PNF WILD HUB

Directions
24/07/2026

දින තුනක් පුරා සිදුකළ අඛණ්ඩ මෙහෙයුමෙන් වන අලියා යළි නැගිට්ටවා වනාන්තරයට

දින තුනක් පුරා අඛණ්ඩව සිදු කළ ප්‍රතිකාර, රැකවරණය සහ මුදාගැනීමේ මෙහෙයුමේ ප්‍රතිඵලයක් ලෙස ගනේවාල්පොල ප්‍රදේශයේ මඩ වගුරක සිරව අසාධ්‍ය තත්ත්වයෙන් සිටි වන අලියා සාර්ථකව ගොඩට ගෙන නැගිටුවා, නැවත රක්ෂිත වනාන්තර ප්‍රදේශය වෙත යොමු කිරීමට හැකි විය.

මෙම සාර්ථක මෙහෙයුම සඳහා අනුරාධපුර පණ්ඩුලගම වනජීවී පශු වෛද්‍ය ඒකකයේ පශු වෛද්‍ය උදේශිකා මධුවන්ති මෙනවිය හා එම නිලදාරීන් කණ්ඩායම, ගනේවාල්පොල වනජීවී කාර්යාලයේ නිලධාරීන් සිවිල් ආරක්ෂක නිළදාරීන්ගේ එක්විය.

මෙම දුෂ්කර මෙහෙයුම සාර්ථක කර ගැනීම සඳහා සහයෝගය ලබාදුන් සියලුම රාජ්‍ය ආයතන, නිලධාරීන්, ප්‍රදේශවාසීන් පශුවෛද්‍ය වරුන් සහ සියලුම පාර්ශ්වයන් වෙත හෘදයාංගම ස්තූතිය පුද කරමු.

*
*
*
*
*
*

09/06/2026
02/06/2026

වැවුරුකන්නල පෙරහැරේ අලියෙක් කුලප්පු වී තිබෙනවා...


#වැවුරුකන්නල #පෙරහැර #වනඅලියා #අලියා #කුලප්පුව #ශ්‍රීලංකාව #උණුසුම්පුවත් #වනජීවී #අලිරැකගනිමු #පෙරහැර2026 #අලිආරක්ෂාව #වෛරල්වීඩියෝ #පුවත් #අදපුවත් #ශ්‍රීලංකාපුවත් 🐘🚨

30/05/2026

සෙට් එක ගානට වැඩේ කරලා... 🐱🐱🐱🐱

30/05/2026

මීට මාස කිහිපයකට පෙර, 01/23 දින හොරොව්පතාන – පත්තෑව ප්‍රදේශයේ නිවසක් ආසන්නයට පැමිණ සිටි තුවාල ලැබූ ඇත් පැටියෙකු පිළිබඳව කපුගොල්ලෑව වනජීවි නිලධාරීන්ට දැනුම් දී තිබුණා. ඒ අනුව වහාම ක්‍රියාත්මක වූ වනජීවි නිලධාරීන් සිද්ධිය සොයාබලා අනුරාධපුර වනජීවි පශුවෛද්‍ය ඒකකය වෙත තොරතුරු ලබා දී තිබෙනවා.

ඉන් අනතුරුව අනුරාධපුර වනජීවි පශුවෛද්‍යවරිය ඇතුළු නිලධාරීන් කණ්ඩායම එම ස්ථානයට පැමිණ ඇත් පැටවා නිර්වින්දනය කර ප්‍රතිකාර ආරම්භ කර තිබුණා. එහිදී අනාවරණය වූයේ වෙඩි පහර කිහිපයක් හේතුවෙන් ඇත් පැටවාගේ මුඛයට බරපතළ හානි සිදුව ඇති බවයි. එමෙන්ම සිරුර පුරාම වෙඩි තුවාල රැසක්ද නිරීක්ෂණය වී තිබුණා.

