04/11/2026
90ஆவது புற்றுநோய் விழிப்புணர்வு நிகழ்ச்சித் திட்டம்!
கிழக்கு புற்றுநோயாளர் பராமரிப்பு நிலையத்தின் (EASCCA) ஏற்பாட்டில் முன்னெடுக்கப்படும் 90ஆவது புற்றுநோய் விழிப்புணர்வு நிகழ்ச்சித் திட்டம் இன்று 04.11.2026, காத்தான்குடி மட்/மம/நூறானியா வித்தியாலய மாணவர்கள் மற்றும் பெற்றோர்களுக்காக நூறானியா ஜும்ஆப் பள்ளிவாயலில் சிறப்பாக நடைபெற்றது.
இந்நிகழ்வில் பாடசாலையின் அதிபர் MACM. Niyas (BA, PGDE) அவர்கள் தலைமை தாங்கியதுடன், பாடசாலை ஆசிரியைகள், பெற்றோர்கள் மற்றும் தரம் 8 முதல் 10 வரையிலான பெண் மாணவிகளும் கலந்துகொண்டனர்.
இதன்போது, பெண்களைப் பாதிக்கக்கூடிய மார்பகப் புற்றுநோய் (Breast Cancer) தொடர்பான பல்வேறு முக்கியமான விழிப்புணர்வுத் தகவல்கள் விரிவாகவும் தெளிவாகவும் எடுத்துரைக்கப்பட்டன.
குறிப்பாக, மார்பகப் புற்றுநோயின் ஆரம்பகால அறிகுறிகள், நோயை ஆரம்ப நிலையிலேயே கண்டறியும் முறைகள், சுய மார்பகப் பரிசோதனையை மேற்கொள்ளும் விதம், ஆரம்பகாலக் கண்டறிதலின் முக்கியத்துவம் மற்றும் மார்பகப் புற்றுநோய் ஏற்படும் அபாயத்தைக் குறைப்பதற்கான முன்னெச்சரிக்கை வழிமுறைகள் தொடர்பில் பயனுள்ள விளக்கங்கள் வழங்கப்பட்டன.
மேலும், பெண்கள் தமது உடல்நலனில் அதிக கவனம் செலுத்துவதுடன், ஏதேனும் அசாதாரண மாற்றங்களைக் கண்டறிந்தால் தாமதமின்றி மருத்துவ ஆலோசனையைப் பெற்றுக்கொள்ள வேண்டியதன் அவசியமும் வலியுறுத்தப்பட்டது.
பெண்கள் மற்றும் இளம் மாணவிகளிடையே மார்பகப் புற்றுநோய் தொடர்பான விழிப்புணர்வை ஏற்படுத்தி, நோயை ஆரம்பத்திலேயே கண்டறிவதன் மூலம் உரிய மருத்துவப் பராமரிப்பையும் சிகிச்சையையும் பெற்றுக்கொள்வதற்கான அறிவைப் பகிர்ந்துகொள்வதே இந்நிகழ்வின் முக்கிய நோக்கமாக அமைந்தது.
புற்றுநோயை எதிர்கொள்ள அறிவைப் பகிர்வோம்; விழிப்புணர்வின் மூலம் உயிர்களைக் காப்போம்!
#தகவல்
ஊடகப்பிரிவு
கிழக்கு புற்றுநோயாளர் பராமரிப்பு நிலையம் (EASCCA)
