Tint Swe

09/07/2026

ကိုယ့်ကိုယ်ကို မှန်
ဇာတ်ကောင်လို့ ရေးရ။

09/07/2026

09/07/2026

တယောက်တည်းသာ
ဗာလဝဂ်
၂။ လူမိုက်ကိုရှောင်ပါ
မိမိထက် သာသူကိုလည်းကောင်း၊ တန်သူကိုလည်းကောင်း ရှာ၍မတွေ့လျှင် တယောက်တည်းသာ နေထိုင်ရာ၏။
လူမိုက်နှင့် အဆွေခင်ပွန်း မဖွဲ့ရာ။
ဒေါက်တာတင့်ဆွေ

09/07/2026

အမှိုက်
တင်ထားတဲ့စာ = "အဆိပ်သင့်ခြင်းတမျိုး"
တယောက်ကို ဘလော့လိုက်ပါသည်။
အမှိုက်။
ဒေါက်တာတင့်ဆွေ

09/07/2026

မဲရလဒ်
၁။ မနေ့ကစာ ဘုံဓမ္မတာ
နှစ်မဲရရှိ၏။
၂။ လက်တန်းဆန်းစစ်ချက်တခု
တမဲတိတိ ရရှိ၏။
ကျေးဇူး။
ဒေါက်တာတင့်ဆွေ

09/07/2026

ပန်းတိုင်းလန်းပါစေ
မေတ္တာဆမ်း၊ ဝမ်းပန်းရွှင်
မေမေ့သား၊ ယဉ်ယဉ်၊
စာသင်ပါလို့၊ အပြန်လမ်း
မေမေဆီးတဲ့နမ်း။
မျက်ရည်ဆမ်း၊ ဝမ်းပန်းငယ်
သူဖုန်းစား၊ လူမမယ်၊
တနေကွယ် တမိုးသောက်
လမ်းပေါ်လှည့်လည် လျှောက်။
မိုးဆန်းပန်း၊ လန်းဝေဝေ
မြညှာ စိမ်းပြေပြေ၊
ညှင်းလေသုန်သုန် မြိုင်အနှံ့
ကြိုင်လှိုင်မွှေးထုံပျံ့။
နေသင့်ပန်း၊ နွမ်းခွေခွေ
ဧည့်သည် လိပ်ပြာတွေ၊
တနေညိုတော့ ညှာကိုစွန့်
မြေမှာတလွန့်လွန့်။
ပန်းတိုင်းဆန်း၊ လန်းပါစေ
မေသား ဆုပန်ချွေ၊
မိုးရေကြည်ကြည် ဆမ်းစေတော်
လိပ်ပြာနားပါလော့။
မောင်ကြော့ဦး
မှတ်ရန်
တိုင်းရင်းမေခေတ်က မြန်မာစာကို သတ်ပုံမှန်အောင်ရေးကြတယ်။
အခုတော့ …
တနေကွယ် မဟုတ်ရတဲ့။
တမိုးသောက် မဟုတ်ရတဲ့။
တနေညိုတော့ မဟုတ်ရတဲ့။
ဒေါက်တာတင့်ဆွေ

09/07/2026

တခါတုန်းမှာ...
ကွန်မင့်တခု = စာအုပ်တွေအများကြီးဘဲနော် အရင်တုန်းကဝတ္ထုတွေ ပိုကြိုက်တယ်။ ကျမ တတိယတန်း တက်ကတည်းက တိုင်းရင်းမေစာအုပ် စဖတ်တတ်နေပြီ အခုတော့ မဖတ်နိုင်တော့ပါဘူး။
ဟုတ်။
တိုင်းရင်းမေကဗျာတပုဒ် တင်ပြမယ်။
တခါတုန်းမှာ...
ဆည်းဆာရိပ်ဆွယ်၊၊ ငွေမှင်သွယ်ကြဲ
ရစ်နွှဲစီးဖြာ၊ ယဉ်သီတာမြ
ကမ်းစတခု၊ သဲသောင်နုဝယ်
တွေးမှုရွှင်ကြည်၊ ကဗျာသီမိ။ ။
စိတ်ကူးယဉ်ပွင့်၊ အတွေးလွင့်စဉ်
ရှေ့နှင့်လှမ်းလှမ်း၊ ကမ်းအစဝယ်
ပန်းလှရွှေညို၊ သူကိုက်ချိ၍
တေးသီဆင့်ချေ၊ မေ့ကိုဖြေသညါ
ငှက်ဆွေ ဥကြသလေးပါလား။ ။
'ရွှေရှည်လည်းဆန်း၊ ပန်းနံ့လည်းကြိုင်
လှတခိုင်ကို၊ ပန်းချစ်လိုလို့
ငှက်ပျိုလေးရယ်၊ ပေးခဲ့ကွယ်..." ။ ။
'အို-အို-မလေး၊ ပွင့်ကြူမွှေးကို
ကျွန်ပေးဘို့ရာ၊ ခွင့်မသာ...။
ပွင့်ညှာမြေသက်၊ လှအခက်မှာ
သက်လှယ်တုံ့တင်၊ ကဗျာရှင်က
စေလျင်ပို့ဆက်၊ သူ့ချစ်သက်သို့
ချစ်လက်ဆောင်မွန်၊ ပေးချေကရန်..."။ ။
ငှက်မွန်သူက၊ ခွန်းဆိုသသော်
မယ်ကတွေဝေ၊ ငေးမိပေသည်
ရွှေဝါခက်က၊ ပိုင်သူနှင့်။ ။
မှတ်ရန်
တိုင်းရင်းမေခေတ်က မြန်မာစာကို သတ်ပုံမှန်အောင်ရေးကြတယ်။
အခုတော့ …
တခါတုန်းမှာ မဟုတ်ရတဲ့။
ကမ်းစတခု မဟုတ်ရတဲ့။
လှတခိုင်ကို မဟုတ်ရတဲ့။
ဒေါက်တာတင့်ဆွေ

