https://powerprojectcoaching.co.uk/

Healthy & Happy, London (2026)

13/08/2026

2020 July တုန်းကသာ မစခဲ့ရင် ခု ဒီလိုမျိုးမြင်ရမှာ မဟုတ်ဘူး။

12/08/2026

“Leg day is a must”
Strong leg, long live 💪

09/08/2026

Morning workout before sunrise..

1/ Bend over BB row (under arm)
2/ Bend over BB Row (overhand grip)
3/ single arm DB row (not included in video)
4/ DB pull over
5/ Bicep curl
6/ Hammer curl

08/08/2026

Sweet potato waffle..
My kind of healthy breakfast 🧇

1 boiled sweet potatoes
1 egg
50ml milk
30g of baking powder
1 scoop of protein powder

အားလုံးကို bowl တခုထဲ mixed လုပ်ပြီးနယ်၊ ပြီးရင် waffle maker ကို ပူအောင်လုပ်၊ ပူလာရင် grated cheese လေးဖြူး၊ နယ်ထားတဲ့ mixture တဇွန်းထည့်.. ခပ်ပြားပြားလေးဖြစ်အောင်လုပ်ပီး အပေါ်မှာ cheese ထပ်ဖြူး…
၈မိနစ်ထားလိုက်ရင် Sweet potato waffles ကြွပ်ကြွပ်လေးရပါပီရှင်..

24/07/2026

“Counting Calories is Dead?”

မရီရသောပြက်လုံးတခုပါပဲ..

ဒီကြော်ငြာကိုမြင်တော့ စဉ်းစားမိတာတစ်ခုရှိတယ်။

ကျန်းမာတဲ့ lifestyle ကို အားပေးရမယ့်အစား၊ ဝိတ်ချဆေးတွေကို shortcut solution အဖြစ် တင်ပြလာတာက စိတ်မကောင်းစရာပါပဲ။ စီးပွါးရေးသမားတွေကလဲ ဒါကို business opportunity အနေနဲ့ marketing လုပ်ကြတယ်။

တကယ်တော့…
Weight loss ရဲ့ အခြေခံအကျဆုံး principle ကတော့ “Calorie Deficit” ပဲ ဖြစ်ပါတယ်။

ဘယ်ဆေးပဲဖြစ်ဖြစ်၊ ဘယ်နည်းပဲဖြစ်ဖြစ်၊ နောက်ဆုံးမှာတော့ calorie deficit မရှိရင် ရေရှည်ဝိတ်မကျနိုင်ပါဘူး။

GLP-1 weight loss medications (ဥပမာ Ozempic, Wegovy, Mounjaro စတဲ့ဆေးတွေ) က လူတချို့အတွက် အမှန်တကယ် အကျိုးရှိနိုင်ပါတယ်။ အထူးသဖြင့် အဝလွန်ခြင်း (obesity) သို့မဟုတ် ဆီးချို၊ နှလုံးရောဂါလို နောက်ဆက်တွဲရောဂါတွေ ရှိနေသူတွေမှာ ဆရာဝန်ညွှန်ကြားချက်နဲ့ သုံးရင် အကျိုးကျေးဇူးရှိပါတယ်။

ဒါပေမယ့်…

ဆေးဆိုတာ ဆေးပဲ။ Side effects တွေ ရှိတတ်ပါတယ်။

-ပျို့ခြင်း၊ အန်ခြင်း
-ဝမ်းချုပ်ခြင်း၊ ဝမ်းလျှောခြင်း
-Gallstones
-Pancreatitis (ရှားပေမယ့် ဖြစ်နိုင်ချေရှိတယ်)
-ပင်ပန်းလွယ်ခြင်း
-ဆေးရပ်လိုက်ရင် ဝိတ်ပြန်တက်နိုင်ခြင်း

ဒါကြောင့် “လွယ်လွယ်ဝိတ်ကျမယ်” ဆိုတဲ့ marketing ကိုပဲ ယုံပြီး ကိုယ့်သဘောနဲ့ မသုံးသင့်ပါဘူး။ ဆရာဝန်များကလဲ နောက်ဆက်တွဲရောဂါမရှိပဲတဲ့ သာမာန်လူကို ဒီလိုဆေးမျိုးနဲ့ ဝိတ်ချဖို့ အားမပေးသင့်ဘူး။ (this is my opinion, maybe controversial)

