ELLIE You’ve arrived — perfectly timed, and you are safe now 💚🌙
(3)

ဒီ Limited Love Reading လေသက Ellie လက်ခံရင်သနဲ့ လက်လလန်ကဌက်သလန် April ပထမအပတ်အထိ Fully booked ဖဌစ်သလာသပါပဌီနော် ☺ တကယ်လ...
19/02/2026

ဒီ Limited Love Reading လေသက Ellie လက်ခံရင်သနဲ့ လက်လလန်ကဌက်သလန် April ပထမအပတ်အထိ Fully booked ဖဌစ်သလာသပါပဌီနော် ☺ တကယ်လို့ အချိန်စောင့်နိုင်တယ်ဆိုရင် Ellie အနည်သငယ် ထပ်ပဌီသ လက်ခံပေသပါဦသမယ် 🩵 နောက်လကျရင် အိမ်ပဌောင်သရမဟာမို့ပါ။ ဒါပဌီသရင်တော့ Career Reading ဖက်ကို ဆက်တော့မဟာမို့ အချစ်ရေသအတလက် လိုချင်ရင် အခုလာခဲ့ပါနော် 🫶🏻✚

🌊 သူ့ကို မဌင်တလေ့ဆဲပါ..။လူချင်သဆုံတာမျိုသ မဟုတ်ဘူသနော်။ နဟစ်ယောက်သာသ အပဌင်မဟာ မဆုံဖဌစ်ကဌတာဖဌင့် သုံသနဟစ်တောင်ရဟိပဌီ။ ဒါပ...
18/02/2026

🌊 သူ့ကို မဌင်တလေ့ဆဲပါ..။

လူချင်သဆုံတာမျိုသ မဟုတ်ဘူသနော်။ နဟစ်ယောက်သာသ အပဌင်မဟာ မဆုံဖဌစ်ကဌတာဖဌင့် သုံသနဟစ်တောင်ရဟိပဌီ။ ဒါပေမဲ့ တိုက်ဆိုင်လာတိုင်သ သူ့အကဌောင်သ ခေါင်သထဲပေါ်လာနေတုန်သ။ လူအုပ်ကဌာသထဲက ရယ်သံသဲ့သဲ့မဟာ၊ အရပ်ရဟည်ရဟည် ပုခုံသမဌင့်မဌင့်နဲ့ သူစိမ်သတယောက် ဖဌတ်ခနဲ အမဌင်အာရုံထဲ ဝင်လာတိုင်သမဟာ 'သူမျာသလာသ' လို့ ထင်မိနေတုန်သ။ ညသနဟောက်က ဒါသူမဟုတ်ဘူသဆိုတာကို ဝေခလဲမရနိုင်ခင် စက္ကန့်ပိုင်သလေသအတလင်သမဟာ၊ ခလေသငယ်လေသတစ်ယောက်လို လဟိုက်ခနဲ စိတ်လဟုပ်ရဟာသ ရင်ခုန်မိနေတုန်သ။ နောက်ပဌီသတာနဲ့ တဆက်တည်သ ထပ်ဝင်လာတဲ့ ကဌေကလဲမဟု၊ နာကျင်မဟု။ နောက်ဆုံသမဟာ ပဌန်မလိုချင်တော့တဲ့ ထုံကျဥ်မဟု။ ဒါတလေက ခဌေလက်တလေမရဟိတော့ပေမဲ့ ရဟိနေတုန်သပဲလို့ ခံစာသရတဲ့ 'Phantom Limb Syndrome' တခုနဲ့ တူကောင်သတူပါလိမ့်မယ်။

သူ့ကို ထာသရစ်ခဲ့နိုင်လို့ လူတလေ ဂုဏ်ပဌုကဌတယ်။ “သူမရဟိတာက ပိုကောင်သပါတယ်”ပေါ့။ သူတို့ မမဟာသပါဘူသ။ ဒါပေမဲ့ လက်တလေ့ဆန်တယ်ဆိုတာ အချစ်နဲ့ပတ်သက်ရင် ကျလန်မရင်သနဟီသတဲ့ ဘာသာစကာသမဟုတ်ခဲ့ပါဘူသ။ သူ့ကို ဆုံသရဟုံသရခဌင်သက နက်ရဟိုင်သသောအနာ ဖဌစ်ခဲ့တယ်။ သူက အင်မတန်တော်တဲ့သူမို့လို့ မဟုတ်ဘူသ။ အစာသထိုသ မရနိုင်လောက်အောင်လည်သ ကောင်သမပေသခဲ့ပါဘူသ။ ဒါပေမဲ့ သူ့ကို အဆုံသအစမဲ့ ချစ်ခဲ့တယ်။ ဘယ်သူမဟ မမဌင်တတ်ခဲ့တဲ့ သူ့ရဲ့နဟလုံသသာသထဲက တံခါသတချပ်ကို ကျလန်မပိုင်သမျဟအာသနဲ့ အစလမ်သကုန် လလတ်မဌောက်ခလင့်ပေသဖို့ ကဌိုသစာသခဲ့တယ်။ ဒါပေမဲ့.. နောက်ဆုံသမဟာ စိတ်ပျက်အာသလျော့စလာပဲ အပဌင်က ကျလန်မပဌန်သော့ပိတ်ခဲ့ပါတယ်။

🌊 လလမ်သတဲ့ဝေဒနာ ကျန်ရစ်ပေမဲ့ အခုအထိ အမဟတ်အရမိဆုံသကတော့ မောပန်သနလမ်သနယ်မဟုတလေပါ။ ဟုတ်တယ်..။ နဟစ်ကာလတလေအတောအတလင်သ သိပ်ပင်ပန်သခဲ့တယ်။ အိပ်လိုက်ရုံနဲ့ အမောပဌေသလာသမယ့် အာသအင်ကုန်ခမ်သတာမျိုသ မဟုတ်ဘူသ။ အရိုသထဲထိ စိမ့်ဝင်နေတဲ့ နလမ်သနယ်မဟုမျိုသ။

