27/10/2022
Titri ASTO
Me matjen laboratorike të ASTO testit tregohet prezenca dhe sasia e antitrupave që organizmi i ka krijuar kundër bakteries Streptokoku B hemolitik i grupit A.
Streptokoku B hemolitik i grupit A perhapet me se shpeshti ne sezonen e ftohte te vitit por nuk perjashtohet edhe gjate veres.
Perhapet me se shpeshti permes sperklave dhe ne ambiente te mbyllura si ne kopshte, shkolla etj.
Testi pozitiv nuk tregon se fëmija ka infeksion aktual
Matja e titrit të ASTO nuk ka rëndësi në vërtetimin për ekzistimin e faringitit ose tonsilitit (inflamacion i tonsilëve). ASTO testi pozitiv vërteton infeksionin e kaluar.
Nëse fëmija nuk ka temperature, nuk ka parametra të zmadhuara për infeksion bakterial dhe nëse nuk ka simptome të tjera siç janë dhimbja ose ënjtja në nyjet e medha dhe te vogela ,urtikaria, testi antiseptolizin nuk ka ndonjë rendësi praktike në vendosjen e diagnozës për infeksion aktual me streptokokë piogene ose komplikim nga infeksioni.
ASTO- titri pozitiv është test i dobishëm gjatë vendosjes së diagnozës kur dyshohemi për komplikime të mundshme të streptokokut piogen. Këto komplikime janë ethet reumatike dhe glomerulonefri akut streptokoksik.
Titri antiseptolizin fillon të rritet më së paku një javë pas fillimit të infektonit bakterial, ndërsa vlerën më të madhe e arrin 3-5 javë pas fillimit të infeksionit me streptokokë piogene.
Më se voni gjatë 12 muajsh pas infeksionit vlerat kthehen në nivelin normal.
Nëse infeksionet nuk përsëriten , titri i ASTO për 6-12 muaj duhet të kthehet në vlerën normale.
Vazhdimisht vlerat e rritura të ASTO tregojnë se fëmija ka qenë në kontakt me streptokokun B hemolitik te grupit A.
Nëse në periudhë nga 6-12 muaj titri i ASTO rritet, dhe nëse shkaku më i shpeshtë për këtë janë inflamacionet e përsëritura të bajameve pa simptoma tipike, si opsion për zgjidhjen e gjendjes rekomandohet tonsilektomia (heqja e bajameve).
