Маркази Психологии Мотив - Psychology Center Motiv

Маркази Психологии Мотив - Psychology Center Motiv 💡 Наша миссия: помочь вам стать лучшей версией себя!

Рушди пайвастаи касбӣ — кафолати хизматрасонии босифат!​Мутахассисони Маркази психологии «Мотив», ки ҳамзамон аъзои фаъо...
07/08/2026

Рушди пайвастаи касбӣ — кафолати хизматрасонии босифат!

​Мутахассисони Маркази психологии «Мотив», ки ҳамзамон аъзои фаъоли Ҷамъияти равоншиносон-машваратчиён ва равондармонҳои Тоҷикистон мебошанд, як омӯзиши муҳим ва касбиро бо муваффақият хатм карданд.
​Тренинги мазкур аз ҷониби Дафтари барномаҳои САҲА (OSCE) дар Душанбе баргузор гардида, ба мавзӯи ҳассос ва мубрами рӯз — «Татбиқи барномаҳои ислоҳӣ (коррексионӣ) дар кор бо ашхосе, ки зӯроварӣ содир кардаанд» бахшида шуд.
​📌 Дар давоми ин барнома тими мо донишу таҷрибаи худро дар самтҳои зерин такмил дод:
✔️ Роҳҳо ва қоидаҳои бехатари гузаронидани мусоҳиба бо агрессорҳо;
✔️ Истифодаи амалии терапияи маърифатӣ-рафторӣ (КПТ);
✔️ Усулҳои танзими эҳсосот ва идоракунии ҳолатҳои буҳронӣ;
✔️ Роҳандозии барномаҳои ислоҳӣ барои пешгирӣ намудани зӯроварии такрорӣ.

​Мо дар Маркази «Мотив» ҳамеша талош меварзем, ки бо истифода аз таҷрибаҳои пешқадами соҳа ба мизоҷони худ ёрии баландихтисоси равонӣ расонем. Донишҳои нав ба мо имкон медиҳанд, ки дар ҳалли муноқишаҳо, пешгирии зӯроварӣ ва беҳбудии фазои хонаводагиву ҷамъиятӣ саҳми боз ҳам бештар гузорем.

​Ба Дафтари барномаҳои САҲА дар Тоҷикистон ва тамоми ташкилкунандагону мураббиён барои ин барномаи пурмуҳтаво сипосгузорем! 🤝

​ #МарказиМотив #Равоншиносӣ #Психология #Тоҷикистон #САҲА #КПТ #СолимииРавонӣ #Душанбе

Мастер-класси мо дар фазои зебои Боғи Ирам бомуваффақият анҷом ёфт!​Имрӯз дар шаҳри Душанбе, дар оғӯши табиат ва ҳавои т...
26/07/2026

Мастер-класси мо дар фазои зебои Боғи Ирам бомуваффақият анҷом ёфт!

​Имрӯз дар шаҳри Душанбе, дар оғӯши табиат ва ҳавои тозаи Боғи Ирам, мо як вохӯрии бисёр муҳим ва муфидро баргузор кардем.

Мавзӯи вохӯрии мо ба яке аз масъалаҳои мубрам ва нигаронкунандаи волидайн — «Телефонро деҳ!» — ва боз хархашаю гиря? бахшида шуда буд.

​Фазои озоду табиати зебо, нишасти самимӣ ва муҳити дӯстона ба раванди омӯзиш ва суҳбати мо ҳусни дигар зам кард.

​Аммо чизи аз ҳама рӯҳбаландкунанда барои мо — ин иштирокчиёни мо буданд!
Дар ин чорабинӣ волидайн ва шахсони бениҳоят донишманд, бомасъулият, ташаббускор ва илмдӯст ҷамъ омада буданд. Маҳз ба шарофати саволҳои ҷолиб, табодули таҷриба ва фаъолнокии шумо, раванди ин мастер-класси 3-соата бениҳоят шавқовар ва пурсамар гузашт.

