28/09/2026
💉World Rabies Day (ကမ္ဘာ့ခွေးရူးပြန်ရောဂါနေ့) ကို နှစ်စဉ် စက်တင်ဘာလ ၂၈ ရက်နေ့မှာ ကျင်းပပြီး ခွေးရူးပြန်ရောဂါ (Rabies) အကြောင်း အသိပညာပေးခြင်းနဲ့ ကာကွယ်ခြင်း၏ အရေးကြီးပါမှု မြှင့်တင်ပေးတဲ့နေ့ ဖြစ်ပါတယ်။
🩺Rabies (ခွေးရူးပြန်ရောဂါ) ဟာ တိရစ္ဆာန်ကနေ လူကို ကူးစက်နိုင်တဲ့ ပြင်းထန်သောရောဂါတစ်ခုဖြစ်ပြီး အသက်အန္တရာယ် ထိခိုက်နိုင်ခြေဟာလည်း အလွန်မြင့်မားပါတယ်။ ဒါကြောင့် ခွေး၊ ကြောင် စတဲ့ တိရစ္ဆာန်တွေ ကိုက်ခြင်း၊ ခြစ်ခြင်း သို့မဟုတ် တံတွေးများနဲ့ထိတွေ့ခြင်း ဖြစ်ခဲ့ရင်—
⚠️ ထိခိုက်ထားတဲ့နေရာကို ဆပ်ပြာနဲ့ ရေများများအသုံးပြုပြီး ချက်ချင်းဆေးကြောပါ။
⚠️ အနာကို ကိုယ်တိုင် ဆေးမြီးတိုနဲ့ ကုသတာမျိုး မလုပ်ပါနဲ့။
⚠️ ကျွမ်းကျင် ဆရာဝန်များထံ အမြန်ဆုံးသွားရောက်ပြီး Rabies (ခွေးရူးပြန်ရောဂါ) ကာကွယ်ဆေးထိုးနှံခြင်း နှင့် လိုအပ်တဲ့ ကုသမှုများအတွက် တိုင်ပင် ဆွေးနွေးပါ။
✨Rabies (ခွေးရူးပြန်ရောဂါ) ဟာ ကုသလို့မရတဲ့ရောဂါ ဖြစ်တာကြောင့် ကြိုတင်ကာကွယ်ခြင်းက ပိုအရေးကြီးပါတယ်။ အိမ်မွေးတိရစ္ဆာန်များကိုလည်း သတ်မှတ်ထားတဲ့ အချိန်အတိုင်းအတာအတိုင်း ကာကွယ်ဆေးထိုးပေးထားသင့်ပါတယ်။
🔰Dagon Medicare Hospital တွင် ခွေး၊ ကြောင် စတဲ့ တိရစ္ဆာန်တွေ ကိုက်ခြင်း၊ ခြစ်ခြင်းများအတွက် ကာကွယ်ဆေးထိုးနှံခြင်းနှင့် ပတ်သက်သည့် ကျန်းမာရေးဆိုင်ရာ လိုအပ်ချက်များအတွက် ကျွမ်းကျင်ဆရာဝန်များနဲ့ တိုင်ပင်ဆွေးနွေးနိုင်ပါတယ်။
#ဒဂုံအထွေထွေရောဂါကုဆေးရုံကြီး #မြောက်ဒဂုံမြို့နယ်
