Miracle L

31/10/2026

📞 ෆෝන් එකෙන් කතා කරද්දී ඔයාට "මිස් " කියලා කතා කරලා තියෙනවද? 🤔

ඔයා පිරිමි ළමයෙක් හෝ තරුණයෙක් නම්, ඒත් කටහඬ තාමත් කුඩා දරුවෙක්ගේ වගේ, නැත්නම් කාන්තාවකගේ වගේ ඉහළින් තියෙනවා නම්, ඒක පියුබර්ෆෝනියා (Puberphonia) කියන තත්ත්වයක් වෙන්න පුළුවන්.

නව යොවුන් වියෙන් පස්සේ කටහඬ ගැඹුරු වෙන්න ඕන. සමහරුන්ට ඒක සිද්ධ වෙන්නේ නෑ.

මෙහෙම දේවල් ඔයාට තියෙනවද?
✔️ වයසට නොගැලපෙන ඉහළ කටහඬක්
✔️ හඬ නගා කතා කරන්න අමාරුකම
✔️ නිතර උගුර පැටලීම
✔️ කතා කරද්දී කටහඬ නිතර කැඩීම (Pitch Breaks)
✔️ පාසලේ, විශ්ව විද්‍යාලයේ, රැකියාවේදී කතා කරන්න බය

💡 හොඳ ආරංචිය: මේකට ප්‍රතිකාර තියෙනවා.

බොහෝ දෙනා "ලොකු වෙනකොට ඉබේම හරියයි" කියලා බලන් ඉන්නවා. ඒත් එහෙම නොවෙන්න පුළුවන්. ප්‍රතිකාර කලින් පටන් ගත්තොත්, ප්‍රතිඵල ඉක්මනින් ලැබෙනවා.

✅ ශල්‍යකර්ම නෑ
✅ බෙහෙත් නෑ
✅ කටහඬ චිකිත්සා (Voice Therapy) ක්‍රියාකාරකම් වලින් පමණයි කටහඬ ගැඹුරු කරන්නේ

👉 ඔයාට හෝ ඔයාගේ දන්න කෙනෙකුට මේ තත්ත්වය තියෙනවා නම්, කථන සහ භාෂා චිකිත්සකවරයෙක් හමුවෙන්න. මේ පෝස්ට් එක ඔවුන්ට share කරන්න.

ආත්ම විශ්වාසයෙන් කතා කරන්න පටන් ගන්න දවස අද වෙන්න පුළුවන්. 💪

අදම අමතන්න
Miracle L Speech & Hearing
☎️0761838484
Battaramulla | Ambalangoda | Gampaha | Kurunegala

24/10/2026

“දරුවා අපි කියන දේ තේරුම් ගන්නවානේ… එහෙනම් කතා කරන්න පරක්කු වුණාට කමක් නැද්ද?”

මේ ප්‍රශ්නය ගොඩක් දෙමව්පියන්ගේ හිතේ තියෙන දෙයක්!

“අපි කියන හැමදේම තේරෙනවා.”
“කියන්න පුළුවන් වචන කිහිපයත් කියනවා.”
“අපේ පවුලේ අයත් පොඩි කාලේ කතා කළේ පරක්කු වෙලා.”

ඔබත් මෙහෙම හිතන දෙමව්පියෙක්ද?

වැදගත් දෙයක් දැනගනිමු!

දරුවෙකුට අන් අය කියන දේ තේරුම් ගැනීම (Receptive Language) සහ තමන්ගේ අදහස් වචනවලින් ප්‍රකාශ කිරීම (Expressive Language) කියන්නේ එකිනෙකට සම්බන්ධ වුණත්, වෙනස් භාෂා කුසලතා දෙකක්.

ඒ නිසා දරුවාට කියන දේ තේරෙනවා කියන එක හොඳ ලකුණක් වුණත්, ඒකෙන්ම දරුවාගේ භාෂා වර්ධනය සම්පූර්ණයෙන්ම සාමාන්‍යයි කියලා තීරණය කරන්න බැහැ.

🚩 මේ ලක්ෂණ ගැන අවධානය යොමු කරන්න!