​Дар давоми вохӯрӣ мо тавонистем муҳокима кунем:
▪️​Чаро телефон кӯдакро ин қадар ба худ ҷалб мекунад?
▪️​Аломатҳои хатар — кай бояд ба ташвиш омад?
​Қоидаҳои истифодаи телефон, ки боиси хархаша намешаванд.
▪️​Нақшаи 14-рӯзаи раҳоӣ аз вобастагӣ.

​Ба ҳамаи иштирокчиён барои ҳузури гарм, ташаббускорӣ ва масъулиятшиносиашон нисбат ба тарбияи насли наврас изҳори сипос мекунем! 🙌
​То вохӯриҳои нав дар чорабиниҳои оянда!

​ #Душанбе #БоғиИрам #МастерКласс #МарказиМотив #ПсихологияиКӯдак #ТарбияиФарзанд #РушдиШахсият #Тоҷикистон

«Телефонро деҳ!» — ва боз хархашаю гиря? 📱😣​Агар ин ҷумларо ҳар рӯз мегӯед — роҳи ҳал вуҷуд дорад.​Дар мастер-класси «Фа...
21/07/2026

«Телефонро деҳ!» — ва боз хархашаю гиря? 📱😣

​Агар ин ҷумларо ҳар рӯз мегӯед — роҳи ҳал вуҷуд дорад.

​Дар мастер-класси «Фарзанди ман ва телефон» шумо меомӯзед:
• ​✅ Чаро телефон кӯдакро ин қадар ба худ ҷалб мекунад
• ​✅ Аломатҳои хатар — кай бояд ба ташвиш омад
• ​✅ Қоидаҳои истифодаи телефон (экран), ки боиси хархаша намешаванд
• ​✅ Ба ҷои телефон ба кӯдак чӣ бояд дод
• ​✅ Нақшаи 14-рӯзаи раҳоӣ аз вобастагӣ
​📅 Вақт: 3 соат
• 💰 Нарх: 199 сомонӣ
• 📍 Ҷойгиршавӣ: Душанбе
​Ҳамин ҳоло ҷойро банд кунед:
📲 WhatsApp: +992 20 601 23 11
☎️ Маркази тамос: +992 93 380 68 80
📷 Instagram: PSYCHOLOGY CENTER MOTIV | МАРКАЗИ ПСИХОЛОГИИ МОТИВ
​Маркази психологии «Мотив»
#Мотив #Душанбе #волидайн #фарзанд #психология #телефон

21/07/2026

«Телефонро деҳ!» — ва боз хархашаю гиря? 📱😣

​Агар ин ҷумларо ҳар рӯз мегӯед — роҳи ҳал вуҷуд дорад.

​Дар мастер-класси «Фарзанди ман ва телефон» шумо меомӯзед:
• ​✅ Чаро телефон кӯдакро ин қадар ба худ ҷалб мекунад
• ​✅ Аломатҳои хатар — кай бояд ба ташвиш омад
• ​✅ Қоидаҳои истифодаи телефон (экран), ки боиси хархаша намешаванд
• ​✅ Ба ҷои телефон ба кӯдак чӣ бояд дод
• ​✅ Нақшаи 14-рӯзаи раҳоӣ аз вобастагӣ

​📅 Вақт: 3 соат
  •  💰 Нарх: 199 сомонӣ
  •  📍 Ҷойгиршавӣ: Душанбе

​Ҳамин ҳоло ҷойро банд кунед:
📲 WhatsApp: +992 20 601 22 11
☎️ Маркази тамос: +992 93 380 68 80
📷 Instagram: PSYCHOLOGY CENTER MOTIV | МАРКАЗИ ПСИХОЛОГИИ МОТИВ
​Маркази психологии «Мотив»
#Мотив #Душанбе #волидайн #фарзанд #психология телефон

🌟 Рушди пайваста — кафолати натиҷаи беҳтарин!​Имрӯз дар Маркази психологии «Мотив» ҷаласаи навбатии корӣ баргузор гардид...
17/07/2026

🌟 Рушди пайваста — кафолати натиҷаи беҳтарин!

