Media Center SNAEM, I.P

01/06/2026

𝐒𝐍𝐀𝐄𝐌,𝐈.𝐏: 𝐒𝐞𝐠𝐮𝐧𝐝𝐚-𝐅𝐞𝐢𝐫𝐚 𝟎𝟏 𝐉𝐮𝐧𝐮 𝟐𝟎𝟐𝟔_____

Isár Bandeira Nasionál Semana dahuluk Fulan Juñu Tinan 2026, SNAEM,I.P, DNALP no Departamentu Nutrisaun mak sai hanensan responsavel isár Bandeira Nasional iha Resintu Edifísiu Palácio das Cinzas, Caicoli, Dili.

Serímonia Isar bandeira ne’e s.e Ministra Saúde (MS) dr. Élia A.A dos Reis Amaral, SH, Sai hanesan inspetoria Serimonia no akompaña hosi Vise-Ministru ba Fortalesimentu Institusional Saúde (VMFIS) Sr. José dos Reis Magno Lic. SP, MM.

MS iha diskursu “apela ba Funsionáriu Ministériu Saúde (MdS) tomak atu servisu ho fuan no laran hodi serví povu no rai doben Timor-Leste (TL), no disiplina, kumpri oras servisu, nune'e bele hare ba programa no mellora liu tan sistema servisu Saúde nian ba futuru.

Servisu hamutuk iha ekipa ne'ebé ita kria ona hodi halo asesmentu atu bele kompleta ba iha servisu Saúde Munisípiu, liu-liu ba iha Sentru Saúde to'o bá Postu Saúde hotu, servisu ba atu nune'e hatudu ba povu, hadomi povu hodi hakbesik liután saúde ba komunidade sira."

Seremonia Isár Bandeira ne’e hetan partisipasaun másimu hosi Kuadruz Ezekutivus (KE) MdS nian no Funsionáriu sira.

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.

01/06/2026

01/06/2026

𝐒𝐍𝐀𝐄𝐌,𝐈.𝐏: 𝐒𝐞𝐠𝐮𝐧𝐝𝐚-𝐅𝐞𝐢𝐫𝐚 𝟎𝟏 𝐉𝐮𝐧𝐮 𝟐𝟎𝟐𝟔_____

Diretor Jeral Servisu Nasional ba Ambulansia no Emerjensia Medika (SNAEM,I.P) dr. Simplicio Amaral de Deus, realiza enkontru Semanal ho Diretores ho Xefe Departamentu sira iha salaun enkontru H-EOC, Caicoli.

Objetivu husi enkontru ida ne’e, kada Diresaun no Departamentu sira, hodi atualiza Servisu ne’ebe mak hala’o ona, no mos servisu ne’ebe mak seidauk halo atu aselera hodi hasa’e Ezekusaun Orsamentu SNAEM,I.P 2026.

Enkontru ne’e servisu hirak ne’ebe atualiza mak hanesan.

 Diresaun Nasional Operasaun no mos Diresaun Nasional Administrasaun Planeamentu no Finansas (DNAPF)hato’o Progresu servisu ba iha Diretor Jeral.

 Ko’alia mos konaba tenderizasaun ne’ebe mak manan ona, no Entrega ona ekipamentus atk mai snaem,I,p, no tenderizasaun ne’ebe maki ha prosesu hela atu aselera.

 Ko’alia konaba ezekusaun Orsamentu ba tinan 2026 ne’ebe mak atinjie ona 35 %. Kontinua aselera hodi hasa'e Ezekusaun.

 Ko’alia konaba Mantensaun Kareta, ho Ro Ambulansia.

 Ko’alia konaba Relatoriu Trimestral kada Diresaun ho Departamentu tenke aselera.

Koalia mos konaba programa formasaun iha Diresaun Nasional Operasaun nia.

Enkontru ne’ebe prezide husi Diretor Jeral ne’e, no prezensa hosi Diretora Nasional Operasaun (DNO) dr. Custodia Benevides Florindo, Diretora Nasional Administrasaun Planeamentu no Finansas (DNAPF), dr. Sezaltina Araújo Mendonça, no mos Xefe Departamentu sira ho Ofisiais Finansas.

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.