09/07/2026

Thyroid cancer လည်ပင်းကြီးကင်ဆာ စားစရာများ
မဂ်လာပါ ဆရာရှင့် ကျန်းမာရေး မေးခွန်းလေး မေးခွင့်ပါ ဆရာ Thyroid cancer သမားတွေ ပဲသီး/ပဲတောင့်ရှည် /ပဲပိစပ် နှင့် ပဲအမျိုးမျိုး/မျှစ် စားလို့မရဘူးဆိုတာနဲ့ပက်သက်ပြီးလဲ ရေးပေးပါဦး ဆရာ။ ကျေးဇူးတင်ပါတယ်ရှင့်
လည်ပင်းကြီးကင်ဆာဝေဒနာရှင်များအတွက် သင့်လျော်သည့် အစားအသောက်ပုံစံသည် ဟင်းသီးဟင်းရွက်များ၊ သစ်သီးဝလံများ၊ အဆီနည်းသော အသားဓာတ်များ၊ ကောက်နှံတခုလုံး (Whole Grains) များနှင့် လိုအပ်ပါက အိုင်အိုဒင်းဓာတ် စားသုံးမှုကို ကန့်သတ်ခြင်းတို့ကို ဦးစားပေးဖော်ပြထားပါသည်။ ထို့ပြင် ပြုပြင်ထားသော အစားအစာများ၊ သကြားပိုမိုထည့်သွင်းထားသည်များကို ရှောင်ကြဉ်ရန်နှင့် အိုင်အိုဒင်းဓာတ် အလွန်အကျွံပါဝင်သော အစားအစာများကို လျှော့ချရန် လိုအပ်ပါသည်။
အဓိက အစားအသောက် လမ်းညွှန်ချက်များ
- ဟင်းသီးဟင်းရွက်နှင့် သစ်သီးဝလံများ - လတ်ဆတ်သော သို့မဟုတ် အအေးရိုက်ထားသော ဟင်းသီးဟင်းရွက်နှင့် သစ်သီးဝလံ အမျိုးအစားစုံကို နေ့စဉ် အနည်းဆုံး တနေ့လျှင် ငါးပုံ တပုံခန့် စားသုံးပေးပါ။ မုန်လာပွင့်စိမ်း၊ မုန်လာပွင့်ဖြူ၊ ကိုက်လန် စသည့် မုန်လာမျိုးနွယ်ဝင် ဟင်းသီးဟင်းရွက်များသည် အထူးသဖြင့် ချက်ပြုတ်ပြီးမှ စားသုံးပါက သိုင်းရွိုက်လုပ်ဆောင်ချက်ကို နှောင့်ယှက်နိုင်သော ဒြပ်ပေါင်းများ လျော့နည်းသွားသဖြင့် သင့်တော်သော ပမာဏအတိုင်း စားသုံးနိုင်သည်။ ဘယ်ရီသီးများ၊ ပန်းသီးများနှင့် အခြား အောက်ဆီဂျင်ဆန့်ကျင်ဓာတ် (Antioxidant) ကြွယ်ဝသော သီးနှံများသည် ခန္ဓာကိုယ်ကျန်းမာရေးနှင့် ပြန်လည်ကောင်းမွန်ရေးကို အထောက်အကူပြုပါသည်။
- အသားဓာတ် (ပရိုတင်း) အရင်းအမြစ်များ - အဆီနည်းသော အသားဓာတ်များသည် စက်ရှူးများ ပြန်လည်ပြုပြင်ခြင်းနှင့် ကြွက်သားထု ထိန်းသိမ်းခြင်းအတွက် မရှိမဖြစ် လိုအပ်ပါသည်။ အရေခွံခွာထားသော ကြက်ငှက်အသားများ၊ ငါး၊ ကြက်ဥအကာ၊ ပဲအမျိုးမျိုး (ပဲနီလေး၊ ကုလားပဲ)၊ တိုဖူးနှင့် အိုင်အိုဒင်းနည်း အစားအသောက် ခံယူနေရသူ မဟုတ်ပါက အဆီလျှော့ထားသော နို့ထွက်ပစ္စည်းများကို စားသုံးနိုင်ပါသည်။ အိုမီဂါ-၃ ကြွယ်ဝသည့် ငါးအဆီများ၊ (Flaxseeds) နှင့် သစ်ကြားသီး (Walnuts) များသည် ရောင်ရမ်းမှုကို လျှော့ချပေးနိုင်သည်။