ඇත් පැටවා ඒ වනවිට සිටියේ අසාධ්‍ය තත්ත්වයකයි. එබැවින් අඛණ්ඩ ප්‍රතිකාර ලබාදිය හැකි ආරක්ෂිත ස්ථානයකට රැගෙන යාමට නිලධාරීන් මහත් පරිශ්‍රමයක් දරා කටයුතු කළා. දැඩි කැපවීමකින් හා අවධානයෙන් යුතුව එම ඇත් පැටවා සුරක්ෂිතව ප්‍රතිකාර සඳහා සුදුසු ස්ථානයකට ගෙන යාමට ඔවුන් සමත් වූවා.

දින කිහිපයක ප්‍රතිකාර වලින් අනතුරුව, වැඩිදුර සත්කාර සඳහා ඇත් පැටවා උඩවලව ඇත් අතුරු සෙවන වෙත රැගෙන යාමටද කටයුතු කර තිබුණා. මාස කිහිපයක් ගතව ඇති මේ වනවිට, එම ඇත් පැටවා යහපත් සෞඛ්‍ය තත්ත්වයකින් පසුවන බව දැනගැනීමට ලැබීම සතුටට කරුණක්.

ජීවිතයක් බේරාගැනීම වෙනුවෙන් දිවා රාත්‍රී නොබලා කැපවී සේවය කළ අනුරාධපුර හා උඩවලව වනජීවි පශුවෛද්‍යවරුන්ටත්, වනජීවි නිලධාරීන්ටත් අපගේ ගෞරවනීය ස්තූතිය පුද කරමු. 🙏💚




















27/04/2026

“වෙඩි වැදුණු වේදනාව…
ඒ වේදනාවෙන්ම උපන් බිය හා කෝපය…” 🐘💥The pain of the bullet…
The fear and anger it gave birth to.” 🐘💥

🐘 වෙඩි වැදී බරපතළ තුවාල ලැබූ වන අලියකුට සාර්ථක ප්‍රතිකාර

කහටගස්දිගිලිය කුඩා පට්ටිය - ප්‍රදේශයේ ඉදිරි දකුණු පාදයට වෙඩි තැබීමකින් බරපතළ තුවාල ලබා අසාධ්‍ය තත්වයේ සිටි වන අලියකුට ප්‍රතිකාර කිරීම ආරම්භ කර තිබේ.

මෙම ප්‍රතිකාර කටයුතු අනුරාධපුර වනජීවි පශුවෛද්‍ය උදේශිකා මදුවන්ති මෙනවිය ඇතුළු වෛද්‍ය කණ්ඩායම සහ කහටගස්දිගිලිය වනජීවි නිලධාරීන්ගේ මැදිහත්වීමෙන් සිදු කෙරිණි.

ප්‍රතිකාර සඳහා යාමේදී, අලියා අනපේක්ෂිත ලෙස කණ්ඩායම පසුපස පන්නා පහර දීමට කිහිප වරක් උත්සාහ කර ඇති අතර, එහිදී වෛද්‍ය උපකරණ බහාලුමක් වෛද්‍ය උපකරණ රැසක්ද සමග වන අලියා විනාශ කර දමනු ලැබුවා.

කෙසේ වෙතත්, මහත් පරිශ්‍රමයක් දරමින් අලියා නිර්වින්දනය කර තුවාලය පිරිසිදු කරමින් අවශ්‍ය ප්‍රතිකාර සාර්ථකව සිදු කිරීමට කණ්ඩායම සමත් වී ඇත.
. මෙම සටහන , විශේෂයෙන් මෙවැනි විඩියො කරනයන් දරාගත නොහැකි අයට පමණකි... අරමුණ හා යතාර්ථය..
👇👇👇👇👇👇👇👇👇👇👇👇👇

"ලේ වැගිරෙන සතෙකු අසලට යන්නටත් බය මිනිසුන් සිටින ලොවක, ඒ ලේ සහ සැරව තැවරුණු සිරුරු වැළඳගෙන ඔවුන් සුවපත් කරන දෑත් ලෝකයට පෙන්වීම මගේ වගකීමකි. එය ප්‍රදර්ශනයක් නොව, මනුෂ්‍යත්වයේ පරමාදර්ශයයි."

