Dr.Eithar Mahfouz

Dr.Eithar Mahfouz د.إيثار محفوظ
استشارية الصحة النفسية والإرشاد الأسري
Psychological Health and
Family Counseling Consultant
Certified Health Coach
wa.me/+201001118679

29/08/2026

#الضمير
في صورته الطبيعية بيكون مرشد داخلي، بيعلّمنا نميز الصح من الغلط.
لكن لما يكون متأثر بصدمات الطفولة، بيتحوّل لصوت قاسي.
صوت ما بيعرفش يرحم، وما بيسمحش بالغفران.
والنتيجة إن الشخص يفضل في لوم ذات دائم، فاكر إن ده صلاح، بينما هو في الحقيقة إعادة تمثيل لظروف قديمة أثرت على صورته عن نفسه.


29/08/2026

في الرهاب الاجتماعي، أكتر حاجة بتوجع إنك تبقى محاصر جوا جسمك.
إيدك بتترعش، صوتك بيتغير، وعينك مش قادرة تثبت.
بيستخدم حاجة اسمها التعرض التدريجي.
يعني تواجه الموقف اللي بيخوفك خطوة بخطوة، من الأصغر للأكبر.
مثلاً تبدأ تسأل سؤال بسيط في محل، بعدين تحكي فكرة قصيرة قدام حد قريب.
كل مرة بتعدي بسلام، المخ بيتعلم إن الخطر مش بالحجم اللي متصوره.
ومع الوقت، الخوف بيقل والحرية بتكبر.


29/08/2026

مفيش حد فينا كامل، بس في فرق كبير بين اللي بيعترف بنقطة ضعفه وبيحاول يتغير، وبين اللي متمسك بعناده وبيدوس على غيره عشان يبان أقوى.
القوة الحقيقية مش إنك ما تقعش، القوة إنك تبقى عارف إنك وقعت… وتقوم.


29/08/2026

#الخوف من الجديد مش ضعف، هو انعكاس لجرح قديم.
العقل بيقول:
الألم اللي نعرفه أحسن من اللي ما نعرفهوش.
فتلاقي نفسك بترجع لنفس العلاقات، نفس العادات، نفس الدواير.
حتى لو عارف إنها بتوجع، بتديك إحساس بالسيطرة.
لكن الاستسلام ده بيمنعك من الشفاء.
والخطوة الأولى للتغيير إنك تعترف إن الراحة الزائفة مش أمان حقيقي.


28/08/2026

أكتر حاجة محتاجها أي إنسان وهو بيعدي بمحنة…
إن حد يصدّقه.
لأن التصديق بيريّح الروح من فكرة الدفاع المستمر عن النفس.


28/08/2026

ما تسيبش القلق يسرق أيامك…
هو دايمًا هيحاول يخوفك من بكرة، ويحبسك في ذكريات امبارح.
ركز في النهارده، هو ده اللي معاك بجد.


27/08/2026

ليس عليك أن تكون متماسكًا طوال الوقت.

حتى الأشخاص الأقوياء
يمرّون بأيام يحتاجون فيها أن يستندوا إلى أحد.


27/08/2026

أحيانًا يكون الصمت الذي تظنه ضعفًا
هو الطريقة الوحيدة التي تحاول بها نفسك أن تحميك.

اسمعها قبل أن تحكم عليها.


27/08/2026




في لحظة معينة من عمرنا ممكن نصحى ونكتشف إن الطريقة اللي كنا بنشوف بيها نفسنا والعالم حوالينا ما كانتش مظبوطة من الأساس.
الأفكار اللي عشْنا بيها سنين طويلة واللي افتكرناها حقائق عن نفسنا أو عن الناس ممكن تكون مجرد مفاهيم معرفية مغلوطة.
العلاج المعرفي السلوكي بيعلّمنا إزاي نفكّر ونراجع أفكارنا بشكل واعي.
يعني بدل ما نمشي ورا الصوت الداخلي اللي بيقول أنا فاشل أو محدش هيقبلني أو أنا طول عمري غلط، بنتعلم نقف ونواجه: هل الفكرة دي حقيقة؟
ولا مجرد افتراض متشبع بالخبرات القديمة والألم؟
بعد فترة من التدريب والمراجعة بيحصل تحول حقيقي.
بنشوف إن اللي كنا عايشين بيه مش بيوصف الواقع بل بيضلله. واللي بيحصل وقتها إن علاقتنا بنفسنا بتبدأ تتحسن.
ثقتنا في نفسنا ترجع تتبني من جديد.
قدرتنا على الدخول في علاقات صحية تزيد لأننا ماعدناش بنحاكم الناس بعُقدنا القديمة.
التغيير مش سهل ولا سريع لكنه ممكن. وإعادة صياغة الأفكار هي الخطوة الأولى في رحلة تعافي طويلة لكنها تستحق.


26/08/2026

كم مرة قلت لنفسك:
كان لازم أكون أقوى؟

ربما كنت تحتاج وقتها
أن تقول:
كان لازم أكون أرحم بنفسي.


Address

Cairo

Telephone

+201001118679

Website

Alerts

Be the first to know and let us send you an email when Dr.Eithar Mahfouz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category