08/09/2026
عمرك سمعت عن حاجة اسمها Mindful Eating أو الأكل بوعي؟
يعني الطفل يكون مركز في الأكل نفسه، يحس بالجوع والشبع، ويستمتع بالطعم والقوام، بدل ما يكون مشغول بالموبايل أو التليفزيون.
أكبر غلطة ممكن تعمليها مع ابنك إنك تشغّليله الموبايل عشان تعرفي تأكليه.
يمكن الوجبة تخلص أسرع… لكن إنتِ كده بتعلّميه عادة غلط ممكن يصعب التخلص منها.
الأكل قدام الموبايل بيشتت الطفل عن أكله، وبيخليه مش منتبه لإشارات الجوع والشبع، وممكن يساهم في اضطراب عادات الأكل، وقلة الحركة وبالتالي زيادة فرص الإمساك، ومع بعض الأطفال ممكن يزيد مشاكل البطن الوظيفية.
