Alergjia Astma & Imunologjia

29/08/2026

🦠 SËMUNDJA “DORË–KËMBË–GOJË” (Hand, Foot and Mouth Disease)

👶 Një infeksion viral shumë i zakonshëm te fëmijët, veçanërisht nën moshën 5 vjeç.

🔹 Shkaktari: Enteroviruset, më shpesh Coxsackievirus A16 dhe Enterovirus 71.

🔹 Simptomat kryesore:
🌡️ Temperaturë dhe gjendje jo e mirë
👄 Flluska/plagë të dhimbshme në gojë
🖐️ Skuqje ose flluska në pëllëmbë
🦶 Lezione në shputa
🔴 Mund të shfaqen edhe në vithe, këmbë, krahë dhe pjesë të tjera të trupit.

💡 E rëndësishme:
Skuqja nuk kufizohet gjithmonë vetëm në duar, këmbë dhe gojë. Te disa fëmijë mund të përhapet në trung dhe në pjesë të tjera të trupit.

💊 Trajtimi Nuk ka një antibiotik specifik, sepse është infeksion viral.
Trajtimi është kryesisht simptomatik:
✅ Lëngje të mjaftueshme
✅ Ushqime të buta dhe të freskëta
✅ Paracetamol/ibuprofen sipas moshës dhe peshës, kur nevojitet
❌ Antibiotikët nuk ndihmojnë në infeksionin viral.

🧼 Si përhapet?
Përhapet lehtë përmes sekrecioneve të frymëmarrjes, pështymës, kontaktit me flluskat dhe jashtëqitjes.
⏳ Zakonisht kalon vetë brenda 7–10 ditësh.

----

📲 Na ndiqni për më shumë këshilla alergologjike dhe imunologjike

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

17/08/2026

Alergjia nga Epoxy Resin – një rrezik profesional që nuk duhet neglizhuar

Një punëtore që merret me shtrimin e dyshemeve me Epoxy Resin u paraqit në klinikën tonë me reaksione alergjike në duar dhe gjunjë.

🔬 Patch testi rezultoi shumë pozitiv ndaj Epoxy Resin – Bisphenol A 1.0%, duke konfirmuar dermatitin alergjik të kontaktit.

📌 Epoxy resin përdoret gjerësisht në ndërtim, dysheme industriale, ngjitës dhe materiale të ndryshme.
Kontakti i përsëritur me rrëshirat epokside mund të shkaktojë sensibilizim dhe ekzemë të duarve, veçanërisht te personat që punojnë rregullisht me këto materiale.

⚠️ Simptoma si skuqje, kruarje, djegie, çarje ose flluska në duar pas kontaktit me Epoxy Resin nuk duhet të neglizhohen.

👨‍⚕️ Në raste të dyshuara, Patch Test ndihmon në identifikimin e alergjenit përgjegjës dhe në orientimin e trajtimit dhe masave mbrojtëse në vendin e punës.

---

📲 Na ndiqni për më shumë këshilla alergologjike dhe imunologjike

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

17/08/2026

Kur fëmija ka alergji nga pluhuri i shtëpisë 🏠👁️

Një fëmijë 4-vjeçar u paraqit me konjuktivit alergjik të theksuar, me skuqje, kruarje dhe lotim të syve.

🔬 Testi kutan i alergjisë, i realizuar në klinikën tonë, rezultoi pozitiv ndaj pluhurit të shtëpisë (akarieneve të pluhurit).

Alergjia ndaj akarieneve të pluhurit është një nga shkaqet e shpeshta të simptomave alergjike te fëmijët dhe mund të shfaqet me:
• kruarje dhe skuqje të syve
• lotim të shtuar
• teshtima dhe rrjedhje hundësh
• hundë të bllokuar
• përkeqësim të simptomave gjatë qëndrimit në ambiente me pluhur.

📌 Identifikimi i alergjenit përmes testimit alergjik ndihmon në përcaktimin e trajtimit dhe masave për reduktimin e ekspozimit.

---

📲 Na ndiqni për më shumë këshilla alergologjike dhe imunologjike

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

16/08/2026

🧴 Dermatiti Atopik (Ekzema) – Çfarë duhet të dini?

👶 Çfarë është?
Dermatiti atopik është një sëmundje kronike inflamatore e lëkurës, që shpesh shfaqet që në fëmijëri, por mund të vazhdojë edhe në moshë madhore. Karakterizohet nga lëkurë e thatë, e skuqur, që kruhet fort dhe mund të çahet.

📈 Sa i shpeshtë është?
Prek mbi 10-20% të fëmijëve dhe rreth 2-5% të të rriturve. Shpesh lidhet me histori familjare të alergjive, astmës apo rinitit alergjik.

