FemWell

Directions Website Contact the practice

Contact information, map and directions, contact form, opening hours, services, ratings, photos, videos and announcements from FemWell, Health & Wellness Website, 2/F, Podium Plaza, 5 Hanoi Road, Tsim Sha Tsui, Kowloon.

FemWell是一所專為女性而設的健康中心，以「女性健康」（Female Wellness）為我們的服務宗旨，提供從疾病到健康的全面管理。
✨透過此平台，希望可以分享更多生活健康資訊，並以優質及個人化的服務，進一步守護女性健康。

FemWell女性健康中心
📍尖沙咀 TST
📲9705 8160 (WhatsApp)
🌐linktr.ee/FemWell

#拍住上關注女性全人健康

28/10/2026

平時我哋買護膚品、做身體檢查，都有好好錫住自己body😘。但講到 HPV就即刻劃清界線，覺得唔關自己事。唔少女士聽到第一個反應可能會尷尬，以為性生活複雜嘅人先會有。

其實，HPV 係一種好普遍嘅病毒😈。只要曾經有性經驗，不論男女都有機會感染，而且好多時完全冇症狀。大部分情況下，身體可以自行清除病毒，但如果持續感染高危型 HPV，就可能令子宮頸細胞出現病變，增加患子宮頸癌嘅風險。

早期嘅子宮頸癌未必有明顯症狀，等到出現非經期出血、分泌物異常或持續盆腔不適等情況先至求醫，可能已經錯過最佳嘅治療時機👩🏻‍⚕️。

所以，唔好因為「冇唔舒服」就忽略檢查。📌 25至64歲、曾有性經驗嘅女性，應按建議定期接受子宮頸篩查，配合接種HPV疫苗，以及安全性行為、不吸煙等簡單防護，預防就更有效全面。

HPV並唔係一件需要尷尬嘅事，了解清楚先係保護自己嘅第一步。花少少時間了解、預約檢查，對自己同身邊關心嘅女性都係一份重要保障。

🌸了解HPV，唔駛有忌諱！即睇專題文章：https://shorturl.at/B7gFL
Follow我哋嘅 instagram/Facebook，不定時提供健康資訊！

#女性健康中心 #子宮頸癌 #婦女健康 #子宮頸癌篩查
---------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

23/10/2026

✨化妝品、潤膚膏、洗頭水…都需要使用防腐劑，幫產品防菌及變壞。Parabens（對羥基苯甲酸酯）是現時最常使用的防腐劑類，如果產品成分名稱帶有「-paraben」結尾，都屬於同類的防腐劑。不過每當提及Parabens，都會有人將佢同「致癌」拉上關係😈，又係咪真呢？

【Parabens係常見防腐劑，亦不等於致癌物？】
坊間流傳致癌嘅說法，很大原因係源於 2004 年有研究發現人類乳癌組織中檢測到微量 Parabens殘留，但至今仍然未有足夠臨床證據，證明 Parabens會直接導致乳癌或荷爾蒙疾病。📌而香港化妝品須符合《消費品安全條例》嘅一般安全規定；歐盟及內地亦對常見 Parabens 設有濃度上限或直接禁用。所以購買合法流通於市面嘅產品，一般都唔需要對呢方面有太多顧慮。

✨平時購買可以花多10秒鐘✨
買嘢時留意包裝上嘅INCI（國際化妝品成分命名法）成分，亦唔好盲目相信廣告嘅宣傳字眼。要完全避開所有防腐劑幾乎唔可能，同時都非必要！防腐劑本身有助防止產品受污染，所以唔需要過份恐慌。與其買得貴不如買得精明🧐，睇清楚日常使用的護膚產品係用咗咩添加成分，咁先最安心！

Parabens嘅詳細介紹睇呢到👉🏻https://shorturl.at/S6OJd

即刻Follow Instagram / Facebook，知多啲健康資訊！

#女性健康中心 #健康資訊 #女性健康 #防腐劑 #護膚品
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

20/10/2026

【乳癌關注月｜限時優惠，為自己同身邊嘅她預約檢查🎉】

香港婦女中平均每 13 名便有一人有機會患上乳癌，更連續兩年成為本港女性致命癌症第 3 位^。即使冇明顯症狀、唔覺得痛，都唔好以為唔使 check。及早發現，先可以及早安心。

