Onoshmed Clinical Laboratory

30/07/2026

🧠 ЦЭВЭРШИЛТ БА ЗАН АРАНШИН: Яагаад сэтгэл маань тогтворгүй болдог вэ?

Цэвэршилтийн үед зөвхөн бие махбодь төдийгүй сэтгэл санаа, зан араншин, танин мэдэхүй хүртэл өөрчлөгддөгийг мэдэх үү? 🤔

Энэ насны эмэгтэйчүүдийн 40-60% нь сэтгэл санааны өөрчлөлт эсвэл танин мэдэхүйн зовуурьтай тулгардаг. Учир нь эстроген даавар буурснаас тархинд сэтгэл санааг зохицуулдаг серотонин, допамин, норадреналин зэрэг бодисын үйл ажиллагаанд нөлөөлдөг.

Сэтгэл, мэдрэлийн талаас илрэх шинжүүд:
😠 Уур уцаартай, түрэмгий болох
😰 Сэтгэл түгшүүртэй, айдас хүрэх
🎭 Зан араншин тогтворгүй болох
🌀 Юманд төвлөрч чадахгүй, мартамтгай болох
😴 Ядрах, ажлын чадвар буурах
😔 Сэтгэл гутрал
🌙 Нойргүйдэх
💔 Аливаад хэт эмзэг хандах

Танин мэдэхүйн хувьд бэрхшээлтэй болдог зүйлс:
🔹 Өмнөх шигээ хурдан бодох
🔹 Шинэ асуудал шийдэх
🔹 Тодорхой үгсийг санах
🔹 Утасны дугаар, нэр, огноог санах
🔹 Олон ажлыг зэрэг хийх, анхаарлаа шилжүүлэх

⚠️ Дараах хүчин зүйлтэй хүмүүст энэ өөрчлөлт илүү хүчтэй илэрдэг: өмнө нь сэтгэл гутрал/түгшүүртэй байсан, архаг стресс, нойрны эмгэг, бамбай булчирхайн өвчин, чихрийн шижин, илүүдэл жин, гэр бүл/ажлын ачаалал.

💙 Сэтгэл хөдлөлөө хэрхэн даван туулах вэ?

✅ Иог, бясалгал, хөдөлгөөнт дасгал хийх
✅ Хоолны дэглэмээ аажмаар эрүүл, тэнцвэртэй болгох
✅ Архи, спиртийн хэрэглээг багасгах
✅ Үр дүн харагдахуйц зорилго тавьж ажиллах
✅ Гэр бүл, найз нөхөдтэйгээ харилцаагаа бэхжүүлэх

😴 Нойргүйдэлтэй тэмцэх зөвлөгөө:

🔸 Өдрийн цагаар унтахгүй байх
🔸 7 хоногт 150 минутын дунд зэргийн дасгал хийх
🔸 Архи, кофеин, тамхины хэрэглээг багасгах
🔸 Унтлагын өрөөгөө тохитой, агааржуулттай байлгах
🔸 Нойр хүрэхэд л орондоо орох
🔸 Унтахын өмнө ваннд орох/шүршүүрт орох
🔸 Орондоо орсны дараа гар утас, зурагт үзэхгүй байх
🔸 Тогтмол цагт унтаж, сэрэх дадал бий болгох

Хэрэв сэтгэл санаа, нойрны асуудал хүнд хэлбэрээр, удаан хугацаанд үргэлжилвэл, энэ бол зөвхөн "цэвэршилт" гэж өнгөрөөх зүйл биш. Мэргэжлийн эмчид хандан, шаардлагатай бол даавар орлуулах эмчилгээ зэрэг тохирсон эмчилгээгээ эхлүүлээрэй.

📍 Та өөрт ойр салбарын аль нэгд зочилж, бамбайн болон дааврын шинжилгээгээ өгөөрэй.

Салбаруудын хаяг, цагийн хуваарийг доорх comment-с үзнэ үү 👇

#ОношМед #Цэвэршилт #СэтгэлЗүй #ТанинМэдэхүй #Нойргүйдэл #ЭмэгтэйчүүдийнЭрүүлМэнд #ЭрүүлМэндийнШинжилгээ

29/07/2026

🦋 ЦЭВЭРШИЛТ БА БАМБАЙ БУЛЧИРХАЙН ХОЛБОО

Цэвэршилт болон бамбай булчирхайн үйл ажиллагаа хоорондоо нягт холбоотойг мэдэх үү? 🤔

Цэвэршилтийн үед эстроген даавар буурснаар бамбайн дааврыг тээвэрлэгч уураг өөрчлөгдөж, бамбайн даавар мөн буурдаг. Иймээс энэ насны эмэгтэйчүүдэд бамбайн идэвх буурах нь нэлээд түгээмэл тохиолддог. Харин цэвэршилтийн дараах насны эмэгтэйчүүдэд Хашимотогийн тиреодит зэрэг аутоиммун гаралтай бамбайн өвчин илүү элбэг тохиолддог.

