03/04/2026
ده مش أمبول لبن يا صاحبي 😂 ده الطيارة اللي بيسافر بيها المريض بسرعة لعالم الأحلام 👻
الـديبريفان أو ال Propofol. ده الدواء اللي بيخلي المريض يغيب عن الوعي في أقل من 40 ثانية!
🚀 "البروبوفول".. الرحلة السريعة لعالم الأحلام! ✈️
البروبوفول هو (General Anesthetic)، وظيفته إنه "يهدّي" الجهاز العصبي المركزي بسرعة البرق.
🔳 إمتى بنحتاجه فوراً؟
✅ العمليات الجراحية:
عشان "ينيم" المريض قبل ما يبدأوا الجراحة (Induction).
✅ الرعاية المركزة:
للمرضى اللي على جهاز التنفس الصناعي (Sedation) عشان لو المريض بي fight أو بيقاوم الجهاز
✅ الإجراءات السريعة:
زي منظار المعدة أو تقويم عضلة القلب بالكهرباء (Cardioversion).
🎟️🎟️🎟️🎟️🎟️🎟️🎟️🎟️🎟️
🛑 وخد عندك تريكات أبو الصلح اللي ما حدش هايقولهالك غيري 🥰👇
1️⃣ "نار" في الوريد (Injection Pain): 🔥
البروبوفول حامي جداً وبيحرق المريض وهو داخل الوريد.
🟢 الصح:
المريض ممكن يصرخ من الوجع لحظة الحقن. دكاترة التخدير الشطار بيحقنوا قبله (Lidocaine) أو بيحطوه في وريد واسع عشان يقللوا الإحساس ده.
2️⃣ الضغط والنفس (The Drop): 📉
البروبوفول "غشيم" في حاجتين:
بيوقع الضغط (Hypotension) وبيقفل النفس (Apnea).
🎯 القاعدة:
ممنوع تحقن بروبوفول إلا وأنت معاك أدوات "التشفيط" و "الأمبوباج" وجاهز للـ (Intubation) لو المريض بطل ينفس.
3️⃣ مزرعة البكتيريا (Infection Risk): 🦠
بما إن البروبوفول فيه "زيت صويا" و "ليسيثين بيض"، فهو بيئة مثالية جداً لنمو البكتيريا.
🟢 الصح:
بمجرد ما تفتح الأمبول أو تسحبه في سرنجة، لازم يستخدم في خلال 6 لـ 12 ساعة بالكتير، وبعدها يترمي فوراً.
🔴خد بالك لو المريض ماشي عليه infusion لازم تغير السرنجة وال line كل 12 ساعة بحد أقصي
4️⃣ متلازمة الـ PRIS (خطر الرعاية): ⚠️
لو المريض ماشي على بروبوفول بجرعة عالية لأيام طويلة، ممكن يدخل في حالة تسمم اسمها (Propofol Infusion Syndrome).
علاماتها:
حموضة في الدم، تكسير في العضلات، وفشل في القلب.
🥛 ليه لونه "أبيض"؟
لأنه "مستحلب دهني" (Lipid Emulsion). الدواء نفسه مبيفرومش في المية، فبيحطوه في وسط دهني عشان يوصل للدم والمخ بسهولة.. ومن هنا جه لونه الأبيض شبه اللبن.
⚠️ممنوع منعا باتا إعطائه إلا بإشراف طبي وبأوامر الطبيب المختص⚠️
🎟️🎟️🎟️🎟️🎟️🎟️🎟️🎟️🎟️🎟️
وما تنساش صلي علي النبي واللي جاي "خير بإذن الله.
