြစ်နေမယ်ဆိုရင်...

◻️ အတွေးတွေများလာတိုင်း အော်လိုက်တာ၊
◻️ စိတ်မကြည်တိုင်း စိတ်တိုစိတ်ဆတ်နဲ့ ဆက်ဆံတာ၊
◻️ ဒေါသထွက်လာတိုင်း ပေါက်ကွဲ ဆူပူတာ...
ဒီလိုမျိုးကိုယ့်အတွင်းမှာ ဖြစ်နေတဲ့ emotional state တွေ အပြင်ဘက်ဆက်ဆံရေးထဲအထိပါ သက်ရောက်လာစေတတ်ပါတယ်။

ဒီလိုအခြေအနေမျိုးမှာ အိမ်သားတွေကလည်း
“ဒီနေ့ သူ့ mood ဘယ်လိုပါလိမ့်...”
“ဘာလုပ်ရင် အဆူခံရမလဲ...”
“ဘယ်လိုပြောရင် အဆင်ပြေမလဲ...” ဆိုပြီး ကိုယ့်ဘက်က မသိမသာ ကြိုတင်တွက်ဆနေရတယ်။

ဒေါသအလျောက် ပေါက်ကွဲလာပြီဆိုရင် အိမ်တစ်အိမ်လုံးရဲ့ စိတ်အခြေအနေတွေ၊ အငွေ့အသက်တွေကပါ ထိတ်လန့်ပူပန်မှုတွေ သက်ရောက်လာစေတယ်။

ဒါကြောင့် ကိုယ့်ခံစားချက်တွေကို သတိထား regulate လုပ်နိုင်ခြင်းဟာ ကိုယ့်စိတ်အေးချမ်းဖို့အတွက်တင် မဟုတ်ပါဘူး။ ကိုယ့်ဘေးကလူတွေကိုလည်း ကိုယ်နဲ့အတူ စိတ်လုံခြုံပြီး အေးချမ်းနိုင်စေဖို့အတွက်ပါ။

တခါတလေမှာ ကိုယ်တိုင် မကိုင်တွယ်နိုင်သေးတဲ့ stress တွေ၊ ဒေါသတွေ၊ စိတ်ဖိစီးမှုတွေဟာ ကိုယ့်အတွင်းမှာပဲ ရပ်မနေဘဲ ကိုယ့်ရဲ့ အသံနေအသံထား၊ အပြုအမူနဲ့ ဆက်ဆံပုံတွေကနေ တခြားသူတွေဆီကိုပါ သက်ရောက်သွားနိုင်ပါတယ်။

ဒါနဲ့ပက်သက်ပြီး “Stress is contagious.” အကြောင်းကိုလည်း ဒီ page မှာလည်း အရင်က ပြောခဲ့ဖူးပါတယ်။ ကိုယ်နဲ့အတူရှိနေတဲ့သူရဲ့ အနီးကပ်နေတဲ့သူတစ်ယောက်ရဲ့ စိတ်ဖိစီးမှု၊ စိတ်လှုပ်ရှားမှု၊ အပြုအမူတွေဟာ ကိုယ်တိုင်ရဲ့ emotional state ကိုပါ အနည်းအများဆိုသလို သက်ရောက်စေနိုင်ပါတယ်။

ခံစားချက်တွေဟာ နားလည်နိုင်စရာဖြစ်သလို ခံစားခွင့်ရှိပါတယ်။ ဒါပေမယ့် အဲ့ဒီခံစားချက်တွေကို
🔲ဘယ်လိုကိုင်တွယ်မလဲ၊
🔲ဘယ်လိုဖော်ပြမလဲ၊
🔲တခြားသူတွေဆီ ဘယ်လောက်အထိ သယ်ဆောင်သွားမလဲဆိုတာကို သတိထား တာဝန်ယူနိုင်ပါတယ်။

ဒီနေရာမှာ Regulate လုပ်တယ်ဆိုတာ ခံစားချက်တွေကို ဖိနှိပ်ထားတာ မဟုတ်ပါဘူး။ ကိုယ်ဘာခံစားနေရလဲ သိရှိပြီး ဒီအပေါ် ကျန်းမာတဲ့နည်းလမ်းတွေနဲ့ ကိုင်တွယ်နိုင်ခြင်း ဖြစ်ပါတယ်။

