Erigavo mental Hospital

09/10/2025

Xuska maalinta caafimaadka Maanka.

Waxaan maanta ku qabanay magaalada Ceerigaabo xuska maalinta caafimaadka Maanka oo sanad walba maalinkan oo kale la xuso, xafladaas oo ay nagala soo qayb galeen Agaasimaha Fulinta ee Machadka Shaqaalaha Dawladda Mohamoud Saed Adaad oo Safar Shaqo u Jooga gobolka Sanaag ee magalada Ceerigabo, oo ay ku weheliyaan Kuxigeenka Agaasimaha Fulinta Machadka ee Maamulka iyo Maaliyada iyo Agaasime Waaxda Qorshayta iyo istatikiska, madaxwaynaha Jaamacada Beder University, garyaqaan Mubarak Aar, saxafi Xassan Gallaydh, xildhibaano golaha degaanka ah, masuuliyinta Wasaarada Horumarinta Caafimaadka heer gobol, culimada magaalada, xoghayaha Gobolka, dhalinyarada iyo aqoonyahanka gobolka Sanaag oo ay ugu horeeyan Sanag Sisters ururrada adeegayaasha arimaha bulshada iyo qaybaha kala duwan ee bulshada.

Madashan oo aad loogu dheeraday halku dhega sanadka ee “qof kasta waa inuu helaa adeegyada Caafimaadka Maanka.” Xoogana lagu saaray sidii adeegyada caafimaadka Maanka kor loogu qaadi lahaa.

07/10/2025

"Bulshada reer Somaliland gaara ahaan reer ceerigaabo waxaan ku wacyi-gelinaynaa inay ka qayb qaataan xuska Toddobaadka Maanka Adduunka" Dr Mubaarik Axmed Agaasimaha Cisbitaalka Ceerigaabo.

18/03/2025

Agaasimaha guud ee wasaarada horumarinta Caafimaadka Somaliland oo u weheliyo Gudomiye ku xigeenka gobolka Sanaag ayaa maanta kormeer ku soo maray Cusbitaalka Maanka ee magalada ceerigabo.

17/03/2025

Maanta oo Taariikhdu tahay 17-03-2025 waxa si rasmi loo dhagax dhigay isla markaana la bilaabay dhismaha wejiga koowaad ee beer nasasho oo uu yeelan doono Cusbitaalka Maanka Ceerigabo, halkaas oo ay dhagax dhiga kaga soo qayb galeen Maayir ku xigeenka magalada ceerigabo ahna ku simaha maayirka Cabdirahman GaadhiJiid, Agaasimaha Cusbitaalka Maanka Dr Mubarak Ahmed, isuduwaha WHC gobolka Sanaag Nuur Maxamuud Xirsi, xildhiban golaha degaanka ka mida iyo dhalinyaro kale oo samafalayaal ah, mashruucan oo isku tashi bulsho iyo qaadhan lagu dhisayo oo ay hirgelinteeda leeyihiin Agaasimaha cusbitaalka iyo dhalinyaro reer ceerigabo ah.

Beerta nasashadu waxa ay ka qaybqaadanaysaa bogsashada bukaanka cisbitaalka, deganaanshaha maskaxda, nasashada shaqaalaha iyo soo booqadayaasha cisbitaaalkaba.
Waxaan uga mahadcelinaynaaa qofkastoo si tabaruca uga qaybqaaatay gaarahaan dhalinyarada ceerigaabo iyo dawlada hoose.
Rabbi haydinka abaaalmariyo wanaagaa. Baahidaa aad daboosheen iyo horumarka aad degaankiina ka hirgeliseenba.

Wejiga labaad oo dhiraynta iyo qaabaynta ahi waxay bilaabmi doonta kadib markuu dhismahani dhamaado waxaanan soo dhawaynaynaa cid walboo awoodaysa inay ka qaybqaadato. Account number ZAAD:462560
Waxii faahfaahina dheradana kala xidhiidha: 063 7777525

Mahadsanidin

Agaasimaha cusbitaalka Maanka Ceerigabo
Dr Mubarak Ahmed Ali

01/02/2025

Wasiir Wasaaradda Horumarinta Caafimaadka Jamhuuriyadda Somaliland Dr.Xuseen Bashiir Xirsi oo uu weheliyo Agaasimaha guud ee Wasaaradda Horumarinta Caafimaadka Dr.Axmed Maxamuud Jaamac oo maalmihii u dambeeyey safar shaqo ku joogay magaalada Ceerigaabo ayaa maalinimadkii shalay ee jimcahaahayd kormeer ku ku soo maray cusbitaalka maanka ee magalada Ceerigaabo, iyo Cusbitaalka guud ee magalada ceerigaabo.

