https://www.facebook.com/163551065814471/

J1H Witchcraft Training, Myinttar Street, Hpa-an (2026)

21/05/2026

လူတိုင်းမှာ နက္ခတ်ရာသီ ၁၂ ရာသီလုံးရှိတယ်ဆိုတာယုံကြလား?
ဂျက်တို့က sun sign ဆိုရင်ဘယ်လိုဖြစ်မယ်၊ ဘာဖြစ်မယ်ဆိုပြီး အဓိက sun, moon နဲ့ rising sign ကိုပဲကြည့်ကြတာများပါတယ်။

နေရာတစ်ခုချင်းစီမှာပိုနေတာမျိုးရှိပေမယ့် ၁၂ ရာသီခွင်လုံးကိုဒီနေ့ ဘယ်လိုအသုံးချရမလဲပြောပြပါမယ်။

ငါက (I am) သည် Aries ဖြစ်ပါတယ်။ ဘယ်အချိန်ပဲဖြစ်ဖြစ် စာကြောင်းတကြောင်းကို ဉပမာ- ငါကရုပ်ချောတယ်၊ ငါက အသုံးမကျဘူး၊ ငါကြောက်တယ်၊ ငါပျော်တယ်။ စသည်ဖြင့် ပြောနေတာတွေဆိုရင် Aries ရဲ့ဓာတ်ကို apples တို့အသုံးချနေတာပါပဲ။
ဒါကြောင့် ကိုယ့်ကိုကိုယ်စိတ်ထဲကပြောတဲ့စကားတွေအားလုံးက အပြင်မှာဖြစ်လာတတ်တာကြောင် သတိထားပြီး အဆိုးမြင်တဲ့စာကြောင်းတွေ မဖြစ်လာအောင် ဂရုစိုက်ရပါလိမ့်မယ်။

ငါ့မှာ….ရှိတယ် (i have) , ငါ့မှာတစ်ခုခုရှိတယ်၊ ငါ့မှာတစ်ခုမှမရှိဘူး စသည်ဖြင့် ပြောနေတာတွေ၊ ရေးနေတာတွေအကုန်လုံးက Ta**us ကို ဖော်ထုတ်သုံးစွဲနေခြင်းဖြစ်ပါတယ်။

ငါ…..လို့ထင်တယ်။….ပုံပဲ ( I think )
ငါသူလှတယ်ထင်တယ်၊ အဲ့တာကြီးကစိတ်ပျက်စရာကြီးလို့ထင်တယ်၊ ကောင်းတယ်ထင်တယ်၊ ကောင်းမယ့်ပုံပဲ ဆိုတာတွေအကုန်လုံးက Gemini ရဲ့စွမ်းအင်အားလုံးကိုသုံးနေတာဖြစ်ပြီး အတွေးတွေက ကံကြမ္မာဖြစ်စေတာကြောင့် သတိထားသင့်ပါတယ်။

ငါ….ခံစားရတယ်။ (I feel)
ငါအေးတယ်ခံစားရတယ်၊ ငါနင့်ကို စာနာတယ်ခံစားရတယ် စသည်ဖြင့် ခံစားချက်တွေနဲ့ဆိုင်တာတွေက Cancer ရဲ့ စွမ်းအင်ပါ။ ခံစားချက်က manifestation လဲဖြစ်တာကြောင့် သေချာသုံးသင့်ပါတယ်။ ခံစားချက်တွေအကုန်မပြောပြသင့်ဘူး ဆိုတဲ့အကြောင်းတွေကလဲ အဲ့အရာတွေကြောင့်ဖြစ်ပြီး တခါတလေ မလိုချင်တာတွေရလာတတ်ပါတယ်။

ငါ….လုပ်မယ်။ ( I will)
ငါအနာဂတ်မှာလုပ်လိမ့်မယ်လို့ပြောနေရင် ဒါကိုယ့်ရဲ့ Leo ပါဝါကိုအလွဲသုံးစားလုပ်နေတာပါ။ သင့်ရဲ့ စိတ်စွမ်းအင် (လုပ်မယ်) ဆိုတာကို အချိန်ဖြုန်းခြင်းနဲ့ အဆုံးအရှုံးခံလိုက်တာဖြစ်ပါတယ်။ Leo က နေကို ကိုယ်စားပြုပြီး နေက အခုလက်ရှိပစ္စုပ္ပန်ကိုကိုယ်စားပြုပါတယ်။

ငါနားလည်ပြီ နားလည်တယ် (တစ်ခုခုကို အဖြေဖော်ထုတ်နိုင်ပြီ) ဆိုတာ Virgo ပါ။
ကိုယ်ဆုံးဖြစ်ပြီးသား၊ လိုချင်နေတဲ့အရာတစ်ခုခုအတွက် ရလာဒ်ဖော်ထုတ်နိုင်တာ ဖြစ်ပါတယ်။
တစ်စုံတစ်ယောက်ရဲ့ယုံကြည်မှုတွေပျက်သုဉ်စေဖို့
သုတေသနတွေလုပ်တယ်ဆိုတာ Virgo power ကိုအလွဲသုံးစားလုပ်တာဖြစ်ပါတယ်။

နောက်ထပ် zodiac signs လေးတွေကိုနောက် video မှာတင်ပေးပါမယ်။

တားရော့မေးမြန်းနိုင်သလို တားရော့နဲ့အစီရင်သင်တန်းတွေနောက်လအစမှာဖွင့်တော့မှာမို့
Chatbox / 09788038021 သို့ဆက်သွယ်စုံစမ်းနိုင်ပါတယ်။

18/05/2026

မှော်ပညာပုံစံအမျိုးမျိုးထဲမှ အသုံးများဆုံးပုံစံ သို့မဟုတ်
Sympathetic Magic (ပုံစံဆင် မှော်ပညာနှစ်မျိုး)

ပုံစံခြင်းတူတာတွေက ပုံစံခြင်းတူတာတွေကို ဆွဲဆောင်တယ်ဆိုတဲ့ နိယာမကနေထွက်တဲ့ မှော်ပညာပါ။

ဉပမာ - လူနဲ့တူတဲ့အမြစ် Mandrake က လူကိုကိုယ်စားပြုတာကြောင့် အရင်ခေတ်က ကိုယ်မကြိုက်တဲ့ မကျေနပ်တဲ့လူတွေကို ပြုစားဖို့သုံးတာမျိုး။
ကောင်းတဲ့အရာတွေနဲ့သက်ဆိုင်ရင် သက်ဆိုင်မှုရှိတဲ့ အပင်၊ သစ်ဉသစ်ဖု၊ ပန်း၊ ကျောက်၊ ပစ္စည်းတွေကို အသုံးပြုတာမျိုးတွေပါ။

ဒီနိယာမကို အရင်ခေတ်တုန်းကတည်းက
ကျောက်ဂူတွေထဲမှာ အမဲလိုက်တဲ့ပုံစံတွေထွင်းတာ၊ ပုံဆွဲထားတာတွေနဲ့ အမဲကောင်းကောင်းဆက်လိုက်နိုင်ဖို့နဲ့

ဘိလပ်မြေ၊ ရွှံ့တွေနဲ့လုပ်ထားတဲ့လူရုပ်တွေကို အပ်နဲ့ထိုးထားတဲ့ပုံစံတွေထားရင်း မီးရှို့နိုင်တာတွေကိုမီးရှို့ကြတာ။

