Dr. Ye Yint

30/09/2026

ဆား ရှောင်ဖို့ လိုသလား

ဟင်းချက်ရင် ဆားမပါဘဲ ချက်ရင် အရသာမရှိပါဘူး။
ကျွန်တော်တို့ မြန်မာတွေကလည်း အရသာဆို လေးမှ စားလို့ကောင်းတယ်လို့ ခံစားရတတ်ကြတယ်။
မုန့်ဟင်းခါး၊ အုန်းနို့ခေါက်ဆွဲ ၊ ကြာဇံချက် အစရှိသဖြင့် စားရင် အရသာပိုပြည့်အောင် ဆိုင်တွေမှာ အစ ငံပြာရည် ပုလင်းလေးတွေ ချပေးထားတတ်ကြတယ်။
ထမင်းစားရင်လည်း ငါးပိရည်လေးနဲ့မှ စားမြိန်တယ် အစရှိ သဖြင့် အရသာ လေးမှ ကြိုက်ကြတယ်။

အရသာ လေးဖို့အတွက်ဆိုရင်တော့ ဆား ၊ ငံပြာရည် အရသာမှုန့် အစရှိသဖြင့် များများ လိုက်ထည့်ရတာပါ။

ဒီလိုမျိုး ဆားဓာတ် များများစားတာက ရေရှည်မှာ နှလုံးနဲ့ ကျောက်ကပ်ကို ထိခိုက်စေနိုင်သလို လေဖြတ်နိုင်ခြေကိုလည်း မြင့်မားစေပါတယ်။

ဒီလိုပြောလို့ ဆားကို လုံးဝရှောင်စရာ မလိုပါဘူး။ ခန္ဓာကိုယ်အတွက် လိုအပ်တဲ့ထဲမှာ ဆားထဲမှာပါတဲ့ sodium ဓာတ်လည်း ပါပါတယ်။ ချွေးထွက်များလို့ ဆားဓာတ်တွေ ဆုံးရှုံးတာများရင်တောင် မောပန်းတာ၊ မူးဝေတာ၊ ကြွက်တက်တာတွေ ခံစားရနိုင်ပါတယ်။
အဲ့အတွက်ကြောင့် ဆားဓာတ်က လုံးဝ ရှောင်ဖို့မဟုတ်ပဲ တစ်နေ့တာ စားမိနေတဲ့ ပမာဏ ကိုသတိထားဖို့ဖြစ်ပါတယ်။

ဟင်းထဲထည့်တဲ့ဆားအပြင် ငါးပိ၊ ငံပြာရည်၊ ပဲငံပြာရည်၊ အချဉ်ဖတ်နဲ့ အဆင်သင့်စားစရာ ခေါက်ဆွဲခြောက် တွေကနေလည်း ဆားဓာတ် ထပ်ရနေတတ်ပါတယ်။
အရွယ်ရောက်ပြီးသူ တစ်ယောက်အနေနဲ့ တစ်နေ့တာ ဆား စားနိုင်တဲ့ ပမာဏက 5 g ပါ။ Sodium နဲ့ဆို 2000 mg ဖြစ်ပါတယ်။
ဆား၊ ငါးပိ၊ ငံပြာရည်မှာ ပါတဲ့ sodium ဓာတ်တွေပါ အားလုံး ပေါင်းထားတဲ့ ပမာဏပါ။

နိုင်ငံတကာ လမ်းညွှန်ချက်တွေအရ ၁ နှစ် အောက် ကလေးတွေ အတွက် ချက်ပြုတ်ရင်တောင် ဆားလုံးဝ မသုံးရပါဘူး။

နှလုံး နဲ့ ကျောက်ကပ် ကျန်းမာဖို့ အတွက်ဆိုရင်

✅ဟင်းချက်ချိန် ဆားနဲ့ ငံပြာရည်ကို လျှော့ထည့်ပါ။
✅စားခါနီး အရသာမမြည်းရသေးဘဲ ထပ်မဖြည့်ပါနဲ့။✅ငါးပိရည်နဲ့ ငံပြာရည်ကို ဟင်းပွဲတိုင်းမှာ များများမသုံးဘဲ ပမာဏသတိထားပါ။

