Qendra Kryesore e Mjekësisë Familjare - Ferizaj

14/08/2026

Takim Profesional “Cilësia e Shërbimeve Shëndetësore në QKMF-Ferizaj”
Në QKMF-Ferizaj u mbajt takimi profesional me temë “Cilësia e Shërbimeve Shëndetësore në QKMF”, i cili mblodhi profesionistë shëndetësorë, përfaqësues të Ministrisë së Shëndetësisë, AQH-së dhe DSHMS-së, si dhe bashkëpunëtorë e mysafirë të shumtë.
Në kuadër të këtij takimi u zhvillua edhe ceremonia e pranimit-dorëzimit të Certifikatës së Cilësisë ISO 9001:2015 për QMF-2 në qytet dhe QMF-10 në Prelez të Muhaxherëve – një arritje e rëndësishme për QKMF-Ferizaj dhe dëshmi e përkushtimit institucional ndaj cilësisë, sigurisë së pacientit dhe përmirësimit të vazhdueshëm të shërbimeve shëndetësore.
Në fjalën e saj, drejtoresha e QKMF-Ferizaj theksoi se certifikimi ISO 9001:2015 nuk përfaqëson vetëm një dokument, por punë, përgjegjësi, profesionalizëm, bashkëpunim dhe një zotim për ofrimin e shërbimeve të sigurta, cilësore dhe dinjitoze për qytetarët.
Gjatë takimit u prezantuan edhe të arriturat në menaxhimin e cilësisë, auditimet dhe standardizimin e proceseve, digjitalizimin e administratës, sigurinë dhe shëndetin në punë, trajnimin e stafit dhe bashkëpunimin me institucionet dhe Këshillin e Pacientëve.
Drejtoresha shprehu mirënjohje për Ministrinë e Shëndetësisë, AQH-në, DSHMS-në, Këshillin e Pacientëve, partnerët dhe bashkëpunëtorët, si dhe falënderoi në mënyrë të veçantë të gjithë punëtorët e QKMF-Ferizaj për angazhimin dhe përkushtimin e tyre.
“Cilësia nuk fillon me një certifikatë. Cilësia fillon me një qëndrim.”
Ky certifikim shënon jo përfundimin, por fillimin e një përgjegjësie edhe më të madhe për të jetuar dhe zbatuar standardet e cilësisë në punën e përditshme.Drejtori i DSHMS Dr.Kemajl Emini falenderoj të gjithë punëtorët shëndetësor para lifte ,gjatë luftës dhe sot duke i përkujtuar qdo her më 15 Qershor në Ditën e Shëndetësisë Ferizajase para obeliskut në QKMF.Ju uroj dhe falenderoj gjithë stafin për qertifikimin,dhe licensimin e radiologjise.
Fjale pershëndetëse dhe falenderimi uruan edhe Udhëheqësi i Divizioni për Cilësi Dr.Hajrullah Fejza,zv drejtori i AQH Dr.Bajram Maxhuni,përfaqsues nga Qatar charyti nga Katari, Qatar charyti nga Katari
Qendresa Kosovare nga Kuvajti dhe në emer te Kryetarit Agim Aliu përshëndeti shefi i kabinetit Albion Sherifi.
Gjithashtu u nda edhe licensa per Radiologji ,qertifikimi per individ me ISO STANDARDE dhe qertifikatat për trajnim të punëtorve të radiologjise.
Urime QKMF-Ferizaj dhe të gjithë stafit për këtë arritje të rëndësishme! 👏
“Kur cilësia bëhet kulturë, siguria e pacientit bëhet rezultat.”

04/08/2026

Java Botërore e të ushqyerjes me qumsht gjiri 2026

Me moton "Të mbështesim gjidhënien", në QKMF u organizua një tryezë informuese me një grup nënash që ushqejnë fëmijët e tyre me gji.

Gjatë takimit u diskutua për rëndësinë e ushqyerjes me gji dhe përfitimet e shumta që ajo sjell si për foshnjën, ashtu edhe për nënën. U theksua se qumështi i gjirit është ushqimi më i plotë dhe më i përshtatshëm për foshnjën, duke siguruar të gjithë lëndët ushqyese të nevojshme për rritje dhe zhvillim të shëndetshëm. Ai forcon sistemin imunitar, ul rrezikun e infeksioneve, alergjive dhe sëmundjeve të ndryshme, si dhe krijon një lidhje të fortë emocionale ndërmjet nënës dhe foshnjës.

Po ashtu, u fol edhe për përfitimet që ushqyerja me gji ka për nënën, duke përfshirë përshpejtimin e rikuperimit pas lindjes, uljen e rrezikut për kancerin e gjirit dhe të vezoreve, si dhe ndikimin pozitiv në mirëqenien fizike dhe emocionale.

