01/09/2026
IN VOLLE BLOM
Lente het ’n manier om ’n mens weer te laat raaksien…
die lig wat soggens ’n bietjie vroeër deur die venster val,
die son wat langer vertoef,
die eerste nuwe groen,
en dan — amper oornag — ’n ontploffing van kleur waar die winter net ’n rukkie gelede nog stil en kaal was.
Miskien is dít die mooi van ’n nuwe seisoen — die herinnering dat die lewe voortdurend verander en dat elke seisoen sy tyd het. En net wanneer ’n mens gewoond geraak het aan hoe dinge is, kom die natuur en wys dat daar weer iets anders, iets nuuts, is om raak te sien en te waardeer.
En vandag het ons hierdie nuwe seisoen behoorlik verwelkom.
Baie dankie aan elkeen wat gehelp het om ons lenteviering so mooi en vol kleur te maak!
