12/06/2026
Lindja është një nga momentet më të rëndësishme të jetës së një gruaje, dhe mënyra si kalohet ai moment ndikon thellë në kujtesën e saj. Anestezia epidurale është zgjedhja që i jep nënës kontrollin mbi këtë eksperiencë.
Epiduralja nuk është shenjë e dobësisë, as mungesë durimi. Është një vendim mjekësor i informuar që e bëjnë miliona gra çdo vit në të gjithë botën dhe që ka ndryshuar pozitivisht eksperiencën e lindjes për breza të tërë.
Si funksionon konkretisht: anestezisti fut një kateter shumë të hollë në hapësirën epidurale të shpinës. Përmes tij administrohen ilaçe që bllokojnë transmetimin e sinjaleve të dhimbjes nga beli poshtë, duke e lënë nënën plotësisht të vetëdijshme, në gjendje të komunikojë, të përqendrohet dhe të ndiejë çdo moment të lindjes, vetëm pa dhimbjen.
Efekti fillon brenda 10-20 minutash dhe mund të rregullohet gjatë gjithë procesit sipas nevojës. Nëse gjatë lindjes lind nevoja për seksio çezariane, kateteri epidural tashmë është në vend dhe ndërhyrja mund të bëhet menjëherë.
Studimet e shumta klinike konfirmojnë se epiduralja është e sigurt për nënën dhe për fëmijën, dhe nuk ndikon negativisht në procesin natyral të lindjes kur menaxhohet nga një ekip me përvojë.
Ekipi i Spitalit Lindja është gati të diskutojë me ju këtë opsion gjatë vizitës suaj prenatale.
Spitali Lindja
049 999 923 | Veternik – Prishtinë
www.spitali-lindja.com