🔴වයසට ගැළපෙන වචන භාවිතය නොමැති වීම.
🔴වචන දෙකක් එකතු කරලා සරල අදහසක් ප්‍රකාශ කිරීම ප්‍රමාද වීම.
🔴තමන්ට අවශ්‍ය දේ පෙන්වීමෙන්, අභිනයෙන් හෝ වචනවලින් ප්‍රකාශ කිරීමේ අපහසුතා.
🔴අන් අය සමඟ අදහස් හුවමාරු කරගැනීමේ අපහසුතා.

එහෙනම් දෙමව්පියන් කළ යුත්තේ මොනවාද?

🟢දරුවා සමඟ දිනපතා මුහුණට මුහුණ බලා කතා කරන්න.

🟢දරුවා කරන ක්‍රියාකාරකම් ගැන සරල වචනවලින් විස්තර කරන්න.

🟢කතන්දර පොත් කියවන්න. පින්තූර පෙන්වා ඒ ගැන කතා කරන්න.

🟢දරුවාට පිළිතුරු දෙන්න කාලය ලබා දෙන්න. බලෙන් වචන කියවන්න උත්සාහ කරන්න එපා.

🟢දරුවාගේ වයසට අනුව භාෂා වර්ධනය සිදුවෙනවාද කියලා අවධානයෙන් සිටින්න.

🟢දරුවාගේ කථන හා භාෂා වර්ධනය ගැන සැකයක් තිබේ නම්, “තව ටිකක් ලොකු වුණාම කතා කරයි” කියලා බලාගෙන ඉන්නවා වෙනුවට සුදුසුකම් ලත් Speech and Language Therapist කෙනෙකුගෙන් උපදෙස් ලබාගන්න.

මතක තබාගන්න!

සෑම දරුවෙකුම එකම වේගයෙන් වර්ධනය නොවන නමුත්, කථන හා භාෂා වර්ධනයේ ප්‍රමාදයක් තිබේ නම් එය කලින් හඳුනාගෙන අවශ්‍ය සහාය ලබාදීම ඉතා වැදගත්.

දරුවා කතා කරන තුරු බලා සිටිනවාට වඩා, දරුවාගේ සන්නිවේදන හැකියාවන් වර්ධනය කිරීමට අද සිටම උදව් කරමු!

සටහන
කථන හා භාෂා චිකිත්සක,
සුරංගි කැප්පෙටිපොල
Miracle L Speech & Hearing Center
☎️ 0761838484
Battaramulla | Ambalangoda | Gampaha | Kurunegala

22/10/2026

Whether you're 5 or 54, it's never too early or too late to start speech therapy for stuttering

17/10/2026

ඔබේ හඬ ගැන ඔබ කොතරම් සැලකිලිමත් වෙනවාද?

අපි දිනපතා කතා කරනවා. නමුත් අපේ හඬ නිපදවෙන ආකාරය සහ එය ආරක්ෂා කරගත යුතු ආකාරය ගැන බොහෝ දෙනෙක් දැනුවත් නැහැ.

අපේ හඬ නිපදවීමේදී ස්වරාලය (larynx) තුළ පිහිටි ස්වර තන්තු (vocal folds) වැදගත් කාර්යභාරයක් ඉටු කරනවා. අපි කතා කරන විට මේ ස්වර තන්තු කම්පනය වීමෙන් හඬ නිපදවෙනවා.

දිගු වේලාවක් කතා කිරීම, නිතර කෑගැසීම සහ හඬට අනවශ්‍ය පීඩනයක් ලබා දීම නිසා හඬ වෙහෙසට පත් වීම සහ හඬ වෙනස් වීම සිදු විය හැකියි.

1. ප්‍රමාණවත් තරම් වතුර පානය කරන්න

ශරීරයේ ජල සමතුලිතතාව පවත්වා ගැනීම හඬ සෞඛ්‍යයට වැදගත්. දවස පුරා වරින් වර වතුර පානය කරන්න. කතා කරන විට පමණක් නොව, දවස පුරාම ජලය පානය කිරීම හොඳ පුරුද්දක්.

