GGSA Noordwestak

19/08/2026

Ons reis deur 2025 se verhale kom amper tot 'n einde.

Die laaste fotoverhale van 2025 is amper vertel… maar die herinneringe bly leef.

Elke verhaalkaart wat ons gedeel het, het ’n stukkie van iemand se familiegeskiedenis bewaar.

Al die verhale is steeds op ons Facebook-blad beskikbaar. Gaan lees dit gerus weer en ontdek die mense agter die foto’s.

Maar nou vra ons jou…
Het jy al aan jou eie familieverhale gedink?
Want elke familie het ’n verhaal.

Elke foto het ’n herinnering.
En elke herinnering verdien om bewaar te word.

18/08/2026

Do you want to write your own genealogical photo story but don't know where to begin? Do not fear, we are here to help you. Here is our tenth tip. Show emotion

Go dig up those old photo's and start writing. Every photo, memory and story forms part of our greater heritage. Write the story before it is lost forever.



Wil jy jou eie genealogiese fotoverhaal skryf, maar weet nie waar om te begin nie? Moenie bekommer nie, ons is hier om jou te help. Hier is ons tiende wenk. Toon emosie.

Gaan grawe daardie ou foto's uit en begin skryf. Elke foto, herinnering en storie vorm deel van ons groter erfenis. Skryf die storie voordat dit vir altyd verlore gaan.

17/08/2026

From a Cape Farm girl to a pioneering teacher and gifted entrepreneur, Johanna Gerryts proved that strength, creativity and resilience can shape generations.

Another precious story from the past. One of Jean Lampen's stories that was part of the Window to yesterday 2025.

Click on the link below for the story.
https://tinyurl.com/529mmdrr

14/08/2026

Venster op gister: Nuwe fotoverhale 2026/ Window to Yesterday new photostories

Die volgende vyf nuwe fotoverhale uit ons “Venster op gister” Fotoverhaalkompetisie word nou bekendgestel.

Ons deel vandag weer net die foto’s en titels van die verhale om jou nuuskierigheid te prikkel.

Watter een laat jou wonder: “Wat is die storie agter hierdie foto?”
Kyk gerus deur die vyf nuwe inskrywings en vertel ons: Watter verhaal se naam of foto trek jou aandag?

Na afloop van die beoordeling sal ons die volledige fotoverhale met julle deel.

Want elke familie het ’n verhaal wat verdien om onthou te word.

The next five new photo stories from our “Window on Yesterday” Photo Story Competition are now being introduced.
Today, again we are sharing only the photographs and titles of the stories to spark your curiosity.

Which one makes you wonder: “What is the story behind this photograph?”
Have a look at the five new entries and tell us:
Which story title or photograph catches your attention?

After the judging process has been completed, we will share the full photo stories with you.

13/08/2026

Nog ’n kosbare verhaal uit verlede jaar se “Venster op Gister”-stories…

“Jan Predikant”
deur Elmarie Weyers

Troufoto van Johannes Hendrik Spies en Catharina Jacomina Jouberta Terblanche (1920.04.13)

Die begrafnisrede met die teraardebestelling van my eggenoot, Michiel Louie (Mike) Weyers (*1953.03.29) se oupa aan moederskant, Johannes Hendrik SPIES het met dié dramatiese woorde op 24 Augustus 1975 in die Kangovallei NG Kerk begin:

“ʼn Seder van die Kango het geval!...‘n Boom geplant by die waterstrome, wat sy vrugte gee op sy tyd en neergestort het aan die hand van sy God….Stoere baanbreker, ʼn vrome vredemaker het ons vooruitgegaan.”