Përmes kësaj tryeze u synuam të inkurajojmë dhe të mbështesim nënat në rrugëtimin e tyre të gjidhënies, duke promovuar një mjedis informues dhe mbështetës për çdo nënë dhe çdo foshnjë.

Në të gjitha QMF-të janë shpërndarë fletëpalosje dhe janë dhënë këshilla për nënat lidhur me të ushqyerit me qumsht gjri.
Si dhe në ekranet informative të vendosura në QKMF dhe QMF-të e qytetit gjatë tërë javës do të transmetohet video-mesazhi nga MSh për promovimin e ushqyerjes me qumësht gjiri.

31/07/2026

Aktivitetet në QKMF-Ferizaj në ,,Javën Botërore të Ushqyerjes me Qumësht Gjiri "
Në kuadër të shënimit të Javës Botërore të Ushqyerjes me Qumësht Gjiri ,nga data 3-7 gusht 2026,QKMF në koordinim me MSh dhe në bashkëpunim me IKSHPK dhe IRSHP të qytetit do të organizojë një sërë aktivitetesh ,siç janë :
Ofrimi i këshillave gjatë tërë javës për gratë si paciente në QKMF dhe në të gjitha QMF-të gjatë orarit të punës së tyre dhe shpërndarja e fletëpalosjeve .
QMF-të në qytet janë: QMF-1 ,rr.,,Cen Dugolli"
QMF-2,rr,,Remzi Hoxha"
QMF-4rr.,,Qerim Leskovci"
QMF-të në fshatra:
QMF-3 ,në fshatin Greme
QMF-5, në fsh. Komogllavë
QMF-6 ,në fsh.Pleshinë
QMF-7 ,në fsh.Neredime
QMF-8 ,në fsh.Dardani
QMF-9,në fsh.Softaj dhe në
QMF-10,në fsh.Prelez i Muhaxherëve.
Ftojmë gratë që janë të interesuara që në qendrën më të afërt të qendrave të lartpërmendura mund të marrin këshilla nga ora 12:00-13:00 .
Me datën 3 Gusht do të mbahet një ligjeratë me gratë në QT si dhe me 6 Gusht në QMF-4 në ora 11:00, dhe do të bëhet shpërndarja e fletëpalosjeve.
Në ekranet informative të vendosura në QKMF dhe në QMF-të e qytetit gjatë periudhës së shënimit të javës do të transmetohet video-mesazhi nga MSh për promovimin e ushqyerjes me qumësht gjiri.

Ushqyerja e fëmijës me qumësht gjiri ka rëndësi të madhe për shëndetin dhe zhvillimin e tij. Disa nga përfitimet kryesore janë:
Siguron ushqimin ideal – Qumështi i gjirit përmban të gjitha lëndët ushqyese që i nevojiten foshnjës gjatë 6 muajve të parë të jetës.
Forcon imunitetin – Përmban antitrupa që mbrojnë foshnjën nga infeksionet, si diarrea, infeksionet e vesh*t dhe ato të rrugëve të frymëmarrjes.
Ndihmon zhvillimin e trurit – Përmban acide yndyrore dhe lëndë të tjera që mbështesin zhvillimin e sistemit nervor dhe aftësive njohëse.
Tretet lehtë – Është më i lehtë për t'u tretur sesa qumështi artificial dhe zvogëlon rrezikun e kapsllëkut dhe problemeve me tretjen.
Ul rrezikun e sëmundjeve kronike – Fëmijët e ushqyer me gji kanë më pak gjasa të zhvillojnë obezitet, diabet dhe alergji në të ardhmen.
Krijon lidhje emocionale – Ushqyerja me gji forcon lidhjen mes nënës dhe foshnjës, duke i dhënë fëmijës ndjenjë sigurie dhe afërsie.
Përfitime edhe për nënën:
Ndihmon në rikthimin më të shpejtë të mitrës pas lindjes.
Ul rrezikun e gjakderdhjes pas lindjes.
Zvogëlon rrezikun e kancerit të gjirit dhe vezoreve.
Është ekonomik, gjithmonë i gatshëm dhe në temperaturën e duhur.
Rekomandim: Organizata Organizata Botërore e Shëndetësisë rekomandon ushqyerjen ekskluzive me qumësht gjiri gjatë 6 muajve të parë, dhe vazhdimin e ushqyerjes me gji së bashku me ushqime plotësuese deri në moshën 2 vjeç ose më gjatë, sipas dëshirës së nënës dhe fëmijës.