2. කෑගැසීම සහ හඬ බලෙන් භාවිතා කිරීමෙන් වළකින්න

ශබ්දය වැඩි පරිසරයකදී කෑගසා කතා කිරීම වෙනුවට, හැකි නම් මයික්‍රෆෝනයක් භාවිතා කරන්න හෝ නිහඬ ස්ථානයකට යන්න. ඔබේ සාමාන්‍ය හඬට වඩා වැඩි බලයක් යොදා කතා කිරීමෙන් වළකින්න.

3. හඬට විවේකයක් ලබා දෙන්න

ගුරුවරුන්, දේශකයන්, ගායකයන් සහ දුරකථන ඇමතුම් හරහා දිගු වේලාවක් කතා කරන අය හඬ වෙහෙසට පත් වීමේ අවදානමට මුහුණ දිය හැකියි. කතා කිරීම අතරතුර කෙටි විවේක ලබාගන්න.

4. දුම්පානයෙන් සහ දුමට නිරාවරණය වීමෙන් වළකින්න

සිගරට් දුම සහ වෙනත් කැෆේන් අඩංගු ද්‍රව්‍ය ස්වරාලයට බලපෑම් ඇති කළ හැකියි. එම නිසා දුම්පානයෙන් වළකින එක හඬ සෞඛ්‍යයට වැදගත්.

5. නිතර උගුර පාදන පුරුද්ද අඩු කරන්න

නිතර උගුර පාදන විට ස්වර තන්තු එකිනෙක තදින් ගැටීමට සිදු විය හැකියි. ඒ වෙනුවට වතුර උගුරක් පානය කිරීම හෝ මෘදු ලෙස ගිලීම උත්සාහ කරන්න. උගුර පාදන්නට නිතර අවශ්‍ය වෙනවා නම් එයට හේතුව සොයා බැලීම වැදගත්.

6. හඬ ගොරෝසු වූ විට රහසින් කතා කිරීමෙන් වළකින්න

හඬ වෙනස් වූ විට හඬ බලෙන් භාවිතා කිරීම මෙන්ම රහසින් (whispering) කතා කිරීමත් සමහර පුද්ගලයන්ට හඬ වෙහෙස වැඩි කළ හැකියි. ඒ වෙනුවට සුවපහසු, මෘදු හඬකින් කතා කරන්න හෝ අවශ්‍ය විට හඬට විවේකයක් දෙන්න.

7. ඔබට හඬ වෙනස් කරන හේතු හඳුනාගන්න

ඇතැම් අයට අම්ල ප්‍රතිවාහය (acid reflux), අසාත්මිකතා හෝ ශ්වසන මාර්ගයේ ගැටලු නිසා හඬේ වෙනස්කම් ඇති විය හැකියි. නිතර හඬ ගොරෝසු වීම හෝ උගුරේ අපහසුතාව ඇති වීම නොසලකා හරින්න එපා. ඔබට අදාළ හේතු හඳුනාගෙන නිසි වෛද්‍ය උපදෙස් ලබාගන්න.

හඬේ වෙනස්කම් ගැන සැලකිලිමත් වන්න!

පහත ලක්ෂණ තිබේ නම් ඒවා නොසලකා හරින්න එපා.
* හඬ දිගටම ගොරෝසු වීම.
* කතා කරන විට හඬ ඉක්මනින් වෙහෙසට පත් වීම.
* කතා කිරීමේදී වේදනාවක් හෝ අපහසුතාවක් ඇති වීම.
* නිතර හඬ නැති වීම හෝ හඬේ ගුණාත්මකභාවය වෙනස් වීම.

හඬ ගොරෝසු වීම සති හතරක් පමණ පවතිනවා නම්, වෛද්‍යවරයකු හමුවී පරීක්ෂා කරගන්න. හුස්ම ගැනීමේ අපහසුතාවක් වැනි බරපතළ ලක්ෂණ තිබේ නම් වහාම වෛද්‍ය උපකාර ලබාගන්න.

