What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00 Saturday 09:30 - 18:00

Innova Clinic

Home
Armenia
Abovyan
Innova Clinic

Call Directions Website Contact the practice

Ժամանակակից բժշկակական կենտրոն՝ հասանելի յուրաքանչյուրին։
(1)

Առողջություն և երկարակեցություն։ Սրանք արժեքներ են, որոնք դարեր ի վեր եղել են մարդկության ուշադրության կենտրոնում։ Դարերի խորքից է գալիս նաև բժշկի նկատմամբ հատուկ վերաբերմունքը՝ որպես պատվավոր, բանիմաց, մշտապես օգնող ձեռք։

Ժամանակակից բժշկությունը բազում բարձունքների է հասել մարդկության առողջությունն ու երկարակեցությունն ապահովելու համար։ Այդ նպատակով գործադրվում են նորարարական տեխնոլոգիաներ, մասնագետ-բժիշկներն անում են ամեն ինչ՝ գիտելիքները հարստացնելու և մարդուն առողջություն պարգևելու համար։

Իննովակլինիկը, կիրառելով բժշկության ժամանակակից նվաճումները, դրանք հասցնում է փոքրիկ քաղաքի բնակիչներին՝ հավատարիմ մնալով բժշկի պատվաբեր մասնագիտությանը։

02/11/2026

🔬 «ԻՆՆՈՎԱ ԿԼԻՆԻԿ» ԲԺՇԿԱԿԱՆ ԿԵՆՏՐՈՆԻ ԱԽՏՈՐՈՇԻՉ ԼԱԲՈՐԱՏՈՐԻԱ

🩺 Ճշգրիտ ախտորոշում, հուսալի արդյունքներ և ժամանակակից բժշկություն՝ մեկ վայրում։

🧬 «Իննովա Կլինիկ» բժշկական կենտրոնի ախտորոշիչ լաբորատորիայում իրականացվում են կենսանմուշների տարբեր տեսակների լաբորատոր հետազոտություններ՝ ապահովելով հետազոտությունների բարձր որակ, ճշգրտություն և հուսալիություն։

👩🏻‍⚕️ ՊՐՈՖԵՍԻՈՆԱԼ ՄԱՍՆԱԳԵՏՆԵՐ

Հետազոտություններն իրականացվում են համապատասխան մասնագիտական կրթություն, անհրաժեշտ վերապատրաստումներ և աշխատանքային փորձ ունեցող որակավորված մասնագետների կողմից։

🔬 ՆՈՐԱԳՈՒՅՆ ՍԵՐՆԴԻ ՍԱՐՔԱՎՈՐՈՒՄՆԵՐ

Լաբորատորիան հագեցած է ժամանակակից, ամբողջովին ավտոմատացված բարձրակարգ սարքավորումներով, որոնք նպաստում են հետազոտությունների ճշգրտությանն ու արդյունքների հուսալիությանը։

🧪 ԲԱՐՁՐՈՐԱԿ ՌԵԱԳԵՆՏՆԵՐ ԵՎ ՈՐԱԿԻ ՎԵՐԱՀՍԿՈՂՈՒԹՅՈՒՆ

Անալիզատորներն աշխատում են փակ համակարգերով՝ օգտագործելով բացառապես բարձրորակ ռեագենտներ։

✅ Ռեագենտները պահպանվում են սահմանված ջերմաստիճանային պայմաններում և պարբերաբար ենթարկվում որակի վերահսկման՝ լաբորատոր հետազոտությունների հուսալիությունն ապահովելու նպատակով։

📞 ՀԵՐԹԱԳՐՄԱՆ ԵՎ ԼՐԱՑՈՒՑԻՉ ՏԵՂԵԿՈՒԹՅՈՒՆՆԵՐԻ ՀԱՄԱՐ՝

☎️ 060 38 00 38
📲 033 38 00 38
📲 095 38 00 38 (Viber,

31/10/2026

🔬 ՆՈՐՄԱԼ TSH-Ը ՄԻՇՏ ՉԷ, ՈՐ ԲԱՑԱՌՈՒՄ Է ՎԱՀԱՆԱՁԵՎ ԳԵՂՁԻ ԽՆԴԻՐՆԵՐԸ։

Մշտական հոգնածություն, քնկոտություն, մազաթափություն, քաշի ավելացում, չոր մաշկ և սառնության նկատմամբ զգայունություն․ այս ախտանիշները կարող են վկայել վահանաձև գեղձի ֆունկցիայի խանգարման մասին։

Իսկ ի՞նչ, եթե TSH-ը նորմալ է, FT4-ը՝ ցածր, իսկ Anti-TPO և Anti-Tg հակամարմինները՝ բարձր։ 🤔