အခုခေတ်မှာဆိုရင်တော့ပိုလွယ်ပါတယ်။ ဓာတ်ပုံတွေကိုထုတ်ပြီး အစီအရင်လုပ်တာ, အသံကိုသွင်းထားပြီး အဲ့အသံပိုင်ရှင်ဆိုပြီး အထောက်အထားယူပြီး ပြန်သုံးတာမျိုးဖြစ်လာပါတယ်။

ဒီလိုနည်းတွေကို ပစ်မှတ်ထားရတာက ကြောက်ရင်းနဲ့သေသွားတယ်လို့ခံစားရလောက်တဲ့ ထုံထုံအအ လူတွေကိုပါပဲ။
အလုပ်တွေကိုတော့ နောက်ကွယ်မသိတဲ့အချိန်မှာလုပ်ရပါတယ်။
အမဲလိုက်ခေတ်တုန်းက တိရစ္ဆာန်တွေလဲ ဘာမှမသိကြပါဘူး။ အယူအစွဲလဲမရှိပါဘူး။ ဒါတောင် ဒီ မှော်ပညာကိုအသုံးပြုကြပါတယ်။

ဒါနဲ့ ပုံစံခြင်းတူတဲ့အရာတွေက အရိုးတွေကိုပစ်ချပြီးဟောရတဲ့ဗေဒင်၊ တားရော့ဗေဒင်၊ ငှက်ပျံတဲ့ပုံစံတွေ၊ လက်ဖက်ခြောက်သောက်၊ ကော်ဖီသောက်ပြီးထွက်လာတဲ့ ပုံစံတွေနဲ့ တိမ်ပုံစံတွေကိုကြည့်ရင်း အဟောထုတ်တာတွေပါ၀င်ပါတယ်။

Law of contact and contagion
ထိခြင်းနှင့် ကူးစက်ခြင်းနိယာမ

ဒါကတော့ ရှင်းပါတယ်။ လူတွေမှာရှိတဲ့ ခြေသည်း၊ လက်သည်း၊ လက်ဗွေယာ၊ ဆံပင်စတဲ့ DNA နဲ့ဆိုင်တဲ့ပစ္စည်းတွေဖြစ်ပါတယ်။ ဒါတွေက ခံရသူက လိုလိုလားလားပေးတဲ့အခါမျိုးမှာ ကောင်းစေတဲ့အစီအရင်လုပ်သည်ဖြစ်စေ၊ အတိုက်အစီအရင်လုပ်သည်ဖြစ်စေပိုပြီးထိရောက်ပါတယ်။

ဒီနိယာမရဲ့ပြောင်းပြန် ပြုလုပ်တဲ့လူက သူ့ရဲ့ရာသီသွေးကို ရည်ရွယ်ချက်ရှိရှိ စားသုံးသူဆီထည့်ပြီး ပြုစားလိုက်ရင်လဲ အလုပ်ဖြစ်ပါတယ်။

ဒါတွေက ကိုယ့်အလှည့်ကျရင်မခံရစေဖို့ ပြောပြတာပါ။
Witchcraft နဲ့တားရော့သင်တန်းများ နောက်လဖွင့်ပြီမို့ cb မှာ သင်တန်းအပ်နှံနိုင်ပါပြီ

15/05/2026

ဒီည ပျင်းလို့ free reading လေးပေးမယ်
Ex အကြောင်းမပါ။ only တိုးတက်ရာတိုးတက်ကြောင်း 🙏🏻

တယောက်တခုစီပဲ မန့်ပေးပါ
ပိုရင်မဟောပေးတာနားလည်ပေး‌ပါနော်။

33 ယောက် စာဖြေပေးပါမယ်။
ခုချိန်ကစ နက်ဖြန်နေ့လည်အထိ။ 💝

13/05/2026

လျှိုထားခြင်းက ကိုယ့်ရဲ့ ပါဝါကို ကိုယ့်လက်ထဲမှာပဲတည်ရှိစေပါတယ်.

ခုခေတ်မှာ ဆိုရှယ်မီဒီယာပေါ် trend တွေပေါ်လိုက်ပြီး ကိုယ့်အကြောင်းတွေတင်ကြတာများပါတယ်။ ဒါပေမယ့်တကယ်တော့ လူတွေက ကိုယ့်ကိုအမြဲဂရုမစိုက်ပါဘူး။ ဒါလူ့သဘာ၀၊ ဖြစ်တတ်တဲ့သဘာ၀ဖြစ်တာမို့ အပြစ်မြင်စရာမရှိသလို ဂျက်လဲသူလိုကိုယ်လိုပါပဲ။ လူတွေ တကယ်ဂရုစိုက်ကြတာက သူတို့ကိုယ်တိုင်ကိုပါပဲ။

လိုက်၀တ်ရင်လှလား၊ ဒီလို view လေးနဲ့ လိုက်ရိုက်ရင်ကောင်းမလား၊ ဒီဆိုင်ကိုသွားစားကြည့်ရင်ကောင်းမလားဆိုတာကို ပိုသိချင်ကြတာပါ။ ဒါမှမဟုတ်ရင် အနေအထိုင်ပုံစံကြောင့် သူဠေးပုံပေါက်လို့ ပညာတစ်ခုခုရမလားဆိုတဲ့စိတ်နဲ့ သူတို့အတွက်သူတို့ကြည့်ကြတာမျိုးပါ။

ဒါဆိုတကယ့်လောကီပညာရှင်တွေက ဘာတွေလုပ်ကြလဲ? လောကီဆရာအစစ်တွေကို ကြည့်ရင် လူတွေနဲ့ခပ်ကင်းကင်းနေတာ၊ လိုသလောက်ပဲပြောတတ်ကြတာကို သတိထားမိပါလိမ့်မယ်။ ဒါက

ကိုယ့်စကား၊ ကိုယ့်ဆန္ဒတွေကို စိတ်ထဲထားတာက ပါဝါအကုန်ရှိတာကြောင့်ပါ။
လူတွေတော်တော်များများမှားတတ်တာက လျှို့ဝှက်ချက်တွေအကုန်လုံးကို ကိုယ့်ချစ်သူကိုပြောပြရမယ်၊ လုပ်ကိုလုပ်ရမယ်ဆိုတဲ့အရာပါ။

ဂျက်ကတော့ ဂျက်ရဲ့ ချစ်သူက လျှို့ဝှက်သင့်တာတွေကိုလျှို့ဝှက်ပြီး ပြောသင့်တာတွေကိုပြောဖို့ပဲ တွန်းအားပေးမှာပါ။ ကိုယ်တိုင်လဲ ဒီလိုပဲလုပ်မှာပါ။ ဘာကြောင့်လဲဆိုရင်သူ့ဘ၀နဲ့ကိုယ့်ဘ၀ဆိုတာမတူတာကြောင့် data တွေနဲ့ကြောင်သွားတတ်တာကြောင့်ပါ။

ဒါ့အပြင် အောင်မြင်နေတဲ့လူတွေကိုကြည့်မယ်ဆိုရင်လဲ
ငါဘယ်လောက်အိမ်တွေရှိသွားပြီ၊ ဘယ်လောက်ပိုက်ဆံရနေပြီဆိုတာ ပြောပြချင်မှပြောပြမှာပါ။
Social media က influencer တွေတော့ဒီထဲမှာမပါပါဘူး။