කතන චිකිත්සකවරයෙකු හඬ භාවිතය ඇගයීම, සුදුසු හඬ චිකිත්සා ක්‍රම හඳුන්වා දීම සහ හඬ සෞඛ්‍ය පුරුදු පිළිබඳ මඟපෙන්වීම ලබා දිය හැකියි. අවශ්‍ය අවස්ථාවලදී උගුර,කන හා නාසය සම්භන්ද විශේෂඥ වෛද්‍යවරයකුගේ ඇගයීමත් වැදගත්.

මතක තබාගන්න: හොඳ හඬ සෞඛ්‍යයක් සඳහා වතුර පානය කිරීම පමණක් ප්‍රමාණවත් නැහැ. නිවැරදි හඬ භාවිතය, විවේකය සහ සෞඛ්‍ය සම්පන්න දිනපතා පුරුදුත් අවශ්‍යයි.

ඔබේ හඬ ආරක්ෂා කරගන්න. ඔබේ සන්නිවේදනය සුරක්ෂිත කරගන්න!

සටහන
කතන හා භාශා චිකිත්සක
දුලංගි පණ්ඩිතසේකර
☎️0761838484
Battaramulla | Ambalangoda | Gampaha | Kurunegala

10/10/2026

කථන හා භාෂා ඇගයීමකදී (Speech & Language Assessment) සිදුවන්නේ කුමක්ද?

ඔබේ දරුවාගේ කථන හෝ භාෂා වර්ධනය පිළිබඳව ඔබට යම් කනස්සල්ලක් තිබෙනවාද?
කථන හා භාෂා චිකිත්සකවරයෙකු හමුවීමට යාමේදී බොහෝ දෙමාපියන්ට ඇතිවන ප්‍රශ්නයක් තමයි, “මගේ දරුවා ඇගයීමට ලක් කරන්නේ කොහොමද?” කියන එක.
අපි ඒ ගැන සරල ආකාරයෙන් දැනගනිමු!
කථන හා භාෂා ඇගයීමකදී ඇත්තටම සිදුවන්නේ,

1. දෙමාපියන් සමඟ සාකච්ඡා කිරීම
චිකිත්සකවරයා ඔබේ දරුවාගේ වර්ධනය, කථන හැකියාවන්, සන්නිවේදන හැකියාවන් සහ ඔබට ඇති ගැටලු පිළිබඳව කරුණු ඇසීම සිදුකරනවා.

2. සන්නිවේදන හැකියාවන් නිරීක්ෂණය කිරීම (observation)
ඔබේ දරුවා වචන, ශබ්ද, අංග චලන, මුහුණේ ඉරියව් සහ වෙනත් පුද්ගලයන් සමඟ අන්තර්ක්‍රියා කරන ආකාරය නිරීක්ෂණය කිරීමක් සිදුවෙනවා.

3. සෙල්ලම හා විනෝදාත්මක ක්‍රියාකාරකම්
කුඩා දරුවන්ගේ හැකියාවන් හඳුනා ගැනීම සඳහා සෙල්ලම් බඩු, පින්තූර පොත්, සෙල්ලම් සහ විවිධ ක්‍රියාකාරකම් මගින් සිදුකරනවා.

4. කථන හා භාෂා හැකියාවන් ඇගයීම
දරුවාගේ අවශ්‍යතා අනුව පහත සඳහන් හැකියාවන් ඇගයීමට ලක්කිරීම සිදුකරනවා.
වචන සහ උපදෙස් තේරුම් ගැනීම (comprehension)
වචන හා වාක්‍ය භාවිත කිරීම (expression)
ශබ්ද නිවැරදිව උච්චාරණය කිරීම (pronunciation)
අන් අය සමඟ සන්නිවේදනය කිරීම (social interaction)
කථනයේ ගලායාම සහ කටහඬේ ගුණාංග (speech and voice)

5. දරුවාගේ ශක්තීන් සහ සහාය ලබාදිය යුතු ආකාර හඳුනා ගැනීම
දරුවාට දැනට ඇති හැකියාවන් සහ තවදුරටත් වර්ධනය කරගත යුතු හැකියාවන් හඳුනාගෙන සුදුසු මඟපෙන්වීම ලබාදීම මෙහිදී සිදුවෙනවා.