ကျန်းမာစွာ ဝိတ်ချဖို့ အခြေခံ ၆ ချက်

၁။ အာဟာရပြည့်ဝတဲ့ အစားအစာကို စားပါ။ (whole food) Fast food၊ Junk food နဲ့ အချိုရည်တွေကို လျှော့ပါ။

၂။ နေ့စဉ် လှုပ်ရှားမှု များများလုပ်ပါ။

၃။ အိပ်ရေးဝအောင် အိပ်ပါ။

၄။ ရေများများသောက်ပါ။

၅။ Strength Training သို့မဟုတ် ကိုယ်ကြိုက်တဲ့ Exercise ကို စွဲစွဲမြဲမြဲလုပ်ပါ။

၆။ Stress Management လုပ်ပါ။
Journaling, Meditation, Breathing exercises စတာတွေကလည်း အထောက်အကူဖြစ်ပါတယ်။

ဝိတ်ချခြင်းက အလွန်ရိုးရှင်းပါတယ်။

Shortcut တွေထက် ကောင်းမွန်တဲ့ အစားအသောက် ၊ လေ့ကျင့်ခန်း ၊အိပ်စက်ခြင်း ၊စိတ်ဖိစီးမှုလျှော့ချခြင်း ၊စွဲမြဲစွာလုပ်ခြင်း ကသာ ရေရှည်အတွက် အဖြေပါ။ အချိန်ပေးရတဲ့အတွက် စိတ်ရှည်ဖို့တော့လိုတယ်။ ဒါပေမဲ့ ရေရှည်မှာ sustainable result ကို ရပါမယ်။

ဆေးတွေဟာ လူတိုင်းအတွက် မဟုတ်ပါဘူး။ လိုအပ်တဲ့လူတွေအတွက်တော့ ဆရာဝန်ညွှန်ကြားမှုအောက်မှာ အသုံးဝင်တဲ့ ကုသမှုတစ်ခု အနေနဲ့ပဲ သုံးသင့်ပါတယ်။

အားလုံး ကျန်းမာစွာနဲ့ဝိတ်ကျပြီး healthy lifestyle ကို တည်ဆောက်နိုင်ပါစေလို့..

17/07/2026

Gym သွားမှ ပြောင်းလဲ နိုင်မှာမဟုတ်ပါဘူး။
Gym machine တွေ သုံးတတ်မှ ပြောင်းလဲနိုင်တာမဟုတ်ပါဘူး။
ဒူးနာလို့ Squat မထိုင်နိုင်လို့ မပြောင်းလဲနိုင်ဘူးဆိုတာလဲ မရှိပါဘူး။
Basic workout, dumbbell only workout နဲ့ အိမ်မှာလဲ ဆော့ရင်းနဲ့လဲ ပြောင်းလဲနိုင်ပါတယ်။

အဓိက က လုပ်ချင်တဲ့စိတ်လေးရယ်၊ စွဲမြဲစွာလုပ်ဖို့ရယ်ပဲ လိုတာပါ။

14/07/2026

ဒီရက်ပိုင်းစားဖြစ်တာလေးများ

11/07/2026

တချို့သူငယ်ချင်းတွေက ကြည့်ကို မေးကြတယ်…

“ကလေး ၂ ယောက်နဲ့ 9-5 အလုပ်လဲလုပ်တယ်၊ Online Fitness Coaching လည်းလုပ်တယ်၊ AAT Level 3 လည်းတက်နေတယ်၊ အဲ့တာတောင်Workout လည်းပုံမှန်လုပ်နိုင်တယ်။ ဒါတွေကို ဘယ်လို Handle လုပ်လဲ?”