මගේ කැමරා කාචය මත වැටෙන සතෙකුගේ කඳුළු බිඳක් පාසා කියවෙන්නේ මානුෂීය අසාධාරණයේ කතාවයි. මා එය සමාජයට පෙන්වන්නේ, තවත් කඳුළු බිඳක් බිමට නොවැටෙන ලෝකයක් නිර්මාණය කිරීමට මිස, ඒ කඳුළින් මගේ මඩි තර කර ගැනීමට නොවන බව වටහා ගැනීමට තරම් ඔබ බුද්ධිමත් විය යුතුය."

කාරුණික නිවේදනයයි!

මා ජීවත් වන්නේ මාගේම වෘත්තියෙන් සහ දෑතේ වීරියෙන් මිස, අසරණ සතුන්ගේ දුක විකුණා කන්නට තරම් මා පහත් මානසිකත්වයක නැත. මා කරන්නේ නිහඬව දුක් විඳින සතුන් වෙනුවෙන් හඬක් නැගීම පමණි.

විශේෂයෙන්ම, සමාජ මාධ්‍ය තුළ 'සත්ත්ව කරුණාව' ප්‍රදර්ශනය කරමින්, තවකෙකු කරන සැබෑ මෙහෙවර දිරවා ගත නොහැකිව මට මඩ ගසන 'බොරු ආදරවන්තයින්ගේ' හදවත් තුළ ඇත්තේ මනුෂ්‍යත්වය නොව පිරිසිදු කුහකකමයි.

වන සතෙකුගේ වේදනාව පටිගත කිරීම වරදක් සේ දකින ඔබට, ලෝකයම අගයන වනජීවී වාර්තා චිත්‍රපට හෝ ඡායාරූප ශිල්පීන්ගේ නිර්මාණ වරදක් ලෙස නොපෙනෙන්නේ මන්ද?

සතෙකුට ප්‍රතිකාර කරන දර්ශනයක් පවා වරදක් ලෙස දකින්නේ නම්, වනයේ වෙසෙන සතුන්ගේ රූප රාමු පටිගත කිරීම පවා වරදක් විය යුතුය.

එසේ නොවන්නේ නම්, ඔබේ මේ විවේචනය පිටුපස ඇත්තේ සත්ත්ව කරුණාව නොව මගේ ගමන පිළිබඳව ඇති ඔබේම නොහැකියාව සහ ඊර්ෂ්‍යාවයි.

මේ දර්ශන රූගත කිරීමට කාලය සහ ශ්‍රමය කැප කරනවා සේම, වන සතුන්ගේ ඒ 'මරු කටට' යන්නට තරම් මගේ කශේරුකාව සවිමත් විය යුතුය. මෙම වීඩියෝ නරඹා අවසානයේ මඩ ගසන ඔබට ඒ හයිය නැති බව මා දනිමි.

මා සතුන් වෙනුවෙන් මෙන්ම, වන සතුන්ගෙන් පීඩා විඳින ජනතාව වෙනුවෙන් රහසේ කරන මෙහෙවර දන්නේ මා පමණි. එය සමාජගත කර ලකුණු දමා ගැනීමට තරම් මා ඔබේ මට්ටමට වැටෙන්නේ නැත.

ඔබ කොතරම් උසස් ලෙස ඇඳ පැළඳ, ආගම දහම සහ කරුණාව ගැන කතා කළත්, තවකෙකුගේ සේවය හෑල්ලු කරන ඔබේ වචන හරහා ඔබේ නිරුවත් ගතිගුණ මැනවින් දර්ශනය වේ. මගේ වීඩියෝ දෙස බලා 'පුස් විවේචන' කරනවාට වඩා, ඒවා නොබලා සිටීමට ඔබට පූර්ණ අයිතිය ඇත. ඔබේ කුහක මානසිකත්වය පිළිබඳව මා හට ඇත්තේ කණගාටුවක් පමණි!"