6. දෙමාපියන්ට උපදෙස් ලබා දීම
දරුවාගේ සන්නිවේදන හැකියාවන් නිවසේදී වර්ධනය කිරීමට කළ හැකි ක්‍රියාකාරකම් සහ අවශ්‍ය නම් ඉදිරි ප්‍රතිකාර හෝ වැඩිදුර ඇගයීම් පිළිබඳ උපදෙස් ලබාදීම සිදුකරනවා.

කථන හා භාෂා ඇගයීම යනු විභාගයක් නොවේ!

මෙහි අරමුණ වන්නේ ඔබේ දරුවාගේ සන්නිවේදන හැකියාවන් හඳුනාගෙන, ඔහුට හෝ ඇයට සුදුසු සහාය ලබා දීමයි. මෙහිදී එක් එක් දරුවාගේ හැකියාවන් වෙනස් විය හැකියි.

සමහර අවස්ථාවලදී දෙමාපියන් කියන දෙය සහ අපි දරුවා පරීක්ෂා කරන විට දරුවාගේ ඇත්ත තත්ත්වයත් වෙනස් විය

ඔබේ දරුවාගේ කථන හෝ භාෂා වර්ධනය පිළිබඳව ඔබට ගැටලුවක් තිබේ නම්, ඒ සඳහා උපදෙස් ලබා ගැනීමට ප්‍රමාද නොවන්න.
මුල් අවධියේදී නිවැරදි මඟපෙන්වීම ලබා ගැනීම දරුවාගේ සන්නිවේදන වර්ධනයට වැදගත් විය හැකියි.

මෙම පෝස්ට් එක Save කරගන්න. අනෙකුත් දෙමාපියන්ටත් දැනුවත් වීම සඳහා Share කරන්න. ඔබට කථන හා භාෂා චිකිත්සාව පිළිබඳව ඇති ප්‍රශ්න පහතින් Comment කරන්න!

කථන හා භාෂා චිකිත්සක
හෂිනි විජේසූරිය
☎️0761838484
Battaramulla | Ambalangoda | Gampaha | Kurunegala

10/10/2026

අද ලෝක ශ්‍රවණවේදීන්ගේ දිනය! 🔊

සිනහව, සංගීතය, ආදරණීයයන්ගේ මෘදු කතා, ජීවිතයේ සුන්දර සෑම ශබ්දයක්ම අපට විඳින්න ඉඩ හදන ශ්‍රවණවේදීන්ට අපගේ හදවතින්ම උපහාරයක්!

ඔවුන්ගේ කැපවීම නිසා ලෝකය තවමත් හැමෝටම අහන්න පුළුවන් තැනක්. 👂

ඔබත් තවමත් ඔබේ ශ්‍රවණ හැකියාව පරීක්ෂා කරගෙන නැත්නම් , අදම වේලාවක් වෙන් කරගන්න...

Today, we celebrate the unsung heroes who enrich lives through sound🦻👩‍⚕️.

Audiologists, with their expertise and compassion, play a vital role in our lives, ensuring the world remains a vibrant place for everyone, from the laughter of a child to the sweet whisper of a loved one.

If you haven't had a hearing test recently, today's the day to book one. It's quick, painless, and could make all the difference.

Tag someone who needs to hear this.

04/10/2026

ඔයාගේ බබාගේ කතාවේ මේ "Red Flags" 🚩🚩තියෙනවද?

දරුවන්ගේ කථන සහ භාෂා හැකියාව වර්ධනය ගැන දෙමාපියන් දැනුවත් වීම ඉතාමත් වැදගත් වෙනවා. අපව හමුවීමට පැමිණෙන බොහෝ දෙමාපියන් කියන්නේ අනේ අපි දන්නේ නෑ දරුවාගේ මුල්ම වචනය මොන වයසේද කියන්න ඕනේ කියල, එහෙම නැත්නම් වචන දෙකක වාක්‍ය කියන්න ඕනේ කොයි කාලෙද කියන එක ගැන අපිට හරියට දැනුවත් නැහැ.