Նման ցուցանիշները կարող են հուշել հորմոնային կարգավորման խանգարման և աուտոիմուն գործընթացի մասին, որոնք պարտադիր չէ, որ փոխկապակցված լինեն։

📌 Հիշե՛ք՝ միայն TSH-ի արդյունքը միշտ չէ, որ բավարար է։ Անհրաժեշտության դեպքում բժիշկը նշանակում է լրացուցիչ հետազոտություններ՝ պատճառը պարզելու և ճիշտ բուժման մոտեցում ընտրելու համար։

30/10/2026

🩸 ԿՈԱԳՈՒԼՈԳՐԱՄԱ․ Ի՞ՆՉ Է ՊԱՏՄՈՒՄ ԱՐՅԱՆ ՄԱԿԱՐԴԵԼԻՈՒԹՅԱՆ ՄԱՍԻՆ։

Արյան մակարդումը օրգանիզմի բնական պաշտպանական մեխանիզմներից է, որն օգնում է դադարեցնել արյունահոսությունը՝ վնասված անոթում թրոմբ ձևավորելով։

Սակայն մակարդման համակարգի խանգարումները կարող են հանգեցնել ինչպես արյունահոսությունների և կապտուկների առաջացման, այնպես էլ թրոմբագոյացման բարձր ռիսկի։

🔬 Կոագուլոգրաման լաբորատոր հետազոտություն է, որն օգնում է գնահատել արյան մակարդման համակարգի աշխատանքը։

Հետազոտությունը կարող է ներառել՝

▪️ Պրոթրոմբինային ժամանակ (PT), ՄՆՀ (INR)
▪️ Ֆիբրինոգեն
▪️ APTT
▪️ Թրոմբինային ժամանակ (TT)

📌 Կոագուլոգրաման հատկապես կարևոր է վիրահատություններից առաջ, անհասկանալի արյունահոսությունների դեպքում և մակարդման խանգարումների կասկածի ժամանակ։

Ժամանակին կատարված հետազոտությունը կարող է օգնել հայտնաբերել մակարդման համակարգի շեղումները և կանխել հնարավոր բարդությունները։

29/10/2026

Ցանկանո՞ւմ եք պարզել, թե երբ է հղիանալու ամենահավանական ժամանակահատվածը։

🔬 Ֆոլիկուլոմետրիան ուլտրաձայնային հետազոտություն է, որը թույլ է տալիս հետևել ձվարաններում ֆոլիկուլների աճին ու հասունացմանը, գնահատել օվուլյացիայի ընթացքը և որոշել դրա սպասվող ժամանակահատվածը։

📌 Ե՞րբ է խորհուրդ տրվում ֆոլիկուլոմետրիա անցնել։

✅ Օվուլյացիայի ժամանակահատվածը որոշելու համար
✅ Հղիության պլանավորման ընթացքում
✅ Անկանոն դաշտանային ցիկլի դեպքում
✅ Անպտղության պատճառների հետազոտման ընթացքում
✅ Օվուլյացիայի խթանման ընթացքը վերահսկելու համար

Պլանավորե՛ք ձեր հղիությունը՝ հիմնվելով ճշգրիտ հետազոտությունների և մասնագիտական խորհրդատվության վրա։

27/10/2026

Հորմոնալ հավասարակշռությունը կարևոր դեր ունի օրգանիզմի բնականոն գործունեության, նյութափոխանակության և վերարտադրողական առողջության պահպանման գործում։

🔬 Ստերոիդային պրոֆիլը համալիր լաբորատոր հետազոտություն է, որը հնարավորություն է տալիս գնահատել մի շարք հորմոնների մակարդակները և հայտնաբերել հնարավոր հորմոնալ խանգարումները։

Հետազոտության շրջանակում կարող են որոշվել՝

▪️ Կորտիզոլ – մասնակցում է սթրեսին օրգանիզմի արձագանքին և նյութափոխանակության կարգավորմանը։

▪️ Անդրոստենդիոն – մասնակցում է տեստոստերոնի և էստրոգենների առաջացմանը։

▪️ ԴՀԷԱ – մակերիկամներում արտադրվող հորմոն է, որը սեռական հորմոնների նախանյութերից է։

▪️ Տեստոստերոն – կարևոր է սեռական և վերարտադրողական առողջության, ինչպես նաև մկանային զանգվածի պահպանման համար։

▪️ Էստրադիոլ – մասնակցում է դաշտանային ցիկլի և վերարտադրողական համակարգի կարգավորմանը։

▪️ Պրոգեստերոն – կարևոր դեր ունի դաշտանային ցիկլի և հղիության պահպանման գործընթացներում։

