StemGen Partners.

03/11/2026

Njihuni me Iridën!

Drejtore e Klinikës | Stemgen Partners Medical Clinic
🎓 MSc në Shkenca Juridike

Me ekspertizë në të drejtën kontraktuale, mbrojtjen e të dhënave personale dhe etikën ndërkombëtare, Irida mbikëqyr standardet ligjore, etike dhe organizative të klinikës.

Ajo luan një rol kyç në koordinimin e bashkëpunimeve me laboratorët ndërkombëtarë, duke garantuar profesionalizëm, konfidencialitet dhe respektimin e të drejtave të pacientëve.

🧬 Sepse diagnostika gjenetike cilësore kërkon jo vetëm shkencë të avancuar, por edhe standarde të larta etike dhe profesionale.

29/10/2026

26/10/2026

Vonesa në të folur, vështirësitë në zhvillimin neurologjik dhe çrregullimi i spektrit të autizmit mund të kërkojnë një vlerësim të individualizuar nga profesionistët shëndetësorë. Në raste të caktuara, analiza të specializuara laboratorike mund të ndihmojnë në eksplorimin e faktorëve të tjerë që lidhen me shëndetin e fëmijës.
FRAT®️ TEST – USA 🇺🇸

Një analizë gjaku që zbulon antitrupat ndaj receptorit alfa të folatit (FRα). Këta antitrupa mund të ndërhyjnë në transportin e folatit (vitamina B9) drejt trurit. Rezultati mund të ndihmojë mjekun të vlerësojë nëse nevojiten ekzaminime ose hapa të mëtejshëm klinikë.

🧪 MINERALOGRAMA – EHA | POLONI 🇵🇱

Një analizë e flokëve që mat 29 elemente, përfshirë minerale dhe elemente të caktuara të tjera. Raporti paraqet nivelet e elementeve të analizuara dhe marrëdhëniet ndërmjet tyre, duke ofruar informacion shtesë që duhet interpretuar në kontekstin klinik.
✨Pse kanë rëndësi këto analiza?

Sepse çdo fëmijë ka nevoja të veçanta dhe vlerësimi i kujdesshëm mund të ndihmojë në orientimin drejt hapave të mëtejshëm, sipas historikut dhe simptomave të tij.

📍 StemGen Partners ju informon dhe ju orienton për këto analiza të specializuara, në bashkëpunim me laboratorë ndërkombëtarë.

📩 Na kontaktoni për më shumë informacion mbi analizat dhe mënyrën e kryerjes së tyre.

\ Gjenetika ShëndetiIFëmijëve

09/10/2026

🎗️BRCA1 & BRCA2 | Njih rrezikun, kujdesu për të ardhmen.

Kanceri i gjirit nuk lidhet gjithmonë me trashëgiminë, por në disa raste, ndryshimet gjenetike të trashëguara mund të rrisin ndjeshëm rrezikun për zhvillimin e tij.

🧬 Analiza BRCA1 & BRCA2 identifikon variante gjenetike që lidhen me një rrezik të shtuar për kancerin e gjirit dhe vezoreve, si dhe për disa lloje të tjera kanceri, përfshirë atë të prostatës dhe pankreasit.

✨ Për kë rekomandohet?
• Për personat me histori familjare të kancerit të gjirit ose vezoreve.
• Për personat që dëshirojnë të njohin më mirë rrezikun e tyre gjenetik, pas këshillimit të përshtatshëm.

Njohja e informacionit gjenetik mund të ndihmojë në vlerësimin e rrezikut dhe në planifikimin e hapave të mëtejshëm për kujdesin ndaj shëndetit.

Njohja është fuqia jote. Sepse kujdesi për veten fillon me informacionin e duhur.

KanceriIGjirit Ndërgjegjësim

01/10/2026

🧬 A do t’i dallonit këto sindroma vetëm nga tiparet e tyre?

Çdo sindromë ka karakteristikat e veta — disa më të dukshme, të tjera më të vështira për t’u dalluar.

🔎 Njihni tiparet dhe mësoni të dalloni veçoritë kryesore të secilës sindromë, për të kuptuar më mirë karakteristikat që i veçojnë ato.

📌 Sepse njohja e shenjave të para është një hap i rëndësishëm drejt vlerësimit të duhur.

29/09/2026

🫀 29 Shtator – Dita Botërore e Zemrës

Zemra ka edhe një histori gjenetike. 🧬

Disa sëmundje dhe çrregullime kardiake mund të kenë bazë gjenetike dhe të jenë të trashëgueshme.

🔬 Panelet tona gjenetike përfshijnë vlerësimin e:

• Sëmundjeve të aortës
• Aritmive kardiake
• Kardiomiopative të trashëguara
• Sindromës Brugada
• Long QT & Short QT Syndrome
• Hipertensionit arterial pulmonar
• Fibrilacionit atrial
• Sëmundjeve strukturore kongjenitale kardiake
• Çrregullimeve gjenetike të kolesterolit dhe hiperlipidemisë
• Sindromave Marfan, Noonan dhe Ehlers-Danlos

🧬 Testimi gjenetik mund të ndihmojë në identifikimin e faktorëve gjenetikë të lidhur me sëmundjet kardiake dhe në orientimin e mëtejshëm të pacientit dhe familjes.

❤️ Sepse të njohësh historinë gjenetike të zemrës është një hap drejt një kujdesi më të informuar.

📩 Për më shumë informacion, na kontaktoni.

29/09/2026

🧬 Sindroma Down: sa herët mund të informohemi?

Sindroma Down është një ndryshim kromozomik i shkaktuar nga prania e një kopjeje shtesë të kromozomit 21.

🤰 Gjatë shtatzënisë,NIPT mund të përdoret si një test skrining jo-invaziv për të vlerësuar rrezikun për trisominë 21, së bashku me disa ndryshime të tjera kromozomike.

💚 Një analizë e thjeshtë gjaku nga nëna mund të japë informacion të rëndësishëm që në javët e hershme të shtatzënisë.

✨ Informohu herët. Kujdesu me më shumë informacion për çdo hap të shtatzënisë.

📩 Për të mësuar më shumë rreth testit NIPT, na kontaktoni.

PrenatalScreening GeneticTesting Pregnancy