- ကောက်နှံတခုလုံးနှင့် အမျှင်ဓာတ် - ကောက်ဂျုံ (Oats)၊ ဆန်လုံးညိုနှင့် ကောက်နှံတခုလုံးဖြင့် ပြုလုပ်ထားသော ပေါင်မုန့်များကို အဓိက စားသုံးပေးပါ။ အမျှင်ဓာတ်သည် အစာခြေစနစ်ကို အထောက်အကူပြုသော်လည်း ခွဲစိတ်ကုသမှုအပြီးတွင် လေပွခြင်း မရှိစေရန် အမျှင်ဓာတ်ကို ဖြည်းဖြည်းချင်း တိုးမြှင့် စားသုံးသင့်ပါသည်။
- ကျန်းမာရေးနှင့်ညီညွတ်သော အဆီများ - အခွံမာသီးများ၊ အစေ့အဆံများ၊ ထောပတ်သီးနှင့် ဇေတုန်းဆီ စသည့် ကျန်းမာရေးနှင့်ညီညွတ်သော အဆီများကို ထည့်သွင်းစားသုံးခြင်းဖြင့် စွမ်းအင်နှင့် အာဟာရကို ဖြည့်ဆည်းပေးပါသည်။
- ရေနှင့် အရည်ဓာတ် - ရေ၊ လက်ဖက်ရည်နှင့် သစ်သီးရည် လတ်ဆတ်များ အပါအဝင် အရည်ဓာတ် လုံလောက်စွာ သောက်သုံးပေးခြင်းသည် ကုသမှုခံယူစဉ်အတွင်း နွမ်းနယ်ခြင်း၊ ဝမ်းချုပ်ခြင်းနှင့် မအီမသာဖြစ်ခြင်းများကို လျှော့ချပေးနိုင်ပါသည်။
အိုင်အိုဒင်းဓာတ် နည်းပါးသော အစားအသောက်ဆိုင်ရာ ထည့်သွင်းစဉ်းစားရန်များ
အိုင်အိုဒင်းဓာတ် နည်းပါးသော အစားအသောက်ကို ပုံမှန်အားဖြင့် ရေဒီယိုသတ္တိကြွ အိုင်အိုဒင်း (RAI) ကုသမှု သို့မဟုတ် ဓာတ်မှန်ရိုက်ကူးမှု မပြုလုပ်မီ ၁ ပတ်မှ ၂ ပတ်ခန့်အလိုတွင်သာ လိုအပ်လေ့ရှိပါသည်။ ထိုကာလအတွင်း အိုင်အိုဒင်းဆား၊ ပင်လယ်စာ၊ ပင်လယ်ရေမှော်၊ နို့ထွက်ပစ္စည်းများနှင့် ကြက်ဥအနှစ် စသည့် အိုင်အိုဒင်းဓာတ် မြင့်မားသော အစားအစာများကို ကန့်သတ်ရပါမည်။ ကုသမှု ထိရောက်မှု ပိုမိုကောင်းမွန်စေရန် အိုင်အိုဒင်းပါဝင်မှုကို တနေ့လျှင် ၅၀ မိုက်ခရိုဂရမ်ဝန်းကျင်၌သာ ထိန်းသိမ်းထားရန် ရည်ရွယ်ပါသည်။ ထိုကာလတို ကန့်သတ်ချက်များမှလွဲ၍ ကျန်းမာရေးစောင့်ရှောက်သူမှ အကြံပြုပါက အိုင်အိုဒင်းဓာတ် ကြွယ်ဝသော အစားအစာများကို ပုံမှန်အတိုင်း ပြန်လည် ထည့်သွင်း စားသုံးနိုင်ပါသည်။