🇱🇰

ගිරිබාව – සේරුගස්වැවෙන් දැඩි අසාධ්‍ය තත්වයේ වන අලියකු හමුවෙයිඅද (12) උදෑසන ලැබුණු තොරතුරකට අනුව ගිරිබාව, සේරුගස්වැව ප්‍ර...
12/03/2026

ගිරිබාව – සේරුගස්වැවෙන් දැඩි අසාධ්‍ය තත්වයේ වන අලියකු හමුවෙයි

අද (12) උදෑසන ලැබුණු තොරතුරකට අනුව ගිරිබාව, සේරුගස්වැව ප්‍රදේශයේ දැඩි අසාධ්‍ය තත්වයකින් ඇද වැටී සිටි වන අලියකු ගිරිබාව වනජීවි නිලධාරීන් විසින් සොයාගෙන තිබෙනවා.

ඒ පිළිබඳව දැනුම් දීමෙන් අනතුරුව නිකවැරටිය වනජීවි පශුවෛද්‍ය ඉසුරු හේවාකෝට්ටගේ මහතා ඇතුළු වනජීවි පශුවෛද්‍ය ඒකකයේ නිලධාරී කණ්ඩායම එම ස්ථානයට පැමිණ අලියාට ප්‍රතිකාර කිරීම මේ වන විට ආරම්භ කර තිබෙනවා.

කෙසේ වෙතත් එම වන අලියා දැඩි අසාධ්‍ය තත්වයක පසුවන බව වාර්තා වන අතර, ගිරිබාව වනජීවි කාර්යාලයේ නිලධාරීන්, පශුවෛද්‍ය කණ්ඩායම සහ ප්‍රදේශවාසීන් එක්ව දැඩි වෙහෙසකර මෙහෙයුමක් සිදු කරමින් අලියාගේ ජීවිතය රැක ගැනීමට උත්සාහ ගනිමින් සිටී.

(අලි මරන්න එපා - මිනිස්සුන්ට මැරෙන්න දෙන්න එපා.. ).

WildlifeSriLanka








05/03/2026

වෙඩි තැබීමෙන් අසාද්‍යව සිටි වන අලියකුට ප්‍රතිකාර

රිටිගල කීරියගස්වැව -කැලෑබද ප්‍රදේශයක, වගා බිමක් ආසන්නයේ යම් රෝගී තත්ත්වයකින් අසාද්‍යව සිටි වයස අවුරුදු 30ක් පමණ වන අලියකු හමු වී තිබෙනවා.

ඒ පිළිබඳව දැනුම් දීමෙන් අනතුරුව අනුරාධපුර පණ්ඩුලගම වනජීවි පශුවෛද්‍ය උදේශිකා මදුවන්ති මෙනවිය ඇතුළු පශුවෛද්‍ය ඒකකයේ නිලධාරීන් හා රිටිගල වනජීවි නිලධාරීන් එක්ව එම අලියාට ප්‍රතිකාර ආරම්භ කර තිබෙනවා.

වනජීවි නිලධාරීන් පවසන්නේ එම වන අලියාගේ ඉදිරි වම් පාදයට සිදුවී ඇති වෙඩි තැබීමක් හේතුවෙන් ඔහු තුවාල ලබා ඇති අතර ඒ නිසා ඇවිදීමේ අපහසුතාවයට පත්ව සිටින බවයි.

එම හේතුවෙන් අලියාගේ තත්ත්වය සැලකිල්ලට ගනිමින් අඛණ්ඩව ප්‍රතිකාර ලබා දෙන බව පශුවෛද්‍ය වෛද්‍යවරිය වැඩිදුරටත් සඳහන් කළා.















25/01/2026

කට හිල් වෙන්නම වෙඩි තියලා. ඇග පුරා වෙඩි පහරවල් පොකුටු පිටින්.
මෙහෙම අපරාධ කරන්න පුලුවන් ද ඇත්තටම හිත් පිත් ඇති මිනිස්සුන්ට.

