Coach Alaa Abu Auf

Coach Alaa Abu Auf لايف كوتش واخصائي تعديل السلوك معتمد من جامعة عين شمس، مدرب من 2013، وخريجة الـ NTA.

مَن لا يُجيد فن الراحة لا يُجيد فن العمل!الموضوع مش إنك تفضل طاحن نفسك طول اليوم، الشطارة الحقيقية إنك تعرف إمتى تفصل عل...
25/08/2026

مَن لا يُجيد فن الراحة لا يُجيد فن العمل!

الموضوع مش إنك تفضل طاحن نفسك طول اليوم، الشطارة الحقيقية إنك تعرف إمتى تفصل علشان تقدر تكمل...💚
ولو مستني الدنيا تهدى أو اللي حواليك يدوك مساحة علشان ترتاح، للأسف مش هترتاح!
مافيش حاجة اسمها "لما الدنيا تفضى" ولا "لما ييجي الوقت المناسب"،
لإن الراحة مش هدية البيئة بتهديهالك، لكنها قرار إنت اللي بتاخده، وخصوصًا فـ أكتر وقت أنت مزحوم ومضغوط فيه.

لما تقول "مفيش وقت أرتاح فيه"، إنت كده بتسحب من رصيد جسمك وعقلك على المكشوف، والنتيجة؟ عمرك ما هتقدر تطلع جودة كويسة، لا فـ شغلك ولا فـ حياتك...

افتكر دايمًا:
الراحة مش رفاهية: ديه صيانة أساسية لروحك وعقلك.
إنت اللي بتصنع المساحة: بلاش انتظار إن الظروف تتظبط، رتب إنت أولوياتك وقدم لنفسك حقها.

إفصل، إرتاح،
وارجع بروقان وحضور حقيقي.🩵🫰


من أهم المهارات اللي اتعلمتها في حياتي..كانت مهارة "النجاة"...🕊️❤️‍🩹والنجاة هنا مش معجزة سينمائية ولا إنك تعدي من كارثة ...
21/08/2026

من أهم المهارات اللي اتعلمتها في حياتي..كانت مهارة "النجاة"...🕊️❤️‍🩹

والنجاة هنا مش معجزة سينمائية ولا إنك تعدي من كارثة كبيرة، لكنها النجاة اليومية الهادية.. النجاة من الأفكار اللي بتستهلك طاقتك وتسرق منك سلامك النفسي وراحتك.

النجاة إنك ترحم نفسك من جلد الذات، وتسامحها على قرارات قديمة أخدتها بوعيك بتاع زمان...

إنك تنجو من المقارنات ومن الضغط اللي بيخليك تحس طول الوقت إنك متأخر أو مطلوب منك تشيل كل حاجة وتفضل ماشي بأقصى طاقتك من غير ما تشتكي.

النجاة الحقيقية مش إنك تتفادى الوقوع، لكن إنك لما تقع تعرف إزاي تطمن نفسك جوا العاصفة، وتسند روحك بهدوء من غير ما تضغط عليها،

إنك تفهم إن الصحة النفسية مش كمال ولا إنجاز، هي بس إنك تتعلم إزاي تخرج من زحمة اليوم بقلب خفيف وسلام داخلي، ومُمتن لكل خطوة بسيطة بتعديها.

لما تتقبل إنسانيتك وإنك شخص عادي وتسمح لنفسك تاخد استراحة حتى لو مخلصتش الانجاز الكبير... ساعتها بس هتكتشف إنك بتمارس مهارة النجاة بمنتهى الوعي والبساطة. 💚🫰


قبل ما تنصح... اسندوقبل ما تعدّل سلوك، ابني علاقة...الطفل مش محتاج مربي مثالي، لكنه محتاج مربي حاضر وموجود، يحس معاه إنه...
17/08/2026

قبل ما تنصح... اسند
وقبل ما تعدّل سلوك، ابني علاقة...

الطفل مش محتاج مربي مثالي، لكنه محتاج مربي حاضر وموجود، يحس معاه إنه مقبول ومحبوب فـ كل أوقاته.❤️‍🩹🫰


قبل ما تجري... ارتاح.وقبل ما تقاوم مشاعرك، افهم هي جاية تقولك إيه؟!إنت مش محتاج تكون قوي طول الوقت، لكن محتاج تكون رحيم ...
14/08/2026

قبل ما تجري... ارتاح.
وقبل ما تقاوم مشاعرك، افهم هي جاية تقولك إيه؟!