လျှော့ချရန် သို့မဟုတ် ရှောင်ကြဉ်ရန် အစားအစာများ
- ပြုပြင်ထားသော အစားအစာများနှင့် သကြားဓာတ် မြင့်မားသော အစားအစာများ
- အနီရောင်အသား သို့မဟုတ် ပြုပြင်ထားသော အသားများကို အလွန်အကျွံ စားသုံးခြင်း
- အရက်သေစာ
- အိုင်အိုဒင်း ကန့်သတ်ထားသော ကာလအတွင်း အိုင်အိုဒင်း ထည့်သွင်းထားသည့် အစားအစာများ (ဥပမာ- အိုင်အိုဒင်းဆား၊ ပင်လယ်ရေမှော်၊ အချို့သော ပေါင်မုန့်များနှင့် နို့ထွက်ပစ္စည်းများ)
- မချက်ပြုတ်ရသေးသော မုန်လာမျိုးနွယ်ဝင် ဟင်းသီးဟင်းရွက် အစိမ်းများကို ပမာဏအမြောက်အမြား စားသုံးခြင်း
အာဟာရဆိုင်ရာ ရည်မှန်းချက်များ
- ကျန်းမာရေးနှင့်ညီညွတ်သော စွမ်းအင်နှင့် ခန္ဓာကိုယ်အလေးချိန်ကို ထိန်းသိမ်းရန်
- အာဟာရချို့တဲ့ခြင်းနှင့် ကြွက်သားထု လျော့နည်းခြင်းမှ ကာကွယ်ရန်
- ခုခံအားစနစ်နှင့် ပြန်လည်ကောင်းမွန်ရေးကို အထောက်အကူပြုရန်
- မအီမသာဖြစ်ခြင်း၊ နွမ်းနယ်ခြင်း သို့မဟုတ် အစာမျိုရခက်ခဲခြင်း စသည့် ကုသမှု၏ ဘေးထွက်ဆိုးကျိုးများအပေါ် မူတည်၍ အစားအသောက်ပုံစံကို ပြုပြင်ပြောင်းလဲရန်
လက်တွေ့ကျသည့် အကြံပြုချက်များ
- အစားအသောက် ပျက်နေပါက နည်းနည်းနှင့် ခဏခဏ ခွဲစားပေးပါ
- အောက်ဆီဂျင်ဆန့်ကျင်ဓာတ်များ အပြည့်အဝရရှိစေရန် မိမိပန်းကန်ထဲတွင် အရောင်စုံ အစားအစာများကို ထည့်သွင်းပါ
- မိမိ၏ ကုသမှုအစီအစဉ်နှင့် အဓိက လိုအပ်ချက်များအတိုင်း အစားအသောက် ပြင်ဆင်နိုင်ရန် အာဟာရဆရာဝန် သို့မဟုတ် ကင်ဆာအာဟာရဆိုင်ရာ ကျွမ်းကျင်သူနှင့် တိုင်ပင်ဆွေးနွေးပါ
- မလိုလားအပ်ဘဲ ဝိတ်ကျသွားခြင်းမှ ကာကွယ်ရန် ပရိုတင်းနှင့် ကယ်လိုရီ ရရှိမှုကို စောင့်ကြည့်ပါ
ဤလမ်းညွှန်ချက်များကို လိုက်နာခြင်းဖြင့် သိုင်းရွိုက်ကင်ဆာ ဝေဒနာရှင်များသည် ကုသမှုဆိုင်ရာ ဘေးထွက်ဆိုးကျိုးများကို စနစ်တကျ ထိန်းသိမ်းရင်း ခန္ဓာကိုယ်အားအင် ပြည့်ဝကာ ပြန်လည်ကောင်းမွန်လာစေရန် အထောက်အကူပြုနိုင်မည် ဖြစ်ပါသည်။
ဒေါက်တာတင့်ဆွေ