ဒါ့ကြောင့် စိတ်ခံစားချက်တွေကို ကောင်းမွန်စွာ ကိုင်တွယ် regulate လုပ်နိုင်ခြင်းဟာ ကိုယ့်အတွက် self-care တစ်ခုဖြစ်သလို ကိုယ့်ဘေးကလူတွေအတွက်လည်း ဂရုစိုက်မှုတစ်ခု ဖြစ်စေပါတယ်။ 🌱

မေတ္တာဖြင့်
Andrea

✅ လွတ်လပ်စွာ Share နိုင်ပါသည်။
⚠️ Copy ကူး၍ နာမည်ပြောင်းခြင်း ခွင့်မပြုပါ။

22/08/2026

ရှေ့ကို အကောင်းဆုံးဆက်နိုင်ဖို့အတွက် သတိထားနိုင်တဲ့ အချက် (၂) ချက်

-Andrea

ကျွန်မတို့တွေဟာ "Triggers" (ဒေါသ၊ ဝမ်းနည်းမှု၊ စိုးရိမ်မှုတွေကို ရုတ်တရက် ဖြစ်ပေါ်စေတဲ့ အရာတွေ) အကြောင်းကို ခဏခဏ ကြားဖူး...
22/08/2026

ကျွန်မတို့တွေဟာ "Triggers" (ဒေါသ၊ ဝမ်းနည်းမှု၊ စိုးရိမ်မှုတွေကို ရုတ်တရက် ဖြစ်ပေါ်စေတဲ့ အရာတွေ) အကြောင်းကို ခဏခဏ ကြားဖူးလေ့၊ ပြောဖူးလေ့ရှိကြပါတယ်။ ဘယ်အရာက ကိုယ့်ကို trigger ဖြစ်စေလဲ၊ ကိုယ့်ကို နာကျင်စေလဲဆိုတာကို ကျွန်မတို့ ကောင်းကောင်း သိထားတတ်ကြတယ်။

ဒါပေမယ့် Triggers တွေရဲ့ ဆန့်ကျင်ဘက်ဖြစ်တဲ့ "Glimmers" တွေလည်း ဘဝမှာ ရှိနေနိုင်ပါတယ်။

📍Glimmers ဆိုတာ ဘာလဲ?

Glimmers ဆိုတာ Polyvagal Theory မှာ စိတ်ပညာရှင် Deb Dana စတင်သုံးစွဲခဲ့တဲ့ စကားလုံးလေးတစ်ခုပါ။ ကျွန်မတို့ရဲ့ Nervous system ကို "အခု ဘေးကင်းလုံခြုံပါတယ်" လို့ သတင်းပို့ပေးတဲ့ သေးငယ်ပြီး ငြိမ်းချမ်းစေတဲ့ အခိုက်အတန့်လေးတွေကို ဆိုလိုတာဖြစ်ပါတယ်။

Triggers တွေက ကျွန်မတို့ကို Fight-or-Flight ဆိုတဲ့ အရေးပေါ်အခြေအနေထဲကို ဆွဲခေါ်သွားသလို Glimmers တွေကတော့ ကျွန်မတို့ကို ငြိမ်းချမ်းမှုနဲ့ လုံခြုံမှု (Ventral Vagal state) ဆီကို ပြန်လည်ခေါ်ဆောင်သွားပေးပါတယ်။

ဥပမာပြောရရင် Glimmers လေးတွေဟာ သိပ်ကြီးကျယ်ခမ်းနားတဲ့ အရာတွေ မဟုတ်ပါဘူး…

🔲 မနက်ခင်း ကော်ဖီပူပူလေးရဲ့ မွှေးပျံ့တဲ့ ရနံ့ကို ရှူရှိုက်လိုက်ရတဲ့ အခိုက်အတန့်၊

🔲 လမ်းသွားရင်း ကိုယ့်ကို ရုတ်တရက် ပြုံးပြသွားတဲ့ သူစိမ်းတစ်ယောက်ရဲ့ အပြုံးလေး၊

🔲 ကိုယ်ချစ်ခင်ရင်းနှီးသူဆီက မျှော်လင့်မထားဘဲ ရောက်လာတဲ့ "သတိရတယ်နော်" ဆိုတဲ့ စာတိုလေး၊