29/05/2026

𝐒𝐍𝐀𝐄𝐌,𝐈.𝐏: 𝐒𝐞𝐱𝐭𝐚-𝐅𝐞𝐢𝐫𝐚 𝟐𝟗 𝐌𝐚𝐢𝐮 𝟐𝟎𝟐𝟔__

Ministeriu saude, Servisu Nasional ba Ambulansia no Emerjensia Medika (SNAEM,I.P) m***a ona Medical Camps Kit’s hodi asegura ba eventu Tasi Fest ita Tasi-Tolu.

Iha eventu tasi fest ne’e Servisu Nasional ba Ambulansia no Emerjensia Medika (SNAEM,I.P) nia ekipa ambulansia sei stanby durante Animasaun husi Artista Nasional ho Internasional sira.

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.

29/05/2026

Atu fo hatene ba Publiku sira iha Timor Leste laran tomak ne’ebe presiza fo Asistensia Ambulansia bele kontaktu ba Numeru hirak tuir mai ne'e (110 ho Gratuitu) durante Óras 24 nia Laran

28/05/2026

28/05/2026

Ekipa Departamentu Servisu Emerjénsia Médika Munisipiu, SNAEM, I.P. partisipa maksimu iha atendementu Primeiru Sokorru iha Selebrasaun 24° Aniversario Restaurasaun Independensia RDTL, 20 Maio 2026 iha Teritoria Timor Leste.

Atendementu Primeiro Sokorru lao ho susesu liu husi Kolaborasaun diak entre Ekipa SEMM-SNAEM, I.P hamutuk ho ekipa CVTL Filial Munisipal sira.

Aktividade hotu hala'o liu husi akompañamentu maksimu husi, Diretora Jeral Interina, Diretóra Nasional Operasaun, Chefe Departamento Servisu Ambulánsia, Chefe Departamento Emerjénsia Médika no-mos Chefe Departamentu Servisu Emerjénsia Médika Munisipiu 14.

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.

27/05/2026

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟐𝟖 𝐌𝐚𝐢𝐮 𝟐𝟎𝟐𝟔__

Servisu Nasional ba Ambulansia no Emerjensia Medika, liu husi Diresaun Nasional Operasaun (DNO), Departamentu Servisu Ambulansia realiza Treinamentu Utilizasaun Ekipamentu Medikus, ba Mediku, Enfermeiru, no Parteira husi Servisu Emerjénsia Médika (SEMM) RAEOA.

Atividade ida ne’e hanesan perioridade importante ida atu implementa regularmente iha servisu Operasional Ambulansia SNAEM, I.P. Hodi asegura ba kualidade prestasaun ekipa iha tereno mak tenke iha kada pesoal tenke iha koñesementu nebe diak ba utilizasaun Ekipamentus Mediku.

Objetivu husi Treinamentu ida ne’e oinsa ekipa sira bele koñese liu tan modelu/ spesifikasaun foun husi Ekipamentus sira no oinsa nia utilizasaun iha jestaun kliniku, nune'e bele fornese atendementu ba pasiente ho kualidade nebe diak. Perioridade importante ida mak armajenamentu ba Ekipamentus Mediku sira, nune'e bele asegura ba sustentabilidade iha nia utilizasaun ba tempo naruk.

Treinamentu ba etapa daruak ne’e fasilita husi dr.Raimundo Pinheiro Magno (Chefe Departamentu Servisu Ambulánsia) no Sr. Enf. Januario de Carvalho) responsavel Ekipamentus Mediku DSA, DNO. Seksaun aprendijazen fahe ba Teoria no-mos Pratika. Aktividade ida ne'e hetan apresiasaun no partisipasaun maksimu husi Chefe Departamento Departamentu SEM RAEOA Enf. Fernando Caet ho ekipa tomak

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.

25/05/2026

𝐒𝐍𝐀𝐄𝐌,𝐈.𝐏; 𝐒𝐞𝐠𝐮𝐧𝐝𝐚-𝐅𝐞𝐢𝐫𝐚 𝟐𝟓 𝐌𝐚𝐢𝐮 𝟐𝟎𝟐𝟔__

Diretora Jeral interina Servisu Nasional ba Ambulansia no Emerjensia Medika (SNAEM,I.P) dr. Sezaltina Araújo Mendonca, partisipa enkontru Parseiru Dezenvolvimentu Timor-Leste (TLDPM) 2026, iha Salaun Auditória Kay Rala Xanana Gusmão, Ministeriu Finansas Ai-Tarak Laran.