為支持10月「乳癌關注月」，嚟FemWell進行乳房檢查可享限時優惠*🎉
🩷 3D乳房X光造影檢查：$1,500*（原價 $3,350）
🩷 乳房超聲波檢查：$1,360*（原價 $1,600）

邊項檢查適合自己？
乳房自檢同臨床檢查固然重要，但較難發現早期、較細或位置較深嘅腫瘤；透過影像檢查，可以更全面咁 check 清楚。而且根據個人情況，檢查方法亦會有分別。

📌 20–29 歲：每月一次乳房自我檢查，熟悉自己乳房嘅正常狀態，有異常時可以盡早察覺。
📌 30–39 歲：每月一次乳房自我檢查＋每年一次乳房超聲波檢查，特別適合乳腺密度較高嘅年輕女士。如有直系親屬乳癌病史，建議更早開始篩查。
📌 40 歲或以上：每月一次乳房自我檢查＋每年一次乳房超聲波檢查＋每兩年一次乳房 X 光造影檢查，檢測結果更全面。

女士最好由 30 歲開始建立定期乳房影像檢查習慣✏️，目的唔係要「搵出病症」，而係希望趁早發現可疑病變，及早處理、及早治療。如有任何乳房健康疑問，記得向專業醫生查詢。

*優惠期由即日起至2026年11月30日
^資料來源：香港癌症資料統計中心

💗 早一步檢查，多一分安心。
➡️ 即睇乳房自我檢查方法：https://shorturl.at/TEbVz
📩 立即 WhatsApp預約，幫自己同媽咪、姊妹、閨蜜留返個名額啦！

#女性健康中心 #婦女健康 #國際乳癌關注月 #乳你守護從心出發 #乳房超聲波 #乳房篩查
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

20/10/2026

【瞓覺時發夢💭，可以病少啲？】一向醫學界都認同，睡眠質素會影響健康，但過往研究都係依賴參加者自行提供嘅睡眠數據，例如睡眠時長、睡眠間醒來的次數等，令數據結果可能出現偏差。

最近9月一個研究發表，透過收集超過９萬名參與者一星期嘅睡眠數據🌙，分析出「瞓得好」對健康風險嘅關係，仲特別要佢哋戴上「加速度計」仔細記錄睡眠狀態，增加研究結果嘅準確性。

女士成日話要有「美容覺」💆🏻‍♀️，瞓覺對身體嘅健康都一樣咁重要！
👆🏻睇圖知多啲今次研究嘅內容啦！

記得Follow埋我哋嘅instagram / facebook，收藏多啲健康小數據啦！

資料來源： PLOS Medicine, 17 September 2026

#女性健康中心 #健康解密 #睡眠 #深層睡眠 #快速眼動睡眠
---------------------------------------
FemWell女性健康中心
官網：https://femwell.chiron.care/
📲尖沙咀 TST ：9705 8160 (WhatsApp) / 2157 3846 (電話)

14/10/2026

【買維他命前，唔好急住落單🤚🏻！】唔少女士都會入手維他命元素補充劑💊，想用嚟額外補充營養。不過，坊間有咁多唔同嘅維他命產品選擇，買之前記得諗清楚自己身體係咪真係有需要。

喺某啲特定嘅情況下，人體可能要額外食用維他命補充劑，例如懷孕或哺乳期間的婦女🤰🏻，對維他命的需求會比較大。而事實上，一般均衡飲食已經能夠為身體提供足夠嘅維他命，如果盲目增加攝取量，更可能會適得其反。

而喺選擇相關產品時，女士們記得注意以下4點：
📢明確了解自己服用維他命補充劑嘅目的及必要性
📢睇清楚包裝標籤及說明書，了解產品含有嘅維他命種類及份量，以免誤服劑量，同時確保有妥善貯存
📢留意部份維他命產品屬於處方藥物，有一定嘅劑量上限及購買許可
📢如果打算長期服用，最好先諮詢醫生或營養師，評估自己嘅實際需要

想靚係女士天性💖，只要保持均衡飲食，讓身體每日充份吸收營養，自然由內靚到外啦！選用維他命補充品之前，了解清楚產品詳情亦可以更安心食用。

維他命可以從哪裡吸收？睇FemWell官網了解清楚啦👇🏻
https://shorturl.at/j72ZN

Follow 我哋 Instagram / Facebook，不定時提供健康資訊！

#女性健康中心 #健康資訊 #女性健康 #維他命 #維他命補充劑
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