🔲 ပင်ပန်းနေချိန်မှာ ခံစားလိုက်ရတဲ့ အေးမြတဲ့ လေညင်းလေး၊

🔲 အိမ်မွေးတိရစ္ဆာန်လေးတွေ ကိုယ့်အနားလာပြီး အိပ်စက်နေတဲ့ အချိန်လေး... စသဖြင့်ပေါ့။

တခါတလေ ကျွန်မတို့က ဘဝကြီးတစ်ခုလုံး အဆင်ပြေမှ၊ ပြဿနာတွေ အကုန်ရှင်းသွားမှပဲ စိတ်အေးချမ်းမယ်လို့ ထင်မှတ်တတ်ကြတယ်။ ဒါပေမယ့် စိတ်ပိုင်းဆိုင်ရာ ကုစားမှု (Healing) ဆိုတာ အဆိုးတွေကိုချည်း တွန်းလှန်နေရတာ မဟုတ်ဘဲ ကိုယ့်ဘေးနားက သေးငယ်တဲ့ Silver Linings လေးတွေကို သတိထားမိအောင် လေ့ကျင့်ယူခြင်းလည်း ဖြစ်ပါတယ်။

Glimmers တွေကို နေ့စဉ် သတိထားမိလာတဲ့အခါ ဦးနှောက်က လုံခြုံမှုရှိတဲ့ ခံစားချက်ကို ပိုမိုမှတ်သားမိလာပြီး စိတ်ဖိစီးမှုတွေကို တဖြည်းဖြည်း လျော့ကျလာစေပါတယ်။ တနည်းအားဖြင့် ဒါဟာ နေ့စဉ်ဘဝရဲ့ ပင်ပန်းမှုတွေကြားမှာ ကိုယ့်စိတ်ကို ပြန်လည်အားဖြည့်ပေးတဲ့ သဘာဝဆေးစွမ်းတစ်လက်ပါပဲ။

🌱 ဒါကြောင့် ဒီနေ့ကစပြီး ကိုယ့်ကို နာကျင်စေတဲ့ Triggers တွေကိုတင် အာရုံစိုက်နေမိတာမျိူးမဟုတ်ဘဲ ကိုယ့်ကို ပြုံးမိစေတဲ့၊ ရင်ထဲကို နွေးထွေးသွားစေတဲ့ Glimmers လေးတွေကို "စုဆောင်း" ကြည့်ဖို့ သတိလေးပေးချင်မိပါတယ်။ အမှောင်ထုထဲမှာ လမ်းပျောက်နေတယ်လို့ ခံစားရချိန်တိုင်း ဒီသေးငယ်တဲ့ ရောင်ခြည်လေးတွေက ကိုယ့်ကို လမ်းပြပေးနိုင်ပါလိမ့်မယ်။

မေတ္တာဖြင့်
Andrea

✅လွတ်လပ်စွာ Share နိုင်ပါသည်။
⚠️Copy ကူး၍ နာမည်ပြောင်းခြင်း ခွင့်မပြုပါ။

21/08/2026

တောင်းပန်ခြင်းဆိုတာနဲ့ တာဝန်ယူမှု 🌱

-Andrea

21/08/2026

ဒီလိုသာ ဆိုခဲ့ရင်…
ဆိုတဲ့နေရာလေးမှာ 🌿✨

-Andrea

ที่อยู่

Chiang Mai
50000

เวลาทำการ

จันทร์ 09:00 - 17:00
อังคาร 09:00 - 17:00
พุธ 09:00 - 17:00
พฤหัสบดี 09:00 - 17:00
ศุกร์ 09:00 - 17:00
เสาร์ 09:00 - 17:00
อาทิตย์ 09:00 - 17:00

เว็บไซต์

แจ้งเตือน

รับทราบข่าวสารและโปรโมชั่นของ Andreaผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ การปฏิบัติ

ส่งข้อความของคุณถึง Andrea:

ทางลัด

แนะนำ

แชร์

ประเภท