​Имрӯз дар Маркази психологии «Мотив» ҷаласаи навбатии корӣ баргузор гардид. Барои мо на танҳо расонидани хизмат, балки пайваста такмил додани донишу усулҳои корӣ хеле муҳим аст.

​Дар рафти вохӯрӣ мо якчанд масъалаи муҳимро баррасӣ намудем:

​💼 Фаъолияти корӣ: Таҳлили корҳои анҷомёфта, муҳокимаи ҳолатҳои амалӣ ва баланд бардоштани сифати машваратҳои равоншиносӣ.

​📚 Самти илмӣ: Ҳамоҳангсозии таҷрибаи амалӣ бо дастовардҳои нави илми равоншиносӣ. Мо бар он боварем, ки равоншиносии муосир бояд ба далелҳои илмӣ такя намояд!

​🎯 Самтҳои нави фаъолият: Тарҳрезии лоиҳаҳои нав, тренингҳо ва барномаҳое, ки дар ояндаи наздик ба шумо пешниҳод хоҳем кард.

​Мо ҳамеша талош меварзем, ки фазои маркази «Мотив» барои шумо макони амн, илмӣ ва илҳомбахш бошад.
Бо мо бимонед, дар пеш шуморо навигариҳои зиёд интизоранд!

​👇 Шумо мехостед дар маркази мо кадом намуди хизматрасонӣ ё тренингҳоро бештар бубинед? Фикрҳои худро дар шарҳ нависед!
___________________________

🌟 Continuous growth is the key to the best results!
​Today, we held a productive staff meeting at the "Motiv" Psychological Center. For us, it’s not just about providing services; it’s about continuously improving our knowledge and working methods.
​During the meeting, we discussed several important topics:
​💼 Professional Practice: Analyzing our current work, discussing practical cases, and elevating the quality of our psychological counseling.
​📚 Scientific Approach: Integrating our practical experience with the latest advancements in psychology. We firmly believe that modern psychology must be evidence-based!
​🎯 New Directions: Planning exciting new projects, training sessions, and programs that we will be rolling out in the near future.
​We constantly strive to make "Motiv" a safe, scientifically grounded, and inspiring space for you. Stay tuned—there is so much more to come!
​👇 What kind of services or training sessions would you like to see at our center? Share your thoughts in the comments!
#Психология #марказимотив

Ҳамватанони азиз ва дӯстони гиромӣ! 🇹🇯​Имрӯз, ки дар саросари кишвар Рӯзи Ваҳдати Миллӣ таҷлил мегардад, ҳамаи шуморо бо...
27/06/2026

Ҳамватанони азиз ва дӯстони гиромӣ! 🇹🇯

​Имрӯз, ки дар саросари кишвар Рӯзи Ваҳдати Миллӣ таҷлил мегардад, ҳамаи шуморо бо ин иди муқаддасу таърихӣ самимона табрик мегӯям! ✨

​Ваҳдат, сулҳ ва ягонагӣ бузургтарин неъмат ва асоси рушду шукуфоии Тоҷикистони маҳбуби мост. Маҳз ба шарофати ваҳдату ҳамдигарфаҳмӣ кишвари мо ба дастовардҳои бузург ноил гардид. Бигзор дар ҳар як хонаводаи тоҷик ҳамеша сулҳу осоиштагӣ, файзу баракат ва хушбахтӣ тантана кунад. 🕊️

​Осмони кишварамон ҳамеша софу беғубор ва Ваҳдати миллии мо ҷовидона бошад! 🏔️☀️

​Ид муборак, Тоҷикистони азиз! 🇹🇯❤️

​ #ВаҳдатиМиллӣ #Тоҷикистон #РӯзиВаҳдат #СулҳуСубот #сентрмотив

🎓 Имрӯз, 25-уми июни соли 2026, барои ҷомеаи равоншиносон як рӯзи воқеан хотирмон ва боиси ифтихор аст!​Аз номи худам ва...
25/06/2026

🎓 Имрӯз, 25-уми июни соли 2026, барои ҷомеаи равоншиносон як рӯзи воқеан хотирмон ва боиси ифтихор аст!