إنت مش محتاج تكون قوي طول الوقت، لكن محتاج تكون رحيم مع نفسك، وتسمحلها تضعف وتستريح علشان تقدر تكمل...

وده لإن التعافي مش رحلة سباق، التعافي مساحة أمان بتكتشف فيها نفسك بالوعي والقبول الذاتي.🩵🫰


«احتفل بنفسِك..لا أحدَ يعلمُ ما الذي كلَّفكِ لتكون بهذِه القوّة!».❤️‍🩹محدش عارف كم المعارك الصامتة اللي خضتها لوحدك، ولا...
07/08/2026

«احتفل بنفسِك..
لا أحدَ يعلمُ ما الذي كلَّفكِ لتكون بهذِه القوّة!».❤️‍🩹

محدش عارف كم المعارك الصامتة اللي خضتها لوحدك، ولا كم المرات التي اتهزمت فيها فـ الخفاء، ثم جمعت شتات نفسك وقمت من جديد بدون أي دوشة!

فـ رحلة السعي بننسى أحيانًا نقف ونبص ورانا، بننسى نقدّر خطوة الصمود اللي طوينا بيها أيام صعبة...

والاحتفال بنفسك مش غرور، ولا رفاهية:
🌱 لكنه امتنان لكرم ربنا ونعمه عليك، ثم لصبرك وطولة بالك اللي جت بصعوبة.
🌱 هو اعتراف إنساني منك إنك تعبت، وعافرت، ولسه مستمر رغم كل التعب.
🌱 زاد لروحك علشان تقدر تكمل باقي الطريق بوعي وخفة.

طبطب على قلبك، واشكر ربنا على كل محاولة خفية محدش شافها ومكنش شهيد عليها غير ربنا، أنت تستحق تقدير من نفسك قبل ما تستناه من أي حد تاني.🩵🫰


هتدرك مع مرور الوقت والرحلة، إن الإنسان—بعد توفيق الله —هو النتاج الحقيقي لكل خطوة سعي، وكل لحظة صبر، وكل استمرار رغم ال...
04/08/2026

هتدرك مع مرور الوقت والرحلة، إن الإنسان—بعد توفيق الله —هو النتاج الحقيقي لكل خطوة سعي، وكل لحظة صبر، وكل استمرار رغم التعب...❤️‍🩹

الحياة المتزنة والهدوء، والنسخة اللي بنتمناها... مش بتتولد فـ لحظة حظ صدفة، بل تُصنع وعيًا بوعي، وتُبنى بقرارات صغيرة يومية، وعادات بسيطة نبنيها بثبات، ومحاولات خفية يسندها التوكل ولا يراها سوى الله...

محاولات لا يعلم مدى صعوبتها أحد!

نحن اليوم لا نعيش إلا حصاد ما زرعناه بالأمس؛ فاحرص على ما تزرعه في يومك، لتسعد بما تجنيه غدًا.🩵🫰


مش هنعرف نصلح أي علاقة برة.. قبل ما نصلح علاقتنا بنفسنا الأول...❤️‍🩹الوعي مش رفاهية؛ الوعي هو أول وأهم خطوة للتعافي من أ...
03/08/2026

مش هنعرف نصلح أي علاقة برة.. قبل ما نصلح علاقتنا بنفسنا الأول...❤️‍🩹

الوعي مش رفاهية؛ الوعي هو أول وأهم خطوة للتعافي من أي حاجة مرينا بيها،
ولما بنفهم نفسنا وبنتعافى بجد، بنقدر بعد كده نكون أمهات أهدى، وزوجات أوعى، وصحاب أقرب، وشريكات حياة أقدر على التعامل مع المجتمع والناس من حوالينا بشكل صحي.