Hy was 78 jaar oud.
Mike, sy kleinseun, onthou sy oupa as ʼn besonder godsdienstige man. Vandaar sy bynaam: “Jan Predikant”.
“Jan Predikant” was die derde oudste van 8 kinders van Christoffel Frederik Jacobus SPIES en Dorothea Maria SCHOEMAN. Hy is gebore op 1897.04.22 en gedoop in die NGK Oudshoorn op 1897.06.06. Die noodlot het hom swaar op 1921.02.19 getref. Sy 20-jarige vrou, Catharina Jacomina Jouberta TERBLANCHE sterf 12 dae na die geboorte van sy eersteling, Catharina Jacomina Jouberta Spies. Sy was Mike se ma. Die rivier op hul plaas, Klein Le Roux’s Rivier in die distrik Oudtshoorn was in vloed en sy het ʼn tuisgeboorte gehad. In die proses het sy septisemie opgedoen en gesterf. Die pasgebore baba is deur sy vrou se ouers, Louis Johannes (Lewies) TERBLANCHE en Susanna Magdalena DU PREEZ grootgemaak. Dit is bewonderenswaardig, want hulle het self nog 8 kinders tussen die ouderdomme van 2 - 18 gehad.
“Jan Predikant” trou weer op 1922.01.17 te Oudtshoorn met sy eerste vrou se kleinniggie, Anna Lucia Terblanche van die plaas Voorbedacht te Matjiesrivier. Uit die huwelik is 4 kinders gebore. Hy het met tabak op die plaas Lentelus in die Oudtshoorn-distrik geboer. Daarbenewens het hy ook ʼn aandeel in die Spies Broers Tabakfabriek op Oudtshoorn gehad.
Mike onthou hoe sy oupa tot sy groot ontsteltenis in die middel van die grondpad tussen die plaas en Oudtshoorn gery het. Om die draaie is slegs die to**er gedruk om aankomende verkeer te waarsku dat hy in aantog was. Daar was ʼn verklaring vir sy manier van bestuur. Oupa Spies het groot geword met ʼn perdekar as vervoermiddel. Om draaie is ʼn klok gelui, sodat botsings met ander perdekarre vermy kon word.
Al wat sy kleinseun Mike vandag van sy oupa het, is ʼn stukkie tabak in sy oorspronklike verpakking.

12/08/2026

En die tweede gunsteling in ons Venster op Gister fotoverhaalprojek van 2025 is:

“Klein Karoo mense”

Hierdie besondere verhaal loop kop aan kop met ons gewilde Van der Merwe-familieverhaal.

Gaan lees ook hierdie venster na die verlede en ontdek die mense agter die foto.

Onthou om jou gunsteling verhaal te kies.

Die van der Merwe familie
of
Klein-Karoo mense

🌾 'n Venster na die verlede...
Klein-Karoo-mense
Deur Sam J Bach

Hierdie kosbare foto, geneem op Waaikraal in 1945, kom uit my ma, Grieta van der Vyver (later Basch), se fotoalbum. Haar eie langhand-byskrif agterop het die herinneringe vir toekomstige geslagte bewaar.

Net twee jaar later, op 28 Januarie 1947, sterf haar pa, Jan Abraham van der Vyver, en laat sy vrou, Martha, as weduwee op Waaikraal naby Laingsburg agter. Jan was 'n pionier wat in 1928 op die plaas begin boer het toe daar nog net 'n eenvoudige eenvertrekhuisie gestaan het. Met harde werk het hy 'n bestaan opgebou en lusernlande langs die Buffelsrivier laat floreer.

Die foto vang 'n besondere oomblik vas: kinders wie se name hul familie-erfenis weerspieël, jong mense wat later hul eie lewenspaaie sou stap, en 'n gesin wat diep gewortel was in die Klein-Karoo. Sommige sou boere word, ander verpleegsters of onderwysers, en een sou tragies jonk sterf. Selfs die verwoestende Laingsburg-vloed van 1981 sou later die familie se boerdery raak.

Vir my is hierdie nie net 'n ou foto nie – dit is 'n venster op die lewe, deursettingsvermoë en nalatenskap van die Van der Vyver-familie. Dit herinner ons daaraan hoe waardevol foto's en die stories agter hulle is. Sonder die byskrifte sou baie van hierdie geskiedenis verlore gegaan het.