09/07/2026

ပြက် ပြတ် ပျက်
ဆရာ TV ကြည့်နေရင်း လျှပ်စစ်မီးမလာတော့တဲ့အခါပြောလေ့ရှိတဲ့ မီးပျက်သွားပြီ နဲ့ မီးပြတ်သွားပြီ ဘယ်ဟာကအမှန်လဲဆိုတာ သိချင်လို့ပါဗျ
ခဏခဏတင်ပြထား။ ကွန်မင့်ကနေထြေရင် မပြည့်စုံနိုင်။ blog မှာတင်ထား။
1. ၁ နှစ်နီးနီးလောက်ပစည်း ပျက်သွားတဲ့ဆေးလေးပြန်ရောက်ပြီ (ပစ္စည်းပြတ်လို့ ရေးရတယ်။ ပျက်ဆိုတာ ပျက်စီးတာ။ သုံးမရတော့တာ။ အဲလိုမှားရေးသူတွေ အတော်ကို များတယ်။)
2. Tamoxifen တွေ့ စျေးတွေ့က တအားတက်နေလို့ 28000 တဲ့ အရင် 19000 ပဲ ရှိတာ ဘယ်မြို့ မှာ စျေးချို သေးလဲ ၅နှစ် ဆေးသောက်နေ့ တဲ့ မိတ်ဆွေ့ သူငယ်ချင်းများ အလင်းပြပေးပါအုန်း မဝယ်ရသေးဘူး ဆေးပျက် (ဆေးပြတ်) တာ ၁၀ရက်ကျော်နေပြီ ၃နှစ် မပြည့်သေးဘူး သောက်နေတာ နေပြည်တော် ရန်ကုန်မှာ ဘယ်စျေးရှိလဲ ပြောပြကျ (ကြ)ပါအုန်းရှင့် ကျေးဇူးတင်ပါတယ်
3. ကျမက သုံးလနဲ့ကိုယ်ဝန်ပျက်သွားပါတယ် စားဆေးနှစ်လစားပြီး မစားတော့ပါဘူး အခုဆေးဖျက် (ဖြတ်) တာ ငါးလရှိပါပြီ ကလေးယူမယ့်အချိန်မှ ကျမလည်ပင်းက သိုက်ရွှိုက်ရောင်နေလို့ ဆေးစားနေတာရက် ၂ဝလောက်ရှိပါပြီ ကလေး မရနိုင်ဘူးလို့ ပြောကြတယ် ပြနေတဲ့ဆရာဝန်ကို မမေးရဲလို့ပါရှင် အခုကျမအသက်က ၃၈နှစ်ရှိပါပြီ ကျေးဇူးပြုပြီး ရှင်းပြပေးစေချင်ပါတယ်
4. ကလေးလိုချင်လို့ ဆေးဖျက်ထားတာ ရနိုင်ပါ့မလားအသက်က ၃၇ပြည့်ပြီး (ဆေးဖြတ်လို့ရေးရတယ်။)
5. ငွေ တကျပ်မှာ မှန်ပြီး ငွေပြတ်တာကျမှ မှားတာလေး တွေ့မိလို့ပါဆရာ အမြင်မတော်တော့လဲ ပြောမိသွားပြန်ရောခင်ဗျ (ပို့ပေးသူ ကျေးဇူး။)
6. ငါးတံခွန် အကိတ် ငါးလျှာပြက် အကိတ်ရောက်ပါတယ်နော် - ငါးတွေအကြောင်း သိပ်မသိပါ။ ငါးလျှာပြက်တော့ မဟုတ်လောက်လို့ ထင်တယ်။
7. ဆရာ ကျွန်မအသက်က ၂၀ ပါ။ အိမ်ထောင်ကျတာ ၂ နှစ်ပြည့်တော့မယ်။ ဆေးဖျက်(ဖြတ်)ထားတာ ၄လပိုင်းကပါ။ လတိုင်း ရာသီလာပါတယ်။
8. ဆရာ မြန်မာစကားမှာ ပေါ့ပြက်ပြက်ကို တွေ့ရပါတယ်။ ဒါပေမယ့် ပေါ့ပေါ့ပျက်ပျက်ကိုတော့ အခု G10 သင်ရိုးသစ်မှာ တွေ့ရပါတယ် ဆရာ။ ပေါ့ပေါ့ပြက်ပြက်လား၊ ပေါ့ပေါ့ပျက်ပျက်လား သိပါရစေ ဆရာ။ (ပျက်စီး နဲ့ ပြက်ရယ် ခွဲထားတယ်။)
9. ဆရာ သမီးက အသက် ၂၀ ပါ။ အိမ်ထောင်သက် ၁ နှစ်နဲ့ ၇ လပါ။ ကလေးကမရသေးဘူးရှင်။ ပထမကိုဝန် ၄၉ ရက်နဲ့ ပြက်ကြဖူးပါတယ်ရှင်။ (ပျက်ကျဖူးပါတယ်ရှင်လို့ ရေးရတယ်။)
10. ဆရာ သမီးအသက် ၂၂ ပါ။ အိမ်ထောင်သက်တမ်း ၄ လရှိပြီ။ ပထမ ၂ လက ဆေးသောက်ပါတယ်။ နောက် ၂ လကို ဆေးဖျက်(ဖြတ်)ထားတာ ခုထိကလေးမရသေးပါဘူးဆရာ။