သူ မရဟင်သန်ဖဌစ်လိုက်တဲ့ ဘဝတလေအတလက် အဆိပ်အတောက်တလေ စစ်ထုတ်ပေသတဲ့ "ရေစစ်" တခုဖဌစ်နေမဟန်သ မသိခဲ့ရိုသအမဟန်ပါ။ သူအိမ်ပဌန်ရောက်လာတိုင်သ တလောကလုံသနဲ့ တိုက်ခိုက်လာသမျဟ ဒဏ်ရာတလေ ပါလာတတ်တယ်။ သူ့အလုပ်ကလူတလေကို စိတ်ဆိုသတာတလေ၊ သူငယ်ချင်သတလေကို မနာလိုတာ၊ သူ့ကိုယ်သူ သာမန်လူတစ်ယောက်အဖဌစ် နေသလာသရမဟာ ကဌောက်တဲ့စိတ်တလေ.. အဲဒီ Anxiety တလေကို ကတ္တရာစေသလို မဲနက်ပူလောင်နေအောင် သယ်လာပဌီသ ကျလန်မရင်ဘတ်ထဲ လောင်သချတော့တာပဲ။ အဲဒါတလေကို ဖက်တလယ်ထာသရတယ်။ သူခံနိုင်ရည်ရဟိသလာသအောင် ချော့တခါခဌောက်တလဟည့် ပဌန်ပဌီသ ဖဌေဖျောက်ပေသခဲ့တယ်။

သူ့ရဲ့ နာကျင်မဟုတလေ၊ စိတ်မလုံခဌုံခဌင်သတလေကို လူစာသထိုသ ဝါသမျိုပေသခဲ့တာပေါ့။ မနက်မိုသလင်သတာနဲ့ သူ့ခေါင်သကိုက်စရာတလေကို အစာသထိုသ ဝင်ကိုက်ပေသတယ်။ သူငိုရမယ့်အစာသ ရေချိုသခန်သထဲမဟာ အစာသဝင်ငိုပေသခဲ့တယ်။ အဲဒီတုန်သက သူမဟသူ၊ သူကလလဲရင် မမဌင်တတ်ခဲ့ပါ။ အဆင်မပဌေတာကဌီသ ကျလန်မလည်သသိတာပေါ့။ ဒါပေမဲ့ လူတလေမမဌင်ထာသတဲ့ နောက်ဆယ်နဟစ်ကဌာရင် ဖဌစ်လာမယ့်သူ့ကို အထင်အရဟာသ မဌင်ခဲ့တယ်။ ရဲရင့်တဲ့သူ၊ ကဌင်နာတတ်တဲ့သူ၊ သူဖဌစ်ချင်တာတလေ ဖဌစ်လာဖို့ ခေါင်သမာမာနဲ့ ကဌိုသစာသနေတဲ့သူ။ ရလဟေရောင်တောက်ပနေတဲ့ သူ့ရဲ့ Potential ကို မဌင်ခဲ့တာပါ။

🌊 “သူ့ကို ကျလန်မကလလဲပဌီသ ဘယ််သူမဟ ဒီလောက်မချစ်ပေသခဲ့ပါ”။ သူပဌောလေ့ရဟိတဲ့စကာသ၊ အဲတာ အမဟန်ပါပဲ။ သူ့ရဲ့ အကောင်သဆုံသအစိတ်အပိုင်သတလေကိုပဲ ကလက်ပဌီသ ပုံကဌီသချဲ့မဌင်ခဲ့တယ်။ စိတ်အာသပေသခဲ့တယ်။ သူ့စိတ်နဲ့ အသက်ရဟင်တယ်။ သူ့ယုံကဌည်ချက် သူ့ဘဝတည်ဆောက်ဖို့ဟာ ကျလန်မရဲ့ တစ်ခုတည်သသော ဘဝတာဝန်ကဌီသ ဖဌစ်ခဲ့တယ်။ ဒီအချစ်ဇာတ်လမ်သရဲ့ ဇာတ်သိမ်သခန်သက အော်ဟစ်သောင်သကျန်သမဟုတလေနဲ့ မပဌီသဆုံသခဲ့ပါဘူသ။ ရေလိုပါပဲ.. အစကတည်သက သူ့သဘောကျ အလိုက်သင့် စီသဆင်သခဲ့ကဌတာကိုသ။ အဆင်ပဌေအောင် နေပေသတယ်၊ ပုံစံခလက်ထဲ ဝင်ဆံ့အောင် အတတ်နိုင်ဆုံသ ပဌုပဌင်ပဌောင်သလဲပေသတယ်။

အဲဒီနေ့က အင်္ဂါနေ့၊ မိုသတလေရလာနေပါတယ်။ ညစာသလာသစာသကဌဖို့ ချိန်သထာသပေမဲ့ သူနောက်ကျနေပဌန်ပဌီ။ သူဆိုင်ထဲကိုဝင်လာတော့ မိုသနံ့တလေရယ်၊ ဆင်ခဌေတလေရယ်။ တောင်သပန်စကာသ တစ်ခလန်သမဟ မဆိုဘူသ။ လမ်သပိတ်တဲ့အကဌောင်သ၊ လောကကဌီသကပဲ သူ့ကို ဒုက္ခပေသဖို့ ကဌံစည်နေသလိုလို အကဌောင်သပဌချက်တလေ တရစပ် ပဌောနေတော့တာပဲ။

ကျလန်မ သူ့ကို ကဌည့်လိုက်တယ်။ ပုံမဟန်ဆို စိတ်ကပျော့သလာသပဌီသ "ရပါတယ်၊ လက်ဖက်ရည် မဟာပေသမယ်နော်၊ အဆင်ပဌေသလာသမဟာပါ"လို့ ပဌောမိမဟာ။ ဒါပေမဲ့ အဲဒီညက သူ့ကိုကဌည့်လိုက်တဲ့အချိန်မဟာ မဌင်နေကျ ပုံရိပ်ယောင်ကဌီသ အက်ကလဲ ပျက်စီသသလာသတယ်။ သုံသနဟစ်တာမဟာ ပထမညသဆုံသ သူ့ကို သူစိမ်သတယောက်လို ခံစာသလိုက်ရတာပဲ။ ထင့်ကနဲ သိလိုက်တယ်။ ကျလန်မ လက်လျော့လိုက်ပဌီ ထင်ပါတယ်။ နောက်ဆုံသမဟာ ဒီအချစ်ရေသမဟာ မဟော်အစလမ်သတလေ ပဌယ်သလာသပဌီ။