📌 Бамбайн өвчин эмэгтэйчүүдэд эрэгтэйчүүдээс 10 дахин илүү тохиолддог бөгөөд удамших хандлагатай.

Бамбайн идэвх буурсны шинж тэмдгүүд:
⚖️ Биеийн жин нэмэгдэх
🧠 Ой тогтоолт муудах
😴 Байнга ядрах, нозоорох
😔 Сэтгэл гутралд амархан орох
🌵 Арьс, үс хуурайших, чийгээ алдах
🚽 Өтгөн хатах
🥶 Байнга даарах
🩸 Сарын тэмдэг их хэмжээгээр, тогтворгүй ирэх

Яагаад анхаарах ёстой вэ?

🔹 Цэвэршилтийн үед бамбайн дааврын буурал ихэвчлэн үл анзаарагддаг
🔹 50 настай эмэгтэйчүүдийн 12 хүн тутмын 10 нь, 60 настай 2 хүн тутмын 1 нь ямар нэг хэмжээгээр бамбайн дааврын дутагдалтай
🔹 Ядрах, нойргүйдэх, уур хүрэх, зүрхний цохилт хурдсах, ой тогтоолт муудах зэрэг шинж нь цэвэршилт болон бамбайн дутагдалд ижилхэн илэрдэг тул хоорондоо андуурагдах нь элбэг
🔹 Эстроген даавар нөхөх эмчилгээ хийлгэж буй эмэгтэйчүүдэд бамбайн эмгэг далд хэлбэрээр явагдаж, удаан хугацаанд оношлогдоогүй үлдэж болно
🔹 Даавар нөхөх эмчилгээ хийлгэсэн ч ядаргаа, сэтгэлийн хямрал, нойргүйдэл үргэлжилсэн тохиолдолд бамбайн шинжилгээ өгөх шаардлагатай

Юу хийх хэрэгтэй вэ?

✅ Цэвэршилтийн насны эмэгтэйчүүд дээрх шинжүүдийн аль нэгийг мэдэрч байвал дараах шинжилгээ өгөхийг зөвлөж байна:
- TSH, FT4 (бамбайн даавар)
- Anti-TG, Anti-TPO (бамбайн эсрэг биетийн сорил)
- Бамбайн хэт авиан шинжилгээ

Бамбай булчирхай нь зүрх, тархи, бөөр, нөхөн үржихүйн систем, булчин, хоолны дуршил зэрэг биеийн бараг бүх системд нөлөөлдөг тул түүний эрүүл байдал таны амьдралын чанарт шууд хамааралтай.

Сайн мэдээ гэвэл, бамбайн дутагдлыг цусны шинжилгээгээр амархан илрүүлж болох бөгөөд даавар нөхөх эмчилгээ маш үр дүнтэй байдаг.

💙 Цэвэршилтийн үе болон түүнээс хойших жилүүдээ эрч хүчтэй, зовуурьгүй өнгөрөөхийн тулд эрүүл мэндээ тогтмол шалгуулж байгаарай.

📍 Та өөрт ойр салбарын аль нэгд зочилж, бамбай булчирхайн шинжилгээгээ өгөөрэй.

#ОношМед #БамбайБулчирхай #Цэвэршилт #ЭмэгтэйчүүдийнЭрүүлМэнд #Хашимото #ЭрүүлМэндийнШинжилгээ

09/07/2026

Үндэсний өв соёлоо дээдлэн хүндэтгэж, дэлхийд ганцхан Монгол наадмаараа дэнж хотойтол сайхан наадаарай! 🇲🇳🇲🇳🇲🇳

#Оношмед

08/07/2026

🌸 ЦЭВЭРШИЛТ ГЭЖ ЮУ ВЭ?

Эмэгтэйчүүдийн өндгөвчний фолликулын тоо цөөрч, үйл ажиллагааны идэвхжил нь алдагдан, биений юм бүрэн зогсох үйл явцыг цэвэршилт гэнэ.

📌 Биений юм ирэлгүй 12 сар өнгөрсний дараа цэвэршсэн гэж тооцно.