---

🔍 Simptomat më të shpeshta:

Lëkurë e thatë dhe e irrituar

Skajet e bërrylave, pas gjunjëve, fytyra dhe qafa janë zonat më të prekura

Kruarje që përkeqësohet natën

Leskra dhe çarje të lëkurës

Infeksione të shpeshta bakteriale në zonat e gërvishtura

---

🧬 Shkaqet dhe faktorët nxitës:

Trashëgimia gjenetike

Imuniteti i çrregulluar

Alergenët mjedisorë (pluhuri, kafshët, poleni)

Temperaturat ekstreme

Veshje sintetike ose detergjentë agresivë

Stresi dhe gjendja emocionale

---

🩺 A ka shërim?

Jo përfundimtar, por ka trajtime shumë efektive që kontrollojnë simptomat. Sëmundja mund të ketë periudha qetësie dhe shpërthimi.

---

💊 Trajtimi përfshin:

✅ Hidratues të përditshëm (emolientë)
✅ Kortikosteroide lokale gjatë shpërthimeve
✅ Inhibitorë të kalcineurinës (si tacrolimus)
✅ Antihistaminikë për kruarje
✅ Terapi biologjike (p.sh. dupilumab) për rastet e rënda
✅ Edukim dhe kujdes i përhershëm i lëkurës

---

🧼 Kujdes ditor – më i rëndësishëm se trajtimi vetë!

Mos përdorni sapun agresiv

Lani trupin me ujë të vakët, jo të nxehtë

Aplikoni hidratues menjëherë pas larjes

Shmangni rrobat e leshta ose najloni

Mbani thonjtë të shkurtër për të shmangur dëmtimin nga gërvishtja.

---

👨‍⚕️ Këshillohuni me alergologun tuaj për planin më të përshtatshëm të trajtimit.

🩺 Dr. Arben Ukimeri
alergolog imunolog
044 432 422
049 19 29 61

15/08/2026

13/08/2026

🐝 Alergjia ndaj helmit të Hymenopterave

🧪 Një rast i diagnostikuar në klinikën tonë:
Te një fëmijë 8-vjeçar, testi kutan për alergji ndaj helmit të Hymenoptera rezultoi pozitiv.

Pickimet nga bleta, grerëza dhe insekte të ngjashme mund të shkaktojnë reaksione alergjike, nga ënjtje lokale deri në anafilaksi.

📌 Testimi alergologjik dhe vlerësimi i historisë së reaksionit janë të rëndësishme për përcaktimin e rrezikut dhe trajtimin e duhur.

---

📲 Na ndiqni për më shumë këshilla alergologjike dhe imunologjike

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

11/08/2026

🌿 RAGWEED – BIMA QË MUND T’JU SHKAKTOJË ALERGJI TË FORTË! 🤧

A e dini se një bimë e vetme Ragweed (Ambrosia) mund të prodhojë deri në 1 miliard kokrra poleni? 😮

Poleni i saj është shumë i lehtë dhe përhapet lehtësisht në ajër, duke shkaktuar te personat alergjikë:
🤧 Teshtima të shpeshta
👃 Hundë të zëna ose rrjedhje të hundës
👁️ Kruarje dhe lotim të syve
😣 Kruarje të hundës dhe fytit
🫁 Përkeqësim të simptomave të astmës

📅 Kur shfaqet alergjia?
Ragweed zakonisht polenizon nga gushti deri në tetor, megjithëse periudha mund të ndryshojë sipas klimës dhe rajonit.

⚠️ Nëse çdo fundverë ose vjeshtë keni simptoma të përsëritura të hundës, syve ose astmës, mos e konsideroni thjesht “ftohje”.

🔬 Testimi alergjik mund të përcaktojë nëse jeni alergjik ndaj Ragweed dhe ndaj alergjenëve të tjerë.

💊 Trajtimi mund të përfshijë medikamente kundër alergjisë dhe, në raste të përshtatshme, imunoterapi specifike (vaksinim ndaj alergjisë) për një kontroll më afatgjatë të simptomave.

👉 A ju fillon alergjia çdo vit në muajt gusht–tetor? Mund të jetë poleni i Ragweed!
---
📲 Na ndiqni për më shumë këshilla alergologjike dhe imunologjike

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

10/08/2026

🚨 Alergjia ndaj susamit mund të shfaqet brenda vetëm pak minutash!

👶 Rast klinik – fëmijë 2 vjeç

Vetëm 5 minuta pas konsumimit të një ushqimi të shpejtë me salcë, fëmija zhvilloi:
🔴 Enjtje të buzëve (angioedemë)
🔴 Urtikarie në lëkurë

Për të identifikuar alergjenin përgjegjës, në Klinikë tonë u krye testimi Prick-by-Prick me të gjithë përbërësit e salcës.
🧪 Rezultati: Susam ++++

Fotografia tregon reaksionin e theksuar pozitiv gjatë testimit me susam.