“Keeping secrets is sacred” “လျှို့ဝှက်ထားခြင်းသည် မြင့်မြတ်ခြင်း” ဖြစ်သည်လို့လဲပြောစမှတ်ပြုကြပါတယ်။

စိတ်ညစ်စရာ စိတ်ရှုပ်စရာတွေကိုတော့ ဖွင့်ထုတ်လိုက်ရင် စိတ်ပြေသွားတာက မျှဝေခံစားလိုက်လို့၊ ပါဝါတွေပေးလိုက်လို့ ၀န်ထုတ်၀န်ပိုးလျော့သွားတာပါ။

မှော်ပညာပိုင်းမှာ ကိုယ်ဖြစ်ချင်တဲ့ ဆန္ဒတွေကို သူများသွားပြောပြလိုက်ရင် သူများတွေက ကိုယ့်ဆီက ပါဝါယူလိုက်သလိုဖြစ်ပြီး ဆန္ဒတွေက ဖြစ်သင့်သလောက်မဖြစ်တော့ပါဘူး။

ဒါကြောင့် လျှိုထားခြင်းက manifestation အတွက် အလုပ်ဖြစ်တဲ့ ပါ၀င်ပစ္စည်းထဲကတစ်မျိုးပါပဲ။

ကိုယ်ဖြစ်ချင်တဲ့ဆန္ဒ (လျှိုထားရမယ့်အရာလေး) ကို ဘယ်လို ဖော်ထုတ်ရမလဲ?
သင်အရာအားလုံးထက်လိုချင်တဲ့အချက်လေးတွေကို သေချာအရင်စဉ်းစားပါ။
ပြီးရင် အချက်နဲ့ရေးချပါ။

ဒါ လျှို့ဝှက်ရမယ့် (manifest) ရမယ့်အရာလေးတွေပါပဲ။

witchcraft အတန်းလေးတွေ နောက်လ ၁ ရက်နေ့စတော့မှာမို့ protection ကနေစလို့ အစီအရင်တွေကို စနစ်တကျဖန်တီးလိုသူများက ဂျက်ဆီမှာ witchcraft သင်တန်းကို tg qr code လေးကတဆင့် ဆက်သွယ်စုံစမ်းနိုင်ပါပြီ။

အနောက်တိုင်းအစီအရင်သင်တန်း
Magic type ( chaos + wicca )

11/05/2026

တစ်ဖက်သူက ကိုယ်နဲ့ပတ်သတ်ပြီး ဘယ်လိုတွေးနေလဲ သူနဲ့ကိုယ်နဲ့အဆင့်တက်နိုင်မလား?
Major သီးသန့်တက်ပြီးသား သင်တန်းသားလေးတွေရဲ့လက်ရာပါ
ပုံကိုနှိပ်ပြီးရွေးနိုင်ပါပြီ။

တားရော့သင်တန်းများ နောက်လ ပထမအပတ်မှာ ‌Batch 3 ဖွင့်တာကြောင့်
Page က tg qr မှာ စုံစမ်းအပ်နှံနိုင်ပါပြီ။

07/05/2026

ဒီလိုလူမျိုး ထောင်သောင်းမက မတွေ့ပါရစေ။

Spiritual ပိုင်းနဲ့ပတ်သတ်ပြီးလေ့လာချင်တယ်ဆိုရင်
စည်းကမ်းရှိရပါတယ်။

သူများအတွက်မဟုတ်တဲ့ ကိုယ့်ကိုကိုယ်အတွက်စည်းကမ်းတွေပါ။ အမှန်အတိုင်းပြောရရင် လူ့လောကမှာရှင်သန်ရင်
ပထမဆုံးအနေနဲ့ တကိုယ်ရည်သန့်ရှင်းရေးစည်းကမ်း
အိမ်သန့်ရှင်းရေးစည်းကမ်း ဆိုတဲ့ စိတ်တည်ငြိမ်ဖို့ အေးချမ်းဖို့ အနည်းဆုံးလိုက်နာရမယ့်စည်းကမ်းတွေအပြင်

လူတွေကြားထဲမှာ သူများစိတ်အနှောက်ယှက်မဖြစ်ရအောင်
မပြောသင့်တာမပြောရအောင်၊ မလုပ်သင့်တာတွေမလုပ်ရအောင်
ထိန်းသိမ်းခြင်း သီလဆိုတဲ့
လူမှုရေးစည်းကမ်းဆိုတာရှိပါတယ်။

ဒါကြောင့်စည်းကမ်းဆိုတာလူ၏တန်ဖိုးလို့ ပြောစမှတ်ပြုကြတယ်။

စည်းကမ်းရှိရင် ပင်ပန်းတယ်လို့လူတော်တော်များများက ထင်ကြတယ်။
အမှန်က စည်းကမ်းကောင်းလေ လွတ်လပ်လေပါ။

စည်းကမ်းမရှိတဲ့လူတစ်ယောက်ဆိုရင် သူများမျက်နှာလိုက်ကြည့်ရတာ၊
သူများကကိုယ့်ကိုမကြည်တာ၊ မကြိုက်တာ
တခါတလေကျရင် ကိုယ့်ကို ပြောတာဆိုတာခံရတတ်ရင်း
ကိုယ့်ကိုကိုယ်ယုံကြည်မှုကျတာ၊ ဘာလုပ်လုပ်မလွတ်မလပ်ဖြစ်တာကြုံရတတ်တယ်။
နောက်ဆက်တွဲအကျိုးဆက်ကတော့ သူတို့က ငါမို့လို့ပြောတာ၊ ငါ့မို့လို့လုပ်တာဆိုပြီး
တွေ့သမျှလူတွေကိုအသနားခံ၊ သူများမကောင်းကြောင်းစပြောတာတွေ
ကိုယ်တိုင်ဖြစ်လာတတ်ရင်း မကောင်းတဲ့လူဖြစ်လာပါလိမ့်မယ်။

စည်းကမ်းရှိတဲ့သူ၊ ကတိတည်တတ်တဲ့လူတွေကိုဆို ပတ်၀န်းကျင်က
ဘယ်လောက်ပဲမကြိုက်လို့မကောင်းပြောနေရင်နေမယ်
အလုပ်ဆိုသူနဲ့ပဲလုပ်ချင်တယ်၊ အလုပ်အပ်ချင်တယ်၊ ယုံကြည်တယ်။
ဒါကြောင့်မျက်စိတောက်ထောက်ကြည့်တာကင်းဝေးပြီး
အစွမ်းအစတွေကို ပြသနိုင်တဲ့အနေအထားမျိုးမြန်မြန်ရောက်ပါတယ်။
လေးစားခြင်းခံရသလို အလိုလိုချစ်ခင်ယုံကြည်အားကိုးခြင်းလဲခံရပါတယ်။
ဒါကြောင့် ဘာလုပ်လုပ်အလျင်အမြန်အောင်မြင်ပါတယ်။

ဒါမို့ စည်းကမ်းရှိဖို့က အိမ်က အမေအဖေတွေ၊ တိတိကျကျ အလိုမလိုက်ပဲဆုံးမရမယ့်အရာဖြစ်သလို၊ လူဆိုးအဖြစ်ခံပြီး ဆရာဆရာမတွေကလဲ ဆုံးမရ၊ ပုံသွင်းပေးရမယ့်အရာဖြစ်ပါတယ်။