Цэвэршилт нь насжилтын улмаас явагддаг байгалийн жам ёсны үйл явц бөгөөд өвчин биш юм. Энэ нь эмэгтэй хүний амьдралын чухал шилжилтийн үе юм.

👩‍🦳 Ихэвчлэн 45–55 насанд дараах үе шаттайгаар явагдана.
• Цэвэршилтийн өмнөх үе
• Цэвэршилтийн үе
• Цэвэршилтийн дараах үе

📊 Судалгаагаар Монгол эмэгтэйчүүдийн цэвэршилтийн дундаж нас 49.5 байна.

🩺 Цэвэршилтийн үед яг юу тохиолддог вэ?

Энэ үед өндгөвч өндгөн эс ялгаруулах үйл ажиллагаа саарч, үр тогтоох чадвар алдагдана. Мөн хамгийн чухал нь эстроген дааврын нийлэгжилт аажмаар буурч, эцэстээ зогсоно.

Эстроген буурахад тархи нөхөн өдөөх зорилгоор:
🔹 Фолликул идэвхжүүлэгч даавар (FSH)
🔹 Шар биеийн даавар (LH)

-ийн хэмжээг нэмэгдүүлдэг. Иймээс FSH-ийн огцом өсөлтөөр цэвэршилтийн үе шатыг оношлоход ашигладаг.

Эстроген болон прогестерон дааврын хэмжээ буурч, тогтворгүй хэлбэлзэхийн улмаас умайн салст нимгэрч, сарын тэмдэг багассаар эцэстээ бүрэн зогсоно.

⏳ Эрт болон хожуу цэвэршилт
⚠️ Эрт цэвэршилт

• 45 наснаас өмнө илэрвэл эрт үеийн цэвэршилт
• 40 наснаас өмнө илэрвэл хэт эрт цэвэршилт

Энэ нь зарим тохиолдолд өндгөвчийг хамарсан мэс засал, эсвэл умай авах мэс заслын дараа ч илэрч болно.

🕰️ Хожуу цэвэршилт

56 ба түүнээс дээш насанд биений юм зогсохыг хэлнэ.

Хожуу цэвэршилт нь:
• Дааврын эм удаан хэрэглэсэн
• Сарын тэмдгийн урт мөчлөгтэй
• Олон төрөлттэй
• Анхны сарын тэмдэг хожуу ирсэн зэрэгтэй холбоотой байж болно.

⚠️ Зарим тохиолдолд өндгөвчний даавар ялгаруулдаг хавдар, умайн эмгэг зэрэг шалтгааныг үгүйсгэхийн тулд эмчийн үзлэг, шинжилгээ шаардлагатай.

🌺 Цэвэршилтийн шинж тэмдгүүд

Шинж тэмдгийн хүч, эхлэх нас, үргэлжлэх хугацаа нь хүн бүрт өөр байдаг.

🌼 1. Эрт илрэх шинж
🩷 Биед мэдрэгдэх өөрчлөлт

• 🔥 Халуун оргих
• 💦 Шөнө хөлрөх
• ❤️ Зүрх дэлсэх
• 🦴 Үе мөч өвдөх
• 🩸 Даралт ихсэх
• 🤕 Толгой өвдөх
• 😴 Нойргүйдэх

🧠 Сэтгэл санааны өөрчлөлт

• Цочромтгой болох
• Тайван бус болох
• Сэтгэл түгших
• Мартамхай болох
• Сэтгэл гутрах шинж илрэх

🌼 2. Дунд хугацаанд илрэх шинж

🚺 Шээс, бэлгийн замын өөрчлөлтүүд

• Сарын тэмдгийн мөчлөг алдагдах
• Шээс барих чадвар муудах
• Шээс задгайрах
• Үтрээ хуурайших
• Арьс хуурайшиж үрчийх
• Хумс хугарамтгай болох
• Үс унах
• Хараа, сонсгол муудах

🌼 3. Хожуу илрэх шинж

⚠️ Удаан хугацаанд:
• Яс сийрэгжих
• Зүрх судасны өвчин
• Судас хатуурах
• Бодисын солилцооны хямрал
• Ой тогтоолтын өөрчлөлт

🔥 Халуун оргих

Цэвэршилтийн хамгийн түгээмэл шинж бөгөөд эмэгтэйчүүдийн 60–85%-д тохиолддог.

• Ихэвчлэн 3–5 минут үргэлжилдэг.
• Дунджаар 2 жил, зарим хүнд 10 хүртэл жил үргэлжилж болно.