11. ဆရာ အမတယောက် အသက် ၄၀။ ကိုယ်ဝန်ရတာ ဒါနဲ့ဆို ၄ ခါရှိပါပြီ။ ၃ လ၊ ၄ လဆိုတာနဲ့ ပြတ်ပြတ်ကျ (ပျက်ပျက်ကျ) နေပါတယ်။ ဘာဆေးစားရပါသလဲးဆရာ။ (လဲမှာ ဝစ္စပေါက် မလိုပါ)
12. ဆရာရှင့် ကိုဗစ်ကာကွယ်ဆေးက နို့တိုက်မိခင်ထိုးလို့မရဘူးလို့ သိထားပါတယ် ကလေးက ၃ နှစ် ၇ လပါဆရာ ခုထိ နို့မပျက် (ပြတ်) သေးပါဘူး ကာကွယ်ဆေးထိုးပီး(ပြီး)ရင် နို့ကိုဖျက် (ဖြတ်) သင့်ပါလားရှင့် ဆက်တိုက်လို့ကောရပါလားရှင့်။
13. တင်းလွန်းလျှင်ပျက်လို့တင်တာတခု တွေ့လိုက်တယ်။ ပြတ်လို့ရေးရတယ်။ ပျက်ဆိုတာ ပျက်စီးတာ။
14. ထပ်မေးပါရစေဆရာ လျှပ်စစ်ပြက်က မီးပြက်၊ ရေပြက်လို့ သုံးရမှာလားဆရာရှင့်။ ကျွန်မ အရင်က မီးပြတ် ရေပြတ်လို့ သုံးပေမဲ့ တချို့စာမှာ မီးပျက် ရေပျက်လို့ ရေးတာတွေ့ရပါတယ်။
15. ဒီမှာ ကိုယ်အောင်ချိမ့် ဆေးလိပ်ဆိုတာဖျက်လို့မရဖူး ခဏပဲနားလို့ရတာ။ (ဖြတ်လို့ ရေးမှသာ မှန်တယ်။ ဖျက်ဆိုတာ ရေးပြီးသားကဗျာကို မကြိုက်လို့ဖျက်တာ။)
16. ပြတ် နဲ့ ပျက် ဘယ်လိုသုံးနှုန်းတာကွာလဲဆရာကြီး (မင်းနဲ့ငါပြတ်ပြီ မင်းဆံပင် သုံးပင်ပျက်ပြီ မင်းနဲ့ငါပျက်ပြီ မင်းဆံပင်သုံးပင်ပြတ်ပြီ) ဘယ်ဟာမှန်လဲဗျ
17. ဘယ်လိုဘဲဖျက်ဖျက်မပြက်တာက ဒုက္ခ (ဘယ်လိုဘဲဖျက်ဖျက်မပျက်တာက ဒုက္ခလို့ ရေးရတယ်။)
18. ဘောလုံးပွဲလိုင်းပျက်တောက်နေပါတယ်ရှင် တဲ့။ (ဘောလုံးပွဲလိုင်းပြတ်တောက်လို့ရေးရ။)
19. မဂ်လာပါ ဆရာခင်ဗျ ကျမ်းမာရေးနဲ့တော့ မဆိုင်ပါဘူး ခင်ဗျ သမီးရည်းစား လမ်းခွဲတာကို ပျက် (or) ပြက် ဘယ်စာ အမှန်ပါလဲ ခင်ဗျ
20. မီးပျက်တာ မန်းလေးတမြို့ထဲတော့မဟုတ်ဘူး (သတ်ပုံမှန်လို့ တင်ပြခြင်းသာဖြစ်ပါတယ်။ တချို့က မီးပြတ်တဲ့။ တချို့က မီးပြက်တဲ့။)
21. ရိုးပြက်တောမှာ လှနေရှာ - ရိုးပြတ်တောလို့ ရေးရ။
22. ရုပ်လုံးတွေပေါ်လာပြီပဲ လုပ်စရာရှိရင် ပြက်ပြက်သားသားလုပ် - ပြတ်ပြတ်သားသားလို့ ရေးရတယ်။
23. လျှပ်စစ်တို့သည် တညီးညီးပြက်ကုန်၏လို့တင်ထားတာကို မေးပါတယ်။ လျှပ်စစ်တို့သည် တညီးညီးပျက်ကုန်၏ ထင်ရဲ့ဆရာ ပျက်စီး ပြက်ရယ်ပြု အမှားပါရင် ခွင့်လွှတ်ပါ။ (ပြက်ပြက်ထင်ထင်လို့ ရေးပါတယ်။)
24. အခုဆေးက ဒီလ ၁၁ ရက်နေ့မှာ ၂၈ လုံးကုန်ပါပြီဆရာ။ ဆေးဖျက်(ဖြတ်)ထားချင်ပါတယ်ဆရာ။
25. အသက် ၂၇၊ အမျိုးသမီး ကိုယ်ဝန်ယူဖို့ ဆေးဖျက်(ဖြတ်)ထားတာပါရှင်။ ဘာအားဆေးတွေသောက်သင့်လဲ။
26. အသက်က ၂၀ ပါ မ ပထမကိုယ်ဝန်ပြတ်ကျဖူးပါတယ်ဆရာ ရာသီလာတာ တစ်လ(တလ)ကို ၈ ရပ်လောက် လာပါတယ်ဆေးလဲမထိုးပါဘူးဆေးလဲမသောက်ပါဘူးဆရာ ကလေးရနိုင်လားဆရာ ကိုယ်ဝန်ပြတ်တာ ၈ လရှိပါပြီဆရာ (ကိုယ်ဝန်ပျက်ကျလို့ရေးရတယ်။ တလကို ၈ ရက်လောက်လာပါတယ်လို့ရေးရတယ်။ ကိုယ်ဝန်ပျတ်တာ ၈ လရှိပါပြီလို့ရေးရတယ်။)