ဒါတွေရှင်းပြရတာ ရှက်စရာကြီး၊ အခြေခံကျတဲ့ အကြောင်းအရာတွေဆိုပေမယ့် ဒီလိုစည်းကမ်းလေးတွေ လောကီရေးရာမှာ အခြေခံအားဖြင့်ရှိထားမှ… အစီအရင်သင်တန်း၊ တားရော့သင်တန်းတွေ တက်လို့ရမှာပါ။

မဟုတ်ရင် ဆရာကပေးနေပြီ၊ တပည့်ကလိုချင်သလိုလို မလိုချင်သလိုလို
ပညာကို Serious လုပ်သလိုလိုမလုပ်သလိုလိုနဲ့
ရသလိုမရသလိုလို
ပညာပေးတဲ့လူကော ပညာရဲ့သိက္ခာပါကျဆင်းပါတယ်။
ကိုယ့်ဘက်ကအားသွန်ခွန်စိုက် ပညာရအောင်သင်ပေးရင်တောင်
အဖြေကပြန်မလာ ၊ ဟုတ် တလုံးထဲနဲ့ ဆိုရင်တော့ လောကီပညာမှာအလုပ်မဖြစ်ပါဘူး

လောကီပညာက မသိစိတ်ကိုအခြေခံပြီး လေ့လာရတာ၊ ကိုယ်မကြိုက်တာတွေကို
ကျော်လွှားဖို့ ကိုယ်နဲ့ကိုယ်ကိုယ်တိုင် စိတ်စစ်ပွဲတွေနွှဲရတာကြောင့် အသေးစိတ်ဆန်ပြီး
ဆရာတပည့် ပွင့်လင်းဖို့၊ အတွေ့အကြုံတွေဝေမျှရင်း ပညာအတူတက်ဖို့
မကျွမ်းကျင်သေး (ထမင်းစားရေသောက် မဖြစ်ခင်) သေးရင်
စည်းကမ်းနဲ့ သတ်သတ်မှတ်မှတ်လေ့ကျင့်မှ ပညာစဉ်တက်ပါတယ်။
အမှန်တော့ ဒါက lifelong learning ဖြစ်တာကြောင့် ဂျက်ကိုယ်တိုင်လဲ
အပင်ပန်းခံလေ့ကျင့်တုန်းပါ။

မဟုတ်ရင် ငါက တန်ခိုးရှင်ဖြစ်ပြီ ကျွမ်းကျင်ပြီဆိုတဲ့
လမ်းမှားတွေ ရောက်သွားတတ်ပါတယ်။
ဒါတင်မကသေးပဲ ပတ်၀န်းကျင်ကိုဒုက္ခပေးတဲ့ ရမ်းဟော ရမ်းကု တွေဖြစ်လာတတ်တာကြောင့်

အနည်းဆုံးအချိန်တိကျမှုမရှိခြင်း၊
ပုံမှန်ထောက်ပြဝေဖန်မှု ကို အကြောင်းပြချက်တွေပေးပြီး
ငြင်းဆိုတတ်ခြင်း
လိုက်နာတက်ကြွမှုမရှိခြင်း
ပါ၀င်ဆွေးနွေးမှုမရှိခြင်း တို့

ပညာသင်တဲ့အခါဖြစ်လာခဲ့ရင်
ရသလောက်လူဆိုးအဖြစ်ခံပြီး ၁ပတ် တန်သည်ဖြစ်စေ
၂ ပတ်တန်သည်ဖြစ်စေ ပြုပြင်ပြောင်းလဲလို့မရရင်
ဂျက်ကတော့ အချိန်အကုန်မခံပါဘူး။

ကိုယ်တိုင်လဲ အခုထိ လက်နဲ့ စိတ်နဲ့ အလုပ်နဲ့ မပြတ်အောင် လုပ်နေသေးတာကြောင့်
ဒီလိုစည်းကမ်း သီလ ကောင်းကောင်းရှိတဲ့လူမှ
ထိပ်ဆုံးကိုအရောက်ပို့ပေးဖို့ အာမခံမှာပါ။

ဒါကြောင့် ပညာကော ကိုယ်တိုင်က ဆရာကောလုပ်တဲ့အချိန်
နာမည်မပျက်ရအောင် လောကကို အကျိုးပြုနိုင်အောင် ကြိုးစားနေတဲ့လူမို့
ကောင်းမွန်သော quality စည်းကမ်းရှိတဲ့ တပည့်တွေကိုသာ
လက်ခံပါတယ်။ ပိုက်ဆံကပြန်ရှာလို့ရတယ်။

ဒီတော့ စည်းကမ်းမရှိတဲ့လူတွေဆို ပိုက်ဆံဘယ်လောက်ပုံပေးပေး
မရှိလဲရပါတယ်။ ရှိတဲ့လူဆိုရင်တော့ လက်ညှိုးညွှန်ရာရေဖြစ်အောင် ပံ့ပိုးပေးဖို့
ဂျက်ရဲ့တာ၀န်ထားပါ။
ဒီလိုတပည့်မျိုးကတော့ အသက်ပေးဖို့လဲအဆင်သင့်ပါ။
ဒါက ပညာအပေါ်ရှိတဲ့သစ္စာတရားပါပဲ။

29/04/2026

အခုလာမယ့် May 1
full moon in Scorpio မှာဘာတွေလုပ်ဆောင်သင့်လဲ?

စကော်ရာသီနဲ့တိုက်ရိုက်သက်ဆိုင်တဲ့ သေဆုံးပြီး တဖန်ပြန်လည်မွေးဖွားလာခြင်းအဓိပ္ပာယ်ကိုဆောင်တဲ့အရာမှန်သမျှပြုလုပ်လို့ရပါတယ်။

ဒါပေမယ့် အဟောင်းတွေကိုစွန့်ပစ်တဲ့ နာကျင်မှုတစ်ခုကိုတော့ပေးဆပ်မှ ကောင်းမွန်တဲ့အသစ်တွေလာမှာပါ။ ဒါကြောင့် ဂျက်ရေ full moon energy ကိုယူပြီးဘာတွေလုပ်ဆောင်ရမလဲလို့မေးရင် -

အဟောင်းတွေစွန့်ပစ်တဲ့ ritual ဖြစ်တဲ့ မကောင်းတဲ့၊ မကြိုက်တဲ့အကျင့်တွေကို စာရွက်တရွက်ထဲရေးချပြီး စူးရှတဲ့အနံ့တွေရှိတဲ့ rosemary, ရှောက်၊ သံပုရာခွံတွေနဲ့ စပါးလင်တို့နဲ့ရောထွေးထားပြီး မီးရှို့ခြင်း။

မကြိုက်တဲ့ပစ္စည်းတွေ၊ မလိုအပ်တဲ့အ၀တ်တို့ပစ္စည်းတို့ကို ပေးပစ်ဖို့ ရည်ရွယ်ပြီးစွန့်ပစ်ခြင်းတို့အရင်ပြုလုပ်ရပါလိမ့်မယ်။

