13/06/2023
Jeshi la polisi mkoa wa Tabora linamshikilia Rayson Agnelusi Duwe muuguzi msaidizi daraja II (ANO) katika hospitali ya Wilaya ya Sikonge, kwa kosa la kumbaka mama mgojwa mwenye ujauzito wa miezi tisa baada ya kumchoma sindano yenye dawa ya usingizi.
Kamanda wa jeshi la polisi Mkoa wa Tabora ACP. Richard Abwao akitoa taarifa ya tukio hilo ambalo amelitaja kuwa sio la kiungwana amesema lilitokea June 9, 2023 majira ya saa mbili usiku.
Kamanda Abwao amesema muuguzi huyo ambaye aliingia kazini akiwa amelewa pombe alitenda kosa hilo wakati alipopangiwa zamu ya usiku ya kuhudumu wagonjwa wa nje (OPD) ndipo alipotoka na kwenda chumba cha wagonjwa wa ndani na kumbaka mama huyo mwenye ujauzito wa karibu kujifungua ambaye alikuwa anaendelea na matibabu ya ugojwa wa malaria.
Muuguzi huyo alikutwa akiwa na bomba la sindano pamoja na dawa za usingizi huku taarifa ya kitabibu zikithibitisha kuwa alimwingilia mgonjwa huyo.
Mtuhumiwa huyo amefikishwa mahakani mapema hii leo June 13, 2023 kujibu tuhuma zinazo mkabili baada ya upelelezi kukamilika.
CREDITED TO
