Endomed - Gastro Dr.Fatmir Arifi

17/05/2026

13/04/2026

GERD (kthimi i përmbajtjes së Stomakut në kapërcall dhe deri ne gojë/hunë)

Në gjendje normale funksionimi kemi një “valvul” (sfinkteri) në fund të ezofagut i cili mbyllet pasi ushqimi kalon në stomak.

Tek GERD, kjo valvul nuk funksionon mirë, kështu që acidi ngjitet lart dhe irriton ezofagun.

Simptomat kryesore

- Djegie në gjoks (urthi)
- Shije e thartë ose e hidhur në gojë
- Dhimbje gjoksi (nganjëherë ngatërrohet me zemrën)
- Vështirësi në gëlltitje
- Kollë e thatë ose irritim në fyt

Shkaqet dhe faktorët që e përkeqësojnë janë:

Ushqime të yndyrshme, pikante ose shumë të rënda
Kafe, alkool, çokollatë
Mbipesha
Pirja e duhanit
Shtrirja menjëherë pas ngrënies

Si trajtohet?

Ndryshime në stilin e jetesës (ushqim më i lehtë, mos u shtri menjëherë pas ngrënies)
Ilaçe për uljen e acidit (si antacide ose inhibitorë të pompës protonike)
Në raste më të rënda, trajtim më i avancuar sipas mjekut

Kur duhet të shkosh te mjeku?

Nëse simptomat janë të shpeshta (më shumë se 2 herë në javë) ose të forta, sepse GERD i patrajtuar mund të dëmtojë ezofagun me kalimin e kohës.

Dr.Fatmir Arifi
Spec.Internist/GASTROENTEROLOG

12/04/2026

Sëmundjet inflamatore të zorrëve (IBD) janë një grup çrregullimesh kronike që shkaktojnë inflamacion të traktit tretës.

Dy format kryesore janë:
1. Sëmundja e Crohn-it
2. Koliti ulceroz

Çfarë ndodhë tek pacientet me këto sëmundje?

Në këto sëmundje, sistemi imunitar reagon duke luftuar vetëveten, pra sulmon indet e zorrëve, duke shkaktuar inflamacion të vazhdueshëm. Kjo mund të çojë në dëmtime të mukozës së zorrëve dhe probleme me përthithjen e ushqyesve.

Simptomat kryesore?

Simptomat mund të ndryshojnë nga një person te tjetri, por zakonisht përfshijnë:

Dhimbje barku dhe ngërçe
Diarre (shpesh kronike, ndonjëherë me gjak)
Humbje peshe
Lodhje e vazhdueshme
Temperaturë (në raste aktive)
Anemi

Pse është e rëndësishme diagnostikimi i hershëm?

Diagnostikimi dhe trajtimi në kohë janë shumë të rëndësishme sepse:

Parandalojnë komplikime serioze (ngushtime të zorrëve, fistula, etj.)
Përmirësojnë cilësinë e jetës
Ulin rrezikun për ndërhyrje kirurgjikale
Ndihmojnë në kontrollin e inflamacionit afatgjatë

Si diagnostikohet?

Mjeku mund të përdorë disa metoda:
Analiza gjaku dhe feçesh
Kolonoskopia
Imazheri (CT, MRI)
Biopsi e indeve të zorrës

Trajtimi

Edhe pse nuk ka trajtim përfundimtare, trajtimi synon të kontrollojë inflamacionin:

Medikamente anti-inflamatore
Imunosupresorë
Terapi biologjike
Dietë e përshtatur
Në disa raste, kirurgji

Dr.Fatmir Arifi
Spec.Internist/Gastroenterolog

04/03/2026

• Echo Andominale mundëson ekzaminimet:
- Mëlçinë
- Fshikëzën e tëmthit
- Pankreasin
- Shpretkën
- Veshkat
- Fshikëzën urinare
- Mitërën dhe vezoret (te femrat)
- Prostatën (te meshkujt)

• Zbulon patologjitë si:
- Gurë në tëmth ose në veshka
- Cista ose masa (tumore)
- Infeksione
- Lëng në bark
- Probleme me traktin urinar
- Monitorimin e sëmundjeve kronike

02/03/2026

Endoskopia është një metodë ekzaminimi mjekësor që përdor një tub të hollë dhe fleksibël me kamerë dhe dritë në majë (endoskop), për të parë drejtpërdrejt organet e brendshme. Ajo ndihmon mjekun të diagnostikojë sëmundje, të marrë mostra dhe ndonjëherë edhe të trajtojë probleme gjatë vetë ekzaminimit.

Gastroskopia përdoret për të ekzaminuar:
Ezofagun
Stomakun
Duodenin (pjesa e parë e zorrës së hollë)

Çfarë mund të zbulojë?

Gastrit (inflamacion i stomakut)
Ulçera gastrike ose duodenale
Refluks gastroezofageal
Hernie hiatale
Infeksion me Helicobacter pylori
Polipe ose tumore
Gjakderdhje të traktit të sipërm tretës

Çfarë mundësish ofron gjatë ekzaminimit?

Marrje biopsie (mostra indi)
Ndërprerje e gjakderdhjes
Heqje e polipeve
Zgjerim i ngushtimeve (stenozave)

Dr.Fatmir Arifi - GASTROENTEROLOG

ENDOMED-B Prishtine Mati 1
Rr.Muhamet çami