ပြောင်းလဲခြင်းတိုင်းက ပင်ပန်းတာ၊ energy ပြင်းတာတွေကြောင့် ကျောက်စိမ်း၊ အနက်ရောင်ကျောက်တွေကိုဆောင်ထားပြီး အသစ်အသစ်တွေကို စီမံပြီး ယတြာချေလို့ရပါပြီ။

မြန်မာ့ရိုးရာပဲဖြစ်ဖြစ် နိုင်ငံခြားရိုးရာဖြစ်ဖြစ် နှစ်သက်ရာ ritual နဲ့ယတြာချေနိုင်သလို လပြည့်နေ့ ritual အနေနဲ့ -

စီးပွားရေးတိုးတက်စေဖို့ - ပျားရည်၊ သကြား၊ ဖယောင်းတိုင် လိ‌‌ ‌မ္မော် သို့မဟုတ်အဝါ၊ ချိုချဉ်များ နှင်းဆီပန်း အဝါရောင်တို့ကို သုံးပြီး ၄ ဂဏန်း သို့မဟုတ် ၂ ဂဏန်းကိုယူပြီး ဉပမာ - နှစ်ချောင်းစီ ၊နှစ်ဇွန်းစီနဲ့ customize ယတြာတွေပြုလုပ်လို့ရပါတယ်။

အရည်တွေကို ဖယောင်းတိုင်ပေါ်သုတ်လိမ်းပြီး မီးရှို့ ရင်း ဖယောင်းတိုင်ကြည့်ရင်း ဖြစ်လိုတဲ့ဆန္ဒကို တစ်ကြောင်းထဲ အခါခါရွတ်ဖတ်ရင်း
ဆုတောင်းပါ။

အချစ်ရေးအတွက် - ၆ ဂဏန်းကိုသုံးပြီး အဲ့ပါ၀င်ပစ္စည်းတွေနဲ့ ပဲ အနီရောင် (ဆန္ဒပြင်းပြမှုနဲ့ စွဲလမ်းမှု) ဖယောင်းတိုင်၊ နားလည်မှု ကြင်နာမှု ချစ်ခင်ကြည်နူးမှုနဲ့ ဆိုင်တဲ့ ပန်းရောင် ဖယောင်းတိုင် ကိုသုံးပြီး အထက်ပါပုံစံအတိုင်းရွတ်ဖတ်ပေးပါ။

ဆုတောင်းတဲ့အခါ “ပါစေ” လို့ မရွတ်ပဲ…
ဉပမာ- “ငါအိမ်တစ်လုံးပိုင်ဆိုင်ရပြီ” ဆိုတဲ့ “ရပြီ” “ရနေပြီ” ဆိုတဲ့ စာကြောင်းနဲ့ရွတ်ဆိုပေးရပါမယ်။

ဒါဆို လွယ်ကူရိုးရှင်းတဲ့ အနောက်တိုင်းယတြာလေးရပါပြီ။
ခံစားချက်တွေပြင်းထန်လာတာ၊ အရှိန်တွေရလာတာခံစားမိနေရင် သိပ်မကြာပါဘူးအလုပ်ဖြစ်ပါပြီ…

Ritual တွေလုပ်ပြီးတဲ့အခါမှာ result ကို စောင့်ကြည့်နေတာမရှိပဲ လုံး၀မေ့လိုက်တာမျိုးဆို ပိုအစွမ်းထက်ပါတယ်နော်။

အားလုံးအဆင်ပြေကြပါစေ။ အောင်မြင်ကြပါစေ။

27/04/2026

တားရော့ဖတ်ရင် ဖတ်တဲ့လူက ပညာစဉ်တက်တယ်၊ အဖတ်ခံရသူက ပါရမီဖြည့်ဘက်ဖြစ်သလို အနာဂတ်ကိုသိရတဲ့ အကျိုးကျေးဇူးတွေလဲအများကြီးရှိပါတယ်။

ဖတ်သူနဲ့ဟောသူဆိုတာ အတူတွဲပြီးအလုပ်လုပ်ကြရတဲ့သူတွေပါ။ ကံကြမ္မာတစ်ခုကို တစ်ယောက်က information အတိအကျပေးတယ်။ နောက်တစ်ယောက်က ဒီ data တွေကိုယူပြီး အနာဂတ်ကို တားရော့ကဒ်နဲ့ချိတ်ဆက်ဟောပြောပေးတယ်။ အသွားအပြန်ကောင်းရင် အဖြေက ကောင်းကောင်းထွက်ပြီး သိပ်မကောင်းရင် အဖြေတွေ မမှားရင်တောင် ကောင်းကောင်းမထွက်တာအမှန်ပါ။

ဖတ်သူနဲ့ဟောသူ အပေးအယူမျှရင် နှစ်ယောက်လုံးအရသာတွေ့တယ်။
နှစ်ယောက်လုံးပျော်ရွှင်စွာအဟော ပိတ်သိမ်းရတယ်။
ကျေနပ်စိတ်ဖြစ်ရတယ်။

ကိုယ်နဲ့ကိုက်မယ့်အဟောဆရာကလဲရှားတတ်တယ်။ အနာဂတ်ရဲ့ လူမှန်လိုပဲရှားတယ်။ ဒါကြောင့် ဂျက်တို့လို လောကီဆရာတွေလဲ client ကောင်းတွေကိုလက်မလွှတ်ချင်သလို၊ client ကောင်းတွေကလဲ တားရော့ဆရာကောင်းရပြီဆိုရင်ပြေးဖမ်းဆွဲတတ်ကြ၊ တားရော့ကိုတမ်းတမ်းစွဲလာကြတာသဘာ၀ပါ။

အမှန်က တားရော့သည် ကြားခံနယ်ပစ္စည်းတစ်ခုဖြစ်တာကြောင့် တားရော့စွဲလမ်းတယ်ပြောရင်မှားပါတယ်။ အဲ့ တားရော့ဆရာနဲ့ ဖတ်ရတာကို သဘောကျတာ၊ စွဲလမ်းတယ်ဆိုရင်ပိုမှန်မယ်။

ဒီလိုစွဲလမ်းတဲ့အဆင့်ရောက်ရင် ငွေကြေးဆိုတာ မပြောပလောက်တော့ဘူး။
အလဲအလှယ်ပစ္စည်း ၊ ကျေးဇူးတင်လို့ပေးတဲ့ပစ္စည်းသာဖြစ်သွားပြီ။

တားရော့ဆရာတွေဘက်က ငွေကြေးကိုဘယ်လိုသတ်မှတ်လဲ?
ရှင်းပါတယ်။ ငါ clients ဘယ်လိုလူမျိုးတွေကိုကယ်ချင်လဲ?