අලි මරන්න එපා- මිනිස්සුන්ට මැරෙන්න දෙන්න එපා.
===============================

හොරොව්පතාන -පත්තෑව ප්‍රදේශයේ නිවෙස් ආසානයට පැමිණි ඇත් පැටියෙක් පිලිබදව කපුගොල්ලෑව වනජීවි නිළදාරීන්ට දැනුම් දී ඇති අතර පසුව වනජීවි නිළදාරීන් ඒ පිලිබදව සොයාබලා පශුවෛද්‍ය එකකය වෙත දැනුම් දී තිබෙනවා.

ඉන් අනතුරුව අනුරාධපුර වනජීවි පශුවෛද්‍ය උදේශිකා මදුවන්ති මෙනවිය ඇතුලු නිළදාරීන් කණ්ඩායම පැමිණ ඇත් පැටවා නිර්වින්දනය කර ප්‍රතිකාර ආරම්භ කරනු ලැබූවා. එහිදි අනාවරණය වී ඇත්තේ ඇත් පැටවාගේ මුඛයට වෙඩි පහර කිහිපයක් තබා ඇති බවත් එයින් මුකයට හානි සිදු වී ඇති බවතය. එමෙන්ම ඇග පුරා වෙඩි පහර විශාල ප්‍රමාණයක්ද නිරීක්ෂණය වී තිබෙනවා.

පසුව ගත් තීරණ මත තිබූ අවම පහසුකම් සහිතව ඉතා ආරක්ෂිත ක්‍රමවේද අනුගමනය කරමින් වනජීවි නිළදාරීන් ඇත් පැටවා එම ස්තානයෙන් හොරොව්පතාන වනජීවි කාර්යාලයට රැගෙන ගියා.
)

.

© All Videos appearing in this page are the exclusive property of prasad namal fernando Aerial Videography and are protected underInternational Copyright laws..
©️All videos are copyrighted©️
2026 namal fernando

#මේකත්ජීවිතයක්




゚viralシalシ ᩣシ

22/01/2026

දත් බිඳෙනවා…
ලේ වහිනවා…
කෑගහන්නත් බැරි වේදනාව.
හක්කපටස් කෑ අලි පැටවා. 💔

==============================
මැදවච්චිය - යකාවැව ප්‍රදේශයේ අසාද්‍යව රැදී සිටි වයස අවු. 5ක පමණ වූ වනඅලියකු නිර්වින්දනය කර ප්‍රතිකාර සිදු කෙරිණ.

හක්කපටස් ආහාරයට ගැනීම හේතුවෙන් මුඛයට බරපතළ හනී වී ඇති අතර ආහාර හා ජලය ගැනීමට නොහැකිව අසාද්‍යව වී සිට එම අලිය හමු වී ඇත්තේ.

පසුව අනුරාධපුර පණ්ඩුලගම වනජීවි පශුවෛද්‍ය උදේශිකා මදුවන්ති මෙනවිය ඇතුලු වනජීවි පශුවෛද්‍ය ඒකක නිලදාරීන් හා මැදවච්චිය වනජීවි නිලදාරීන් මහත් පරිශ්‍රමයක් දරා එම අලි පැටවාට ප්‍රතිකාර සිදුකර තිබෙනවා.

පසු එම අලියා අනපේක්ෂිත අයුරින් නිළදාරීන් පසුපස ද එලවිය. ..


















Address


Opening Hours

Monday 08:00 - 14:00
Tuesday 08:00 - 14:00
Wednesday 08:00 - 14:00
Thursday 08:00 - 14:00
Friday 08:00 - 14:00
Saturday 08:00 - 14:00
Sunday 08:00 - 14:00

Website

Alerts

Be the first to know and let us send you an email when PNF WILD HUB posts news and promotions. Your email address will not be used for any other purpose, and you can unsubscribe at any time.

Shortcuts

  • Want your practice to be the top-listed clinic?

Share