31/07/2026

Me qëllim të përmirësimit të shërbimeve dhe kujdesit shëndetësor ndaj stresit dhe traumës për gra dhe vajza të mbijetuara të dhunës gjinore dhe të dhunës seksuale, gjatë ditës së sotme në zyre të Drejtoreshës së QKMF-së ,dr.Nadire Ymeri,u mbajt takimi informues me menaxheren e Projktit THTP në Kosovëznj/Negihan Xërxa.
Programi transnacional I trajnimeve shëndetësore THTP zbatohet në bashkëpunim me organizatat lokale që janë partnere të organizatës gjermane për shumë vite: në Kosovë projekti implementohet nga medica Gjakova .
Meqërast për QKMF-në në Ferizaj është ofruar mundësia e implementimit të fazës së parë të projektit trajnimit të profesionistëve shëndetësor për TOT-trajner pas Marrëveshjes së bashkëpunimit e cila pritet të nënshkruhet gjatë muajit shtator ,pastaj për të vazhduar me fazën e dytë e të tretë të trajnimit të stafit që do të kontribonte në qëndrueshmërinë dhe vazhdimësinë e aktiviteteve trajnuese në nivel lokal.
Për projektin THTP,dr.Nadire shprehu mirënjohjen ,që një program i tillë synon forcimin e kapaciteteve të ofruesve të shërbimeve shëndetësore-publike dhe të shoqërisë civile

30/07/2026

Ne kuader te ngritjes se cilesise se sherbimeve ,ne QKMF u realizua takimi me mjekët familjarë të cilët janë duke i mbledhur të dhënat për pacientët me HTA.
Grumbullimi i të dhënave është i strukturuar dhe do të shërbej për realizimin e riauditit klinik për HTA.
Auditi dhe riauditi është një instrument që shërben për matjen e cilësisë së shërbimeve.
Mjekët familjarë të QKMF i prezentuan sfidat gjatë punës së tyre profesionale ,sfida këto të cilat do të adresohen te menaxhmenti i QKMF me qëllim të përbashkët për rritjen e cilësisë së shërbimeve shëndetësore.

27/07/2026

NJOFTIM PËR QYTETARËT

Të nderuar qytetarë,

Ju njoftojmë se, për të lehtësuar qasjen në shërbimet e Emergjencës Primare të QKMF-së në Ferizaj, janë vendosur në dispozicion numrat e rinj të telefonit për qytetarët e komunave të tjera që kanë nevojë për shërbime shëndetësore emergjente.

Lusim qytetarët që, në rast nevoje për ndihmë mjekësore urgjente, të kontaktojnë në numrat e mëposhtëm:

📞 [0290-330-126 ]
📞 [0290-330-788]

Ndërsa për qytetarët e komunës së Ferizajt vazhdon të jetë në dispozicion i njejti numër kontaktues 194

Ju falënderojmë për mirëkuptimin dhe bashkëpunimin.

17/07/2026

Në kuadër të Projektit AQH,me financimin e Agjencisë Zvicerane për Zhvillim dhe Bashkëpunimin (SDC) ,të implementuar nga KOPF gjatë ditës së sotme, në sheshin ,,Adem Jashari të qytetit është organizuar Karvani Shëndetësor të quajtur ,,PërSHËNDETje " qëllimi i të cilit është promovimi i shëndetit,rritja e ndërgjegjësimit për sëmundjet jo-ngjitëse, veqanarisht hipertensionin dhe diabetin si dhe informimin e qytetarëve për faktorët e rrezikut dhe mënyrat e parandalimit të tyre, me dhënien e informatave mbi aktivitetin fizik,duhanin,alkoolin, mbipeshën dhe ushqyeshmërinë.
Ndërsa në dy tendat ,ekipi profesional nga mjeku e infermieret e QKMF-së për qytetarët kanë ofruar shërbime profesionale, shëndetësore .
Edhe përkundër temperaturave të larta që kanë qenë gjatë ditës ,pjesëmarrja e 73 qytetarëve ka qenë e kënaqshme,mosha e të cilëve ka qenë nga 40-88vjet .
Rreth 20% e tyre kanë pasur hipertension ,dhe përqindje më e ulët me hiperglikemi,me diabet të mbajtur nën kontrollë me barna.
Ky aktivitet jep mesazhin se
ndryshimet e stilit të jetës ,të kombinuara me terapinë e rregullt të përshkruar nga mjeku ,janë baza e kontrollit të hipertensionit e të komplikimeve të tij dhe diabetit e të sëmundjeve tjera kronike.
Në fund, pas ofrimit të shërbimeve shëndetësore , qytetarëve u janë ndarë ushqim(fruta) dhe pije falas.

16/07/2026

Gjatë ditës së sotme ,me rastin e pensionimit të dr.Minire Shabani ,në zyre të Drejtorisë së QKMF-së,menaxhmenti dhe familjarët e saj janë mbledhur për të shënuar fundin e një kapitulli të rëndësishëm në jetën e saj profesionale dhe fillimin e kapitullit të ri pensionimin ,për t'ju shprehur mirënjohje të sinqertë për të gjitha vitet e përkushtimit, profesionalizmit dhe humanizmit që ka treguar në shërbim të pacientëve dhe institucionit tonë.