​Аз номи худам ва тамоми ҳайати Маркази психологии «Мотив», ҳамкурси азиз ва пажӯҳишгари гиромӣ, Искандарзода Манижа Раҳматулло-ро ба муносибати ҳимояи бомуваффақияти рисолаи номзадӣ аз самими қалб табрик мегӯем! 💐👏

​Рисолаи мазкур дар мавзӯи бисёр муҳим ва арзишманд — «Таърихи рушди психологияи илмӣ ва амалӣ дар Тоҷикистон (таҳлили системавӣ)» аз рӯйи ихтисоси 5.1.1 (Психологияи умумӣ, психологияи шахсият, таърихи психология) дифоъ гардид, ки саҳми арзандае дар илми равоншиносии кишвар ба шумор меравад.

​Ин дастоварди бузурги илмӣ натиҷаи заҳматҳои шабонарӯзӣ, таҳқиқоти амиқ ва иродаи қавии Шумост. Ифтихор аз он дорем, ки шоҳиди чунин муваффақияти назаррас дар масири илмии Шумо ҳастем ва итминон дорем, ки донишу таҷрибаи Шумо дар амалияи равоншиносӣ низ самараҳои нек хоҳад дод.

​Манижабону, бигзор ин унвони илмӣ бароятон дар кушодани уфуқҳои нави таҳқиқотӣ ва расидан ба қуллаҳои боз ҳам баландтарини илм роҳкушо бошад. Ба Шумо саломатӣ, илҳоми бепоёни эҷодӣ ва дар фаъолияти минбаъдаи касбиатон комёбиҳои беназир таманно дорем! 🌟📚

​Бо камоли эҳтиром ва ифтихор,
Ҳамкурси Шумо ва ҳайати Маркази психологии «Мотив»
​ #ҲимояиРисола #Психология #Илм #МарказиМотив #Муваффақият
Манижа Искандарова

Дастгирии солимии равонии омӯзгорон: Тренинги навбатии Маркази психологии «Мотив»Фаъолияти омӯзгорону мураббиён, бахусус...
23/06/2026

Дастгирии солимии равонии омӯзгорон: Тренинги навбатии Маркази психологии «Мотив»

Фаъолияти омӯзгорону мураббиён, бахусус дар муассисаҳои махсусгардонидашуда, на танҳо донишу маҳорати амиқ, балки сарфи зиёди қувва ва энергияи равониро тақозо мекунад. Аз ин рӯ, дастгирии ҳамаҷонибаи ин мутахассисон ва пешгирии хастагии касбии онҳо яке аз самтҳои калидии фаъолияти Маркази психологии «Мотив» ба ҳисоб меравад.

📅 Рӯзи 15-уми июн мутахассисони Маркази психологии «Мотив» дар Мактаб-интернати ҷумҳуриявии кӯдакони нобинои шаҳри Ҳисор тренинги амалӣ дар мавзӯи «Корсӯхтагӣ» (Burnout) баргузор намуданд.

Дар ҷараёни тренинг, мо бо кормандони мактаб-интернат мавзӯъҳои муҳимми зеринро мавриди баррасӣ қарор додем:

Нишонаҳои аввалини корсӯхтагии касбӣ ва хастагии эмотсионалӣ;
Усулҳои самарабахши барқарорсозии захираҳои равонии шахсӣ;
Техникаҳои муассири идоракунии стресс дар ҷойи кор.

Фаъолнокии баланди иштирокчиён ва шавқу рағбати онҳо ба омӯзиш таассуроти фаромӯшнашаванда гузошт. Саволҳои пурмазмун ва омодагии самимии онҳо барои тағйироти мусбат моро низ илҳом бахшид. Дар ин фазои гарму самимӣ, мо бори дигар дарк кардем, ки мавзӯи баррасишуда то чӣ андоза барои ҳар яки онҳо муҳим ва саривақтӣ буд.