အသက်ကြီးလာတဲ့အခါ တချို့သူတွေမှာ အနံ့နဲ့ အရသာခံနိုင်စွမ်း ပြောင်းလဲလာပြီး ဟင်းကို အရသာပေါ့တယ်လို့ ခံစားရနိုင်ပါတယ်။ အဲဒီအခါမျိုးမှာ ဆားထပ်ထည့်မယ့်အစား ကြက်သွန်ဖြူ၊ ချင်း၊ သံပုရာသီးလို အနံ့အရသာပေးတဲ့ ပစ္စည်းတွေကို စမ်းသုံးကြည့်ပါ။

အစားအသောက်ကို အရသာရှိရှိ စားလို့ရပါတယ်။ အငန်အရသာကိုတော့ တဖြည်းဖြည်း လျှော့စားကြဖို့ အကြံပြုလိုက်ရပါတယ်။

သင်ကိုယ်တိုင်က သင့်အတွက် အကောင်းဆုံးဆရာဝန်ပါ။
တစ်ယောက်ချင်းစီ တိုင်း စိတ်ရောကိုယ်ပါ ကျန်းမာကြပါစေ

ဒေါက်တာရဲရင့်
အာဟာရအထူးပြု ဆရာဝန်

26/09/2026

ကျောက်ကပ် မပျက်စီးခင် ကြိုတင်ဂရုစိုက်ဖို့ အရေးကြီးပါတယ်။

✅ ကျောက်ကပ်ကျန်းမာရေး ကြိုတင်ကာကွယ်လိုသူများ
✅ ဆီးချို ၊ သွေးတိုးရှိသူများ
✅ဆီးအမြုပ်ထခြင်း၊ ဆီးပုံမှန် မဟုတ်ခြင်းစတဲ့ လက္ခဏာ သတိထားမိသူများ
✅ ကျောက်ကပ်ရောဂါ ရှိပြီး အစားအသောက် နှင့်နေထိုင်မှုပုံစံအကြောင်း သိထားသင့်တဲ့အချက်တွေကို လက်တွေ့အသုံးချနိုင်အောင် မျှဝေပေးသွားမယ့်

“ကျောက်ကပ် မပျက်စီးခင် ဂရုစိုက်ပါ”
(A Practical Guide to Kidney Health and Nutrition)

Seminar လေး မကြာခင် ရောက်ရှိလာတော့မှာပါ။

📅 11 October 2026
⏰ 12:00 PM – 3:00 PM
📍 KBA Hotel (Shwegonedine)

💰 ဝင်ကြေး - အခမဲ့

လူဦးရေအကန့်အသတ် ရှိပါသဖြင့် ကြိုတင်စာရင်း သွင်းရန် လိုအပ်ပါသည်။

ကျောက်ကပ်နဲ့ပတ်သက်ပြီး စိတ်ဝင်စားသူတွေ၊ ကိုယ့်ကျန်းမာရေးကို ကြိုတင်ဂရုစိုက်ချင်သူတွေအနေနဲ့ စာရင်းမပေးရသေးဘူးဆိုရင် ကြိုတင် Register လုပ်ထားဖို့ ဖိတ်ခေါ်ပါတယ်။

အောက်ပါ Link မှ တဆင့် စာရင်းသွင်းရန်

https://invite.viber.com/?g2=AQACs8uZ%2BfJbBVctFTviyGgVe6szMmOZG8AnZ8F8Retuumbl%2BFPK1jjotHmeMQY6

25/09/2026

ကျွန်တော်ရဲ့ Professional Website လေးရလာပါပြီ။
အကြံဉာဏ်ပေးကြသူတစ်ဦးတစ်ယောက်ချင်းစီတိုင်းကိုလဲ ကျေးဇူးတင်ပါတယ်။

ဒီ website ထဲမှာ လက်ရှိကျွန်တော် လုပ်ဆောင်နေတဲ့အရာတွေနဲ့ ပတ်သက်ပြီး မိတ်ဆက်ထားတာဖြစ်ပါတယ်။
Website ကို ဒီမှာ ဝင်ကြည့်လို့ရပါတယ်

www.dryeyint.com

Health Education, Clinical Nutrition, Speaking, Training နဲ့ Collaboration ပိုင်းတွေမှာ စိတ်ဝင်စားတဲ့ အဖွဲ့အစည်းများ၊ ကျန်းမာရေးပညာရှင်များ၊ ကျောင်းများနဲ့ Community တွေနဲ့လည်း ဆက်လက်ပူးပေါင်းလုပ်ဆောင်နိုင်ဖို့ မျှော်လင့်ပါတယ်။

