11/01/2023
عامكم مبارك سعيد، اما بعد:
راهو مش صعيب برشا بش تمد وجهك في التلفزة ولا غيرو بش تحكي على توقعات الابراج في العام الجديد، الصعيب انك تقنع العباد لي تتفرج و خاصة لي يصدقوا الي بش تتحل في وجوههم فجأة خاطر برجهم قال لوا راهو بش يسلكها، لا راهو الاسترولوجي مش هكاكة، إلى ما يسعاش بش يحسن من روحو و لا من وضعو راهو صحيح كيما قالوولوا في برجو تنجم تجيه فرص هايلة بش تتحل في وجهو اما ينجم يفلتهم الفرص لكل خاطر ما خدمش على روحو و ماهوش مؤهل للخدمة لي لقاها و لا السفر خاطر ما حرصش بش يطلع باسبور ولا غيرو
يعني ملخر حياتك نتاج أفعالك و انت شنية tmanifesti
يعني تسعى تلقى في الوقت المناسب ما تسعاش و ما تخدمش تشوف الدنيا تتعدى بجنبك و تقعد تتحسر و تقول يا ريتني كبّشت و ما سلمتش...
