14/08/2026
Kur problemet kapen herët, zgjidhja mund të jetë shumë më e thjeshtë. 🤍
Ka situata ku një fëmijë, për shkak të një keqkafshimi kompensues krijon aksidentalisht një keqpozicionim të nofullave që nis të stabilizohet si një tendencë rritje e pafavorshme.
Kur këto ndryshime vërehen në kohë, shpesh mund të krijohen kushtet që nofullat dhe muskujt të rigjejnë ekuilibrin më natyral nëpërmjet një ndërhyrje minimqle duke shmangur ndërhyrje më komplekse.
Prandaj monitorimi është po aq i rëndësishëm sa trajtimi.
Kontrolli periodik, rreth çdo 6 muaj, na ndihmon të:
• ndjekim rritjen e nofullave dhe daljen e dhëmbëve
• vëzhgojmë funksionin e kafshimit
• zbulojmë herët ndryshimet që mund të kërkojnë vëmendje
• ndërhyjmë vetëm kur është e nevojshme dhe në momentin e duhur
Pikërisht për këtë arsye, te Zana e Dhëmbit kemi vendosur të krijojmë një komunitet për ndjekjen dhe edukimin e fëmijëve, ku prindërit mund të jenë pjesë e një procesi të vazhdueshëm monitorimi, edukimi dhe parandalimi.
Qëllimi nuk është të trajtojmë më shumë.
Qëllimi është të kuptojmë më herët.
Të krijojmë kushtet që problemet, kur është e mundur, të parandalohen dhe, kur shfaqen, të kapen në fazat më të hershme — kur mundësitë e trajtimit janë shpesh më të thjeshta.
🤍 Ju ftojmë të bëheni pjesë e komunitetit tonë dhe të ndiqni të rejat, aktivitetet dhe projektet që do të zhvillojmë në kuadër të kësaj nisme.
Sepse rritja e shëndetshme nuk fillon kur shfaqet problemi.
Fillon duke e vëzhguar fëmijën në kohë.