දරුවන්ගේ එක් එක් වයසේ දී ඔවුන්ගේ හැකියාවන් වර්ධනය වන ආකාරය ගැන ඔබ දැනුවත් වීම ඉතාමත් වැදගත්. අන්න ඒ නිසයි අපි අද ඔබව ඒ ගැන දැනුවත් කරන්නේ.

ඒත් එකම දරුවන්ගේ කථන සහ භාෂා හැකියාව ප්‍රමාද වූ විගස ඒ තත්ත්වය හඳුනාගෙන ප්‍රතිකාර වෙත යොමු වීම ඉතාමත් වැදගත් වෙනවා. අපි මෙය Early intervention ලෙස හදුන්වනවා.

මාස 6 – 12

🔴Eye contact (ඇස් දෙස බැලීම) ඉතා අඩුයි
🔴නම කතා කරද්දී ප්‍රතිචාරයක් නෑ
🔴 ශබ්දවලට/සිනහවට ප්‍රතිචාර දක්වන්නේ නෑ

මාස 12 – 18

🔴තනි වචනයක්වත් කියන්නේ නෑ (උදා: අම්මා, තාත්තා)
🔴'Bye' කීම හෝ ඇඟිල්ලෙන් දේවල් පෙන්වීම නෑ
🔴අවශ්‍ය දේ පෙන්වන්නේ නැතුව අතින් ඇදගෙන යනවා

අවුරුදු 2 (මාස 24)

🔴 වචන 50-80ත් අතර ප්‍රමාණයක්වත් නෑ
🔴වචන 2ක් එකතු කරන්නේ නෑ (උදා: "බෝලෙ ඕනි", "තාත්තා ආවා")
🔴සරල උපදෙස්/ විධාන තේරුම් ගන්නේ නෑ (උදා: "බෝලය දෙන්න")

අවුරුදු 3

🔴කියන දේ පවුලේ අයට පවා තේරෙන්නේ නෑ
🔴අන් අය සමඟ සන්නිවේදනයට උත්සාහ කරන්නේ නෑ

💡 Early Intervention සුවිශේෂීයි!

"තව ටික දවසකින් හරියාවි" කියලා බලන් ඉන්න එපා. එවැනි ලකුණක් දුටු සැනින් සුදුසුකම් ලත් කථන සහ භාෂා චිකිත්සකවරයෙකු (Speech & Language Therapist) හමුවී අවශ්‍ය උපදේශනය හා මඟපෙන්වීම ලබාගන්න...

වැඩි විස්තර සඳහා අපගේ විශේෂඥ කථන සහ භාෂා චිකිත්‍රකරුන් හමුවන්න

සටහන,
කථන හා භාෂා චිකිත්සක,
මලින්දි දිල්හාරා.
Miracle L Speech and Hearing Center
☎️0761838484
Battaramulla | Ambalangoda | Gampaha | Kurunegala

01/10/2026

🎈 A little color, a lot of happiness! 💜

Our center is ready to celebrate the little smiles, little voices, and big dreams of our children. 🌈✨

Happy Children’s Day from all of us at Miracle L! 💜

01/10/2026

Happy Children’s Day! 💜

Every child has a voice.
Sometimes, they just need a little help finding it. 🗣️💜

This Children’s Day, let’s celebrate every little attempt to talk, communicate, express, listen and connect.

✨ A first word
✨ A new sound
✨ A simple request
✨ A sentence
✨ A child confidently expressing what they want

These little steps can be big milestones for a child and their family.

If you have concerns about your child’s **speech, language, communication or social interaction**, early professional support can make a meaningful difference.

Every child develops at their own pace and every child deserves the opportunity to communicate.**

**Happy Children’s Day from Miracle L Speech & Hearing Center!** 💜

📞 0761 838484
📍 Battaramulla | Gampaha | Ambalangoda | Kurunegala

26/09/2026

දරුවන්ගේ කථන හැකියාව වර්ධනයට නිවසේදී කළ හැකි ක්‍රියාකාරකම්....