الرحلة بتبدأ دايمًا من جوة.🩵🫰


تذكرت قول معاذ ابن جبل رضي الله عنه:«كنتُ معَ النَّبيِّ صلَّى اللَّهُ علَيهِ وسلَّمَ في سفَرٍ ، فأصبَحتُ يومًا قريبًا من...
26/07/2026

تذكرت قول معاذ ابن جبل رضي الله عنه:

«كنتُ معَ النَّبيِّ صلَّى اللَّهُ علَيهِ وسلَّمَ في سفَرٍ ، فأصبَحتُ يومًا قريبًا منهُ ونحنُ نَسيرُ، فقلتُ: يا رسولَ اللَّهِ أخبرني بعمَلٍ يُدخِلُني الجنَّةَ ويباعِدُني من النَّارِ، قالَ: لقد سألتَني عَن عظيمٍ، وإنَّهُ ليسيرٌ على من يسَّرَهُ اللَّهُ علَيهِ، تعبدُ اللَّهَ ولا تشرِكْ بِهِ شيئًا، وتُقيمُ الصَّلاةَ، وتُؤتي الزَّكاةَ، وتصومُ رمضانَ، وتحجُّ البيتَ، ثمَّ قالَ: ألا أدلُّكَ على أبوابِ الخيرِ: الصَّومُ جُنَّةٌ، والصَّدَقةُ تُطفي الخطيئةَ كما يُطفئُ الماءُ النَّارَ، وصلاةُ الرَّجلِ من جوفِ اللَّيلِ قالَ: ثمَّ تلا تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ، حتَّى بلغَ يَعْمَلُونَ، ثمَّ قالَ: ألا أخبرُكَ بِرَأسِ الأَمرِ كلِّهِ وعمودِهِ ، وذِروةِ سَنامِهِ؟ قلتُ: بلى يا رسولَ اللَّهِ، قالَ: رأسُ الأمرِ الإسلامُ، وعمودُهُ الصَّلاةُ، وذروةُ سَنامِهِ الجِهادُ، ثمَّ قالَ : ألا أخبرُكَ بملاكِ ذلِكَ كلِّهِ ؟ قُلتُ : بلَى يا رسولَ اللَّهِ، قال : فأخذَ بلِسانِهِ قالَ: كُفَّ عليكَ هذا، فقُلتُ: يا نبيَّ اللَّهِ، وإنَّا لمؤاخَذونَ بما نتَكَلَّمُ بِهِ؟ فقالَ: ثَكِلَتكَ أمُّكَ يا معاذُ، وَهَل يَكُبُّ النَّاسَ في النَّارِ على وجوهِهِم أو على مَناخرِهِم إلَّا حَصائدُ ألسنتِهِم». (صحيح الترمذي)

ولهذا كان للكلمة ميزان في النفس،
إما لها أو عليها...
الله يرزقنا قولًا يرضيه في عفو وعافية.🩵🫰


حياتك أكبر وأهم من لحظة وحشة!لحظة تعب، إحباط، أو أزمة ما... مش هي اللي بتعرّف مين أنت، ولا هي اللي بتمسح كل الشوط اللي ا...
25/07/2026

حياتك أكبر وأهم من لحظة وحشة!

لحظة تعب، إحباط، أو أزمة ما... مش هي اللي بتعرّف مين أنت، ولا هي اللي بتمسح كل الشوط اللي اتعلمته ومشيته...

ساعات العقل بيتحبس فـ "اللقطة" السلبية دي بالذات، وببيعمينا عن الصورة الكبيرة، بس الحقيقة إن أي شعور صعب هو مجرد ضيف، بياخد وقته وبيمشي...

افصل، خُد نفس، وافتكر إن حياتك وقدرتك أكبر وأقوى بكتير من مجرد تعب عابر.

هتعدي.. وهنرجع لرحلتنا بإذن الله.🩵🫰


أعظم طوق نجاة تُقدمه لأحدهم،هو أن تعكس له جماله الداخليّ، حتى يُبصر جمال حقيقته، وقيمته، والخير في نفسهفيُحبّ نفسه مجددً...
22/07/2026

أعظم طوق نجاة تُقدمه لأحدهم،
هو أن تعكس له جماله الداخليّ، حتى يُبصر جمال حقيقته، وقيمته، والخير في نفسه
فيُحبّ نفسه مجددًا؛ فيكون عونًا لها..
لا عليها.❤️‍🩹🫰


Address

مصر
Cairo

Website

Alerts

Be the first to know and let us send you an email when Coach Alaa Abu Auf posts news and promotions. Your email address will not be used for any other purpose, and you can unsubscribe at any time.

Shortcuts

Share

Category