26/07/2026
Bir çox valideynlər körpələrinin dərisinə necə düzgün qulluq etməli olduqları barəsində düşünürlər. Həqiqətən də, körpələrin dərisi çox həssasdır. Günəş şüaları, soyuq hava və külək kimi xarici amillər körpənin zərif dərisini daha da həssas edə bilər və üz, bədən dərisinin quruluğuna səbəb ola bilər. Quru dəri isə xüsusilə həssasdır və gündəlik nəmləndirməyə ehtiyac duyur. Bu isə onu ətraf mühitin qıcıqlandırıcı təsirindən qorumağa kömək edir.
💡 Quru dəriyə qulluq üzrə vacib məsləhətlər:
↬ Körpənizin bezini tez-tez dəyişin və dərisini yumşaq şəkildə qurudun;
↬ Körpəni həftədə 3 dəfədən çox çimizdirməyin;
↬ Həddindən artıq isti su dərini daha da quruda bilər;
↬ Vannaya bir az badam yağı əlavə edin və sabunsuz, yüksək yağ tərkibli vasitələrdən istifadə edin;
↬ Allergiyanın qarşısını almaq üçün körpə paltarlarını hipoallergen yuyucu tozla yuyun;
↬ Dərinin nəfəs almasına imkan verən pambıq geyimlər seçin;
↬ Körpənizi günəş şüalarının zərərli təsirindən qoruyun;
↬ Əgər körpənizin dərisi çox qurudursa, mütləq nəmləndirici məhsullardan istifadə edin.
Daha nələri bilməlisiniz? 🤔
❄️ Qışda:
Soyuq və külək səbəbindən olan quruluq dəridə qızartılar və çatlar əmələ gətirir. Xarici amillərin təsiri ilə yaranan dəri problemlərində qidalandırıcı və qoruyucu kremlərdən ən azı gündə bir dəfə, xüsusilə də hər gəzintidən əvvəl istifadə edin.
🌞 Yayda:
Günvurma və susuzluğun qarşısının alınması üçün körpələr birbaşa günəş şüaları altında olmamalıdır. Körpənin müntəzəm olaraq kifayət qədər su içməsinə nəzarət edin və isti səbəbindən orqanizmin susuz qalmasına yol verməyin. Körpəni günəşdən qorumaq üçün ona gün eynəyi və yüngül pambıq geyimlər geyindirin. Sonda isə mütləq yüksək SPF-li günəşdən qoruyucu kremdən istifadə edin.
Məlumat və online sifariş üçün:
https://aptekonline.az/products/392
Sifariş və məlumat üçün:
📞 *7700
📱 077 746 77 00 / 077 753 77 00
🌐 aptekonline.az