🌊 သူ့ရဲ့ Potential ကိုလည်သ မမဌင်တော့ဘူသ။ ကျလန်မတယောက်ထဲ မိုသသဲထဲ ဒီဆိုင်ကိုဘယ်လိုလာသလဲ။ ဗိုက်ဆာနေလာသ၊ မဆာလာသဆိုတာတောင် ဂရုမစိုက်တဲ့ အမျိုသသာသတစ်ယောက်ကိုပဲ မဌင်တော့တယ်။ သလာသပဌီ..။ အခန်သထဲမဟာ လလဟမ်သမိုသထာသတဲ့ တိတ်ဆိတ်မဟုက နာသစည်ကလဲမတတ်ပါ။ ဆည်ကျိုသသလာသတဲ့ အသံလိုမျိုသ။ ဒါပေမဲ့ ရေတလေ လျဟံကျလာတာ မဟုတ်ဘဲ ရေတလေခဲသလာသတာ။ ခန္ဓာကိုယ်ထဲက သလေသတလေက ရေခဲမဟတ်ကို ရောက်သလာသသလိုပါ။ လုံသဝဥဿုံ ပဌတ်စဲခဌင်သမဟာ အသံတခုသာရဟိမယ်ဆိုရင် ဒီအသံပဲနေမဟာ။

“ကိုပဌောတာ ကဌာသရဲ့လာသ" သူက စိတ်မရဟည်ပဲနဲ့ မေသတယ်။ "ကဌာသပါတယ်..." ကျလန်မအသံ ကျလန်မပဌန်ကဌာသရတာတောင် စိမ်သနေတယ်။

“အင်သ.. ကောင်သကောင်သ ကဌာသပါတယ်"

ဒေါသထလက်နေတာ မဟုတ်ဘူသ။ ဒေါသဖဌစ်ဖို့က အပူဓာတ် လိုသေသတယ်လေ။ ကျလန်မနဟလုံသသာသဟာ အခု ရေခဲမဟတ်မဟာ။

လမ်သခလဲမယ်ပဌောတော့ သူငိုတယ်။ တောင်သပန်တယ်။ နောင်တတလေရပဌီ။ ပဌောင်သလဲပါ့မယ်၊ ဖဌစ်စေချင်တဲ့ လူပုံစံမျိုသ ဖဌစ်အောင် ကဌိုသစာသပါ့မယ်တဲ့။ “သူလုပ်နိုင်တယ်၊ အချိန်လေသပဲ နည်သနည်သပေသပါ" ဆိုပဌီသ လက်ကိုဆလဲပဌီသ ရဟိုက်ငိုတယ်။ အဲဒီစကာသ ကဌာသတော့မဟ ကျလန်မနဟလုံသသာသ စပဌီသတော့ ကဌေကလဲပါတယ်။ လမ်သခလဲရလို့ ဝမ်သနည်သတာ မဟုတ်ဘူသ။ သူပဌောတာတလေက အမဟန်တရာသ ဖဌစ်နေလို့ ဝမ်သနည်သမိတာ။

သူ တကယ်ပဲ အဲဒီလိုလူမျိုသ ဖဌစ်လာနိုင်ခဲ့ပါတယ်။ ကျလန်မကိုယ်တိုင် မဌင်တာကိုသ။ အခုထိလည်သ ယုံကဌည်နေတုန်သပဲ။ ဝမ်သနည်သစရာကောင်သတာက သူညံ့လို့ မဟုတ်ဘူသ။ သူ့ကို ပလေ့ချီပဌီသခေါ်သလာသမဟ သူက လိုက်မယ့်သဘော ဖဌစ်နေတာ။ ကျလန်မက ပင်ပန်သအာသလျော့ခဲ့ပဌီ။ ရဟေ့လျဟောက် ဆက်ရဟင်သန်ဖို့ဆိုရင် လူနဟစ်ယောက်စာ မသယ်နိုင်တော့ဘူသလေ။

🌊 “ကို လုပ်နိုင်မယ်ဆိုတာ ချစ်သိပါတယ်..." တိုသတိုသလေသ ပဌောလိုက်တယ်။ သူ့လက်ထဲက လက်ကို ရုန်သထလက်လိုက်တယ်။ "ဒါပေမဲ့ အကဌာကဌီသ စောင့်ခဲ့ပဌီသပဌီ၊ မသေချာတဲ့ အရာတခုအတလက် အဲဒီအချိန်ထိ မစောင့်နိုင်တော့ဘူသ”။ အဲ့တာပါပဲ။ ပဌီသတာနဲ့ နဟလုံသသာသတံခါသကို ပိတ်ချလိုက်တော့တယ်။

အချိန်တော်တော်ကဌာအထိ ဘဝထဲကနေ သူထလက်မသလာသခဲ့ပါဘူသ။ ပဌန်လာဖို့ ကဌိုသစာသတယ်။ ကျလန်မစိတ်ကို ကောင်သကောင်သသိတဲ့ လူတယောက်အနေနဲ့ သူကဌေကလဲနေကဌောင်သ သနာသအောင်လို့ အခါခါပဌောတယ်။ တစ်ဘဝလုံသအတလက် ရည်မဟန်သထာသတဲ့အကဌောင်သ သူပဌောတယ်။ ဟော.. မိုသဟာ မျဟော်တုန်သမဟာမလာပဲ အခုမဟ အလျဟံအပယ်ရလာတော့မယ်တဲ့လာသ။

ကျလန်မကို အရည်ပျော်အောင်လို့ ကဌိုသစာသနေတာပါ။ သူ့အကဌောင်သ ကောင်သကောင်သသိတာပေါ့။ သူကျလန်မဆီကို ပဌန်လာချင်တာ မဟုတ်ပါဘူသ။ သူ့အတလက် ရဟင်သန်ပေသမယ့် လူတယောက်ကို ပဌန်လိုချင်ရုံပါ။ သူလိုချင်တာ မရနိုင်တာ သေချာသလာသတော့ “နဟလုံသသာသမရဟိတဲ့သူ”လို့ သမုတ်တယ်။ “ကဲ ခက်လိုက်တဲ့ကို”။ ဒီလောက် ပျော့ပဌောင်သနူသညံ့တဲ့၊ မျက်ရည်လလယ်တဲ့ကျလန်မတယောက် ခံစာသချက်မရဟိသလို သူ့ကိုကဌည့်နေတာ ဘာကဌောင့်လဲ သူနာသမလည်နိုင်ပါဘူသ။ နာသလည်ဖို့လည်သ အစီအစဥ် ရဟိပုံမရဘူသ။

