Dr Alaa Mansour

24/10/2026

من فعاليات ندوة أمراض القلب التداخلية لدى الأطفال
للاستاذ الدكتور عثمان باشبينار
Prof. Dr. Osaman PAŞPINAR
رئيس قسم طب قلب الأطفال في مستشفى جامعة غازي عنتاب

23/10/2026

المؤتمر الثالث والثلاثون لجمعية طب الأطفال في طرطوس

19/10/2026

بدي اعتذر عن استلام مواعيد حتى نهاية الاسبوع بداعي السفر
للمشاركة بمؤتمر لطب الأطفال

مع تمنياتي دوام الصحة والعافية لأطفالنا 🩷💞

13/10/2026

بما إنه حالياً موسم الربو
اكتر شي بحب اوضحه للأهل اللي بخافوا من بخاخات الربو!
❌ البخاخات أبدا مابتعمل إدمان
❌ بخاخات الكورتيزون مابتأثر على نمو الطفل وماالها اثار جانبية
❌البخاخ الوقائي يومي وممنوع يتوقف بدون استشارة الطبيب حتى لو الطفل تحسن

الربو الغير مضبوط بأثر على نمو الطفل وذكاءه وعلى تغذيته ونشاطه اليومي وتحصيله الدراسي
لهيك ديماً بنبه على ضرورة الوقاية من الربو وعلى اهمية الالتزام بالبخاخات

وفي شي مهم لازم نعرفه انه اغلب حالات ربو الاطفال بتختفي مع الوقت
وحالات قليلة بتستمر بعد البلوغ

الدكتورة آلاء منصور
ماجستير في طب الأطفال وحديثي الولادة
أوقات الدوام يومياً ماعدا يوم الجمعة من الساعة ١ حتى الساعة ٥ مساءً ⏰
للحجز والاستفسار: 📞
0945101295
021-5415625
📍العنوان:
سيف الدولة الشارع الرئيسي مقابل مفرق الدوحة.

10/10/2026

رح احكي عن أكتر مرض منتشر بين الأطفال حالياً!!
هو التهاب القصيبات الشعرية
هو ناتج عن سبب ((فيروسي ))

المرض مذكور من قبل كتير ومشروح كتير ودائماً منكرر هالموضوع لأهميته
و هو عبارة عن ترفع حروري مع تجمع مخاط ومفرزات داخل مجرى التنفس وبحكم انه الطفل الصغير غير قادر على اخراج المفرزات رح تعمله مشاكل تنفسيه بشدة مختلفة من حالة لحالة

العلاج الأساسي !!! سيروم ملحي وسحب مفرزات!!! فعلا هاد هو العلاج لاني عبتساعدي الطفل بفتح مجرى التنفس واخراج المفرزات اللي عبتسدها

❌الصاد مو دائما منحتاجه وغلط نعطي صاد بدون استطباب
❌المقشعات ممنوعه منعاً باتاً تحت عمر السنتين ومارح ادخل بتفاصيل انه في ناس بتوصفه انا عبحكي الكلام العلمي وتوصيات المراجع
❌ادوية الرشح ومضاد الاحتقان كمان ممنوعة
❌الكورتيزونات ممنوعة الها استطباب خاص
❌ادوية السعال مع تركيبة المقشع ممنوعة نهائيا بالعكس ممكن تعمل تثبيط تنفس لاسمح الله

نحن كل تركيزنا بالعلاج نساعد الطفل يرضع بدون شردقه نسحبله المفرزات ونراقبه بشكل مكثف
واذا ساءت الحاله صار في صعوبة رضاعة شديده او زرقة او حرارة مرتفعة غير مستجيبه عالخوافض ضروري نستشير الطبيب
وطبعا العمر تحت الشهر حالة خاصة وبحتاج استشارة الطبيب حتى بدون اعراض شديدة

وبقول دائماً للأهل انه الوقاية خير من ألف علاج
الطفل اللي بالاشهر الاولى ممنوع حدا يقرب منهم او يقبلهم او يكونوا بغرفة مع اشخاص مصابين حتى لو كانوا الأم والأب

وبتمنى لأطفالنا دائماً يكونوا بألف خير 💞

06/10/2026

05/10/2026

زارتنا بالعيادة طفلة بعمر شهر بوزن 2850 غرام فقط (علماً أن وزن الولادة كان 2600 غرام)، مما يعني وجود بطء/فشل في كسب الوزن الطبيعي خلال الشهر الأول من العمر.
🔍 أسباب المشكلة:
بعد تقييم الحالة وفحص الطفلة بشكل مفصل تبين أن السبب ليس مشكله صحية او مرضية في الطفلة ولا نقصاً في انتاج حليب الام ( المشكلة فقط انه الطفلة ماعم تعرف كيف ترضع من الثدي)
💡 الحل والتغيير:
من خلال المتابعة والتوجيه الداعم:
✅ تم تدريب الأم على طريقة التعليق والالتقام الصحيحة للرضاعة الطبيعية.
✅ تم معالجة مشكلة الحلمة والتغلب على الصعوبات
✅ لم يتم الغاء الارضاع الطبيعي وادخال الارضاع الصناعي !!!
📈 النتيجة:
خلال 15 يوماً فقط من تصحيح طريقة الرضاعة، زاد وزن الطفلة 500 غرام لتصل إلى 3350 غرام بفضل الله، مع استمرار التحسن والنمو بشكل ممتاز جداً في الزيارات التالية 👏🏻.
📌 رسالة لكل أم جديدة:
• الرضاعة الطبيعية مهارة تتطلب الصبر والتدريب، والصعوبات في البداية أمر طبيعي جداً!
• صعوبة الرضاعة أو آلام الحلمة او الحلمة الغائرة ليست دليلاً على عدم كفاية حليبكِ، بل غالباً ما تكون بسبب طريقة الالتقام غير الصحيحة.