Dr. Minire Shabani me përkushtimin, përgjegjësinë dhe etikën e saj profesionale, ka qenë një shembull frymëzues për të gjithë kolegët e saj.

Në emër të institucionit dhe në emrin e saj personal, Dr.Nadire Ymeri e falënderoj dr.Minire për kontributin e çmuar që ka dhënë ndër vite si stomatologe në Sektorin e Shëndetit Oral Preventiv të QKMF-së.
Të pranishmit i shprehën urime të sinqerta që pensionimi të jetë fillimi i një etape të re, të mbushur me shëndet, qetësi, gëzim dhe kohë të bukura me familjen dhe njerëzit e saj të dashur.
Me respekt dhe urimet më të mira për një jetë të gjatë, të shëndetshme e të lumtur dhe në shenjë mirënjohje për kontributin e çmuar të dhënë me dekada si stomatologe në QKMF, iu nda një Mirënjohje-plaket!

16/07/2026

01/07/2026

Gjatë ditës së sotme në QKMF,në prani të Menaxhmentit, Drejtorit të DSHMS-së stafit të të Sektorit të Shëndetit Oral Preventiv, mjekve, infermierëve të QKMF-së dhe familjarëve është mbajtur takimi për të shënuar një moment të veçantë, njëkohësisht të bukur dhe emocional: pensionimin e kolegut e zv/Drejtorit të QKMF-së,dr.Afrim Abazit i cili për dekada të tëra i ka shërbyer me përkushtim profesionit, institucionit tonë dhe qytetarëve.
Meqërast drejtoresha dr.Nadire Ymeri, i shprehu mirënjohjen më të sinqertë për kontributin tij shumëvjeçar ,rruga profesionale e të cilit ka qenë shembull i përkushtimit, përgjegjësisë dhe profesionalizmit.
Dr.Afrimi si stomatolog, ka fituar besimin e pacientëve me punën dhe humanizmin e tijj. Më pas, si shef i Stomatologjisë, ka udhëhequr me vizion dhe përkushtim zhvillimin e këtij shërbimi. Në detyrën e drejtorit, e më pas si zv/drejtor i QKMF-së, ka vazhduar kontributin e tij të çmuar në forcimin e institucionit tonë dhe në përmirësimin e shërbimeve shëndetësore.
Përvoja e tij e pasur, qetësia në vendimmarrje, gatishmëria për të ndihmuar kolegët dhe respekti që ka treguar ndaj çdo bashkëpunëtori do të mbeten vlera që do t'i kujtojmë me shumë vlerësim.
Drejtoresha në emër të Qendrës Kryesore të Mjekësisë Familjare dhe në emrin e saj personal, dr.Afrimin e falënderoj për çdo vit pune, për çdo sfidë të përballuar dhe për çdo sukses që kanë ndarë me ekipin menaxherial. Kontributi i të cilit ka lënë gjurmë të qëndrueshme dhe do të mbetet pjesë e historisë së institucionit tonë.
Meqërast duke i uruar që periudhën e pensionimit ta shijon me shëndet të plotë, qetësi, lumturi dhe shumë kohë të bukur pranë familjes, miqve dhe njerëzve të dashur,në shenjë falenderimi në emër të QKMF-së iu nda një Mirënjohje-plaket, duke falenderuar për gjithçka që ka dhënë për institucionin tonë dhe për komunitetin.
Në vazhdim edhe Drejtori i DSHMS-së dr.Kemajl Emini I uroi dhe falenderoi dr.Afrimin në emër të tij dhe të Kryetarit të Komunës zt/Agim Aliu për kontributin e e tij profesional e Menaxherial të dhënë për shumë vite në QKMF,me theks të veqant kontributin e tij në monitorimin dhe në bashkëpunimin me donatorët gjatë finalizimit të punëve në ndërtimin e objekteve të QMF-2 dhe QMF-10 në fshatin Prelez të Muhagjerëve.
Falenderime dhe urime për pensionim të mbarë i shprehën edhe shefi i Sektorit të Shëndetit Oral Preventiv Dr.Driton Krasniqi e kolegët tjerë Dr.Afrim Rexhepi dhe Agron Selmani.
Kurse në emër të familjes të pranishmit i falenderoi për organizimin dr.Lirika Abazi,vajza e Dr.Afrimit të cilit i uroi pensionimin ,si një kapitull të ri dhe shrehu krenarinë e saj për kontributin e tij të dhënë gjatë ndër vite në institucionin shëndetësor si dhe shrehu gëzimin për të vazhduar më tej traditën në kapitullin e ri profesional të saj si mjeke e përgjithshme.
Në fund të takimit për të pranishmit nga stafi i Sektorit të Shëndetit Oral dhe stafi tjetër është përgatitur një koktej rasti!