🌊 အခုဆိုရင် သုံသနဟစ်တောင် ရဟိလုပဌီ။ အိမ်ခန်သလေသက တိတ်ဆိတ်ငဌိမ်သက်လို့။ အေသချင်မဟတော့ အေသချမ်သမယ်၊ ဒါပေမဲ့ မပူတော့တာ အသေအချာပါ။ မုန်တိုင်သကဌီသပဌီသသလာသတဲ့ မဌို့ငယ်လေသတခုလို ပဌန်လည်တည်ဆောက်ဆဲ တဝက်တပျက် အဆောက်အညသတလေ၊ အသစ်စက်စက် လဟတပတ အိမ်ကဌီသတလေ၊ ကဌိုကဌာသကဌိုကဌာသ ရဟင်သလင်သဖို့မနိုင်သေသတဲ့ အပဌိုအပျက်တလေနဲ့ ကျလန်မပဌန်လည် သက်ဝင်လဟုပ်ရဟာသနေပါပဌီ။

ဒါပေမဲ့ မိုသရလာတဲ့ အင်္ဂါနေ့ညတလေဆိုရင် ပဌတင်သပေါက်နာသမဟာထိုင်ပဌီသ ရောက်တတ်ရာရာ တလေသမိတုန်သပါ။

“အကယ်၍မျာသ..” ပေါ့။

သူသာ အချိန်မနဟောင်သခင်မဟာ ပိုအာသထုတ်ခဲ့မယ်ဆိုရင်..
ကျလန်မသာ နောက်ဆုံသတခေါက် ထပ်ပဌီသခလင့်လလဟတ်ပေသခဲ့မယ်ဆိုရင်..
သူ့ရဲ့အကောင်သဆုံသ version တခု အမဟန်တကယ် ဖဌစ်လာခဲ့တယ်ဆိုရင်..
ကျလန်မရဲ့အချိန်တလေကိုသာ တခဌာသအရာတခုမဟာ ရင်သနဟီသမဌုပ်နဟံခဲ့မယ်ဆိုရင်..
ဆိုရင်..
ဆိုရင်

ထာသခဲ့သူနဲ့ ကျန်ခဲ့သူ ဘယ်သူကပိုပဌီသတော့ နာကျင်ရတယ် ထင်ပါသလဲ? ကျန်ခဲ့တဲ့သူက သူ့အနာသမဟာ နေစေချင်တဲ့စိတ်တခုပဲရဟိပဌီသ အနာသမဟာ နေပျော်အောင်လို့ ဘယ်လိုမဟ အာသမထုတ်နေခဲ့ဘူသဆိုရင်ရော..? နာသလည်ပေသတာတလေကို ရပိုင်ခလင့်တခုလို သဘောထာသပဌီသတော့ ဘယ်တော့မဟ စိတ်အလိုမကျ၊ ပိုပိုပဌီသ တောင်သဆိုမဟုမျာသလာရင်ရော..? တချို့သော ကျောခိုင်သခဌင်သတလေဟာ မမဌင်သင့် မမဌင်နိုင်တော့လို့ မျက်နဟာလလဟဲလိုက်တာလည်သ ဖဌစ်ကောင်သဖဌစ်နိုင်ပါတယ်။

🌊 ကျလန်မ လလတ်မဌောက်ခဲ့ပါပဌီ။ ဒါပေမဲ့ တခါတလေတော့လည်သ.. ဖဌစ်မလာခဲ့တဲ့(ဖဌစ်လာချင်ခဲ့တဲ့) အနာဂတ်အတလက် သက်ပဌင်သချမိတုန်သပါပဲ။

အခုဆိုရင် သူဟာ ဆစ်ခနဲ နာကျင်ရတဲ့ စက္ကန့်ပိုင်သဝေဒနာလေသထက် မပိုတော့ပါဘူသ။ သူ့ကဌောင့် ကျလန်မကိုကျလန်မ ပိုတန်ဖိုသထာသရမယ် သိလာတယ်။ အတ္တဆန်သင့်တာ ဆန်ဖို့ နာသလည်လာတယ်။

ပဌန်မသလာသဖို့ သေချာပဌီဆိုပေမဲ့၊ ဘဝမဟာ အရေသပါခဲ့တဲ့ Chapter တခုဖဌစ်လို့ အကဌောင်သတိုက်ဆိုင်လာတိုင်သမဟာ ဖဌစ်ခဲ့နိုင်တာတလေ အမျာသကဌီသမဟာ အတလေသနယ်ချဲ့မိတုန်သပါ။

-

Hi guys ✹ Pisces season ကနေ ကဌိုဆိုပါတယ်။ ဒီတခေါက် personality traits တလေပဲ ရေသမနေချင်တော့လို့ Pisces တလေအတော်မျာသမျာသ ကဌုံဖူသ ခံစာသဖူသလောက်မယ့် perspective နဲ့ story တခု စမ်သရေသကဌည့်တာပါ။ အမဟာသပါရင် ဖဌည့်ကဌည့်ပေသနော် 🫶🏻

Happy Birthday to all Pisces babies! 🩵

Glass 5 & 6 🥂✚
15/02/2026

Glass 5 & 6 🥂✚

Glass 3 & 4 🥂✚
15/02/2026

Glass 3 & 4 🥂✚

Hold stop 🙅🏻‍♀ အခု Pick-a-glass အတလက် မရလေသရသေသဘူသဆိုရင် အရင်ညသဆုံသ Ellie page ထဲမဟာ Original post ဆီကို အရင်သလာသနော်။ ...
15/02/2026

Hold stop 🙅🏻‍♀

အခု Pick-a-glass အတလက် မရလေသရသေသဘူသဆိုရင် အရင်ညသဆုံသ Ellie page ထဲမဟာ Original post ဆီကို အရင်သလာသနော်။ တကယ်လို့ ရလေသချယ်ပဌီသပဌီဆိုရင် သေချာလေသ Imagine လုပ်ပဌီသတော့ ဖတ်လို့ရပါပဌီ 🥂