Enkontru Parseiru Dezenvolvimentu Timor-Leste (TLDPM) 2026, ne’e hetan abertura husi s.e primeiru ministru, Kay Rala Xanana Gusmão , ho tema prinsipal “ Harí Esperansa Forte, Ekonomia Azul, Integrasaun ASEAN no Asaun Koordenadu”.

Enkontru Parseiru Dezenvolvimentu Timor-Leste (TLDPM) ne’e prezensa husi Membru Governo da Sia (IX), no Prezidente Autoridade Munisipiu sira (PAM), Parseriu Internasional, Diretor Gerais, Diretor Nasionais no Ofisais sira.

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.

22/05/2026

𝐒𝐍𝐀𝐄𝐌,𝐈.𝐏: 𝐒𝐞𝐱𝐭𝐚-𝐅𝐞𝐢𝐫𝐚 𝟐𝟐 𝐌𝐚𝐢𝐮 𝟐𝟎𝟐𝟔__

Servisu Nasional ba Ambulansia no Emerjensia Medika, liu husi Diresaun Nasional Operasaun (DNO), Departamentu Servisu Ambulansia realiza Treinamentu Utilizasaun Ekipamentu Medikus, ba Mediku, Enfermeiru, no Parteira husi Servisu Emerjénsia Médika Munisipiu (SEMM) Dili, Atauro, Ermera, Liquiça, Bobonaro, Manatuto, Baucau, Viqueque no Lautem.

Diretora Nasional Operasaun (DNO) dr. Custodia Benevides Florindo hateten “ Atividade ida ne’e hanesan perioridade importante ida atu implementa regularmente iha servisu Operasional Ambulansia SNAEM, I.P. Oinsa ekipa atu presta nia Servisu iha tereno mak tenke iha koñesementu nebe diak ba utilizasaun Ekipamentus Mediku. Iha inisiu 2026 ita distribui ona ekipamentus mediku ba iha SEMM Munisipiu sira, ho-nune'e objetivu husi Treinamentu ida ne’e oinsa ekipa sira bele koñese liu tan modelu/ spesifikasaun foun husi Ekipamentus sira iha SNAEM, I.P. Importante mos oinsa persija defini spasu/ fatin nebe adekuadu hodi asegura Ekipamentus sira nune sustentabilidade nia utilizasaun ba tempo naruk".

Diretora Jeral interina Servisu Nasional ba Ambulansia no Emerjensia Medika (SNAEM,I.P) dr. Sezaltina Araújo Mendonca iha abertura akresenta katak “hato’o agradese ba Diresaun Nasional Operasaun ba Departamentu Servisu Ambulansia ne’ebe mak realiza ona Treinamentu konaba Utilizasaun Ekipamentus Medikus, Ekipamentus Medikus ne’ebe mak DNO fahe ona ba SEMM-Munisipiu sira ne’e Kompras ho OJE SNAEM,I.P 2025, no tinan ne’e mos ita sei kompras nafatin hodi responde ba preokupasaun SEMM sira nia, meius ida hodi bele responde ba situsaun iha terenu, husu mos atu kuidadu didiak tamba ajuda tebes iha servisu loron loron nia.

Diretora Jeral Interina ne’e mos Salienta tan katak , Utilizasaun Ekipamentus Medikus ne’ebe mak durante ne’e ita hare Seidauk Masimu, hatene hela maibe haluha oinsa atu uza ne’ebe Refreshing Training ne’e importante tebes husu mos ba partispantes sira hotu tuir Treinamentu ho Masimu aproveita no bele gainha esperensia no Konhesementu ne’ebe mak diak konaba Ekipamentu sira.

Treinamentu ba etapa dahuluk ne’e fasilita husi dr.Raimundo Pinheiro Magno (Chefe Departamentu Servisu Ambulánsia) no Sr. Enf. Januario de Carvalho) responsavel Ekipamentus Mediku DSA, DNO. Seksaun aprendijazen fahe ba Teoria no-mos Pratika. Aktividade ida ne'e hetan apresiasaun no partisipasaun maksimu husi reprezentante Departamentu SEMM sira.

===========
Atu fo hatene ba Publiku sira ne’ebe presiza fo Asistensia Ambulansia bele kontaktu ba Numeru hirak ne'e ho Gratuitu.
110 no 3311044 ou +670 77481012.