27. အသက်က ၂၀။ ဆေးဖျက်(ဖြတ်)ထားတာ ၄လရှိပြီ။ ယခု ရာသီလာရင်း အသားစပါလာပါတယ်။
28. အသားတွေလဲ ပုတ်(ပုပ်)၊ ရေခဲသေတ္တာနားတောင်မသွားရဲ အနံတွေထွက်နေတာ။ အတော်ကို စိတ်ပြတ်၊ မေရီးကားပဲ သွားနေတော့မယ် (စိတ်ပျက်လို့ အမေရိကားကို သွားနေတော့မည်ဟု ပြတ်သားစွာ ဆုံးဖြတ်လိုက်ပြီရေးရ။)
29. အသီးအရွက်ပြက်ပီ တဲ့။ (အသီးအရွက်ပြတ်ပြီလို့ ရေးရတယ်။ အဲဒီသတ်ပုံ ၂ ခုကို မှန်အောင်မရေးတတ်သူတွေ အတော်ကို များတယ်။)
ပြက်
ထုပြက်အလျားအနံ။
ပြက္ခဒိန်။
ပြက် (ကြိယာ) = ဖြန့်လွှမ်းသည်။
ပြက် (ကြိယာ) = ရယ်မောဖွယ်ပြောသည်၊ ပြုသည်။ အရွှန်းဖောက်သည်။
ပြက် (ကြိယာ) = ရုတ်တရက်လင်းလက်သည်။
ပြက် (ကြိယာ) = အတန်ငယ် ထည့်စွက်သည်။ ထန်းလိက်ချိုရုံပြက်။
ပြက်ကွယ် = အမှန်အကန်မထွက်ဆို၊ ထိန်ချန်သည်။
ပြက်ချော်ချော်။
ပြက်ပြက် = အရောင်အဝါ ထင်လင်းမြင်သာစွာ။
ပြက်ပြက်ထင်ထင် (ထင်ထင်ရှားရှား)။
ပြက်ပြက်ထင်ထင် = သေချာစွာ။
ပြက်ရယ်ကျီစယ်။
ပြက်ရယ်ပြုသည်။
ပြက်လုံးထုတ်။
ပြက်သိကာ = အနည်းငယ် ပါသည်ဆိုရုံမျှ။
ပြိုးပြိုးပြက်ပြက်။
လက်ဝါးပြက်။
လျှပ်စစ်ပြက်။
လူပြက် (လူရွှင်တော်)။
သပြက်ပင်။
ပျက်
ကိုယ်ဝန်ပျက်ကျ
စည်းကမ်းပျက်
စိတ်ပျက်လက်ပျက်
တရားပျက်
ပျက္ခဒိန် (အသုံးဟောင်း)
ပျက်ကျေ
ပျက်စီး
ပျက်စီးဆုံးပါး
ပျက်ပြယ်
ပျက်ပြား
ပျက်ပြို
ပျက်ပြုန်း
ပျက်ယွင်း
ပျက်သုဉ်း
ပေါ့ပျက်ပျက်
မပျက်မကွက်
လူပျက် (ပျက်စီးနေသောသူ)
ဝမ်းပျက်
သွေးပျက်
အကြံအစည်ပျက်
အစားပျက်
အနေအထိုင်ပျက်
အဖြစ်အပျက်
အသွားအလာပျက်
ပြတ်
ကြိုးပြတ်သည်
စာပေတည်းပြတ်သည်၊ တည်းဖြဋ်သည် (နောက်သုံး = တည်းဖြတ်သည်)
ဆွေပြတ်မျိုးပြတ်
တိကျပြတ်သားသည်
နွားသိုးကြိုးပြတ်
ပြတ်ကင်းသည်
ပြတ်သောဓါး
ပုတ်ပြတ်အလုပ်
ရိက္ခာပြတ်သည်
အစဉ်မပြတ်
အပြတ်အသတ်နိုင်သည်
လျှံရွှေစင် ပြိုးပြိုးပြက် လျှပ်စက်ရောင်ခြည်မျှင်၊ ဗျူဟာဆင် မိုးလုံးပြည့် တရွေ့ရွေ့ယူဆဲဲတွင်။ နယ်ရှစ်ခွင် မင်းလွင်ဝန်းကျင်၊ လွမ်းအောင်ဖေါ်ပြ အာကာဝေဟင်၊ ဘယ် ရှေးဝဋ်ကြွေးတုံ့တင် ချေပြီ ထင်ခဲ့ ခိုမီရာမဲ့ ရှုလှဲ့မြင်လှဲ့စေခင် ချစ်တဲ့သူရဲ့ရင်ခွင် တကိုယ်ရေအားနွဲ့နွဲ့ တုန်ပြီရွှေဘဝင် ငြိုးရက်တဲ့ဒေဝါဆွေနတ်ရှင် အော် မိုးသက်လေနှင်
ပျက် ပြတ် ဖျက် ဖြတ် https://burmese-spelling.blogspot.com/2024/08/blog-post_806.html
ဒေါက်တာတင့်ဆွေ