👉 Ky është një shembull tipik i një reaksioni alergjik të menjëhershëm ndaj ushqimit, ku simptomat shfaqen brenda pak minutash pas ekspozimit.

⚠️ Alergjia ndaj susamit nuk duhet neglizhuar. Edhe ekspozimi aksidental mund të shkaktojë reaksione të rëndësishme, ndaj është e domosdoshme që prindërit të dinë cilat ushqime duhet të shmangen dhe si të veprojnë në rast të një reaksioni të ri.

📌 Mesazhi për prindërit:
Nëse fëmija zhvillon urtikarie, enjtje të buzëve/gjuhës ose vështirësi në frymëmarrje menjëherë pas konsumimit të një ushqimi, kërkohet vlerësim alergologjik.

🧑‍⚕️ Identifikimi i saktë i alergjenit është hapi i parë drejt parandalimit të reaksioneve të ardhshme.
---

📲 Na ndiqni për më shumë këshilla alergologjike dhe imunologjike

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

09/08/2026

🟠 Pitiriasis Versicolor – Njollat që “shkëlqejnë” në verë! 🌞🟤

A keni vërejtur njolla të zbardhura ose kafe në trup, sidomos pas plazhit? Mund të jetë Pitiriasis Versicolor, një infeksion sipërfaqësor i lëkurës, që shkaktohet nga majatë (fungi) që zakonisht jetojnë në lëkurë por në kushte të caktuara shumohen më shumë.

📌 Si duket?

Njolla të vogla me ngjyrë të zbardhur, kafe ose rozë

Zakonisht në gjoks, shpinë, qafë dhe shpatulla

Mund të shoqërohen me kruarje të lehtë

Bëhen më të dukshme pas ekspozimit në diell (lëkura nuk nxin njëtrajtshëm)

📌 Pse shfaqet?

Djersitje e shtuar

Lagështirë dhe nxehtësi

Lëkurë me yndyrë

Sistem imunitar i dobësuar

✅ Si trajtohet?

Me shampo antifungale, sapune ose kremra të veçantë

Në raste më të rënda: trajtim oral me antifungale

Kujdes: njollat e zbardhura mund të zgjasin disa javë edhe pas shërimit

⚠️ Parandalimi është kyç!

Mbani lëkurën të thatë dhe të pastër

Vishni rroba pambuku

Përdorni trajtim lokal nëse keni pasur episode të mëhershme

💬 Nëse dyshoni për këtë gjendje, mos hezitoni të konsultoheni me:

Dr. Arben Ukimeri
alergolog imunolog
044 432 422
049 19 29 61

07/08/2026

Dermatitis Herpetiformis

Dermatitis Herpetiformis, është një sëmundje kronike e lëkurës e shkaktuar nga një reagim ndaj ngrënies së MIELLIT me GLUTEN.

Shumica dërrmuese e pacientëve me DH kanë gjithashtu një enteropati të ndjeshme ndaj Miellit me GLUTEN (Sëmundjen e CELIAKIS).

Puçërra ose flluska që kruhen shumë, shfaqen në të dyja anët e trupit, më shpesh në parakrahë afër bërrylave, si dhe në gjunjë, në të pasmet dhe përgjatë vijës së flokëve.

Puçërrat dhe flluskat e dermatitit herpetiformis (DH) ngjajnë me lezionet e herpesit, prej nga e ka marrë emrin "herpetiformis", por NUK shkaktohen nga Herpes Virusi.
Ato shkaktohen nga ngrënia e MIELLIT me GLUTEN.

Ndërsa njerëzit me DH kanë të njejtin rrezik për ndërlikime si njerëzit me sëmundje të CELIAKIS, 20% e njerëzve me DH do të kenë një biopsi normale të zorrëve.

Megjithatë, edhe pacientët me DH me biopsi normale të zorrëve dhe serologji normale për CELIAKI(test gjaku) do t'i përgjigjen një diete Pa GLUTEN.

Simptomat zakonisht shfaqen dhe zhduken, dhe DH zakonisht diagnostikohet gabimisht si ekzemë.

DH prek 10-15% të njerëzve me sëmundje të Celiakis. Pacientët me DH shpesh nuk kanë simptoma të tretjes. DH mund të prekë njerëzit e të gjitha moshave, por më së shpeshti shfaqet për herë të parë midis moshës 30 dhe 40 vjeç.

Simptomat zakonisht largohen pas një dietë të rreptë, Pa GLUTEN.

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

---

📲 Na ndiqni për më shumë këshilla alergologjike dhe imunologjike!

----