23/09/2026
१. N.I.M.A. पाथर्डी शाखेच्या वतीने आजचा अकरावा राष्ट्रीय आयुर्वेद दिन पाथर्डीतील सर्वात जुन्या व सर्वात जास्त विद्यार्थी संख्या असलेल्या श्री तिलोक जैन विद्यालय येथे साजरा करण्यात आला.N.I.M.A. पाथर्डी शाखेचे मार्गदर्शक व मा.नगराध्यक्ष डॉ.मृत्युंजय गर्जे,सचिव डॉ.सचिन गांधी,ज्येष्ठ सामाजिक कार्यकर्ते डॉ.सुहास उरणकर,डॉ.सागर भापकर,डॉ.राजेश धाकतोडे,श्रीतिलोक जैन विद्यालयाचे प्राचार्य व विद्यमान नगरसेवक श्री.अजयजी भंडारी सर,श्री.गाडेकर सर,श्री.काळोखे सर,श्री.चन्ने सर,सूत्रसंचालन अतीव सुंदर करणारे श्री.कटारीया सर,सर्व शिक्षक व शिक्षकेतर स्टाफ यांची उपस्थिती होती यावेळी पाथर्डी निमाचे अध्यक्ष डॉ. श्रीधर देशमुख यांनी उपस्थित विद्यार्थ्यांना व शिक्षकांना #निरोगी_भविष्यासाठी_आयुर्वेद* या विषयावर मार्गदर्शन केले.
सुमारे ५00 विद्यार्थ्यांनी या व्याख्यानाचा लाभ घेतला.
२.तसेच पाथर्डीत आयुर्वेदाविषयी जनजागृतीच्या अनुषंगाने पाथर्डीतील सुमारे ३७ वर्षाची परंपरा असणा-या श्री.वामनभाऊ गणेश तरूण मंडळाच्या माध्यमातूनही पुढील विषय उपस्थितांपर्यंत पोहचविण्यात आले...
#आयुर्वेदातील अत्यंत महत्त्वाची दिनचर्या व ऋतुचर्या संकल्पना सर्व विद्यार्थ्यांना समजावून सांगण्यात आली.
#रोगा: #सर्वेऽपि_मंदेऽग्नौ, म्हणजे नक्की काय व हा आयुर्वेदाचा किती मूलभूत विचार आहे याविषयी त्यांना व्यवहारातील अनेक उदाहरणे देऊन माहिती देण्यात आली.
#अग्नीच्या शक्तीनुसार तुम्ही काय खाता यापेक्षा कसे पचवता, हे किती महत्त्वाचे आहे ते सांगण्यात आले.
#पचन व्यवस्थित होण्यासाठी वा अग्नि उत्तम राहण्यासाठी व्यायाम किती महत्त्वाचा आहे,तसेच सात्विक,कोष्ण व वेळेवर घेतलेल्या आहाराचे महत्व समजावून सांगितले.
#आहार_निद्रा_ब्रह्मचर्य या आयुर्वेदाच्या त्रिस्कधांचे महत्त्व व उपयोगिता सांगितली गेली.
#मनाची शक्ती वाढविण्यासाठी आयुर्वेदीय सद्वृत्त पालन व मानसिक वेग धारणेचे महत्व पटवताना मलमूत्रादी इतर शारीरिक वेग धारण करू नयेत हे विस्ताराने सांगितले.
#आयुर्वेदनुसार_जीवनशैली जर स्वीकारली तर शारीरिक मानसिक भावनिक व सामाजिक या सर्व पातळ्यांवरती तुमची सरशी राहून तुम्ही निरोगी दीर्घायुष्य जगू शकता हे सांगताना जागतिक आरोग्य संघटनेची Health ची व्याख्या व आयुर्वेदाची स्वस्थ व्यक्तीची व्याख्या याची सांगड घालून वेदकालीन सिद्धांत आजही उपयुक्त आहेत हे पटवून दिले.