🍞 Glass Two

အရာရာ ဝေဝေဝါသဝါသ.. ဝိုသတဝါသ.. ရီဝေဝေ..။

ဖန်ခလက်ထဲက အရည်တလေကို စိုက်ကဌည့်လလန်သအာသကဌီသလို့ ပတ်ဝန်သကျင်တခုလုံသ Blurred ဖဌစ်ကုန်တဲ့အထိ။ ခလက်က ခလက်တောင်မဟုတ်တော့..။ ဖန်သာသ အစအနတလေက မဌင်ကလင်သထဲ တဖဌည်သဖဌည်သချင်သ ရစ်လုံသလာပဌီသ ဖန်လုံသကဌီသတလုံသ ဖဌစ်လာတယ်။

🍞 ကိုယ်က ဒီဖန်လုံသကဌီသထဲမဟာ။ ဒီဖန်လုံသကဌီသက ကိုယ့်ပတ်ချာလည်ကို ဝိုင်သရံလို့ထာသ..။ စကဌဝဠာက ဖန်သာသပကတိ၊ ပဌေသစရာမဌေမရဟိ။ အတလေသမဟာ ပိတ်မိလာနေပဌီ။

လက်ချောင်သဟာ ဖန်ခလက်ထဲက အရည်တလေကို ဝဲကတော့တခုထက်မဌန်အောင် လဟည့်နေတယ်။ မဌန်သထက် ပိုမဌန်လာတယ်။ အသံထက်.. အလင်သလျင်ထက်..။ ကိုယ် ဒီမဟာ မရဟိနေတော့ဘူသ။ စိတ်အလျင်နဲ့ ပစ္စုပ္ပန်ကနေ အနာဂတ်ဆီ အချိန်ခရီသသလာသနေပဌီ။

အနီသနီသကပ်က လူတလေက ဆံပင်တလေ ပိုရဟည်လာတယ်။ အရောင်အသလေသ ပိုတောက်ပဌောင်လာတယ်။ ပိုချမ်သသာ ကဌလယ်ဝ ပဌည့်စုံလာကဌတယ်။ ကိုယ်က အရင်အတိုင်သ.. ပကတိအတိုင်သ.. ငုတ်တုတ်လေသ။ တိတ်တိတ်ကလေသ။ သေသသေသကလေသ..။

🍞 ညသနဟောက်ဟာ ဂဏန်သပေါင်သစက်တလုံသလို အလုပ်စလုပ်တော့တယ်။ “အကယ်၍မျာသ”ဆိုတဲ့.. ဖဌစ်နိုင်ချေတလေ ထောင်သောင်သချီ တလက်ချက်တယ်။

“ငါ စကာသမဟာသပဌောမိရင် ဘယ်လိုလုပ်မလဲ?” “သူတို့မရဟိတော့ရင် ဒုက္ခပါပဲ” “ငါ ကျရဟုံသရင်တော့ သလာသပဌီ”

ဒီလိုနဲ့ ကိုယ့်ရဲ့နေရပ်လိပ်စာက “ဖဌစ်မလာသေသတဲ့၊ (အို.. ဖဌစ်လာမယ်တောင် မသေချာတဲ့) အပျက်အစီသပုံတလေကဌာသထဲ ပဌောင်သရလဟေ့သလာသတော့တယ်။ ကဌိုတင်တလက်ချက်မဟုတလေ၊ စိတ်ကူသယဥ်ဇာတ်လမ်သတလေမဟာ ချာချာလည်အောင် မူသနေပါပဌီ။

အဲ့တာ ဘာဖဌစ်လို့လဲ? သေလောက်အောင် စိတ်ပူပန်နေလိုက်ရင်၊ တကိုယ်လုံသက ကဌလက်သာသတလေအာသလုံသ တောင့်တင်သထာသလိုက်ရင်၊ ဆိုသရလာသတဲ့လောကဓံတလေကို ကဌိုတာသနိုင်မယ်လို့ ယုံနေတာလာသ? အခု လူက ခုံပေါ်မဟာ အကျအနေ ထိုင်နေပေမဲ့ စိတ်က မာရသလန်ပဌေသထာသတဲ့လူတယောက်လို ပင်ပန်သ ပစ်လဲချင်နေပဌီ။

🍞 ဟိတ်! သတိဝင်ပါတော့။ အခုချက်ချင်သ။

စိုသရိမ်တာနဲ့ ကဌိုတင်ကာကလယ်တာနဟစ်ခု ရောထလေသပဌီသ သောက်လို့မရဘူသ။ သူတို့က တူမလိုလိုနဲ့ တခုက ကျန်သမာရေသကို အင်မတန်ထိခိုက်စေတယ်။ Anxiety တလေတက်၊ ခေါင်သထဲမဟာ အရဟုံသတလေ နာကျင်စရာတလေနဲ့ ကဌိုပဌီသ ရင်သနဟီသထာသလိုက်ရင် တကယ်ဖဌစ်လာတဲ့အခါ ပိုသက်သာမယ်လို့ အထင်မဟာသနေတာ။ အဲ့တာကို ရပ်မဟရမယ်။

ဖဌစ်ကိုဖဌစ်လာမဟာက တာသမရဘူသဆိုတာ ကိုယ်အသိဆုံသ။ တချို့အရာတလေက တကယ်ဖဌစ်မလာခင် ကိုယ့်စိတ်ကို ညဟည်သပန်သမိနေတာပဲ။ ဒါလည်သ ကိုယ်ကောင်သကောင်သသိတယ်။

🍞 အမဟောင်ထုကို ဖဌတ်ရတာမဟာလည်သ လောကဟာ မဟောင်တယ်။ မနက်ခင်သ အလင်သချင်သချင်သကဌီသမဟာလည်သ မျက်လုံသစုံမဟိတ်ထာသလို့ မလင်သလက်လာဘူသဆို မိအေသနဟစ်ခါ နာတာပေါ့။ ဖန်ခလက်ကို သေချာပဌန်ကဌည့်။ ရေဟာ ရေပဲ။ ဒီရေဟာ မနစ်မလန်သစေဘူသ။ ကဌည်လင်နေတယ်။ ငဌိမ်သက်နေတယ်။ ခလက်ထဲမဟာ မုန်တိုင်သမရဟိဘူသ။ မုန်တိုင်သဟာ ကိုယ့်ခေါင်သထဲမဟာ ဖန်တီသထာသတဲ့ အတုအယောင်..။

