21/04/2026
5月份有新課堂啦！
大家應該都有聽過瑜伽大師艾揚格(B.K.S. Iyengar)同埋以佢命名嘅瑜伽派別Iyengar Yoga，佢嘅特色係以使用大量輔具（例如磚、枕、帶）幫助不同身體狀況嘅學生安全地進行練習，能提升學習者嘅力量同柔軟度，改善不良姿勢，從而更了解自己嘅身體結構和狀況。
相信平時有上我哋課堂嘅同學對於用瑜伽磚、拉筋繩、軟枕呢啲輔具一啲都唔陌生㗎嘞，而嚟緊5月開始，逢星期四晚上我哋會增設兩個特別班，每堂都會利用一種特別嘅輔具去做練習（例如瑜伽椅、牆繩、吊床布、瑜伽輪等）。由於要精準照顧每位同學嘅需要，每班人數最多4人，非常適合好想改善痛症和不良姿勢嘅你😊
仲唔快啲報名？快啲PM我啦💪🏼