သင်ကိုယ်တိုင်က သင့်အတွက် အကောင်းဆုံးဆရာဝန်ပါ။
တစ်ယောက်ချင်းစီ တိုင်း စိတ်ရောကိုယ်ပါ ကျန်းမာကြပါစေ

Dr. Ye Yint is a doctor and clinical nutritionist in Myanmar, providing evidence-based nutrition guidance, health education, speaking, and training.

21/09/2026

ကျောက်ကပ်မပျက်စီးခင် ဂရုစိုက်ပါ
A Practical Guide to Kidney Health and Nutrition

ဘယ်သူတွေတက်သင့်လဲ

✅ ကျောက်ကပ်ကျန်းမာရေး ကြိုတင်ကာကွယ်လိုသူများ
✅ ဆီးချို ၊ သွေးတိုးရှိသူများ
✅ဆီးအမြုပ်ထခြင်း၊ ဆီးပုံမှန် မဟုတ်ခြင်းစတဲ့ လက္ခဏာ သတိထားမိသူများ
✅ ကျောက်ကပ်ရောဂါ ရှိပြီး အစားအသောက် နှင့်နေထိုင်မှု ပုံစံ စနစ်တကျ ဂရုစိုက်ချင်သူများ

🗓️ နေ့ရက် - ၁၁ အောက်တိုဘာလ ၂၀၂၆

⏱️ အချိန် - နေ့လည် ၁၂:၀၀ နာရီမှ မွန်းလွဲ ၃:၀၀ နာရီအထိ

🏨 နေရာ - Hotel KBA (ရွှေဂုံတိုင်)

💰 ဝင်ကြေး - အခမဲ့

လူဦးရေအကန့်အသတ် ရှိပါသဖြင့် ကြိုတင်စာရင်း သွင်းရန် လိုအပ်ပါသည်။

အောက်ပါ Link မှ တဆင့် စာရင်းသွင်းရန်

https://invite.viber.com/?g2=AQACs8uZ%2BfJbBVctFTviyGgVe6szMmOZG8AnZ8F8Retuumbl%2BFPK1jjotHmeMQY6

18/09/2026

ကျောက်ကပ် အဓိက ပျက်စီးစေနိုင်သည့်အချက် (၅) ချက်

#ကျောက်ကပ်

17/09/2026

ZORA Quiz Giveaway ရရှိသူများ ပေါ်ထွက်လာပါပြီ 🎁

ZORA Quiz Giveaway လေးမှာ စိတ်အားထက်သန်စွာ ပါဝင်ဖြေဆိုပေးခဲ့ကြတဲ့ တစ်ဦးတစ်ယောက်ချင်းစီတိုင်းကို အထူးပင် ကျေးဇူးတင်ရှိပါတယ်။

Quiz မေးခွန်းလေးကတော့
ချွေးအများကြီး ထွက်တဲ့အခါ ခန္ဓာကိုယ်က အဓိက ဆုံးရှူံးနိုင်တာဘာတွေလဲ။

A. Protein and Fiber
B. Water and electrolytes
C. Fat and Cholesterol
D. Vitamin D and Vitamin B 12

အဖြေမှန်ကတော့ B. Water and Electrolytes ဖြစ်ပါတယ်။

အဖြေမှန်ကို ဖြေဆိုပေးခဲ့ကြတဲ့ သူအားလုံးကို ဆုချီးမြှင့်ပေးချင်ပေမယ့် ပါဝင်ဖြေဆိုသူများပြားတဲ့အတွက် အဖြေမှန်သူများထဲမှ (၅) ဦးကို Random ရွေးချယ်ပြီး တစ်ဦးလျှင် ဆုငွေ ၅၀,၀၀၀ ကျပ်စီ ချီးမြှင့်ပေးသွားမှာ ဖြစ်ပါတယ်။

✨ Congratulations to our winners!