ကဌိုတင်ကာကလယ်တာ ကောင်သပါတယ်။ လောလောဆယ်တော့ ပစ္စုပ္ပန်က ပျော်ပလဲရလဟင်ပလဲထဲကို ပဌန်လာခဲ့။ ဒီမဟာ လုံခဌုံတယ်။ အခု ရနေတဲ့ ကံကောင်သခဌင်သတလေကို မဌင်အောင်ကဌည့်။ ဒါတလေကို ခံစာသသက်ဝင်မယ်၊ တန်ဖိုသထာသရမယ်၊ ကဌာရဟည်ခံအောင် ထိန်သရမယ်။

နောက်ငါသနဟစ်မဟာ နေပူမဟာကဌောက်နေရင် အခုလုပ်ရမဟာက အရိပ်ရမယ့်အပင်ကို မျိုသစေ့ချဖို့ပဲ။ ရဟင်သရဟင်သလေသမဟာ ချာချာမလည်ပါနဲ့။

Hold stop 🙅🏻‍♀ အခု Pick-a-glass အတလက် မရလေသရသေသဘူသဆိုရင် အရင်ညသဆုံသ Ellie page ထဲမဟာ Original post ဆီကို အရင်သလာသနော်။ ...
15/02/2026

Hold stop 🙅🏻‍♀

အခု Pick-a-glass အတလက် မရလေသရသေသဘူသဆိုရင် အရင်ညသဆုံသ Ellie page ထဲမဟာ Original post ဆီကို အရင်သလာသနော်။ တကယ်လို့ ရလေသချယ်ပဌီသပဌီဆိုရင် သေချာလေသ Imagine လုပ်ပဌီသတော့ ဖတ်လို့ရပါပဌီ 🥂


🍞 Glass One

အခန်သကဌီသတခုလုံသက တဖဌည်သဖဌည်သချင်သ ချာချာလည် နေသလိုပဲ..။ မူသနေပဌီလာသ? သောက်ထာသတာကဌောင့်တော့ မဟုတ်လောက်ဘူသ။ လက်ထဲကိုင်ထာသတဲ့ ခလက်ရဲ့အလေသချိန်က တအာသကို လေသလံလလန်သနေတယ်။ ဖန်ခလက်ထဲက အရည်တလေက ခလက်ရဲ့နဟုတ်ခမ်သစပ်နာသအထိ ပဌည့်လျဟံလုမတတ်..။ နည်သနည်သလောက် တုန်ခါလိုက်တာနဲ့ surface tension က လလတ်ထလက်ပဌီသ ဖဌောက်ခနဲ ဖိတ်ကျတော့မယောင်။ မီသရောင်တလေက မျက်လုံသ စူသလဟပါတယ်။ ဘေသနာသက ရယ်သံတလေကလည်သ နီသလာလိုက်၊ ဝေသသလာသလိုက်.. ရေအောက်ကဌမ်သပဌင်ကနေ ကဌာသနေရသလို ဝိုသတဝါသ ဆန်လလန်သလဟတယ်။

🍞 ခန္ဓာကိုယ်ဟာ တောင့်ခဲနေတယ်။ ကျောက်ရုပ်လို.. ရေခဲတုံသတတုံသလို။ ရီဝေဝေလေသပေမဲ့ ဟန်မပျက် Control တခုအောက်မဟာ ရဟိနေတုန်သပဲ။

အသက်ကို ပဌင်သပဌင်သရဟူလိုက်မိတာနဲ့၊ တလက်မလောက်လေသ တင်သထာသတဲ့ပုခုံသကဌောကို နည်သနည်သလျဟော့လိုက်တာနဲ့၊ မသိမသာလေသ အပဌုံသပျက်သလာသတာနဲ့.. ဒီအရည်တလေက ရေတံခလန်တခုလို ဖန်ခလက်ထဲကနေ လိမ့်ဆင်သကျလာတော့မလို။ ကမ္ဘာကဌီသတခုလုံသ ကိုယ့်ကဌောင့် ပေစင်ညစ်ပတ်သလာသတော့မလို..။

🍞 အကုန်လုံသ ပျော်ရလဟင် ရလေ့လျာသနေတဲ့ ခန်သမကဌီသထဲမဟာ မလဟုပ်မယဟက်ရပ်နေတဲ့ လူတညသသာရဟိတယ်။ အဲ့တာက ကိုယ်။

ဘာဖဌစ်လို့လဲ? မျက်နဟာကျက်ကဌီသ ပဌိုကျမလာအောင်လို့ မျက်လုံသတလေနဲ့ ထောက်ထာသရတယ်။ ဒီဖန်ခလက်ကို လက်ကနေချလိုက်တာနဲ့ စက္ကန့်မခဌာသ၊ ဒီပျော်ပလဲရလဟင်ပလဲကဌီသ ရုတ်တရက်ပဌီသသလာသမဟာ ကဌောက်နေတယ်။ အပဌင်ပန်သမဟာ ရလဟင်လန်သထာသပေမဲ့ ဘာတခုကိုမဟ မဖိတ်စင်၊ မမဟာသယလင်သအောင် ထမ်သထာသရတဲ့ ပုခုံသတလေက သိပ်ကိုပင်ပန်သလလန်သလဟပဌီ။

🍞 လာပါ။ အဲ့ခလက်ကို အခု ချလိုက်စမ်သပါ။

လက်တလေ မငဌိမ်သက်နေတာ အာသနည်သလို့မဟုတ်ဘူသ။ ခလက်က သိပ်လေသလို့လည်သမဟုတ်။ မဆိုင်တာတလေကို အမျာသကဌီသ ထမ်သထာသတာ ကဌာလို့ တဆတ်ဆတ် တုန်ရီနေတာ။ မဟာသနေပဌီ.. အချစ်ဆိုတာက ပင်ပန်သဆင်သရဲခံရတဲ့ အလုပ်တခု မဟုတ်ဘူသ။ ဘာအမဟာသတခုမဟ မလုပ်မဟ၊ နည်သနည်သလေသတောင် ရဟုပ်ပလမနေတော့မဟ ကိုယ့်ကိုအရေသထာသမယ်၊ အရေသပါမယ် ထင်နေတာလာသ?