အမှန်အတိုင်းပြောရရင်…

- တချို့ရက်တွေ အရမ်းပင်ပန်းပါတယ်။
- တချို့ရက်တွေ အရာအားလုံး မပြီးနိုင်ဘူး။
-တချို့ရက်တွေ Workout ကိုတောင် အတိုချုံးလုပ်ရတယ်။

ဒါပေမယ့် ကြည်က Time Management & Lifestyle Management လုပ်ပါတယ်။ ကြည့်ရဲ့ timetable လေးနဲ့ နေ့စဉ် journaling လုပ်ပါတယ်။ ဒီနေ့မှာ ဘယ်ဟာက ပို priority ဖြစ်လဲပေါ့။

🧳အလုပ်က အရေးကြီးတယ်။
🧑‍🧑‍🧒‍🧒မိသားစုက ပိုအရေးကြီးတယ်။
ဒါပေမယ့် ကိုယ့်ကျန်းမာရေးမကောင်းရင် အဲဒီနှစ်ခုလုံးကို ကြာရှည်မထိန်းနိုင်ဘူး။

ဒါကြောင့် Workout ကို “အချိန်ပိုရင်လုပ်မယ်၊ အားမှလုပ်မယ်” လို့ သဘောမထားဘူး။Calendar ထဲမှာ အချိန်တခုပေးပြီး ထည့်ထားတဲ့ လုပ်ကိုလုပ်ရမဲ့အရာ တစ်ခုလို သဘောထားတယ်။

My timetable is simple..

✔️ ၉-၅ အလုပ်လုပ်တဲ့အချိန်မှာ အလုပ်ကို အာရုံစိုက်တယ်။
✔️ အိမ်ပြန်ရောက်ရင် ကလေးတွေနဲ့ အိမ်အလုပ်ကို အချိန်ပေးတယ်။
✔️ ညနေဘက်နဲ့ weekend မှာ Client coaching လုပ်တယ်။ check in လုပ်တယ်။ PT business planning လုပ်တယ်။
✔️ မနက်ဖက်နဲ့ weekend မှာ AAT Level 3 ကို နည်းနည်းချင်း ဆက်လေ့လာတယ်။

✔️ တစ်ပတ်ကို Workout ၃-၄ ရက်လောက် ပုံမှန်လုပ်ဖို့ ကြိုးစားတယ်။ Full workout မလုပ်နိုင်ရင်တောင် short workout လေးတွေ လုပ်ဖြစ်အောင်လုပ်တယ်။

တစ်နေ့မှာ ၂၄နာရီပဲရှိတော့ အလုပ်၊ စာ၊ မိသားစု၊ စီးပွားရေး၊ Workout အားလုံးကို ၁၀၀% လုပ်နိုင်မယ်လို့ မမျှော်လင့်ထားဘူး။ လုပ်လဲ မလုပ်နိုင်ပါဘူး။

ဒီနေ့မှာ ဘာက အရေးကြီးဆုံးလဲဆိုတာကိုပဲ ရွေးတယ်။ စာမေးပွဲရှိတဲ့အပတ်ဆို workout မလုပ်ဖြစ်သလို ကလေးကျောင်းပိတ်တဲ့အပတ်မှာလဲ စာထက် တခြား activities တွေလုပ်ဖြစ်တယ်။

အခုနှစ်မှာဆိုရင် AAT Level 3 ပြီးအောင်လုပ်ဖို့က Top Priority ဖြစ်နေတော့ Online Business ကိုလည်း ဖြည်းဖြည်းချင်းပဲသွားတယ်။

အရင်တုန်းက အရာအားလုံးကို တစ်ပြိုင်တည်း လုပ်ချင်ခဲ့လို့ Burnout ဖြစ်ဖူးတယ်။ အခုတော့ အရာအားလုံး တပြိုင်ထဲ မလုပ်နိုင်ဘူးဆိုတာကို လက်ခံလိုက်တဲ့အခါကစပြီး တစ်ကြိမ်မှာ တစ်ခုစီပဲ သေချာလုပ်ဖြစ်တယ်။

“Slow process doesn’t mean you’re failing. It means you’re building something that can last long.“