ငွေသိပ်မရှိတဲ့လူတန်းစားလား? ၊ သူဠေးတွေလား?
ဂျက်ကတော့ အမြဲကြိုးစားနေပေမယ့် အရာမရောက်တဲ့၊ လမ်းပျောက်နေတဲ့ ငွေအတော်အတန် ပုံမှန်ရှိတဲ့လူလတ်ပိုင်းတွေပါ။ အိပ်မက်တွေ မျှော်လင့်ချက်တွေဆီရောက်အောင် စကားလေးတစ်ခွန်းနဲ့တင် ကူညီရာရောက်သလောက် တွန်းတင်ပေးချင်တယ်။ စိတ်အားပေးချင်တယ်။
လမ်းတ၀က်မှာမရပ်နေပဲ လမ်းမှန်ပေါ်ရောက်အောင် တင်ပေးချင်တယ်။ စိတ်ထားကောင်းပြီး၊ သီလတည်ပြီး ဖြစ်မြောက်မယ့်လူတွေကို တကယ်အမြန်ရအောင် မှော်ပညာနဲ့ လုပ်ပေးလိုတယ်။

တဖက်မှာလဲတားရော့ဆရာရှာမရ ရွာလည်နေပြီး၊ review တွေဘယ်လောက်ကောင်းကောင်းမယုံကြသူတွေ (ဂျက်လို တကယ်မြင်ရမှယုံမယ်ဆိုတဲ့လူတွေ) အတွက်လဲ တားရော့ရဲ့ ဉာဏ်ပညာအမွေအနှစ်တွေကို ကိုယ့်လမ်းကြောင်းနဲ့ ချိန်ထိုးပြီး အတွေ့အကြုံတွေရအောင် ကိုယ်ကိုယ်တိုင်ဟောတတ်ဖို့သင်ပေးပါတယ်။

ဒါကြောင့် တားရော့ကို စမ်းလို့ရလား၊ စမ်းလို့ရပါတယ်။ ငရဲမကြီးပါဘူး။ ကိုင်လိုက်ပါ။ ပြီးရင် ခံစားကြည့်ပါ။ ပျင်းစရာကောင်းတဲ့ စာ၊အလုပ်တွေကနေဖောက်ထွက်ပြီးနောက် ဘယ်လောက်တောင် လှပတဲ့တခြားကမ္ဘာငယ်လေးတစ်ခုရှိကြောင်းပေါ့။ ဒါပေမယ့် အပေးအယူမျှအောင်….

24/04/2026

Glamour Magic ရဲ့အသုံး၀င်ပုံများ
လူတော်တော်များများကြားဖူးပေမယ့် တကယ်သင်တန်းတက်တော့မယ့်အခါ ကိုယ်ဘာလိုချင်လဲဆိုတာကိုသိဖို့ ရေးလိုက်ပါတယ်။ Glamour magic ကိုတတ်တဲ့အခါဘာအကျိုးကျေးဇူးတွေရနိုင်သလဲ?

အလှအပနဲ့အချစ်ရေးဆိုတာတူမလိုနဲ့မတူတဲ့နယ်ပယ်တွေဖြစ်ပါတယ်။ အချစ်ရေးက လူတစ်ယောက်နဲ့နီးစပ်စေဖို့ သူနဲ့ယူဖို့ လမ်းခရီးဖြောင့်ဖြူးဖို့စတဲ့ လူတစ်ယောက်အပေါ်အခြေခံသလို တွဲဖူးတဲ့လူတွေရဲ့ energy တွေမကပ်အောင် စတဲ့ အစီအရင်တွေပြုလုပ်ခြင်းဖြစ်ပြီး အလှအပကတော့ လူအုပ်ကြီးကြားထဲ ထင်းထွက်နေအောင် ကြည့်တဲ့မျက်စိတွေအပေါ် လှပခြင်း၊ ကြည်နူးခြင်း ၊ ကဗျာဆန်ခြင်း၊ စိတ်ပိုင်းဆိုင်ရာအထောက်အပံ့ကို အမူအယာတွေနဲ့ဖြစ်ဖြစ် သာယာစေရင်း ရသတစ်ခုခုနဲ့ လွှမ်းမိုးခြင်းကိုဆိုလိုတာပါ။

ဉပမာ - ဆိုင်တစ်ဆိုင်ကို ကိုယ်ကသွားတယ်၊ ဆိုင်ရှင်ဆက်ဆံတာကိုသိပ်သဘောမတွေ့ဘူး၊ သူတို့ပစ္စည်းတွေက သာမန်ပုံစံ ပုံမှန်ဈေးပဲ။ တခါတခါဆိုဈေးပိုကြီးရင်ကြီးနေမယ်
ဒါပေမယ့် အိမ်ပြန်ရောက်လို့သူ့ပစ္စည်းကိုသုံးကြည့်တဲ့အခါ တမျိုးလေး အရသာတွေ့နေတယ်၊ တစ်ခုခုလိုချင်ရင်အဲ့ဆိုင်ပဲပြန်သွားချင်တယ်။ ဒါဆို သူ Glamour magic ကို ကိုယ်မသိခင်မှာသုံးထားတာမျိုး၊ သူ့ဆိုင်မှာ၊ logo မှာ အင်းတွေဆွဲထားတာမျိုးဖြစ်နိုင်တယ်။

ဒါကြောင့် glamour magic ကိုခြုံငုံပြိးကြည့်ရင် အာရုံငါးပါးနဲ့ စွဲလမ်းစေခြင်း ဖြစ်ပါတယ်။
ဒါပေမယ့် ဘယ်အရာပဲဖြစ်ဖြစ် မိမိကိုယ်တိုင်က အစပြုတာဖြစ်တာကြောင့် ကိုယ်ကိုယ်တိုင်ချစ်ခြင်း၊ စွဲလမ်းခြင်း၊ အရသာတွေ့ခြင်း ကိုယ့်ကိုကိုယ်ဂရုစိုက်ခြင်းတို့ကို နားလည်မှရပါမယ်။

ဒါကြောင့် Glamour Magic မှာ

၁။ မိမိကိုယ်ကိုချစ်စေခြင်းနှင့် ယုံကြည်မှုရှိစေခြင်း အစီအရင် နဲ့ ကိုယ်ဘယ်လောက်တောက်ပတယ်၊ လှတယ်ဆိုတာကို သိစေခြင်း။

၂။ အခြားသူတွေရဲ့မျက်လုံးထဲ ကိုယ်ကမြင်စေချင်တဲ့ပုံစံကိုပုံသွင်းခြင်း (ဉပမာ - ပိုဆွဲဆောင်မှုရှိတာမျိုး၊ တစ်ချို့အပေါ်ကျ ပိုချစ်ဖို့ကောင်းနေတာမျိုး၊ စီးပွားရေးလောကမှာဆို ကိုယ့်ကိုပဲသူများက ယုံကြည်ပြီးရွေးတာ နှစ်သက်သဘောကျတာဖြစ်အောင်၊ ပိုပိုပြီး personal branding ကောင်းစေရင်း ရောင်းအားတက်အောင်လုပ်တာမျိုး)

၃။ စွမ်းအင်ထိန်းချုပ်ခြင်း - အရမ်းအာဏာပြတဲ့လူကို ယဉ်ပါးစေခြင်း၊ vibe တစ်ခုခုကို လိုတဲ့အချိန်ထုတ်ပြပြီး ပွဲတွေမှာ ကိုယ်က main character ဖြစ်စေခြင်းနဲ့ ရုတ်ရုတ်သဲသဲဖြစ်ခြင်းကို ထိန်းပေးခြင်း။

၄။ ဒီလိုစွမ်းအင်တွေကို skin care, ကိုယ့်အသုံးအဆောင်၊ အိမ်အလုပ်တွေထဲထည့်ပြီး နေ့စဉ်လေ့ကျင့်ခြင်းအားဖြင့် စွမ်းအားကြီးမားစေခြင်း၊ မြှင့်တင်ခြင်း။