Lees die volledige storie hier: https://tinyurl.com/3vpsvxbs
✨ Lees die storie. Onthou die nalatenskap. Ervaar die geskiedenis.

Onthou om jou fotoverhaal in te skryf vir ons Venster op Gister fotoverhaal kompetisie en help ons om jou erfenis te deel en te bewaar! Wie weet, miskien kan jou storie 'n prys ter waarde van R500 wen.

12/08/2026

Twee van ons gewildste Venster op Gister-fotoverhale loop kop aan kop met interaksies op facebook.
Hierdie twee verhale is meer as 14 000 keer elk besigtig.

Twee verhale.
Twee Families.
Twee vensters op gister.

“Die van der Merwe Familie:
" 'n Storie van deursettingsvermoë”
Geskryf deur Wikus Jooste
’n Verhaal van moed, keuses en die onuitwisbare spore wat mense in ons familiegeskiedenis laat.
en
Klein-Karoo mense
Deur Sam J. Basch
’n Reis terug na die Klein-Karoo waar mense, plekke en herinneringe saam ’n familie-erfenis vorm. (Die volledige storie vir Klein-karoo mense volg in ’n aparte plasing.)

Gaan lees albei verhale en vertel ons: Watter een is jou gunsteling in die kommentaar?

“Die Van der Merwe-familie”
of
“Klein-Karoo mense”

🌾 'n Venster na die verlede...
Die Van der Merwe-familie: ’n Storie van Deursettingsvermoë
Deur Wikus Jooste

Daar is families wie se geskiedenis nie net in datums en name geskryf is nie, maar in opoffering, verlies, liefde en deursettingsvermoë.

Die verhaal van die Van der Merwe-familie, uit my oorlede moeder se familie, begin met ’n hartverskeurende tyd ná die afsterwe van haar oupa, Frederick Christoffel van der Merwe, wat in 1941 tydens die Tweede Wêreldoorlog in diens van Suid-Afrika gesterf het. Binne maande verloor die kinders ook hul moeder, en hul lewens verander vir altyd.

Van broers en susters wat jonger kinders onder hul vlerk neem, tot die aangrypende oomblik waar die tweeling David en Sarel verskillende paaie kies – een op ’n motor en die ander op ’n perdekar – is hierdie ’n verhaal van hoe familie, geloof en vasberadenheid mense deur hul donkerste dae dra.

Hierdie is meer as net ’n stamboom. Dit is ’n nalatenskap van moed, opoffering en die onbreekbare bande wat geslagte aan mekaar verbind.

Lees die volledige storie hier: https://tinyurl.com/4cbj5ven
✨ Lees die storie. Onthou die nalatenskap. Ervaar die geskiedenis.

Onthou om jou fotoverhaal in te skryf vir ons Venster op Gister fotoverhaal kompetisie en help ons om jou erfenis te deel en te bewaar! Wie weet, miskien kan jou storie 'n prys ter waarde van R500 wen.

11/08/2026

Do you want to write your own genealogical photo story but don't know where to begin? Do not fear, we are here to help you. Here is our ninth tip. Focus on one central theme.

Go dig up those old photo's and start writing. Every photo, memory and story forms part of our greater heritage. Write the story before it is lost forever.



Wil jy jou eie genealogiese fotoverhaal skryf, maar weet nie waar om te begin nie? Moenie bekommer nie, ons is hier om jou te help. Hier is ons negende wenk. Fokus op een sentrale tema.

Gaan grawe daardie ou foto's uit en begin skryf. Elke foto, herinnering en storie vorm deel van ons groter erfenis. Skryf die storie voordat dit vir altyd verlore gaan.

09/08/2026

Vandag eer ons die vroue wat voor ons gekom het. Die moeders, oumas en voorouers wie se hande gewerk, harte liefgehad en stories bewaar het.
Mag ons hul stories onthou en met trots aan toekomstige geslagte oordra.