Халуун оргих үед:
✔️ Арьс улайх
✔️ Хөлрөх
✔️ Дулаан ихсэх мэдрэмж төрнө.

⚠️ Дараах зүйлс шинжийг хүндрүүлдэг.
• 🍷 Архи
• ☕ Кофеин их хэрэглэх
• 🌶️ Халуун, хурц хоол
• ⚖️ Илүүдэл жин
• Зарим эмийн бүтээгдэхүүн

Хэрэв халуун оргих, хөлрөх нь өдөр тутмын амьдралд нөлөөлж байвал эмчид хандаарай.

🤕 Толгой өвдөх, толгой эргэх

Толгой өвдөх, чичрэх, толгой эргэх нь судасны болон мэдрэлийн өөрчлөлттэй холбоотой байж болно.

☕ Кофеины хэрэглээг тохируулбал шинж тэмдэг багасах боломжтой.

😴 Нойргүйдэл

Шөнө хөлрөх нь нойрыг алдагдуулж, ядаргаа үүсгэдэг.

Хэрэв нойргүйдэл хүнд хэлбэртэй байвал эмчтэй зөвлөлдөн шаардлагатай эмчилгээ хийлгээрэй.

🦴 Үе мөчний өвдөлт

Ихэнхдээ:
• Хүзүү
• Мөр
• Бугуй

орчмоор өвдөх бөгөөд насжилт болон хавсарсан эмгэгүүдтэй холбоотой байж болно.

💙 Сэтгэл зүйн өөрчлөлт

Цэвэршилтийн үед:
• Уур уцаартай болох
• Түгших
• Төвлөрөл муудах
• Эмзэг болох
• Мартамхай болох

нь дааврын болон нойрны өөрчлөлттэй холбоотой байдаг.

❤️ Бэлгийн замын өөрчлөлт

Эстроген буурснаар:
• Үтрээ хуурайших
• Бэлгийн харьцааны үед өвдөх
• Бэлгийн дур хүсэл буурах

шинжүүд илэрч болно.

💊 Үтрээний дааврын болон чийгшүүлэх эмчилгээ нь эдгээр зовиурыг багасгахад тусалдаг.

📌 Дүгнэж хэлбэл

🌸 Цэвэршилт бол өвчин биш, эмэгтэй хүний амьдралын байгалийн үе шат юм. Гэхдээ шинж тэмдэг нь өдөр тутмын амьдралд нөлөөлж байвал өөрөө тэвчихгүйгээр эмэгтэйчүүдийн эмчид үзүүлж, зөвлөгөө авч, шаардлагатай эмчилгээг цаг алдалгүй хийлгээрэй. 💙
#Оношмед

03/07/2026

МЭДЭЭЛЭЛ:

Манай эмнэлэг Үндэсний их баяр наадмын өдрүүдээр доорх хуваарийн дагуу амарч 7-р сарын 16-наас хэвийн хуваарийн дагуу ажиллана.

#Оношмед

03/07/2026

🧬 БЭЛГИЙН ЗАМЫН PCR ШИНЖИЛГЭЭ ГЭЖ ЮУ ВЭ?

PCR буюу Полимеразийн гинжин урвал (ПГУ)-ын шинжилгээ гэж юу вэ?
Амьд организм бүр дезоксирибонүклейн хүчил (ДНХ) болон рибонүклейн хүчил (РНХ) агуулдаг. Шинжлэгдэхүүнд байгаа эмгэг төрүүлэгч бичил биетний маш өчүүхэн хэмжээний ДНХ эсвэл РНХ-ийг өвөрмөц урвалж, ферментийн тусламжтайгаар олшруулан илрүүлдэг молекул биологийн өндөр мэдрэг шинжилгээний аргыг полимеразийн гинжин урвал (ПГУ) буюу англиар Polymerase Chain Reaction (PCR) гэж нэрлэдэг.

✅ Өвчний эхэн үед ч халдварыг илрүүлэх боломжтой.

🔬 Ихэвчлэн дараах халдваруудыг илрүүлнэ:
Хламид
Гонорея
Трихомонад
Микоплазм
Уреплазм
Бэлгийн херпес
Хүний папилома вирус (HPV)

🩺 Шинжилгээг хэрхэн авдаг вэ?
👩 Эмэгтэй
• Үтрээ болон умайн хүзүүнээс арчдас авна.

👨 Эрэгтэй
• Шээсний сүвээс арчдас авах эсвэл
• Анхны шээсний сорьц (First-catch urine, FCU) ашиглана.