12/10/2026

【乳房唔痛，都唔可以鬆懈】定期檢查，及早守護乳房健康💕

乳癌係香港女性最常見嘅癌症之一，早期乳癌未必有明顯痛楚或硬塊，所以唔可以低估佢嘅潛在風險！
除咗每月進行乳房自我檢查，亦應按個人年齡、家族病史及醫生評估，定期接受專業乳房檢查，包括乳房超聲波及 / 或乳房X光造影，令潛在問題可以及早識別、及早處理。🔎想學識3分鐘自測法及乳癌7大病徵？即睇《東方新地》完整報導！

🔗完整報導：
《東方新地》｜重症預防｜每13名香港婦女1人有乳癌風險專家教3分鐘自測法注意7大病徵腋下1種變化屬警號
https://www.orientalsunday.hk/1718761/

#女性健康中心 #乳房健康 #乳癌關注月 #定期檢查 #乳房自我檢查 #及早發現 #女性健康 #乳你守護
---------------------------------------
FemWell女性健康中心
官網：https://femwell.chiron.care/
📲尖沙咀 TST ：9705 8160 (WhatsApp) / 2157 3846 (電話)

12/10/2026

【早上一杯咖啡，Blue Monday必備💙】開工前一杯咖啡即刻醒晒！有冇觀察身邊同事飲咖啡習慣同你嘅分別？某同事飲一杯已經心跳加速💗，某同事一杯接一杯仲話眼瞓😴。每個人對咖啡因嘅反應似乎都唔一樣，係咪有咩特別原因呢？

呢個現象可能同以下原因有關：
✨每人身體分解咖啡因嘅新陳代謝速度唔一樣
✨受吸煙習慣或者藥物影響
✨飲用咖啡習慣唔同，影響對咖啡因嘅耐受性

雖然成日話咖啡可以提神，事實上咖啡因唔會為身體提供額外能量，而係阻擋人體細胞中嘅腺苷（Adenosine），掩蓋疲倦感。如果過量攝取咖啡因，有機會造成咖啡因上癮，或者影響睡眠質素。🧐有飲用咖啡習慣嘅你，有冇留意自己飲用習慣同影響呢？例如
☕️ 幾點飲？夜晚入睡有冇困難？
☕️ 每日飲幾多杯？會唔會愈飲愈多？
☕️ 飲完有冇心跳加速或者感到焦躁？

有專家建議，唔想咖啡影響健康或睡眠質素，最好睡前至少6小時避免飲用，而且懷孕婦女每日嘅咖啡因攝取量亦唔應該超過200毫克(mg)。除了咖啡之外，亦要留意其他含咖啡因飲品（如濃茶、能量飲品）嘅濃度同糖分等添加成份。如果飲用後出現嚴重不適，就記得要搵醫生檢查清楚啦！👩🏻‍⚕️！

愛啡人士嘅你，即睇多啲飲啡小知識👉🏻https://shorturl.at/j72ZN
Follow FemWell Instagram / Facebook，不定時提供健康資訊！

#女性健康中心 #健康資訊 #女性健康 #咖啡因 #咖啡
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

07/10/2026

【降血壓嘅小幫手？🔧】女士有冇留意自己血壓的習慣呢？心血管問題唔係男士專利，女性喺進入更年期階段，荷爾蒙的變化都有機會影響血管彈性🩸。

當血管彈性下降，血壓隨血管阻力增加而上升，進一步加劇血管硬化形成惡性循環🔁。問題持續，有機會引起嚴重嘅健康問題，包括中風、冠心病、心臟衰竭等等。

雖然醫學上，高血壓冇明確的成因，但一般認為與吸取過多鹽分、肥胖、吸煙等高危因素有關。除咗保持良好生活習慣，最近亦有研究發現🗒️，適量攝取一類食物都可以有助降低高血壓風險！
🔎睇圖了解研究內容，邊一種食物可以降血壓呢？

記得Follow埋我哋嘅instagram / facebook，收藏多啲健康小數據啦！

資料來源： BMJ Nutrition, Prevention & Health. 2026

#女性健康中心 #健康解密 #高血壓 #
---------------------------------------
FemWell女性健康中心
官網：https://femwell.chiron.care/
📲尖沙咀 TST ：9705 8160 (WhatsApp) / 2157 3846 (電話)

