QKMF-Istog

02/06/2026

NJOFTIM

31/05/2026

Sot, me respekt dhe mirënjohje të thellë, përcjellim në pension infermieren Drita Vuthi Kuqi, e cila për 45 vite me radhë shërbeu me përkushtim, profesionalizëm dhe humanizëm në QMF Banjë.

Kontributi juaj do të mbetet gjithmonë i vlerësuar dhe i respektuar, Motra Dritë!

30/05/2026

29/05/2026

Gjatë muajit maj, ekipet e QKMF-Istog kanë realizuar vizitat sistematike shëndetësore në institucionet parashkollore dhe shkollat fillore të Komunës së Istogut.

Këto vizita janë kryer nga mjekët dhe stomatologët tanë, me qëllim të kontrollit të gjendjes shëndetësore të fëmijëve, identifikimit të hershëm të problemeve shëndetësore dhe promovimit të kujdesit për shëndetin oral dhe të përgjithshëm.

Përmes këtyre aktiviteteve, fëmijët janë këshilluar për rëndësinë e higjienës personale, ushqyerjes së shëndetshme dhe kontrolleve të rregullta mjekësore e stomatologjike.

QKMF-Istog mbetet e përkushtuar në ofrimin e kujdesit shëndetësor cilësor dhe në ruajtjen e shëndetit të fëmijëve tanë, duke bashkëpunuar ngushtë me institucionet arsimore dhe prindërit.

29/05/2026

Në kuadër të shënimit të Ditës Botërore Kundër Duhanit, në Shkollën Fillore “Bajram Curri” në Istog u mbajt një aktivitet vetëdijesues për nxënësit, me qëllim informimin mbi dëmet dhe pasojat që shkakton përdorimi i duhanit.

Ligjërata u mbajt nga Dr. Valon Bujupaj, i cili foli për ndikimin negativ të duhanit në shëndet, rëndësinë e parandalimit dhe promovimin e stileve të shëndetshme të jetesës, veçanërisht tek të rinjtë.

27/05/2026

Me rastin e Festës së Kurban Bajramit, patëm kënaqësinë të mirëpresim në vizitë Drejtorin e Drejtoratit të Shëndetësisë në Komunën e Istogut, z. Fisnik Shoshi, i cili uroi stafin tonë për këtë festë të Shenjtë.

Gjatë vizitës, ai shprehu mirënjohjen dhe falënderimin për përkushtimin, profesionalizmin dhe punën e palodhshme që stafi shëndetësor ofron çdo ditë në shërbim të qytetarëve.

27/05/2026

Me rastin e festës së Kurban Bajramit, infermierët e Shërbimit të Kujdesit Shtëpiak dhe infermierë të tjerë nga QKMF-Istog kanë shpërndarë pako ushqimore për familjet në nevojë, duke përcjellë mesazhin e solidaritetit, humanizmit dhe kujdesit për njëri-tjetrin.

26/05/2026

Ekipet e mirëmbajtjes së QKMF-së janë vazhdimisht në terren duke u kujdesur për pastërtinë, rregullimin dhe mirëmbajtjen e çdo hapësire brenda dhe jashtë institucionit tonë. Me përkushtim dhe punë të palodhur, ata kontribuojnë në krijimin e një ambienti të sigurt, të pastër dhe të këndshëm për pacientët, vizitorët dhe stafin shëndetësor.

25/05/2026

Sot, me respekt dhe mirënjohje të veçantë, i urojmë pensionimin zonjës Have Loxhaj, asistente e stomatologjisë në QMF-Banjë.

Qoftë pensionimi fillimi i një kapitulli të ri plot gëzim dhe realizime personale.