Qendra Terapeutike NeuroVita

07/07/2026

https://www.instagram.com/reel/DacRlbtMQZT/?igsh=MTFmZTJqb294aDE4YQ==

06/06/2026

Refuzimi i larjes së dhëmbëve nuk është gjithmonë sjellje sfiduese apo “kokëfortësi”. Shpesh pas kësaj sjelljeje fshihen arsye të ndryshme si ndjeshmëria e lartë sensoriale, vështirësitë oral-motorike, shqetësimi nga shija ose aroma e pastës së dhëmbëve, përvoja të pakëndshme të mëparshme apo vështirësitë në përshtatjen me rutinat e përditshme.

Kjo mund të ndodhë te fëmijët me zhvillim tipik, si edhe te fëmijët me autizëm, sindromën Down, ADHD dhe vështirësi të tjera zhvillimore.

Ergoterapia mund të ndihmojë duke identifikuar shkakun e refuzimit, duke vlerësuar aftësitë sensoriale dhe oral-motorike, si dhe duke ofruar strategji të përshtatura për ta bërë higjienën orale më të lehtë dhe më të këndshme për fëmijën.

💙 Çdo sjellje ka një arsye. Kur kuptojmë arsyen, mund ta mbështesim fëmijën më mirë!

12/05/2026

25/03/2026

Shqisa proprioceptive është aftësia e trupit për të ndjerë pozicionin dhe lëvizjen e tij në hapësirë, përmes receptorëve në muskuj dhe nyje.
Ajo ndihmon fëmijën të kuptojë ku ndodhen pjesët e trupit pa i parë, duke mbështetur orientimin në hapësirë.
Aktivitetet proprioceptive japin presion dhe ngarkesë në trup, si shtytje, tërheqje apo mbajtje peshe.
Ky presion i thellë ndihmon në rregullimin e sistemit nervor dhe organizimin e trupit.
Si rezultat, fëmijët ndihen më të qetë, më të fokusuar dhe më të koordinuar.
Janë veçanërisht të dobishme për fëmijët me vështirësi sensoriale, autizëm apo ADHD. Gjithashtu ndihmojnë në uljen e sjelljeve si stimming apo hiperaktiviteti.

Ergoterapeuti i përdor këto aktivitete për të mbështetur zhvillimin funksional të fëmijës.

19/02/2026

Zhvillimi i fëmijës nuk varet vetëm nga koha e kaluar në terapi. Ai formohet çdo ditë nga mënyra se si jeton, si i flitet, si vendosen kufijtë dhe si reagojnë të rriturit rreth tij. Aftësitë e mësuara në një ambient të izoluar nuk bëhen pjesë e jetës së përditshme nëse shtëpia dhe rutina mbeten të njëjta.

Studimet tregojnë se progresi është më i qëndrueshëm kur prindërit përdorin në përditshmëri të njëjtat mënyra komunikimi, strukturë dhe qetësi. Liria pa kufij nuk e ndihmon fëmijën të bëhet më i pavarur; përkundrazi, krijon pasiguri. Fëmijët, veçanërisht ata me nevoja të veçanta, kanë nevojë për rregulla të qarta, rutinë të qëndrueshme dhe reagim të balancuar.

Për ndryshimin e vërtetë, prindi duhet të jetë pjesë aktive e çdo hapësire të zhvillimit të fëmijës. Terapia ndihmon, por aftësitë përforcohen vetëm kur praktikohen në situata reale: gjatë shëtitjeve, aktiviteteve të përditshme, ushqyerjes, veshjes dhe lojës. Kur prindi i përfshin këto momente, fëmija mëson të ndjekë udhëzimet, të krijojë rutinë dhe të fitojë pavarësi në jetën e përditshme.

10/02/2026

Në cilat fusha fokusohet ergoterapia tek fëmijë me nevoja të veçanta?

22/01/2026

Një muaj i mbushur me aktivitete, lojëra, mësime dhe përvoja të dobishme për fëmijët.