Ե՞րբ կարող է նշանակվել հետազոտությունը։

✔️ Դաշտանային ցիկլի խանգարումների դեպքում

✔️ Անպտղության պատճառների ուսումնասիրության ընթացքում

✔️ Մակերիկամների և սեռական գեղձերի ֆունկցիայի խանգարումների կասկածի դեպքում

✔️ Հորմոնալ բուժման արդյունավետության գնահատման նպատակով

✔️ Վերարտադրողական առողջության համալիր գնահատման անհրաժեշտության դեպքում

Հետազոտության ցուցանիշները գնահատվում են անհատապես՝ հաշվի առնելով տարիքը, սեռը, կլինիկական գանգատները և դաշտանային ցիկլի փուլը։

Ճշգրիտ լաբորատոր ախտորոշումը կարևոր քայլ է հորմոնալ խանգարումների ժամանակին հայտնաբերման և համապատասխան բուժման ընտրության համար։

23/10/2026

🔬 Ի՞ՆՉ Է ՊԱՏՄՈՒՄ TSH ՀՈՐՄՈՆԸ ՁԵՐ ՕՐԳԱՆԻԶՄԻ ՄԱՍԻՆ

Վահանաձև գեղձը կարևոր դեր ունի նյութափոխանակության, էներգիայի փոխանակության, սրտի աշխատանքի և օրգանիզմի բազմաթիվ այլ գործընթացների կարգավորման մեջ։

Երբ վահանաձև գեղձի աշխատանքը խանգարվում է, օրգանիզմը կարող է տարբեր ազդանշաններ տալ։

🔹 Առանց ակնհայտ պատճառի հոգնածություն
🔹 Մաշկի չորություն և մազաթափություն
🔹 Քաշի փոփոխություններ
🔹 Սրտի ռիթմի փոփոխություններ
🔹 Քնի և տրամադրության խանգարումներ
🔹 Դաշտանային ցիկլի անկանոնություն

🧪 TSH-ի (թիրեոտրոպ հորմոն) որոշումը վահանաձև գեղձի ֆունկցիայի գնահատման առաջին քայլերից է։ Այն օգնում է հայտնաբերել հնարավոր հորմոնալ խանգարումները և անհրաժեշտության դեպքում որոշել հետագա հետազոտությունների անհրաժեշտությունը։

Հիշե՛ք՝ նույնիսկ աննշան թվացող գանգատները կարող են բժշկական գնահատման կարիք ունենալ։

📍 Հետազոտությունը կարող եք անցնել «Իննովա» բժշկական կենտրոնի լաբորատորիայում։

22/10/2026

Հղիության ընթացքում անհրաժեշտ հետազոտությունների ժամանակին կատարումը կարևոր է մոր և պտղի առողջության գնահատման համար։

Թերթի՛ր և իմացի՛ր, թե հղիության որ շաբաթում ինչ հետազոտություններ են անհրաժեշտ։

20/10/2026

🔬 Ինչո՞ւ նույն հետազոտության արդյունքները կարող են տարբեր լինել տարբեր լաբորատորիաներում։

Երբեմն նույն հետազոտությունը տարբեր լաբորատորիաներում հանձնելիս ստանում ենք միմյանցից տարբերվող ցուցանիշներ։ Սակայն արդյո՞ք դա միշտ նշանակում է, որ արդյունքներից մեկը սխալ է։

Պարտադիր չէ։

Լաբորատոր հետազոտության արդյունքի վրա կարող են ազդել մի շարք գործոններ՝

▪️ Կիրառվող հետազոտական տեխնոլոգիաներն ու մեթոդները
▪️ Սարքավորումների և ռեագենտների առանձնահատկությունները
▪️ Նմուշի վերցման, պահպանման և տեղափոխման պայմանները
▪️ Հետազոտության հանձնման ժամը և պացիենտի նախապատրաստվածությունը
▪️ Լաբորատորիաների սահմանած ռեֆերենսային միջակայքերը

📌 Կարևոր է հիշել. Տարբեր արդյունքները միշտ չէ, որ վկայում են լաբորատոր սխալի մասին։ Դրանք պետք է գնահատել՝ հաշվի առնելով կիրառված մեթոդը, հետազոտության պայմաններն ու կլինիկական պատկերը։

Հետազոտությունների արդյունքների հուսալիությունն ապահովելու համար կարևոր են որակի վերահսկման համակարգը, ստուգված սարքավորումները և լաբորատոր գործընթացների պատշաճ կազմակերպումը։