09/07/2026

"အဆိပ်သင့်ခြင်းတမျိုး"
စွဲလမ်းဆိပ် / နွေးနွေးအောင် စာအုပ်အကြောင်း ရေးသူတဦး ရေးတာကိုလည်း ဖတ်ကြည့်ပါတယ်။
သူ့စာသဘောကိုတော့ ကူးပြီး တင်ပြခြင်း မပြုတော့ပါ။
ကျွန်တော့စိတ်ဝင်စားမှုအရ သတ်ပုံ။
· တနေ့က
· အမျိုးသမီးတယောက်ရဲ့ စာရိတ္တ ပျက်ပြားမှုကို အမျိုးသမီးတစ်ယောက်က အသေးစိတ်
ခြယ်မှုန်းပြတာကို ဖတ်စေချင်တဲ့စိတ်နဲ့).......လို့ဆိုတယ်။
· အမျိုးသမီးတစ်ယောက်ရေးတာကို အမျိုးသမီးတယောက်က
· စွဲလမ်းဆိပ်(အဆိပ်)
· မိန်းမတယောက်ရဲ့ စိတ်အမှောင်ခြမ်းတွေကို မြင်နိင်လိမ့်မယ် ထင်ပါတယ်။
ကျွန်တော့် အယူအဆ
အထက်ပါ ဝေဖန်ချက်စာထဲမှာ သတ်ပုံတွေက ရောထွေးနေပါတယ်။ တယောက် နဲ့ တစ်ယောက်။
တဝက်မှန်တာက အကုန်မမှန်တာထက် ပိုကောင်းတယ်။
ကျွန်တော် စောစောကတင်ပြတော့
ကွန်မင့်တွေက အမျိုးမျိုး။
· တချို့က တည်တယ်။
· တချို့က ရိုင်းတယ်။
A Certain Smile ဘာသာပြန်စာအုပ်အမည် တွေ့လို့ တင်လိုက်တာ
တဆိတ်လောက် ပြောရဦးမယ်
ကွန်မင့်ဆိပ်မှာ အဆိပ်တက်နေပြီ။
စာသမားတွေက 'အဆိပ်' ကို 'ဆိပ်' လို့သုံးတာကို ချီးကျူးကြပါသတဲ့။
စာသမားမဟုတ်တဲ့ ကျွန်တော်ကတော့ -
သတ်ပုံတွေ ခွက်ခွက်တန်အောင် မှားနေကြတဲ့ခေတ်ဆိုးထဲမှာ
"အဆိပ်ပင် ရေလောင်းရာကျတယ်" လို့ ထင်ပါတယ်။
ကန်တော့ + ဆောရီး။
ဆရာဝန်ရဲ့အမြင်
'မြွေအဆိပ်' ကို 'မြွေဆိပ်' လို့သုံးတာရှိပါတယ်။
ဖြေဆေးကိုတော့ 'အဆိပ်ဖြေဆေး' လို့သာ ရေးရတယ်။
'ဆိပ်ဖြေဆေး' လို့ မရှိပါ။
ဒေါက်တာတင့်ဆွေ