🤝 Маркази психологии «Мотив» ба директори Мактаб-интернат, муҳтарама Абдуғафорзода Хотима, барои ҳамкории сатҳи баланд ва таваҷҷуҳи хоссаашон ба солимии равонии кормандон миннатдории амиқ изҳор менамояд. Роҳбарияте, ки ба ҳолати эмотсионалии тими худ аҳамият медиҳад, заминаи муваффақияти умумиро мегузорад.

Мо омодаем, ки минбаъд низ дар самти рушди равонӣ ва дастгирии касбии ҷомеа саҳми арзандаи худро гузорем!

#МарказиМотив #Психология #КорсӯхтагииКасбӣ #ТандурустииРавонӣ #Тренинг #Ҳисор #МактабИнтернат #ПсихологиМашваратӣ #МотивТоҷикистон

Муҳтарам Сомон Латифзода! Шуморо бо рӯзи мавлудатон аз самими қалб табрик мегӯям. Ба Шумо ҳамчун роҳбари илмӣ, мудири ка...
17/06/2026

Муҳтарам Сомон Латифзода!
Шуморо бо рӯзи мавлудатон аз самими қалб табрик мегӯям.
Ба Шумо ҳамчун роҳбари илмӣ, мудири кафедра ва устоди арзанда, саломатии бардавом, умри дароз ва дар фаъолияти илмию омӯзгориатон комёбиҳои беназирро таманно дорам.
Бигзор ҳар як рӯзатон бо дастовардҳои нав ва шодиҳо пур бошад.
Бо эҳтиром, аз номи худам ва дастаи Маркази психологии «Мотив».

Бо Рӯзи байналмилалии ҳифзи кӯдакон!​Маркази психологии «Мотив» ҳамаи шуморо бо фарорасии 1-уми июн — Рӯзи байналмилалии...
01/06/2026

Бо Рӯзи байналмилалии ҳифзи кӯдакон!

​Маркази психологии «Мотив» ҳамаи шуморо бо фарорасии 1-уми июн — Рӯзи байналмилалии ҳифзи кӯдакон самимона табрик мегӯяд!

​Кӯдакон на танҳо ояндаи мо, балки инъикоси ҳамон муҳите мебошанд, ки мо барои онҳо фароҳам меорем. Рушди солимии психологӣ, ҳисси бехатарӣ, боварӣ ба хушбахтӣ ва озод будан аз ҳар гуна фишори равонӣ барои ташаккули шахсияти ҳар як кӯдак ҳаётан муҳим аст. Вазифаи асосии мо — калонсолон, аз он иборат аст, ки фазоеро эҷод кунем, то кӯдак дар он худро дӯстдошта, шунидашуда ва озод ҳис кунад.

​Паёми мо дар ин рӯз:

​Муҳаббат ва ғамхорӣ: Бигзор ҳар як кӯдак таваҷҷӯҳи самимӣ ва муҳаббати беғаразро дар оила ва ҷомеа эҳсос намояд.

​Фазои бехатар: Муҳити аз зӯроварӣ ва буллинг озод — ин кафили асосии солимии равонии насли наврас аст.

​Дастгирии эмотсионалӣ: Таваҷҷӯҳ ба ҳаяҷон, изтироб ва хурсандиҳои кӯдак ба ӯ кӯмак мекунад, ки боварӣ ба худро рушд диҳад.

Бигзор ҳар як кӯдак дар фазои ҳамдигарфаҳмӣ ва дастгирии комил ба воя расад. Мо дар маркази «Мотив» ҳамеша омодаем, ки саҳми худро дар таъмини солимии равонии фарзандони шумо, рушди зеҳнии онҳо ва эҷоди фазои созгору ҳамоҳанг дар оила гузорем.
​Ба ҳамаи кӯдакони сайёра, аз ҷумла кӯдакони Ватани азизамон — Тоҷикистон, табассумҳои самимӣ, саломатии бардавом ва кӯдакии дурахшону фаромӯшнашаванда таманно мекунем!

​Бо эҳтиром ва беҳтарин таманниёт,
Дастаи Маркази психологии «Мотив»

Address

Dushanbe

Website

Alerts

Be the first to know and let us send you an email when Маркази Психологии Мотив - Psychology Center Motiv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category