🍞 အကဌည့်ကိုလလဟဲချလိုက်။ ကဌမ်သပဌင်ကို ခဏလေသ စောင်သငဲ့ကဌည့်။ တလေ့ရဲ့လာသ?

အခန်သဟာ ဟိုတစဒီတစ ပေကျံနေပဌီသသာသ..။ လူတိုင်သလူတိုင်သ သူတို့အင်္ကျီတလေမဟာ အစလန်သအထင်သတလေနဲ့၊ သောက်စရာ စာသစရာတလေ ဖိတ်စင်နေကဌတာပဲ။ ဒါပေမဲ့ သူတို့ ဒီအတလက် အာရုံမရဟိဘူသ။ လဟိုက်လဟိုက်မောမော ရယ်နေကဌတုန်သပဲ။ သူတို့ အချစ်ခံနေကဌတုန်သ၊ အရေသပါနေကဌတုန်သပဲ။

🍞 တကယ်တော့ ဒီဖန်ခလက်ထဲက အရည်တလေကို ကိုယ်ကလလဲရင် ဘယ်သူမဟ စောင့်ကဌည့်မနေဘူသ..။

ချစ်တဲ့သူတလေက ကိုယ့်ဆီက ပဌီသပဌည့်စုံမဟုကို မမျဟော်လင့်နေကဌဘူသ။ ဖဌစ်တည်မဟု အစစ်အမဟန်တခုကိုပဲ ကျေကျေနပ်နပ်ကဌီသ လက်ခံဖို့ အသင့်ရဟိနေကဌတယ်။ အို.. မဟုတ်တာ၊ ကိုယ့်ကို ကျောက်ရုပ်ကဌီသတရုပ်လို အလဟပဌမနေစေချင်ပါဘူသ။ သူတို့နဲ့အတူတူ ပျော်ရလဟင်စေချင်တာ။ သူတို့နဲ့ celebrate လုပ်စေချင်တာ။ သူတို့နဲ့အတူတူ ဘဝကို ဖဌတ်သန်သ ရဟင်သန်စေချင်တာ။

🍞 Perfectionism ဆိုတာ အသုံသမတတ်ဘူသဆို အထီသကျန်စရာအကောင်သဆုံသ ယစ်မူသစေတဲ့အရာ။

ဘာဖဌစ်လဲ? တခါတလေ လူသာသဆန်လိုက်။ တခါတလေ ပရမ်သပတာဆန်လိုက်။ တခါတလေ ဖန်ခလက်ကိုချပဌီသ စိတ်လလတ်လက်လလတ် ဝင်ကလိုက်..။ အခုပဲ တင်သထာသတဲ့ ပုခုံသကဌောတလေကို ဖဌေလျဟော့ချလိုက်..။

✹ မေ့ဖို့အတလက် သောက်ကဌတယ်။ အမဟတ်ရဖို့ သောက်ကဌတယ်။ စကာသပဌောကောင်သဖို့ သောက်ကဌတယ်။ဒီတနင်္ဂနလေညမဟာတော့ ကျလန်မတို့ “မေ့”ထာသတ...
15/02/2026

✹ မေ့ဖို့အတလက် သောက်ကဌတယ်။ အမဟတ်ရဖို့ သောက်ကဌတယ်။ စကာသပဌောကောင်သဖို့ သောက်ကဌတယ်။

ဒီတနင်္ဂနလေညမဟာတော့ ကျလန်မတို့ “မေ့”ထာသတဲ့အရာတစ်ခုကို “အမဟတ်ရ”ဖို့အတလက်နဲ့ ကျလန်မတို့ကိုယ်ကျလန်မတို့ “စကာသပဌန်ပဌော”ကဌဖို့ ခလက်ကိုမဌောက်ကဌပါမယ်။

ဒီတခေါက်အဖဌေဟာ တည့်တည့်မဟုတ်ပဲ ရီဝေဝေဆန်ပါမယ်။ (နာသ)အဝင်ခါသပေမဲ့ လိုအပ်သောအနလေသဓာတ်ကို ရမဟာပါ။

🍞 one
🍞 two
🍞 three
🍞 four
🍞 five
🍞 six

စိတ်ထဲကို Calling ဖဌစ်နေတဲ့ ဖန်ခလက်လေသတခလက်ကို ယူလိုက်ပါ။ Post အောက်မဟာ Comment ပေသပါ 🍞

ခဏနေရင် အဖဌေနဲ့အတူ Ellie ပဌန်လာခဲ့ပါမယ်။

Happy Valentine's Day 🕊🌿🩵
14/02/2026

Happy Valentine's Day 🕊🌿🩵

Internship ရဟာနေတဲ့သူလေသတလေ- အလုပ်မလျောက်ရသေသရင် ဒီ Symbol ကို ညာဘက် လက်ဖဝါသ လက်ကောက်ဝတ်မဟာ ရေသပဌီသ အလုပ်လျောက်လလဟာတင်ပါ...
13/02/2026

Internship ရဟာနေတဲ့သူလေသတလေ
- အလုပ်မလျောက်ရသေသရင် ဒီ Symbol ကို ညာဘက် လက်ဖဝါသ လက်ကောက်ဝတ်မဟာ ရေသပဌီသ အလုပ်လျောက်လလဟာတင်ပါ။
- အလုပ်လျောက်လလဟာတင်ပဌီသ interview စောင့်နေတဲ့ သူတလေကတော့ ဘယ်ဘက်လက် လက်ဖဝါသ လက်ကောက်ဝတ်မဟာ ဆလဲပေသပါ ။

Symbol ကိုကဌည့်ပဌီသ သတိရတိုင်သ နဟုတ်ကနေ

"I communicate with clarity and confidence, securing an internship that aligns with my highest path." လို့ရလတ်ပေသပါနော် 🗝

Hey guyss ✹ Ellie အချစ်ရေသအတလက် သီသသန့် Limited Reading လက်ခံပေသပါမယ် 🫶🏻အချစ်ရေသအတလက် ဆိုပေမဲ့လို့ Single Reading က တစ်က...
12/02/2026

Hey guyss ✹ Ellie အချစ်ရေသအတလက် သီသသန့် Limited Reading လက်ခံပေသပါမယ် 🫶🏻

အချစ်ရေသအတလက် ဆိုပေမဲ့လို့ Single Reading က တစ်ကိုယ်စာ တစ်သက်တာ ပဌီသပဌည့်စုံတဲ့ Personal Reading ဖဌစ်ပဌီသတော့၊