🚻 Анхны шээсний сорьц (FCU) гэж юу вэ?

✔️ Өглөөний өлөн шээснээс шээж эхлэх эхний 10–20 мл шээсийг ариун саванд авна.

✔️ Хэрэв өглөөний өлөн шээс боломжгүй бол давсганд 2–3 цаг болсон шээсний эхний 10–20 мл-ийг авч болно.

📋 Шинжилгээний өмнөх бэлтгэл

✅ Шинжилгээ өгөхөөс 1–2 хоногийн өмнө бэлгийн хавьталд орохгүй байх

✅ Антибиотик хэрэглэж байгаа бол эмчтэй зөвлөн, тохирох хугацааны дараа шинжилгээ өгөх

✅ Шээсээр шинжилгээ өгөх бол 2–3 цаг шээгээгүй байх

✅ Эмэгтэйчүүдийн хувьд сарын тэмдэг ирээгүй үед өгөх нь тохиромжтой

❗ Ямар үед PCR шинжилгээ өгөх вэ?

🔸 Хэвийн бус ялгадас, эвгүй үнэр гарах

🔸 Шээхэд хорсох, өвдөх

🔸 Бэлгийн хавьтлын дараах зовуурь илрэх

🔸 Шинэ бэлгийн хавьтагчтай болсон

🔸 Жирэмслэлт төлөвлөж байгаа эсвэл жирэмсний хяналтын хугацаанд

🔸 БЗДХ-тай хүнтэй хавьтал болсон байж болзошгүй үед

🧪 PCR шинжилгээний багцууд

🟢 А. 4 төрлийн багц
Хамгийн түгээмэл халдварыг илрүүлэх багц.

✔️ Хламид
✔️ Гонорея
✔️ Трихомонад
✔️ Микоплазм гениталис

🟡 Б. 7 төрлийн багц
Дээрх 4 төрөл дээр нэмэгдэнэ:

✔️ Уреплазм уреалитикум (Ureaplasma urealyticum)
✔️ Уреплазм парвум (Ureaplasma parvum)
✔️ Микоплазм хоминис (Mycoplasma hominis)

👉 Давтамжтай БЗДХ, үргүйдлийн шалтгаан тодруулах үед сонгоход тохиромжтой.

🔴 В. 14 төрлийн багц
Дээрх 7 төрөл дээр нэмэгдэнэ:

✔️ Хүний херпес вирус (HSV-1, HSV-2)

✔️ Цитомегаловирус (CMV)

✔️ Варицелла зостер вирус (VZV)

✔️ Хламидын тусгай хэв шинж (LGV)

✔️ Трепонема паллидум (TP) – Тэмбүүгийн үүсгэгч

✔️ Хемофилус дукрей (HD) – Шанкройдын үүсгэгч

👉 Бэлгийн замаар дамжих халдварын иж бүрэн үзлэг хийхэд тохиромжтой багц.

🧬 Нэмэлт шинжилгээ

🟣 HPV 28 – Хүний папилома вирусын 28 хэв шинж тодорхойлно.

🟣 HPV HR14 – Умайн хүзүүний хорт хавдрын эрсдэл өндөртэй 14 төрлийн HPV генотип илрүүлэх шинжилгээ.

💙 Эрт илрүүлэг нь зөв оношилгоо, цаг алдалгүй эмчилгээний хамгийн чухал алхам юм.

#Оношмед

01/07/2026

🤍 ВИТИЛИГО БУЮУ АРЬС ЦАЙХ ӨВЧИН ГЭЖ ЮУ ВЭ?

Витилиго нь арьсны өнгийг үүсгэдэг меланоцит эсүүд устаж эсвэл үйл ажиллагаагаа алдсаны улмаас арьсан дээр цагаан толбо үүсдэг архаг өвчин юм.

✅ Халдварт биш бөгөөд нэг хүнээс нөгөөд дамждаггүй.

🩺 Витилигогийн эмчилгээний сүүлийн үеийн хандлага

Сүүлийн жилүүдэд витилигогийн эмчилгээ нэлээд ахицтай хөгжиж байна.

1️⃣ Тосон түрхлэг эмчилгээ
Кортикостероид тос
Кальциневрины дарангуйлагч тос (такролимус, пимекролимус)

➡️ Ялангуяа нүүр, хүзүү зэрэг хэсгийн жижиг голомтод үр дүнтэй байж болно.