၅။ ကိုယ်ဖျောက်ခြင်း - ဒါကတော့အမြင်လှည့်စားမှုတစ်ခုထဲကဖြစ်ပြီး ကိုယ်က တစ်ခုခုလုပ်ရင်တောင်သူများက ကိုယ့်ကို မမြင်အောင်ကျော်သွားတာမျိုးဖြစ်ပါတယ်။ တချို့ ရာဇ၀တ်မှုကျူးလွန်တဲ့လူတွေအသုံးများကြပါတယ်။ ဒါပေမယ့် ကိုယ့်အတွက် အဲ့လောက်မကြိးပေမယ့် လိုအပ်ရင်အပ်သလို စမ်းသပ်နိုင်ပါတယ်။

ဒါတွေကို
မှန်နှင့်လေ့ကျင့်ခြင်း
အလှအပနှင့် skin care မှာလေ့ကျင့်ခြင်း
မြင့်မြတ်သောရေချိုးခြင်း အစီအရင်လုပ်ခြင်း
အရောင်မှော်ပညာကိုသုံးရင်း ဖက်ရှင်နှင့်အတူ ထည့်သွင်းလေ့ကျင့်ခြင်း
ရေမွှေးနှင့် ရနံ့ဆီတွေထဲ ပေါင်းစပ်လေ့ကျင့်ခြင်း
ဖယောင်းတိုင်နှင့် အစီအရင်လုပ်ခြင်း
တရားထိုင်ခြင်းဖြင့် ကိုယ်ရောင်ကိုယ်ဝါမြှင့်တင်ခြင်း တို့ကို ဂျက်မှာလေ့ကျင့်ပေးပြီး လိုရာပန်းတိုင်ကို ရောက်စေအောင် train ပေးပါတယ်။

ဒါကြောင့် ဒီစွမ်းအင်ကိုလိုချင်တဲ့သူတိုင်း၊ သူများအတွက်စီရင်ပေးလိုသူတိုင်းက ဂျွန်လအထိ ဂျက်မှာဈေးမတက်ခင် သင်တန်းအပ်နှံနိုင်ပါပြီ။

အကာအကွယ် + Glamour magic = 2 သိန်း ခွဲကျပ်
Pin post က QR မှာ အပ်နှံနိုင်ပါတယ်။

23/04/2026

မှော်ပညာဆိုတာလူတိုင်းအတွက်မဟုတ်သလို လူတိုင်းမလုပ်နိုင်ဘူးလို့ ဂျက် စိန်ခေါ်ရဲပါတယ်။

ဘာလို့လဲဆိုရင် ဘာမှမရှိတာကိုအရှိဖြစ်အောင်လုပ်ယူရတယ်၊ ယုတ္တိထဲဖော်ပြချက်မရှိ၊ သိပ္ပံနဲ့လဲ တိုက်ရိုက်မဆက်ဆိုင်တာကြောင့် အစကနေအဆုံးထိဖန်တီးရတဲ့ project လေးတွေကတဆင့် ကိုယ့်ဘ၀ကိုယ်ပါ အဆင့်အဆင့်အကောင်းဆုံးပုံစံဖြစ်အောင် တစိုက်မတ်မတ် လေ့လာလေ့ကျင့်ရတာကြောင့် ဘယ်သူမှ စီးပွားရှာတာလောက်ရင်ခုန်မယ်မထင်ပါဘူး။
ဒါပေမယ့် ဒီလမ်းကိုလိုက်တာနဲ့ ရင်ဆိုင်ဖြတ်သန်းရတာများသလို ဆုလာဘ်တွေကလဲ အလွန်များပါတယ်။

လူတိုင်းက အတ္တနဲ့ မာနနဲ့လူလုပ်နေကြတာ၊ ကိုယ့်ကိုကိုယ်ပုံသွင်းရင်း ဘ၀ခရီးလမ်းကိုဆက်ကြတာပါ။

ဒါပေမယ့်မှော်ပညာမှာက အဲ့တာတွေရဲ့ဆန့်ကျင်ဘက်ဖြစ်တဲ့ ကိုယ့်အတွင်းစိတ်၊ အတ္တ၊ မကောင်းကွက်တွေအားလုံးကို တစချင်းစီပြန် မှန်ပြောင်းနဲ့ကြည့်သလို ကြည့်ရပါတယ်။ ဒါမှ ဘက်လိုက်မှုမရှိပဲ ကိုယ့်ပုံစံအစစ်ကိုမြင်ပြီး ကိုယ့်စိတ်ကိုကိုယ်ပိုင်မှာ၊ ပိုင်မှ အစီအရင်တွေ၊ ဟောကိန်းတွေမှန်မှာပါ။

ကိုယ့်ရဲ့ အတ္တ၊ ကြောက်ရွံ့မှု၊ မနာလိုမှုစတဲ့ အမှောင်စိတ်တွေကို သေချာကြည့်ရင်း ကိုယ့်ကိုကိုယ် လိုတာဖြည့်တဲ့အခါ ရှက်စိတ်နဲ့ စိတ်ပိုင်းဆိုင်ရာနာကျင်မှုက အရမ်းပြင်းထန်ပါတယ်။

ဒီလိုကြည့်ခြင်းကို Shadow work လို့လဲခေါ်ပါတယ်။

ဒီ Shadow work လုပ်ရင် ကိုယ်သတ်မှတ်ထားတဲ့ ကောင်းတယ်လို့ထင်ရတာတွေ၊ အထင်ကြီးမှုတွေ၊ တန်ဖိုးထားတဲ့ယုံကြည်ချက်တွေအားလုံးကို စွန့်လွှတ်ရပါတယ်။ ဒါကြောင့် စိတ်ထဲ “ဗလာ” ဖြစ်သွားပြိး နောက်ဆက်တွဲ အထီးကျန်ရင်း အများကြားထဲက တစ်ယောက်ပြန်ဖြစ်ပြီး စိတ်ဓာတ်ကျပါတယ်။

နောက်တစ်ခုက ကိုယ်ပိုင်ဝေဖန်ပိုင်းခြားနိုင်စွမ်းဆိုတဲ့ သူမတူတဲ့ skill ကြောင့်လဲ ပင်ပန်းရတတ်ပါတယ်။ ကိုယ်ကြုံရတဲ့ ထူးခြားဆန်းပြားတဲ့ဖြစ်ရပ်တွေက တကယ့် စွမ်းအင်တွေလား၊ ဒါမှမဟုတ် Shadow work သေချာမကျေလို့တွေ့ရတတ်တဲ့ ကိုယ့်စိတ်ကပဲ စွမ်းအားတွေလိုချင်ဇောနဲ့ ဖန်တီးလိုက်တဲ့ ထင်ယောင်ထင်မှားတွေလား ပိုင်းခြားတတ်ရပါလိမ့်မယ်။ မဟုတ်ရင် manifestation တွေတကယ်မဖြစ်လာပဲ စိတ်ကူးယဉ်ကမ္ဘာထဲမှာပဲ မွေ့လျော်နေတာမျိုးဖြစ်တတ်ပါတယ်။

နောက်ဆုံးနဲ့အခက်ဆုံးကတော့ မှော်ပညာလေ့လာမှုမှာ ကိုယ်ပိုင်စည်းကမ်းရှိမှုလိုအပ်ပါတယ်။
စည်းကမ်းဆိုတာ သီလပါပဲ။