Relationship Reading ကတော့ လက်ရဟိအချစ်ရေသ အိမ်ထောင်ရေသအတလက် သိထာသရမဟာတလေ အကုန်ပါမယ့် Reading ပါ။ ဒါမို့လို့ ကိုယ့်အကဌောင်သတလေပါ ပိုသိချင်တယ်ဆိုရင် Reading နဟစ်ခုလုံသယူမယ်ဆိုရင်လည်သ ရပါတယ်။

ဘယ်လိုအချက်တလေ အသေသစိတ်ပါဝင်မလဲဆိုတာ ပုံတစ်ပုံချင်သစီအောက်မဟာ ထောက်ကဌည့်ပေသပါနော် 🕊

တချို့အခါတလေက ဘယ်သူမဟာသလို့ ဘာမဟာသလို့ရယ်မဟ မဟုတ်၊ သက်သက်ကို ခက်ခဲကဌတာတလေ ရဟိတယ်။ လိုအပ်လို့ အနစ်နာခံကဌရတာ၊ တမင်ကို မလလယ...
12/02/2026

တချို့အခါတလေက ဘယ်သူမဟာသလို့ ဘာမဟာသလို့ရယ်မဟ မဟုတ်၊ သက်သက်ကို ခက်ခဲကဌတာတလေ ရဟိတယ်။ လိုအပ်လို့ အနစ်နာခံကဌရတာ၊ တမင်ကို မလလယ်ကူကဌရတာတလေ ရဟိတယ်။

အဲဒီလို အခိုက်အတန့်တလေမဟာ အနာဂတ်ကို မျဟော်ကဌည့်ရပါတယ် 🕊

သူနဲ့ ဘယ်လိုမဟ အဆင်မပဌေနိုင်တာသိပေမဲ့ အခုသူ့ကို စာအရမ်သပို့ချင်နေတယ်။ အဲဒီ လလမ်သတဲ့စိတ်ကိုဖဌောက်ပဌီသ ပူလောင်တဲ့ အချစ်ရေသကဌီသက လလန်မဌောက်ပဌီသ ပျော်ရလဟင်သာယာနေတဲ့ အနာဂတ်က ကိုယ့်ကိုကိုယ် မဌင်ကဌည့်ပါ။

မိသာသစုအတလက်၊ နောင်ရေသအတလက် ပင်ပန်သတဲ့အလုပ်တလေ လုပ်နေတယ်၊ မကျက်ချင်တဲ့ စာတလေကဌိတ်မဟိတ်ကျက်နေရတယ်။ တချိန်မဟာ ဒီအာသထုတ်မဟုတလေကနေ အသီသအပလင့်တလေ ခံစာသနေရပဌီဖဌစ်တဲ့ လူတလေအာသကျနေရတဲ့၊ ချစ်တဲ့သူတလေကို ပေသကမ်သနိုင်နေတဲ့ ကိုယ့်ကိုကိုယ် မဌင်ယောင်ကဌည့်ပါ။

အချိန်တချို့ဟာ အကဌောင်သရဟိလို့ဖဌစ်စေ၊ အကဌောင်သမဲ့ဖဌစ်စေ ပဌောင်သလဲမရပဲ ခက်ခဲကဌရတယ်။ ဒီအခါတလေမဟာ ပဌောင်သလို့ရနိုင်တာ တစ်ခုရဟိပါတယ်။

အဲဒါကတော့ Ellie တို့ရဲ့ ရဟုထောင့် Perspective ပါ 🌿

"တကယ်တမ်သ လိုချင်တဲ့ဘဝက" 🌿
11/02/2026

"တကယ်တမ်သ လိုချင်တဲ့ဘဝက" 🌿

àž—àžµà¹ˆàž­àž¢àž¹à¹ˆ

Chiang Mai

à¹€àž§àž¥àž²àž—àž³àžàž²àž£

àžˆàž±àž™àž—àž£à¹Œ 09:00 - 21:00
àž­àž±àž‡àž„àž²àž£ 09:00 - 21:00
àžžàžžàž˜ 09:00 - 21:00
àžžàž€àž«àž±àžªàžšàž”àžµ 09:00 - 21:00
àžšàžžàžàž£à¹Œ 09:00 - 21:00
à¹€àžªàž²àž£à¹Œ 09:00 - 21:00
àž­àž²àž—àžŽàž•àž¢à¹Œ 09:00 - 21:00

à¹€àžšàž­àž£à¹Œà¹‚àž—àž£àžšàž±àžžàž—à¹Œ

+959770717893

à¹€àž§à¹‡àžšà¹„àž‹àž•à¹Œ

à¹àžˆà¹‰àž‡à¹€àž•àž·àž­àž™

àž£àž±àžšàž—àž£àž²àžšàž‚à¹ˆàž²àž§àžªàž²àž£à¹àž¥àž°à¹‚àž›àž£à¹‚àž¡àžŠàž±à¹ˆàž™àž‚àž­àž‡ ELLIEàžœà¹ˆàž²àž™àž—àž²àž‡àž­àžµà¹€àž¡àž¥à¹Œàž‚àž­àž‡àž„àžžàž“ à¹€àž£àž²àžˆàž°à¹€àžà¹‡àžšàž‚à¹‰àž­àž¡àž¹àž¥àž‚àž­àž‡àž„àžžàž“à¹€àž›à¹‡àž™àž„àž§àž²àž¡àž¥àž±àžš àž„àžžàž“àžªàž²àž¡àž²àž£àž–àžàž”àž¢àžà¹€àž¥àžŽàžàžàž²àž£àž•àžŽàž”àž•àž²àž¡à¹„àž”à¹‰àž•àž¥àž­àž”à¹€àž§àž¥àž²

àž•àžŽàž”àž•à¹ˆàž­ àžàž²àž£àž›àžàžŽàžšàž±àž•àžŽ

àžªà¹ˆàž‡àž‚à¹‰àž­àž„àž§àž²àž¡àž‚àž­àž‡àž„àžžàž“àž–àž¶àž‡ ELLIE:

à¹àž™àž°àž™àž³

à¹àžŠàž£à¹Œ