Work-Life Balance ဆိုတာ ပြောဖို့လွယ်ပေမဲ့ တကယ်တမ်းတော့ မလွယ်ပါဘူး။ ဘယ်အရာမှ 50-50 balance မဖြစ်နေဘူး။ အလုပ်များတဲ့အခါ ပျော်စရာတချို့ကို ခဏရပ်လိုက်ရတာပါပဲ။ ဒီနေ့ဆို ကလေးတွေနဲ့ တူတူရေကစားချင်ပေမဲ့ ကို့ workout လေးကို ခဏအချိန်ပေးပီး အရင်လုပ်လိုက်တယ်။ ပီးမှ သူတို့တွေကို အချိန်ပေးရတယ်။ တစ်ခုလိုချင်ရင် တစ်ခုကို ခဏတဖြုတ်စွန့်လွှတ်ရတာပေါ့လေ။

ကြည့်ရဲ့ ရည်ရွယ်ချက်က
✅ကျန်းမာတဲ့ မေမေတစ်ယောက်ဖြစ်ချင်တယ်။
✅ကလေးတွေရဲ့စံပြဖြစ်ချင်တယ်။
✅ကိုယ်ချစ်တဲ့ အလုပ်ကို လုပ်ချင်တယ်။
✅ပြီးတော့ အသက်ကြီးသွားတဲ့အထိ သန်မာပြီး ကျန်းမာတဲ့ ဘဝကို ပိုင်ဆိုင်ချင်တယ်။

ဒါကြောင့်မို့ အားလုံးကို handle လုပ်နိုင်လားဆိုရင် အဖြေက နိုးပါ။ But “I try to be 1% better everyday “

အဲ့တော့ အချိန်မပေးနိုင်လို့ workout မလုပ်ဖြစ်ဘူးဆိုတဲ့လူများရှိရင် ပြောချင်တာက ရုပ်ရှင်ကြည့်ရင်း push up, squat လုပ်လို့ရသလို ပန်းကန်ဆေးနေရင်း calf raise လုပ်လို့ရတယ်။ အဓိက က လုပ်ချင်တဲ့စိတ်လေးရှိရင် အချိန်က ကိုယ့်ဟာကို ပေးလို့ရတယ်ဆိုတာပါပဲ။

11/07/2026

1:1 coaching..
Trained not only your body, but also your mindset, your habit, your confidence and your personality that nobody can take away from you..
workout လုပ်တာ၊ strength training လုပ်တာက ခန္ဓာက်ုယ်လှဖို့တခုထဲ မဟုတ်ပဲ၊ ကိုယ့်ရဲ့ စိတ်ခံယူချက်၊ ကိုယ့်ရဲ့ နေ့စဉ်အကျင့်၊ ကိုယ့်ရဲ့ ယုံကြည်မှူတွေကိုပါ ကျင့်နေတာဖြစ်လို့ “You are training for better version of you”..
Fitness လိုက်စားတဲ့လူက discipline ပိုကောင်းလာတယ်ဆိုတာ ယုံပါ။

27/06/2026

Workout အပြီး mirror selfie ဆွဲတော့
အနောက်က background က ရှုပ်ပွနေတာနဲ့ ChatGPT ကို ငါ့အနောက်က background and lighting လေး နဲနဲပြင်ပေးပါလို့ ပြောလိုက်တာ.. background က ဒီတိုင်းပဲ။ sink မှာ ပန်းအိုးလေးပဲ အစားထိုးပေးလိုက်တာ.. လူကိုတော့ မာဆယ်တွေ ထပ်ထည့်ပေးလိုက်တယ်။ 🤣🤣
သူပြင်ပေးတဲ့ပုံကြည့်ပြီး အဲ့လို မာဆယ်အမြှောင်းတွေ လိုချင်သွားပြီ။ 2027 goal ပေါ့လေ။ 🤭🤭

Healthy & Happy

13/08/2026

12/08/2026

09/08/2026

08/08/2026

24/07/2026

17/07/2026

14/07/2026

11/07/2026

11/07/2026

27/06/2026

Address

Website

Alerts

Contact The Practice

Shortcuts

Featured

Share

Category