ပျင်းစရာကောင်းတဲ့ တရားတွေထိုင်ရတာ၊
စာအုပ်တွေအများကြီးကို အချိန်တွေအများကြီးပေးပြီးလေ့လာရတာ
အခြေအနေတစ်ခုကြောင့် စိတ်တိုသွားတာမျိုးဆိုရင် စောင့်ကြည့်သူအဖြစ်နေနိုင်ဖို့ ခံစားချက်နောက်မလိုက်သွားဖို့ စိတ်စွမ်းအားတွေလိုအပ်ပြန်ပါတယ်။

ဒီလိုအားဖြင့် စွမ်းအင်တွေ မဖိတ်စင်သွားအောင်ထိန်းသိမ်းနိုင်တာဖြစ်တယ်။
ဒါ့အပြင် မသိတာကိုသိဟန်ဆောင်ပြီးလျှောက်မပြောတာ၊ ဖြတ်လမ်းတွေမလိုက်တာနဲ့ လေ့ကျင့်ခန်းတွေကို ကျော်မတက်ပဲ အဆင့်ဆင့်သေချာတက်လှမ်းတာတွေက ကိုယ့်မှော် စွမ်းအင်ကိုတက်စေတဲ့ သီလတွေပါ။

ဒါကြောင့် တားရော့ဆရာဖြစ်တိုင်းလောကီဆရာဖြစ်တိုင်း ဒဲ့ယုံလို့မရပါဘူး။ သီလသမာဓိကို အဓိကကြည့်ပြီး ဆရာရွေးဖို့တိုက်တွန်းသလို လောကီဆရာဖြစ်ချင်တဲ့သူတိုင်းအတွက်လဲ ကျင့်စဉ်နဲ့တကွ တားရော့သင်တန်းများဖွင့်လှစ်လျှက်ရှိပါကြောင်း။ Profile က အင်းကွက်ပုံပါ pin post မှတဆင့် စုံစမ်းနိုင်ကြောင်း။

21/04/2026

တားရော့သင်တန်းနှင့်ဆက်လျဉ်းပြီး အမေးများလာလို့ တိုတိုနဲ့လိုရင်း ဖြေပေးလိုက်ပါတယ်။

၁, Rider Waite System ကိုပဲသုံးပါတယ်။ သင်တန်းပြီးလို့ကျွမ်းကျင်မှအထုတ်သစ် ဝိုင်းရွေးပေးပါတယ်။

၂. အလိုလိုသိစိတ်နဲ့ တားရော့နိမိတ်ရုပ်ပုံတွေ ချိတ်ဆက်ဖို့ စာတော့ကြည့်ရပါမယ်။
ဘာမှမသိရင် ဘာမှချိတ်စရာမရှိတာကြောင့်ပါ။

၃. ဒါပေမယ့်မပူပါနဲ့ စာဝိုင်းမှတ်ပေးပါတယ်။

၄. တားရော့ထိန်းသိမ်းနည်း၊ သန့်စင်နည်း၊ အလိုလိုသိစိတ်နှင့်ချိတ်ဆက်နည်း၊ အဓိပ္ပာယ်ကောက်နည်းအတိအကျကို လက်တွေ့ ဟောပြောရင်းသင်ခြင်း၊ ဟောပြောစေခြင်းဖြင့် ကိုယ့်ကိုကိုယ်ယုံကြည်မှုရှိအောင်မြှင့်တင်ပေးပါတယ်။

၅. သင်တန်းသားတစ်ဉီးစီရဲ့ အားသာချက်အားနည်းချက်များကို မှတ်သားထားပြီး ပြုပြင်စရာရှီပြုပြင်ပေးခြင်း၊ တိုးမြှင့်စရာရှိတိုးမြှင့်ပေးခြင်းပြုလုပ်ပါတယ်။

၆. နိမိတ်ကောက်တဲ့အခါ မသိစိတ်ရဲ့ဘက်လိုက်မှုမရှိစေဖို့၊ စိတ်တည်ငြိမ်ဖို့၊ တားရော့ဖတ်ရင် စိတ် ပင်ပန်းဒဏ်ကာကွယ်ဖို့အကုန် သင်ပေးပါတယ်။

၇. နောက်အဆင့်တွေမှာတော့ တားရော့နဲ့အတူ ယတြာချေခြင်း၊ အစီအရင်ပြုလုပ်ခြင်းတို့ကို သင်ပေးပါတယ်။

၈. မေဂျာ ကော minor ကောပါပါတယ်။
သင်တန်းကိုတော့ တက်တက်ကြွကြွတက်ပေးရပါမယ်။ တက်ကြွစွာတက်ရောက်ပြီး မတတ်မြောက်ဘူးထင်ရင် သုံးလနေရင် ငွေပြန်အမ်းပါမယ်။

၉. ဖြည်းဖြည်းဆီသွားတာမို့ ဉာဏ်ရည်ပေါ်လိုက်ပြီး ၅ လ ခြောက်လ ကြာတတ်ပါတယ်။ ဒါပေမယ့် အတတ်ပါ။ မတတ်ရင်အပြင်မှာ မဟောခိုင်းသေးပါဘူး

၁၀. Client အမျိုးအစားပေါ်မူတည်ပြီး ကွဲပြားတဲ့ဟောကြားနည်းများ၊ လူပေါ်လိုက်ပြီးစကားပြောပုံများ
မေးခွန်းကိုချဉ်းကပ်နည်းများ ၊ မေးခွန်းကောက်နည်းများ

၁၁. အလိုလိုသိစိတ်အစွမ်းထက်စေသည့်လေ့ကျင့်ခန်းများ၊ တရားထိုင်နည်းများ ပါ၀င်ပါတယ်။
တားရော့နိမိတ်ကောက်တတ်လျှင် အိပ်မက်နိမိတ်များပါ ကောက်တတ်သည်အထိ ကျွမ်းကျင်ပါလိမ့်မယ်။

၁၂. အရေးကြီးဆုံးမှာ အနောက်တိုင်း တားရော့ဖြစ်တာကြောင့် ဘာသာမရွေးတက်ရောက်နိုင်ပါတယ်။ ဒါ့အပြင် အယူအစွဲကင်းပါတယ်။ result oriented (ရလာဒ်ဉီးစားပေး) ဖြစ်တာကြောင့် ပိုပြီးတိတိကျကျဟောနိုင်လေလေ ပိုကောင်းလေပါ။

၁၃.နောက်ဆုံးအနေနဲ့ သင်ကြားပေးမယ့် ဂျက်က နိုင်ငံတကာ အသိအမှတ်ပြု Certificate ရရှိပြီးသားအတွေ့အကြုံ ငါးနှစ်ရှိ လောကီဆရာ၊ တားရော့ဆရာဖြစ်ပါတယ်။

သင်တန်းကြေး - ၂ သိန်း
သင်မည့်နေရာ - Telegram live chat
အချိန် - ည ၁၀ မှ ၁၀ခွဲ

J1H Witchcraft Training

21/05/2026

18/05/2026

15/05/2026

13/05/2026

11/05/2026

07/05/2026

29/04/2026

27/04/2026

24/04/2026

23/04/2026

21/04/2026

Address

Telephone

Website

Alerts

Contact The Practice

Shortcuts

Share

Category