Kormeerkan ayaa waxaa masuuliyiinta ku wehelinayay, Wasiirka Wasaaradda Waxbarashadda iyo Sayniska iyo la taliyaha Caafimaadka maanka ee Wasaaradda, masuuliyiinta ayaa ujeedada kormeerkoodu daaranaa, sidii ay indhahooda ugu soo arki lahaayeen, habsami u socodka hawlaha cusbitaalka maanka iyo shaqada ay bulshadda u hayaan, sidoo kalena waxaa dhinac socotay sidii ay masuuliyiintu u arki lahaayeen wixii baahiyo Caafimaad ah ee ka jira cusbitaalka maanka iyo guud ahaan goobihi kale ee caafimad ee ay soo mareen oo uu ku Jiro Cusbitaalka guud ee Ceerigaabo, si ay ugu saleeyaan qorshaha Wasaaradda ee lagu horumarinayo adeegyadda Caafimaadka ee guud ahaan Dalka.

Wasiirka iyo Agaasimaha guud ayaa intii ay kormeerkooda ku jireen waxay mid mid u dul istaageen shaqada ka socotay xarumihii Caafimaadka iyo cusbitaaladii ay mareen, iyagoo kulamo gaar gaar ahna la qaatay shaqaalihii ka hawl-galayay xarumihii ay marayeen iyo bukaanadii loogu adeegayay, iyagoo Eebe uga baryay in uu caafimaad dhamaystiran siiyo.

Ugu dambayn, masuuliyiinta ayaa kulan gaar ah oo wakhti dheer socday la qaatay, Maamulka kala duwan ee caafimaadka gobolka, iyaga oo ka dhamaystay xaaladda guud ee caafimaadka gobolka, halka ay marayso iyo wixii baahiyo ah ee jira ee u baahan in si degdeg ah wax looga qabto.

Allah Allah leh

07/11/2024

Agaasimaha cusbitaalka Maanka ceerigaabo Dr Mubarak Ahmed Ali baa maanta dhir kala wareegay isuduwaha wasaaradda Degaanka iyo Isbedelka Cimilada, kayse Ali Mohamed, dhirtaas oo ay ugu tala galeen qurxinta iyo cagaarinta cusbitaalka Maanka ceerigaabo.

30/10/2024

30/10/2024

Waxaa ilaahay mahadii ah in ay maanta cisbitaalka maanta ee ceerigaabo biyagelintii u suurogashey dedaal badan ka dib.

Rabbi hakaa abaalmariyo muxsiniintii fududeysey,kuwii maalka iyo kuwii muruqaba ku bixiyey suuragalnimada biyaha cisbitaalka maanka ee ceerigaabo.

💧

23/10/2024

Gudoomiye ku xigeenka 1aad ee xisbiga Ucid Xil. Cumar Jamac Faarax ayaa cisbitaalka Maanka Ceerigabo soo gaadhsiyay deeq xoolo nool ah taas oo ay ugu tala galeen bukaanada cusbitaalka ku jira.

11/10/2024

10 October sanad walba waxa aduunka laga xusaa maalinta caafimad maanka, sida darteed wasaarada Horumarinta caafimad Somaliland waaxdeeda maanka waxay magalada Ceerigabo ku qabatay xus ku saabsan maalintaas taas oo ay ka soo qayb galeen masuuliyinta ka socday wasaarada horumarinta caafimadka ee gobolka sanaag oo uu ka kid yahay Agaasimaha cusbitaalka Maanka ceerigabo, madaxa wacyigelinta wasaarada, madaxa polia yada gobolka, iyo madaxa caafimadka aasasiga ah ahna, waxa sido kale ka soo qayb galay gudoomiye ku xigeenka gobolka Sanag, xildhibaano ka tirsan golaha degaan ceerigabo, gudoomiyaha jamacada sanaag, masuul ka socda wasaarada qoyska iyo arimaha bulshada, iyo dadwayne kala duwan oo ka socday qaybaha kala duwan ee bulshada.

Halkaas oo aad loogu dheeraday halka ku dhega sanadka ee ahaa “ waa in aynu mudnan siina caafimadka maanka ee goobaha shaqada” taaso aad looga hadlay sidi goobaha shaqada culayska shaqo iyo midka dhaqaale aad loogu fiirsan lahaa.

dhanka kale Agaasimaha cusbitaalka maanka ee ceerigabo baa aad ugu dheeraday waxqabadka baaxada leh ee u qabsoomay mudadi uu shaqaynayay cusbitaalka Maanka ceerigabo.