05/10/2026

【骨頭突然唔夠「硬」？🦴】明明身體一向強壯，點郁點跑都冇問題。有一日唔小心跌親，輕輕嘅撞擊，都造成骨折⛓️‍💥？

原來人體骨骼30幾歲時喺頂峰狀態，但隨住年齡增長，骨質流失加劇會令骨骼變得愈嚟愈脆弱，甚至患上「骨質疏鬆症」😫。而呢個過程係不知不覺，身體唔會有痛感，到發生骨折先察覺到問題嘅嚴重性。

【♀️女士嘅風險會更高！】因為更年期時體內嘅雌激素下降，都會加劇骨質流失。如果冇做好預防，患病嘅時間有可能會提早。

補充2大營養可以預防骨質疏鬆？女士要記低！

🥛鈣質
有唔少食物都含有豐富嘅鈣質，例如牛奶、芝士、深綠色蔬菜、果仁等等。不過，成日有人話飲豬骨湯或者食薑醋可以補鈣，呢個說法就唔正確啦🙅🏻‍♀️。
骨湯中嘅鈣含量極低，補鈣作用不大。而且薑醋中有大量脂肪及糖分，亦都唔應該食得太多。

☀️維他命D
高油分魚類如三文魚、吞拿魚等，雖然含有維他命D，但能提供人體嘅份量有限。人體主要靠照射陽光中紫外線吸收及製造維他命D，不過切記要避免中午嘅猛烈太陽。而想食用補充劑，都要注意未必人人適合，最好先問專業醫謢人員嘅意見💬。

除咗日常嘅營養補充，生活嘅不良習慣❌包括吸煙、酗酒、缺乏運動，都係患上骨質疏鬆症嘅高危成因，可免則免。想了解自己骨質狀況，都可以接受骨質密度檢查(DEXA) 🔎，一般會測量較常見嘅骨折部位：腰椎或股關節骨。如果有懷疑患上骨質疏鬆症，記得儘快搵醫生check清楚啦！

想好好護骨？即睇FemWell知更多👉🏻https://shorturl.at/tgFef

💖 Follow我哋Instagram/ facebook收穫更多女性健康資訊！femwell

#女性健康中心 #健康專欄 #骨質疏鬆症 #骨質流失
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

01/10/2026

【點先係真正嘅時間管理大師⏳？】現代女性嘅責任愈嚟愈大，有時間處理生活繁瑣，但冇時間管理健康？要做到真正嘅well plan，工作同健康都要兼顧好💪🏻！即使疾病風險埋身，都可以馬上察覺得到。乳癌係香港女性癌症首位，近年確診數字更有上升趨勢。仲記唔記得，最近一次關心自己乳房健康係幾時呢？

【10月國際乳癌關注月】🎀一齊知更多乳房健康知識！
乳房係一個會受荷爾蒙影響嘅身體部位，每個月可能隨住月經週期出現例如脹痛等變化，月經後不適會自然減退。⚠️但如果乳房出現非週期性，或者非生理引起嘅不適或疼痛，就要更加留意！尤其係發現乳房有硬塊，或者有不尋常異變，就要儘快搵醫生做詳細嘅檢查。

乳房嘅病變大部份都屬於良性，及早察覺可以有效避免組織惡化，增加治療嘅成效。要做到最及時嘅應對，就要靠女士們建立正確嘅健康意識💖，進行定期有規律嘅檢查習慣，包括乳房自檢、臨床及影像檢查3大步驟，清楚自己乳房變化，遇上病變時先可以做到「及早發現、及早治療」✨。

🫶由今日開始，多啲關心自己嘅乳房健康啦！
Follow FemWell instagram/Facebook，不定時提供健康資訊！

你都可以登入官網了解我哋嘅計劃，踏出主導健康第一步！
👉🏻https://femwell.chiron.care/

#女性健康中心 #健康資訊 #乳癌 #乳房健康 #女性健康 #時間管理大師
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

Address

2/F, Podium Plaza, 5 Hanoi Road, Tsim Sha Tsui
Kowloon
0000

Website

https://femwell.chiron.care/

Alerts

Be the first to know and let us send you an email when FemWell posts news and promotions. Your email address will not be used for any other purpose, and you can unsubscribe at any time.