Ճշգրիտ ախտորոշումը սկսվում է վստահելի լաբորատոր հետազոտությունից։

18/10/2026

🩸 HbA1c. Ի՞նչ է պատմում գլիկոլիզացված հեմոգլոբինը Ձեր առողջության մասին։

Արյան մեջ գլյուկոզայի մակարդակը օրվա ընթացքում կարող է փոփոխվել՝ կախված սննդից, ֆիզիկական ակտիվությունից, սթրեսից և այլ գործոններից։

Ի տարբերություն գլյուկոզայի մեկանգամյա չափման՝ գլիկոլիզացված հեմոգլոբինի (HbA1c) հետազոտությունն արտացոլում է արյան մեջ գլյուկոզայի միջին մակարդակը վերջին 2–3 ամիսների ընթացքում։

🔬 Ե՞րբ է խորհուրդ տրվում կատարել հետազոտությունը։

▪️ Մշտական հոգնածության և հաճախակի ծարավի դեպքում
▪️ Հաճախամիզության կամ տեսողության մշուշման դեպքում
▪️ Ավելորդ քաշի և նստակյաց կենսակերպի առկայության դեպքում
▪️ Շաքարային դիաբետի ընտանեկան պատմության դեպքում
▪️ Նախկինում հղիության ընթացքում շաքարային դիաբետ ունենալու դեպքում

Ի՞նչ հնարավորություն է տալիս HbA1c հետազոտությունը։

✓ Հայտնաբերել նախադիաբետը և նպաստել շաքարային դիաբետի վաղ ախտորոշմանը
✓ Գնահատել գլյուկոզայի երկարաժամկետ վերահսկումը
✓ Հետևել նշանակված բուժման արդյունավետությանը
✓ Նվազեցնել բարդությունների զարգացման ռիսկը՝ ժամանակին վերահսկման միջոցով

Հիշե՛ք՝ շաքարային դիաբետը կարող է երկար ժամանակ զարգանալ առանց արտահայտված ախտանշանների։

Ժամանակին կատարված հետազոտությունը կարևոր քայլ է առողջության պահպանման համար։

16/10/2026

🔵 ՍՊԵՐՄՈԳՐԱՄԱ․ ՍԵՐՄՆԱՀԵՂՈՒԿԻ ԿԼԻՆԻԿԱԼԱԲՈՐԱՏՈՐ ՀԵՏԱԶՈՏՈՒԹՅՈՒՆ

Սպերմոգրաման տղամարդու վերարտադրողական առողջության գնահատման հիմնական հետազոտություններից է, որը հնարավորություն է տալիս գնահատել սերմնահեղուկի որակական և քանակական ցուցանիշները։

‼️ Ե՞րբ է ցուցված հետազոտությունը

🔹 Առաջնային կամ երկրորդային անպտղության դեպքում
🔹 Հղիության պլանավորման փուլում
🔹 Վերարտադրողական համակարգի հիվանդությունների կասկածի դեպքում
🔹 Հորմոնալ խանգարումների առկայության դեպքում
🔹 Վիրահատություններից կամ բուժումից հետո՝ վերահսկման նպատակով
🔹 Սերմնահեղուկի ցուցանիշների փոփոխությունները գնահատելու համար

🧪 Ի՞նչ է գնահատվում հետազոտության ընթացքում

🔹 Սերմնահեղուկի ծավալը և ֆիզիկական հատկությունները
🔹 Սպերմատոզոիդների կոնցենտրացիան և ընդհանուր քանակը
🔹 Շարժունակությունն ու կենսունակությունը
🔹 Սպերմատոզոիդների մորֆոլոգիան (կառուցվածքը)

📝 Ինչպե՞ս նախապատրաստվել հետազոտությանը

🔸 Պահպանել սեռական ժուժկալություն՝ 2–7 օր (հաճախ՝ 3–5 օր)։
🔸 Հետազոտությունից առաջ խուսափել ալկոհոլից, շոգեբաղնիքից և գերտաքացումից։
🔸 Ընդունվող դեղամիջոցների, հատկապես հակաբիոտիկների և հորմոնալ պատրաստուկների մասին նախապես տեղեկացնել բժշկին։

⚕️ Ճիշտ նախապատրաստումը կարևոր է հետազոտության հուսալի արդյունքներ ստանալու համար։

Սպերմոգրամայի արդյունքները պետք է գնահատվեն մասնագետի կողմից՝ հաշվի առնելով նաև կլինիկական տվյալները։

Address

1/24 Yerevanyan
Abovyan
2207

Opening Hours

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00
Saturday	09:30 - 18:00

Telephone

+37460380038

Website

http://www.innova.am/

Alerts

Be the first to know and let us send you an email when Innova Clinic posts news and promotions. Your email address will not be used for any other purpose, and you can unsubscribe at any time.