1️⃣ Win Kyi 🎁
2️⃣ Thandar Thandar 🎁
3️⃣ Hnin Ei Khine 🎁
4️⃣ Grace Hom 🎁
5️⃣ June Jasmine 🎁

🎊 ​ဆုရရှိသူ (၅) ဦးစလုံး အနေနဲ့ တစ်ဦးလျှင် ဆုငွေ ၅၀,၀၀၀ ကျပ်စီ ရရှိမှာဖြစ်ပါတယ်။

ဆုရရှိသူများအနေနဲ့ Chat Box မှတစ်ဆင့် လာရောက်ဆက်သွယ်ပြီး ဆုငွေထုတ်ယူနိုင်ပါပြီ။

ပါဝင်ဖြေဆိုပေးခဲ့ကြသူအားလုံးကို အထူးပင် ကျေးဇူးတင်ပါတယ်။
နောက်ထပ် Knowledge Sharing, Quiz & Giveaway လေးတွေနဲ့လည်း ပြန်လည်တွေ့ဆုံကြပါမယ်။

သင်ကိုယ်တိုင်က သင့်အတွက် အကောင်းဆုံးဆရာဝန်ပါ။
တစ်ယောက်ချင်းစီတိုင်းစိတ်ရောကိုယ်ပါကျန်းမာကြပါစေ

14/09/2026

ဘဝဟာ ကိုယ်ထင်သလောက် မရှည်ဘူး။
ကိုယ့်ဘဝ ကိုယ်ပိုင်တယ်ထင်နေပေမယ့် တကယ်တမ်း မပိုင်ဘူး။
အရင်တုန်းကတော့ “နေ့မြင်၊ ညပျောက်” ဆိုတဲ့စကားကို ပြောခဲ့ကြတယ်။
ဒါပေမယ့် အခုနောက်ပိုင်းမှာတော့ “အခုမြင်၊ အခု ပျောက်” နိုင်တယ်ဆိုတာ ပိုပြီး သတိထားမိလာတယ်။
ဒီနေ့ ကိုယ်နဲ့အတူရှိနေတဲ့သူဟာ မနက်ဖြန်မှာ ကိုယ့်ဘေးမှာ ရှိချင်မှ ရှိတော့မယ်။
ဒီနေ့ ကျန်းမာသန်စွမ်းနေတဲ့ ခန္ဓာကိုယ်ဟာ မနက်ဖြန်မှာ နာကျင်မှုတွေနဲ့ ရင်ဆိုင်နေရနိုင်တယ်။
ဒီနေ့ ကိုယ်အရမ်းအရေးကြီးတယ်လို့ ထင်နေတဲ့အရာတွေဟာ နှစ်အနည်းငယ်ကြာတဲ့အခါ ကိုယ်တိုင်တောင် ပြန်မမှတ်မိတော့တာ ဖြစ်နိုင်တယ်။
ကိုယ်က အချိန်ရှိသေးတယ်လို့ ထင်နေတဲ့ အချိန်မှာပဲ နောက်ကျသွားနိုင်ပါတယ်။

မပြောဖြစ်သေးတဲ့ “ကျေးဇူးတင်ပါတယ်” တွေကို ပြောပါ။မပြောဖြစ်သေးတဲ့ “ချစ်တယ်” တွေကို ပြောပါ။
ကိုယ့်ကို ကို ခွင့်လွှတ်ပါ။
ချစ်တဲ့သူတွေအတွက် အချိန်ပေးပါ။
တချို့အရာတွေက နေ့မြင်၊ ညပျောက် မဟုတ်တော့ဘူး။အခုမြင်၊ အခု ပျောက်နိုင်ပါတယ်။
သင်ကိုယ်တိုင်က သင့်အတွက် အကောင်းဆုံးဆရာဝန်ပါ။
တစ်ယောက်ချင်းစီတိုင်း စိတ်ရောကိုယ်ပါကျန်းမာကြပါစေ

11/09/2026

အကြောကပ် ကြွက်တက်တာတွေ မဖြစ်အောင် လုပ်ဆောင်ပေးသင့်တဲ့ အချက် (၄) ချက်

သင်ကိုယ်တိုင်က သင်နှင့် သင့် မိသားစုအတွက် အကောင်းဆုံးဆရာဝန်ပါ
တစ်ယောက်ချင်းစီတိုင်း စိတ်ရောကိုယ်ပါ ကျန်းမာကြပါစေ

09/09/2026