03/10/2026

التدريب المستمر جزء من الرعاية الآمنة …
إتمام دورة إنعاش حديثي الولادة 🌸🌸🌸

نقابة أطباء حلب

01/10/2026

"دكتورة.. بنتي عم تشتكي من وجع بعضلاتها ورجليها وما عم نعرف السبب!"
كتير من الأمهات بيجوا على العيادة بطفل عم يعاني من آلام عضلية أو مفصلية مجهولة السبب، وخصوصاً بعد اللعب أو بالمسا، ومن بين الفحوصات بيبين معنا السبب اللي ممكن ما يخطر ببال حدا: فرط مرونة المفاصل (Joint Hypermobility Syndrome).
راجعتني بالعيادة طفلة حلوة بتشتكي من هالأوجاع، ولما عملنالها الفحص السريري الدقيق وشيكنا على مقياس بيتون (Beighton Score)، كانت النتيجة إيجابية وواضحة جداً مثل ما موضح بالصور:
1. ثني الخنصر للخلف لأكثر من 90 درجة.
2. الإبهام بيلامس الساعد بكل سهولة.
3. فرط بسط بالمرفقين والركبتين بأكثر من 10 درجات.
4. قدرتها تلمس الأرض بكفوف إيديها تماماً وهي واقفة ومسندة ركابها.
جابت الطفلة نقط عالية على المقياس (أكثر من 6/9 وهي النتيجة الإيجابية عند الأطفال)، وهاد الفحص هو اللي فسر النا سبب الآلام العضلية اللي عم تجيها.
💡 شو يعني هالحكي؟ وشو الحل؟
فرط المرونة ماله مرض بخوف، بس الأربطة بتكون أرخى من الطبيعي، فالعضلات بتحاول تشد بزيادة حتى تثبت المفصل، وهاد الشي بيعمل تعب وإجهاد وآلام عضلية.
مع التوجيه الصحيح، وتمارين تقوية العضلات (العلاج الطبيعي) والتوعية بكيفية حماية المفاصل، بتقدر الصبية تعيش حياتها اليومية والرياضية بكل صحة وراحة. ❤️️✨

إذا عم تلاحظوا على أطفالكم مرونة زائدة مع شكوى متكررة من أوجاع بالرجلين أو العضلات، جاهزة للاستشارة. 🩺👶

30/09/2026

‏‏ 💊💊الميلاتونين 💊💊

تفاجئت خلال الممارسة إنه الأمهات بيعطوه لأطفالن لفترات طويلة وبجرعات عالية غير مضبوطة وبدون استشارة طبية، لهيك حبيت سلط الضوء عليه !!!
ما هو الميلاتونين؟
الميلاتونين هو هرمون ماله فيتامين ولا عشبة ولا منوم! فقط بساعد الطفل إنه يدخل بحلقة النوم.
دواعي الاستخدام:
• مصرح فيه بشكل أساسي لتنظيم النوم عند الأطفال ذوي الاحتياجات الخاصة واللي عندهم مشاكل عصبية.
• والأطفال الطبيعيين الأصحاء؟؟!! بصراحة الدراسات على استخدامه عندهم قليلة ومحدودة.
نصيحتي السريرية:
أنا ديماً بنصح الأمهات وأطفالي لما أوصفلن ياه إنه تكون الفترة مؤقتة وبظروف معينة (مثلاً بعد عطلة طويلة وبداية الفصل الدراسي ممكن يساعدنا) بس الدواء لحاله غير كافي!!.
⚠️️ وهالأجزاء أهم بكتير من الدواء!!
1. ممنوع استخدام الشاشات الإلكترونية قبل ساعتين من النوم.
2. الابتعاد عن المنبهات.
3. تثبيت موعد النوم والاستيقاظ.
4. يكون في هدوء تام ومنع تنبيه الطفل قبل وخلال النوم.
المخاطر والتنبيهات:
بالنسبة للميلاتونين بما إنه هرمون، أكبر المخاوف من استخدامه لفترات طويلة وبكميات كبيرة هو التأثير على بلوغ الطفل وهرموناته
وحتى بالدراسات لاحظوا في كتير حالات انسمام بهالعلاج، خاصة بعض الشركات مو دقيقة بالتركيز!!!