2️⃣ 🌞 Гэрэл эмчилгээ

Narrowband UVB Phototherapy нь одоогоор витилигогийн хамгийн өргөн хэрэглэгддэг эмчилгээний нэг юм.

Тодорхой долгионы урттай хэт ягаан туяагаар долоо хоногт хэд хэдэн удаа эмчилснээр арьсны өнгө сэргэхэд тусалдаг.

3️⃣ 💊 JAK дарангуйлагч эмүүд

Сүүлийн үеийн хамгийн чухал дэвшлүүдийн нэг бол JAK дарангуйлагч бүлгийн эмүүд юм.

Жишээлбэл:

Ruxolitinib тос нь зарим улс оронд сегмент бус витилигог эмчлэхэд зөвшөөрөгдсөн.
Судалгаагаар нүүрний витилигод сайн үр дүн үзүүлсэн байна.
4️⃣ 🩹 Мэс заслын эмчилгээ

Тогтвортой, олон жил өөрчлөгдөөгүй витилигогийн үед сонгомол тохиолдолд:

Меланоцит шилжүүлэн суулгах
Арьс шилжүүлэн суулгах

аргуудыг хэрэглэж болно.

5️⃣ 🔄 Хосолсон эмчилгээ

Одоогийн чиг хандлага нь дараах аргуудыг хослуулан хэрэглэхэд чиглэж байна.

Түрхлэг эмчилгээ
Narrowband UVB Phototherapy
Шаардлагатай үед JAK дарангуйлагч
🎯 Эмчилгээний зорилго

Витилигог бүрэн эдгээх баталгаатай арга одоогоор байхгүй ч дараах боломжууд бий.

✅ Цагаан толбо томрохоос сэргийлэх
✅ Арьсны өнгийг хэсэгчлэн эсвэл бүрэн сэргээх
✅ Амьдралын чанарыг сайжруулах

👨‍⚕️ Хэзээ арьсны эмчид үзүүлэх вэ?

Хэрэв:
🔹 Шинээр цагаан толбо гарсан
🔹 Толбо томорч байгаа
🔹 Нүүр, гар зэрэг ил харагдах хэсэгт байрласан бол

➡️ Арьсны эмчид эрт хандах нь эмчилгээний үр дүнг сайжруулах чухал ач холбогдолтой.

🤍 Эрт оношилгоо, зөв эмчилгээ нь витилигог хянах хамгийн чухал алхам юм.

#Оношмед

30/06/2026

Олон улсын жишигт нийцсэн оношилгоо, эмчилгээ, эрүүл мэндийн тусламж үйлчилгээ 🏥

Onoshmed Clinical Laboratory

30/06/2026

30/06/2026

🎉 ОНОШМЕД компани маань 22 жилийн өмнөх энэ өдөр үүдээ нээж байлаа. Эмнэлзүйн лабораторийн нарийн мэргэшсэн, чанарын баталгаатай тусламж үйлчилгээг мэргэжлийн түвшинд тууштай тогтвортой үзүүлж ирсний баталгаа нь өдөр бүр шинэ харилцагчдаар хүрээгээ тэлж, бас анхны үйлчлүүлэгч нар маань ч бүх цаг хугацаанд хамтдаа байж ирснээр батлагддаг. ✨

🔬 "Дэлхийн стандартыг таны эрүүл мэндэд" уриатайгаар ажиллаж ирэхдээ олон улсын стандартад нийцсэн эрүүл мэндийн оношилгоо, тусламж үйлчилгээ бүхий оношилгоо эмчилгээний төв болох зорилготой өдөр бүр хичээж ажилласан. Та бүхний итгэл, дэмжлэг бидний хамгийн том үнэт зүйл байсаар ирсэн. 🙏

🏥 20 жилийнхээ босгон дээр цар хүрээгээ тэлж клиникийн эмнэлгийн статустай эмнэлгийн тусламж үйлчилгээ үзүүлэх болж, энэ жил орчин үеийн эмнэлгийн зориулалт бүхий байранд үйл ажиллагаагаа өргөжүүлж, иргэддээ улам бүр ойртон салбар, сорьц авах цэгүүдээ нэмэгдүүлэн ажиллах болсон нь бидэнд итгэсэн та бүгдийн урам билээ. 🚀

Эрүүл мэндээ даатгаж үйлчлүүлдэг харилцагч та бүхэндээ, хамтран ажилладаг байгууллагууддаа, сэтгэлээ шингээн ажилладаг хамт олондоо ойн баярын халуун мэндийг хүргэе. ❤️