16/08/2026
مش كل جرح فيك ، يديك الحق تجرح غيرك
ممكن تكون اتأذيت قبل كدا
وممكن تكون اتخذلت، واتكسرت، واتعلمت إنك تحمي نفسك بأي طريقة ،
و دا يستحق الفهم والرحمة.
لكن خليك حذر
لأن الإنسان أحيانًا، بدل ما يتعافى من ألمه ، يبدأ يستخدم ألمه كتبرير لكل أذى يصدر منه.
انا عصبي عشان اتعذبت.
أنا بقسى عشان الناس قست عليّ .
انا ببعد فجأة عشان اتخذلت قبل كدا .
نقدر نفهمك لكن ده لا يجعل أذى الآخرين مباحًا.
أنت مسؤول عن جرحك، لكنك أيضًا مسؤول عن الطريقة التي تمنع بها جرحك من أن يتحول إلى جرح جديد في قلب شخص آخر.
التعافي الحقيقي مش إنك تعرف ليه بقيت كدا وبس
التعافي إنك تعرف، ثم تختار ألا تورّث ألمك لغيرك
يمكن دي واحدة من أصعب صور النضج:
إنك تنتهي عندك سلسلة الألم ، بدل ما تكون أنت حلقة جديدة فيها.
